Rawngbawltu inti tam tak te hian rawng kan bawl dan hi kan chhut ngai em? Kristian kan ni a, eng kohhranah pawh awm ila, lo sual ve viau thin pawh ni ila, piangthar tawh kan nih chuan kan suahsualnate avanga inchhira Pathian lam hawi leh hun te a awm thin a. Tin, la piangthar ngai miah lo te pawh, Gospel Camping, etc. ah te kan lut ve a, kan lo pianthar hian Pathian rawng chauh bawl duh na thinlung te kan nei a, hei hi a tha hle a ni.
Tichuan kan tawngtainaahte pawh Lalpa i rawng chauh bawl turin ka rawn inhlan e, i tan chauh ka nung tawh ang, i rawngbawl turin min pui ang che ti ten kan tawngtai fo thin a. Biak inahte inkhawm kan taima chho va, kohhran leh thalai pawl angah te pawh kan han inhmang chho ve tan a. Khua a lo rei zela, hotute duhsakna avangin nihna/chanvo eng engemaw te kan han chelh chho ve a. Rawngbawlna chanvo engemaw kan neih dawn te hian Pathian hnenah kan kawltir thlap a, tichuan a rawng chu bawl ve niin kan in ngai a, kan hlim ve thin viau a ni.
Rawngbawltu, chawhpawlh nun nei, inkhawm active em em, sual tih tur remchang a awm huna ti hreh chuang lo lampang sawi ka tum lem lo va. Ka sawi duh tak zawk erawh chu Pathian rawng kan bawl ve na ah hian Pathian duh dan leh Pathian lawm tlakin rawng kan bawl em? Kan rawngbawlna khan rah chhuak a nei em? tih lai tak hi a ni.
Johana 15:16-ah chuan, “Nangnin min thlang lo, keiman ka thlang zawk che u a, va rah tur leh in rah awm reng turin ka ruat bawk a che u;…” a ti a. He bible chang atang pawha chiang taka kan han hriat theih leh hmuh theih chu Pathianin a rawngbawl turin min thlang a, rawngbawl mai chauh ni lovin kan rawngbawlna khan rah chhuak a nei tur a ni tih leh kan rah chhuah te pawh awm reng turin min duh zia a sawi a ni.
Kohhrana thalai pawl zingah te, Kohhran puipa te zingah leh rawngbawlna chi hrang hrang thawktu te zingah pawh hian Pathianin min duh dan ang taka rawngbawl lo hi kan tam in ka ring thin! Bible-ah Rinna chungchang kan hmu nual a, chung te zinga pakhat chu tehkhin nan han hmang ta ila… Rom 10:17-ah chuan, “Rinna chu hriatna avangin a lo awm thin a, tin, hriatna chu Krista thu avangin a lo awm”, tih kan hmu a.
Tehkhin nan, mipa khat chu a damlova, a lo thi ta a. Tichuan, Krista thu atanga lo chhuak chuan i hriatnaah chu mitthi chu kaitho leh turin chiang takin a rawn hriattir ta che a, chu chu nang chuan RINNA in i pen chhuak a, mitthi chu Pathian hmingin i kaitho ta mai a ni. Hei hi, Rinna Thiltihtheihna ti te pawhin sawi ila a dik thei awm e. Rinna, Krista thu atanga chhuak ni lo se chuan eng ang pawhin mitthi chu kaihthawh tum mah ila a tho dawn lo reng reng tih na a ni a.
Rinnaah chuan hriatna chiang tak, rinhlelhawm miah loh keimahniah a awm thin a, Krista thuchhuak a nih avangin. Chu rinna atang chuan fanghmir pawh nawr hlum mah ila, Pathian hmingin a kaihthawh leh theih a ni (example sawi tur tamtak a awm ang). Chutiang chuan rinna nung nen, kan rawngbawlnaah hian hmalam pan thin ni ta ila, kan rawngbawlna te hi tun ai hian malsawmin a awm ang tih hi ka ring thin. Kan thlarau nun pawh nasa takin tihchakin a awm ngei ang. Sual tura thlemna pawh kan chungah lo thleng thin mahse, hnehna chu Pathian hmingin awlsam takin kan puang zel thei ngei ang.
Heti hian han ngaihtuah ho leh ta ila… Kan rawngbawl dan hi Pathian tih dek chungin, rinna in kan bawl thin em tih hi? Rawngbawltu tam tak te hi chuan rinna ni lovin mahni thahnemngaihnain rawng kan bawl fo thin. Pathian rawngbawltu, a mi hmantlak ni si lo hi engzat tak awm ang i maw!!! Pathian rawngbawl kan thlang a, A rawng kan bawl dawn anih rau rau chuan A mi hmantlak, a hmanrua te zinga pakhat ni tura tawngtainaah te dil tel a tha khawp ang.
Kan thahnemngaihna in rawng kan bawla, kan rilrua tha ni a kan hriat ang zelin rawngbawlnaah hma kan la chho va. Damlo kan a tawngtai sak na neih te, chaw ngheia tawngtai te, tlaivara tawngtai te, thil dang dang pawh a tam ang. Tha ni a kan hriat angin Biak in hlat te kan kawm a, Bible chhiar ngai lo te chhiar turin kan ti a, tawngtai ngailo te tawngtai taima turin kan fuih bawka, rilrua harsatna emaw lungngaihna emaw nei te kan kawm a kan fuih bawk a, kawng dik leh thil tha kan kawhhmuh a, theihtawp kan chhuah ve thin. Heng zawng zawng hi ka sawisel lo, thil tha vek a ni. Mahse, rinnaah kan awm a ngai a, thlarauvah kan awm a ngai ani.
Chuti ni si lova, kan beih ve chiam chuan thil tha, Pathian duhzawng hlir pawh ti thin mah ila, kan rawngbawlna khan rah chhuak a nei lo fo thin a ni. Sam 127.1 – Lalpan in a sak loh chuan a satute chuan an thawkrim thlawn mai a ni: a tih ang hian, kan thawhrimna, tha ni a kan inngaih na, fing leh hria ni a kan inngaihna, kan thahnemngaihna atang chauhva rawng hi kan bawl anih chuan kan thawkrim thlawn fo thei dawn alo nih chu.
A tawp ber a ka sawi duh chu Pathian rawng hi bawl tak tak tura kan inhlan dawn rau rau anih chuan heti hian inhlan thei ila a tha awm mange aw ka ti thin… “Lalpa, i rawngbawl turin ka rawn inhlan e, i rawngbawltu i mi hmantlak loh nih ka duh lova, i rawngbawltu, i mi hmantlak nih ka duh e. I rawngbawl tur hian ralhmatawngah leh sulsutuah min hmang ang che”, tiin.
Similar Posts:
- Lawm chunga Lalpa rawngbawl
- Tihdam Rawngbawlna
- Hmêl leh chêtzia pawhin (Sunday pual)
- Rawngbawlna hlen
- The Grand Mission
June 20th, 2010 at 12:23 pm
Khawngaihna rawngbawl hna a nih hrechiangtu rawngbawlna hi rawngbawlna hlawk a ni thin.
Report this comment
June 20th, 2010 at 1:01 pm
thra khop mai, mahse a sei ltk a
Report this comment
June 20th, 2010 at 1:06 pm
Comment na chu an hawng leh ta mai!
Report this comment
June 20th, 2010 at 1:27 pm
Ngaihnawm dap2 ve le! Vawiin Sundes Skul zirlai ai mah a hlawkpui zawk dawna ka inhriat tlat chu. Mi(sual) zingah Pathian mi, kohhrana rawngbawltu fel tak tak– RaLtE, Pu keimah, muantea leh midang tamtak an lo awm ve hi a va nuamin a va lawmawm em!
Report this comment
June 20th, 2010 at 1:45 pm
Tha hle mai, inkhawm ve lo pawn kan chan lutuk lo e.
/Admin note tlem a awm ve ka ring a vis-a-vis comment closed.
Report this comment
June 20th, 2010 at 1:58 pm
Ka han chhiar hian keipawh mi tamtak inkhawm ho aiin ka hlawk zawkin ka hria. Mahse inkhawm chuan beng kan hmang a, hetah chuan mit kan hmang vethung a. Chu chu inkhawm nen kan danglamna ni maiin ka hriat, keimahah chuan
Report this comment
June 20th, 2010 at 2:00 pm
ah. . . Kawmen kha atirin tinge in khar a?
Report this comment
June 20th, 2010 at 2:05 pm
vawiin chu thlanthut tur kan nei asin mawle, nimin lamah ka inkhawm thuamhnaw kalo su fai silova ka inkhawm talo mai teh ang.
Report this comment
June 20th, 2010 at 2:44 pm
Astronaut fel tak a ni nain, a car khalh-ah traffic rules a bawhchhia. Van sanga thlawk fimkhur hle siin, lei hruta thil khalhah — rawngbawltu inenfiahna tur thil a thleng chawk thin.
Zikno chhuah tha tur chuan zung-kaih nghet hmasak a ngai fo; zung-kaih tha lovin rah a chhuah mawh khawp. Thlen san tum hmasak aiin, zung kaih nghet tura rawngbawlna thianghlim leh dik a pawimawh zawk a nih chu!
Report this comment
June 20th, 2010 at 4:46 pm
@^-||RaLtE||-^: Rawngbawltu i lo ni reng a ni maw? misualah hian hetiang lam timi hi in thahnem riau in ka hria!
#9 khi kei pawh ka amen e.
Report this comment
June 20th, 2010 at 5:04 pm
@chawnghilh: I sawi hi a dik khawp mai. Hlimna te, lawmnate, siamtharna leh piantharna te kan han chan hlim te hian rawng bawl ve hi kan chak fo thin. Nimahsela, a pawimawh ber zawka keipawhin ka hriat thin chu Nun tak, nun nghet, nun Krista neih hmasak phawt lova rawngbawl hi chu a tlo duh lo khawp mai tih hi a ni.
**Admin ho sawi dan in Comment an OFF nachhan kha chu an tum leh duh vang reng nilovin an lo ti palh a ni awm e.
Report this comment
June 20th, 2010 at 5:13 pm
@^-||RaLtE||-^ iva ron dek thra piap2 ve!!
Report this comment
June 20th, 2010 at 5:14 pm
Lawmthu min hrilh tute chungah lawmthu ka sawi let ve e. God bless you all.
Report this comment
June 20th, 2010 at 5:18 pm
^-||RaLtE||-^ nang ang, baal hma a thringthri ngailo, Lalpa tana pasalthra hi lom Lalpan a zawn chu
Report this comment
June 20th, 2010 at 5:22 pm
Lal Jewel… nangpawh i tel ve
Report this comment
June 20th, 2010 at 5:26 pm
Uiha! kei te zawng engma ka nilo. Maseh Pathian tana inhmang ve em2, Pathian in a hman silo ni hi ka hlau tops!!
Report this comment
June 20th, 2010 at 5:26 pm
Chhiar ka mamawh em em topic a ni tlat mai. Ziak thra lutuk ringawt, Pu Ralte.
Report this comment
June 20th, 2010 at 5:32 pm
@Jewel, khataing rawngbawltu nih kha thil hlauhawm ber a ni reng ani. Chu tak chu ka rawn ziak chhan pawh ai. Mahse, nang chu Lalpa rawngbawltu, A mi hmantlak te zinga pakhat i nih ve ngei ka ring.
@blackmagicwoman: Lalpan malsawm che in, tinung thar leh mawlh che rawh se. Thank you.
Report this comment
June 20th, 2010 at 5:32 pm
pi bmw, hmana i comment, spam a lut kha ka lo en a, Billy Graham a answers ho kha. A thra bon top hlom!! A hranpa in post hi lo siam ve la?
Report this comment
June 20th, 2010 at 5:43 pm
Jewel, nia kan la siam dawn nia. Billy graham website hi zawhna neih apiangin ka vist ve thrin.
Report this comment
June 20th, 2010 at 5:47 pm
@blackmagicwoman min ti bengvar trin a, a lomom e. Rawn siam thuai2 thei tur in duhsakna ka hlan a che. Be blessed & be a blessings for many
Report this comment
June 20th, 2010 at 6:34 pm
Sermon thra tak a ni, ka riltu a ti thar hle mai.
Report this comment
June 20th, 2010 at 8:37 pm
A ngaihnawm in min cho thar khawp mai. Ringtu zawng zawng-te hi rawngbawltu kan ni. Kan awmna hmun apiangah ; chung lam hrin kan nihna kan lanchhuahtir zel hian, rawngbawltu hlawhtling kan lo ni mai dawn alo ni. Rawngbawlna hlawhtling chu, a A rawng kan bawl Isua nena kan intimacy atanga teh tur ani ang . Kan thawhlawm thawh, Kristiana mi kan siam tam , kan inkhawm tam ah te nilovin.
I Bible chang rawn tarlan, Johana Bung 14:16 – “Nangnin min thlang lo, keiman ka thlang zawk che u a, va rah tur leh in rah awm reng turin ka ruat bawk a che u;…”
helai thute hi, Pu Chawnghilh ate, Pu mkima, Pu zondervan ten han ching pawr deuhin. Helai changa, ‘ Thlang ‘ tih hi, rawngbawlna kawng atan mai bakah ; Chhandamna ( salvation ) -na hi ani helai thulaimu chu tiin, Doctrine of Election / Predestination sawi nan te han hmang sela. Pathianin a Chhandam tur hi chu a ruat lawk vek tawh, khawvel awm hma atangin te han ti sela. A ngaihnawm ngawtin ka ring !
Report this comment
June 20th, 2010 at 8:43 pm
Pu chawnghilh sawi:
“Zikno chhuah tha tur chuan zung-kaih nghet hmasak a ngai fo”
Ka man khawp mai, zung kaih ngheh phawt lo chuan tu rawng mah bawl don lo rengs..
zung kaih-ngheh hi ram tan pawh a paimawh riau in ka hria, a thenin a zung nen lama kar-phawng an tum lai hian.. :-|
Report this comment
June 20th, 2010 at 10:00 pm
A tha pap pap hle mai, i sawi tum ka man in ka hria. “Tuna pathian in lo hriat tak hnu hi zawngin – ni lo Pathian mihriat in lo nih hnu hian tih tur a ni zawk e…” tih ang deuh a ni maw?
Mahni duh/peih chena Pathian tan a in hman aiin, Pathianin a duh chen a hman theih hi, Pathian tan pawh a hlut zawk hmel e.
Report this comment
June 21st, 2010 at 5:30 pm
darthlalang tha tak a va ni em! Thanks Ralte.
Report this comment