Inrinni zing ka bajar haw chu ka haw kawngah hian an lo bawr deuh laih laih mai a.
Ka va belhchian ve chuan mipa naupang kum 13 vel hi electric thirban ah “RUKRU KA NI” tih inziak awrh tir hian an lo phuarbet chu midag la bawr luih luih karah chuan ka va hmu ve a.
Patling 4/5 vel hian a khat tawk hian an piai deuh chhen ka va hmuh chuan a piai tute chu eng thil nge a tih sual ka zawh nak chuan lollypop Rs.5 man lek alo lak ruk vanga hrem an nih thu a min chhan chuan ka thin a khei zak mai le…
Naupang chu khawi veng ami nge a nih a, tunge a nu leh pa ka zawh chuan a nu leh pa te pawh la hmu lovin a nutei, zu zuar bulah a awm thu in min chhang a.
Midang lo awm ve, an veng ami ka zawt a, a nute’in a tih retheih zia min hrilh phei chuan ka rilru a na in chu naupang chu ka khawngaih lehzual.
Naupang thil rukna dawr neitunu chu ka be ta a. A thil rukman chu ka pek sak anga chhuah tawh turin ka dilsak ta a, a hnu deuhlawk ah ka pawisa pek sak tur pawh chu la duh lem lovin an chhuah ta nghal bawk a.
Ka rilru ti na deuh deuh techu:-
1. Rs.5 man lek ru duh khawp a rethei ka hmu.
2. Rs.5 man lek ruk vangin bajar kal lam/haw lam hmuh tur a tih mualpho duhna rilru pu ka hmu.
3. Fahrah naupang, a nu leh pa te la dam chung pawh a la hmu ngailo naupang rethei ka hmu.
4. A nutei (a nu nau) ngei pawh in a tih retheih, naupang baih vai leh khawngaihthlak tak ka hmu.
5. Pathian malsawmna dawng mi tamtak in kha naupang ang a rethei kha kan nihloh avangin lawmthu sawi nachang kan hrelo tih ka hmu.
Similar Posts:
- Thlan laih hi
- Teak (thing) lo kit a, lo hralh ru duh ho hi engtin nge kan han tih dawn chu ni aw.
- Thil nuam ve mai mai te
- Finna Rûn = Physically Thatchhiatna
- Maubawk-a in kangah Naupang 2 leh Nu 1 boral
July 5th, 2010 at 2:40 pm
#38.. sawichhan neiin ka sawi loa, #18-na khi ka zawt let mai che ania. Naupangte hi kan future anni tih hi hre thar leh ang u!
Report this comment
July 5th, 2010 at 3:49 pm
Kan naupan lai kha chuan Vai Chhang Kawt kha kan U tlangval-te khan va ru rawh u an han ti a, pakhatin a hma lamah a tihbuai laiin pakhatin a hnung lam a mi kan lo ruk sak thin a! Thil sual ti ah pawh kan in ngai lem lo! Ser ruk tur ni se mahni huan a mi kha min han ruk tir ngei a. Pitar/Putar in nghak thawm te kha kan han hlau hnu hnawh a. Kan huan thei-tat ka ruk hnem zia te kha aw.
He naupang hian ru rawh ti tu BOSS a nei ve mai thei bawk a sin!
Insualte phei kha chu Vengdang naupang an lo kal chuan chilhnawm ngei ngei an ngaia! An tlawm hnu paw’n “Ka pu sai sawm kap, i hmaah hian dawl zawrin ka zawr” kha kan tih tir zel thin zawng kha chu a nia.
Report this comment
July 5th, 2010 at 3:51 pm
Tunlai zawng thangtharho hi keyboard phenah hian an huai riau tawh mai a, an duh duhin an pawt liam vel mai mai hlawm tak a!!!!!
Report this comment
July 5th, 2010 at 4:16 pm
A pawi hle mai.. he naupang hian eng rilru nge a put zela ang o… enkawltu tha tak a mamawh hle mai..
Report this comment
July 6th, 2010 at 1:42 am
A tobul ber broken family nei lo tura kan inzirtir that leh angai ani e. Mitin kan fimkhur angai khawp mai. Fa neih zula enkawl leh peih siloh ai chuan neihlohngam kan ngai. Lenzem July thla chhuak Hringnun(Fa piantirtu mawhphurna)tih hi kan chhiar theuh atan ava tha em!!!
Report this comment
July 6th, 2010 at 2:36 am
Danu, Samari mi tha i ni ngawt e. I che thra hle mai.
Tunalai hian hmanlai Mizo thawnthu ka chhiar thrin a, kan pi leh pu te atanga Mizo zia chhe tak ka hmuh chu rethei leh fahrah te hmuhsit leh endawng hi a ni, zonun mawi kan tih kan tih lai hian zo nun mawi lo hi a va tam em.
Comment an sawi tawh ang khian mi thra fa zawng ni se khitiang khian an ti lek lo vang.
Report this comment
July 6th, 2010 at 3:32 am
I huaisen in i ti tha hle mai. A aia tam, mirethei chan ai eiru tu hetiang zo zai awm te chungah ti ngam mang si lo a, naupang chanhai leh baihvai chunga pawr tak a thil tih chu kan huaisen ngam ve na tawk ani mai tih a hriat mai a!! nu leh pa enkawl tu leh duat tu kara sei lian lo chu naupang dang te ang bawk in a ei chak ve a, mahse a leisaktu/leina tur a neih si loh chuan a lo la ve ani mai. Kan sawrkar officer lian leh politicain ram hmangaihtu kan tih ten an neih phak loh an neih chak avanga an chanvo nilo an ru fo nen hian a in ang reng. Mahse tu chungah nge hlei kan len ngam zawk dawn tih ngaihtuah chian chu a ngai e!!
Report this comment
July 6th, 2010 at 4:10 am
Hetianga naupang hrem hi danin a khap bura, enkawla thunun theitute hnena pek zawk tur ani. NCPCR Act hi Social Welfare Dept lam leh Activist ho an ni. an lo sual anih pawhin juvenile Court-a hruaitur niawm tak ani.
India danin naupang a protect dan chu lo dahthra ta ila. Tuna kan sawiho mek hi chu nu leh pa enkawl tu tur neilo naupang vanduai ani. Hetiang naupang vak mai mai leh enkawltu neilo vei pawl hi an awm an vai ve reng. Chutih laiin he naupang school kal rual hetia tlat tir mai mai tu a Nutei mawh a phur tlat. Hetia a thlah mai mai hi hrem tlak zawka chu a Nutei hi ani. Chutiangin naupang diriam taka mahni kuta dan lekkawhtute hi hrem theih bawk an ni ang.
Mizoramah hian NGO lian tak tak kan neih te hian hetiang ang naupang chhanhim zawng hian hma an la meuh lo. hmalatu kan mamawh hle ani.
Kan High School kal laiin David Copperfield chanchin hi kan zir a pahrawnin a tih retheih zia te han chhiar chuan hnuk a ulh treuh thei. chutiang chiah chuan he naupang diriam taka timualhpo tu te hian he naupang future zz hi an tichhia a ram leh hnam pawi a lo khawih anih pohin mawh an phur hle ka ti tlat.
Heng broken family broken deuha an seilian tur ten Home an tihtur khawpa hmangaihna nena enkawlna hmun te pawh hi kan mamawh hle ani tih min ngaihtuah tir he post hian
Report this comment
July 6th, 2010 at 6:26 am
58
mzvision # I ngaihtuahna ka thlawp khawp mai, a last para phei khi chu ka lo ngaihtuah ve nasa…hmalak dan te a awm lawm ni? Committee te siamin, mahni tihtur leh tih theih chin te siam fel ni ta se..
Report this comment
July 6th, 2010 at 9:22 pm
He naupang hi misual.comer ten i chawm tawp mai ang u. Pawr deuh deuh ho hian thawhtam an inhuam phian maithei ania. NOI
Report this comment
July 8th, 2010 at 8:57 pm
hei hi a lawm kan tihdik loh fo, naupang an khawngaihthlak, a titu pawh kha a tet lai chuan thil a ru tho vang. nidangah tilo turin hrilh se, a pekin pekbelh se hawn tir se a tha mai alom. kan Bible tih dan pawh ani. Rukru ka ni tih lehkha awrhtir kher a ngai lo. Human Right hriat kan la mamawh e.
Report this comment