Mizo tawng hi Duhlian tawng a ni lo (R. Vanlawma)
Vanglaini Oct. 11th Thawhlehni hian phek khatnaah “Duhlian tawng hman lar ka duh” tiin front page-ah a lo lang kuau mai a, mak ka ti hle mai. Keini tuna Mizoram leh, a chheh vela awmte hi kan chanchin ziak chiangtu hi kan hmu ngai lova, U.S.A. rama Illinois University-a Professor F.K.Lehman-a chuan kan vanneiha siamin Calcutta a piang kha Burma-ah an lo chho hlauh mai a, a pa te chuan Burma-ah an awmpui ta reng a.
Graduate a lo ni a, Burma chhuahsan a lo tul dawn ta mai si a. India leh Burma inkara Mizo awmte hi kan chanchin a lo chhui hram a, 1963 khan America-a a chhuk hnuah keini Mizo hnam India leh Burma inkara hnam hrang tak lo awmte chanchin hi khawvel hriat a lo tul tak avangin a hriat ang ang a bu in University chuan a lo chhuah sak a, kan nihlawh hle a ni.
Chu lehkhabu ‘the Structure of Chin Society’ tih bu U.S.A. University chhuah chu Tribal Research Institute, Govt. of Mizoram hotu nu Mrs M. Chaterjee khan Mizoram sawrkar hmingin a lo chhuah chhawng ve leh hlauh mai hi kan hriat zau phah a, a 1awmawm em em a ni. Kan thenawma awm an ni bawk a, a remchan chang chang hian lengah te min sawm a, Mizo history hi kan sawi zauh zauh thin.
Pi Chaterjee-in min kalsan hnu khan thil âm lo tak tak kha Research Offficer-te khan an duh zawngin Mizo History an kalpui a, “Mizo tawng” tih leh “Lusei tawng” tih pawh a awm lova, “Duhlian tawng” tih vek tur a ni, te an rawn ti a. Mizoram sawrkar Research Department atanga an rawn tih a nih avangin min tibuai ta nek mai a ni.
Chhiar zo rawh le: Mizo Society of America
Similar Posts:
- MIZO KHAWVEL THLIRNA Part-I
- Mizo tawng hi Duhlian tawng a ni lo
- Chhiar peih tan!
- Tute hi nge Mizo? Mizotawng hi enge?
- The Zo/Zou people
June 24th, 2010 at 1:06 pm
Ehee Pu R.Vanlawma chu… hmana Israel an zina an rawn haw hnua, an zin chanchin sawi nuam a tih thin zia kha.. kan inah a rawn lut kawi ngei2 thin.. sorry OT
Report this comment
June 24th, 2010 at 1:07 pm
An va hlu tehlul em…
Report this comment
June 24th, 2010 at 1:14 pm
Pu H. Vangchhia chu rawn thawh thra hle mai a, Lusei formation te, British influence te hi Zofate hian kan zir zau a pawimawh lehzual a ni. Political boundary min rin sak a, ethnic group khat theuh theuh “Burma mi!” kan in ti chiam a, a chian hi chu kan chiang lo tlang a ni ka ti ve mai mai thin. Hmar chi (clan) kha Lusei-nisation-ah chimral a lo ni tawh a, a chi pui a chinphung lo chhawmnungtu Hmar dialect la chhawmnung ngei ngeitute kha Mizo ni ve ta lo riaua an han hmu ta tlat te hi chuan ngaihtuahna a ti thui ta e. Lusei trawng a nawlpuiin kan lo hman dan te, chi pengin anmahni kalphung an lo la chhawmnun dante Lusei lal leh British inkar thil thleng avanga hetiang lo ni ta kan nih dante hi i chhiar zau zel ang u… ti ve duah teh ang. India ram political boundary chhunga Mizoram map chhunga awm chauhte hi emaw Zofate kan intih tlatna hi a fuh dawm em ni?
Report this comment
June 24th, 2010 at 1:28 pm
A tha hle mai. Thu rotling a nih hi. A dik vek turah ngai phawt ila, ka save e.
Report this comment
June 24th, 2010 at 1:31 pm
Pu H.v nge nge ti thra thrin e,ka’n chhiar chhuah tak dap chu,misual dawt kawm hi ka hlawkpui miah miah khawp mai
Report this comment
June 24th, 2010 at 1:56 pm
US round of 16 an lut a, pu HV a, chu a phur tawh ngawt ang a..lolz.
Report this comment
June 24th, 2010 at 2:10 pm
chibing trawng ang zawnga kan kal chuan in0unauna pawh a buai theih ka ring. Mizo trawng titawp mai ila a fuh ber ka ring. ZORO ho duhdan erawh ka hrelo.
Duhlian han tihte Lusei trawng han tihte hi chu kan hmang lar ta lo em mai ka ti.
Mizo hnam hnuaiah hian Fanai chi Ralte chi Hmar chi Mara chi te Lai chi te Zomi chi te, Lusei chi te, Bawm chi te etc kan awmkim vek tuna kan in accept dan rilru hi la zau belh zel sela. Chibing trawng hi tih-phuisui ni bawk sela kan lingua franca ah Mizo trawng hi nimaisela.
Report this comment
June 24th, 2010 at 2:39 pm
pu mzvision: tuna kan trawng hmanlai mizotrawng kan tih hi Duhlian trawng chu nimai ah kalo ngai a, Duhlian trawng hi chi bing trawng maw lo ni a, kalo hre re re hleinem. Ka comment velah tehian duhlian trawng tih hi ka hmang fova alo dik chiahlo deuh anih dawn chu a.
Report this comment
June 24th, 2010 at 2:55 pm
a van cute reuh ^_^
Report this comment
June 24th, 2010 at 2:56 pm
A tha hle mai he post chu.
@mzvision: A dik khawp mai. Hnam feeling hi a awm thei dawn tlat.
Mahse chutih rual chuan Mizo Ţawng kan tih hi a tobul chu Lusei Tawng a ni tih kan theihnghilh loh a tha.
Lusei ho intitheih phah lo sela, Lusei lo ho pawhin pawm thiam rawh se. Hetiang mai mai vanga kan intithiam lo dawn anih chuan engtikah mah hma kan sawn lovang.
Report this comment
June 24th, 2010 at 3:16 pm
A lo nih hi, mizo tawng pawh hi mizo ta a lo ni lovang tih pawh a hlauhawm hle mai a…..Chuti a nih chuan….
English hi tu tawng nge, tu ta nge ni ve ta ang?
Kan buai tual tual dawn a nih hi…!!!
Report this comment
June 24th, 2010 at 3:50 pm
Lusei tawng, Mizo tawng kan ti ta hi a fuh ka ti lo. A chhan chu Mizo tawng thiam ve lo te tan Mizo intih a harsa. Mizo hian a huam zau si a. Lusei tawng lo ti ta mai mai ila. Lusei tawng hmang ve lo te tan pawh “Mizo ka nia, mahse Lusei tawng ka thiam lo” an ti mai dawn a. Mahse Mizo ni si, Mizo tawng thiam lo nih chu a nuam miah lo ang.
Report this comment
June 24th, 2010 at 3:57 pm
Lusei ka ni lo va, mahse Lusei tawng / Duhlian tawng hi Mizo tawng tih hi a tha ka ti… Tawng inang na na na chu an inpumkhat bik zel. Chutih rualin Mizo hnam hrang hrang tawng te hi a ral tur a ni lo..
Report this comment
June 24th, 2010 at 4:18 pm
#11 mi_sualpa, I va inlan nasa tehtuar ve! Khitiang zozaiah chuan smile pakhat tal dah ve mm awm che :lol:
HV, rawn chhawpchhuak tha leh hle mai. A tha mai a nilo, a pawimawh tel bawk.
Report this comment
June 24th, 2010 at 4:24 pm
Alo nih hi a.
Report this comment
June 24th, 2010 at 4:25 pm
Mizote chu tute nge? Lusei, hmar, Lai(pawih),Mara, Khumi, Kuki, Zomi, Paihte, adt.. hi Mizo an nih vek si chuan an tawng pawh Mizo tawng a nih vek dawn lawm ni?
Duhlian hi a hnam or Chi ang zawngin an awm hran lova chhui chhui ngai pawh a ni lem lo. Sailo lal vanglai khan Triau ral thleng thleng khan chhiah an khan thin vang khan Sailo lal awpna hnuai a awm Lusei tawng hmang ho kha , “Duhlian” tih a koh mai niin an sawi a, an tawng pawh kha “Duhlian tawng” tih a koh a lo ni anga sawi a ni.
Kei chu tuna kan hman mek tawng hi “Duhlian tawng” Tih a tul chang a awm ka ti ve tlat, a chhan chu kan unau dangte tawng pawh Mizo tawng peng tho ni chung si hian Mizo tawngah kan chhiar tel duh lo deuh tlat, an tawng pawh Mizo tawnga kan chhiar tel that duh lo chuan an mahni pawh kan hmu Mizo lo duh mai thin hi tha ka ti lo, an tlangnelna tur leh an lo intih Mizo ve theih nan an tawng, an chi & Chipeng thleng hian Mizo tawng peng, Mizo chipeng tihin ka sawi thin a, tuna kan tawng hman hi Mizo Duhlian tawng tih te pawn ka hmang thin.
Report this comment
June 24th, 2010 at 4:27 pm
Mizo hnahthlak tawng hrang hrang hmangten common language atan Mizo tawng kan pawm tlan theih hun hi ka nghakhlel. Chi hrang, entirnan, Hmar, Lai thenkhat Mizo tawng lo thiam si lo khan Mizo anihnaah chiangin tawng intawm kha thiam ve chiah lo mahse inlakhranna rilru a put loh theih chuan a va lawmawm dawn em! Engpawhnise, keini Mizo tawng hmangtute hi kan pawimawh ber. Mizo tawng an hman loh avanga kan unau Lai, Hmar, Paite etc. Mizo ni ve lo ang maia sawi kan ching hi sim a tul. Mizo 2, NGhapih etc tih ang reng rakpui fo lo ila, in en hnuaina awm lo se kan tha tlang a ni mai. Mizo tawng hmangtute hian kan unau dangte kan en hran chhung chu Mizo a rawn indah chu a har khawp ang le.
Report this comment
June 24th, 2010 at 4:32 pm
@HV a ka va’n lawm em! Post ṭangkai tak ani e.
Report this comment
June 24th, 2010 at 5:47 pm
#16, Chepa sawi ang khi ka ngaihdan a ni ve tlat! Lusei ho tawng hman kha ‘Duhlian tawng’ an ti mai a ni lawm ni. Hmar hnamah te in chhuah mai dawn le?
Tawng upa-ah pawh ‘Duhlian tawng thiam mang lo ka hria’ an tih khan mihring sawinan an hman ngai loh kha!
A thu hrimin ‘Ralte’ ho hi hetiang feeling chawk tho tu leh tun thleng a la vei zuitute zing a mi an niin ka hria!
Mizo tawng hi Duhlian tawng anih loh chuan tute tawng nge ni ta ang le???? Ralte tawng zawng a ni lo phawt mai…..
Report this comment
June 24th, 2010 at 5:49 pm
Ele Lusei tawng
Report this comment
June 24th, 2010 at 5:57 pm
‘Duhlian tawng thiamlo chu lo ngawi reng mai rawh se’ ka lo ti ve lauh lauh thin a, a va inthlahrunawm duh tawh awm ve mawle.
Ka lawm e.
Sangtea Ralte (Saitawka) :lol:
Report this comment
June 24th, 2010 at 6:11 pm
fa nei a
Report this comment
June 24th, 2010 at 6:19 pm
#22 hi chhan dan tur ka va van em! ka lo inngaihbel teh ngawt a, fa nei te chu kan tam hle sia! :mrgreen:
Report this comment
June 24th, 2010 at 7:01 pm
Lutawi-ho leh Duhte-ho menah i thlak mai ang u!
Report this comment
June 24th, 2010 at 7:17 pm
UHMH Miz trawng kan tih siamtu hi sawi dawn ila a sei dawn si – eg pheikhawk kan tih hi a trobul chu chibing trawng eng berin emaw Ke hi phei an lo tih vang niin ka hria’
Chuvang chuan English trawng hi a siamtu chu European trawng hrang hrang ani miau mai, a hausa tolh tolh. Chutiangin Mizo trawng kan tih pawh hi a emerge mek niin ka hria. Chutih rual chuan tun kan Mizorama chengte in-tih-tatu bik tur chu ani hlek lo.
Anih leh tunge mizo kan tih chu ti ila “ele inti mizo ho an ni” kan tih mai hmel. han belchiang ila chibing hrang hrang siam tuna mizorama a par tlantu ho hi kan lko ni reng si
Hawh u thikthu nen chuan Mizo hnam ropui kan din lovng tih i hria ang u
Report this comment
June 24th, 2010 at 8:55 pm
he ziak hi, hmanah ka chhiar tawh!
lusei ho duhlian ti a kan koh chuan kan Mizo tawng pawh hi “duhlian tawng” a tih theih tho ang chu.
lai tawng pawh pawih tawng kan ti tho a lawm.
hindi pawh vai tawng kan ti tho.
english pawh sap tawng kan ti tho.
lusei tawng pawh duhlian.
duhlian tawng pawh MIZO.
tun hma a ka thian pakhat hian “duhlian” ka ni a ti tlat.zawh dil chhut nachang reng ka lo hre ngai lo.
Report this comment
June 24th, 2010 at 9:50 pm
Duhlian hi an awm chiang.
Nu pakhat hian a fapa kum-5 school kal tur kha SaPiau(Buhhawp)a ei tir a, a ei duh lo a, a nu thinurin a tuk trap a. A pa chuan,a rawn thlem a, a fapa chuan hlim takin SaPiau chu a ei a, SCHOOL chu a kal ta nal nal a. An nu chuan,”Mama pa engtin nge i thlem a?” a ti a,” E le, Mama hawp puk puk rawh sazu lenna a nih hi ka ti a.” a ti a. An nu chuan an pa lu chu buhtlei nen a khawng kawrh a, an pa chuan”ENG VANG NGE MIN KHAWN VE RIK NGAWT?”,A TI A, AN NU CHUAN, “NGAHNGE I NAUPAN LAIIN sANpIAU I LO EI TREUH LO!”,a ti a, an pa thinur chuan, DUHLIAN NU a ti e an ti.
Misual zingah pawh duhlian chu an tam ang maw le. 
Report this comment
June 24th, 2010 at 9:55 pm
Faihriem te peng ah hian Duhlian chu awm chiang e, mahse, an ni chuan Dulien tiin an sipel, a lam dan erawh chu Duhlian a ni.
no joke 
Report this comment
June 24th, 2010 at 10:27 pm
Hei pui, ka Vangchhe hriat hovah chuan a tal na pawl leh a bihchiang peih pawl tak a ni awm e. Thurotling tha fu fu hi a rawn phawrh nulh nulh a, a ngaihnawmin a bengvarthlak thin e.
A ramar chhan thawm pawh a na 
Kan tawng hman mek hi Mizo tawng tiin khaikhawm ila, chhawm nungin tihausa zel ila, a dik leh a tha humhim mai bakah kalphung fel leh mumal zawk neih tumin hma la ila a lawmawm ngawt ang.
Report this comment
June 25th, 2010 at 2:00 am
Hmanah ‘Duhlian tawng/lusei tawng’ anih lai khan hnam chi khat khan thikin ‘Mizo tawng’ zawk a ni an ti a. Inhnialna a chhuak vak tawh.
Tunah ‘Mizo tawng’ ani lo, ‘LUSEI TAWNG’ ani an ti leh si…..
MIZO TAWNG a ni e.
Report this comment
June 25th, 2010 at 4:07 am
lUSEI hi enge maw a awm zia reng reng le?
Report this comment
June 25th, 2010 at 9:32 am
Mizo tawng chu Duhlian tawng emaw, Lusei tawng emaw a ni lo chuan, Mara (Lakher) tawng a ni mai ang chu! Mahse, Mara ho lah chuan Mizo tawng kan hre leh si lova, buaithlak khawp mai. Han sawi ve maimai i la, Mara ho Mizo tawng thiam te hi chu pianpui tawng ani vang ni lovin, kan zir a vanga kan thaim thei chauh a ni a, chutichung pawh chuan kan la pai em em leh nghal a. Thenkhatin, Mara ho hi, “Mizo in ni ve e” min tih a, Mizo ve kha, “Mizo tawng i va thiam ve” min tih leh thin a, a laklawh zo vek tawh a ni ber mai hi.
Maraland ah chuan “Mizo tawng” leh “Mara tawng” chu tawng hran ve ve anni.
Chuan, “Mizo” tih hi huapzau hming atan kan hman duh chuan, “Zomi” emaw, “Zo” emaw tih zawk tur a ni. Lehman khan vawikhat hemi chungchang ah hian, Mizo tih hi a dik zawk e, a tih a, a example ah “Mihang, Mingo” tih te hi a hmang a. Heihi a dikna lai chu a awm a, mahse Zohnathlakho hman dan erawh a ni lo. Zohnathlak ho chuan mimal kan sawi chuan, “Milian, Mirethei” te kan ti a, a ram leh a chhung a chengte kan sawi hun ah erawh chu, Mara-mi, Lai-mi, Lunglei-mi tih kan hmang zawk a ni. Amah Lehman pawh kha Lai tawng thiam a ni a, Laimi tih hi a dik lo ah a ngai lo. Laimi tih a dik lo chuan, Milai tih zawk tur a ni a. Sawi tur a tam duh khawp mai.
Report this comment