Hmanlai Mizo nunah chuan aia upate zahna khan hmun a chang lian hle a. Eng pawh ti dawn se, Upa zawkte thu an ngaichang a, an thu ang angin an awm mai thin. Upa zawkte kam khat ngai khawpa awm kha an hlauh ber a ni a, thil zahthlak tawpa ngaih a ni. An zah zia lantirna’n hnathawh leh kawng engkimah awltir tumin an phe vat vat a, an rorelna hnuaiah an intulut pumhlum thin. Zonun ze mawi kan sawi fo thina hmun pawimawh leh a lailum chang reng tu chu Upa zawkte zahna kha a ni.
Aia Upa te zah hi pipute ro thil hlu tak a ni. Tun lai Mizote thangtharte nunah hian Upa zawkte zahna kan tlachham ta hle. Ram leh hnamin hma a sawn a, mi nawlpui pawhin changkanna lam kan pan a. Theih tawpin mi hnukhawia awm bik hlau reng rengin hun leh, tha leh zung sengin, sum leh pai kan um a. Sum kan dah pawimawh luatah mawi leh mawi lo pawh thlu lova dai sual pheng phung pawh kan nei ta nual mai. Mi tumah kan ngaisang duh bik lova, ‘A neih ka ei lo’ tih rilru pu ranin kan nung ho ta a. Mimal inzahna derna leh inngaih pawimawhna pawh kan nei thei ta meuh lo.
Naupan lai hunte hmang zova, puitling nunkawng kan zawh ve tan dawn lai vel hian chapo a awl hle. Naupan laia kan ngaihsan riau thinte kha puitling rilru atanga han thlir hian an lo chutih teh ual bik lo fo thin. Naupan laia pa lian pui ni-a kan hriat thinte pawh hi an lo lian vak lem lo duh khawp mai. Khawvel nun hrim hrim hi chhoh en tawh bik lova, kan zawlpui en ve tawh avangin han ngaihsan em em tur bik hi hmuh an har thin. Hei hi mihring zia a ni. Amaherawh chu, kan zia zawng zawng hi kan lanchhuahtir vek kher a tul loh hun a awm thin. Tin, tling ni-a kan inhriatna zawng zawngah hian midangin min hmu tling kher lo thei. Rilru lama puitling ve tawh fu-a kan inhriat lai hian rual u te’n, naupang chhia ang leka min la ngaih chang a awm tih hriat a tha.
Hei mai a la ni lo, upa zawkte hmuh changkan loh riau te, thing tlata hriat hun laite pawh a awm. Nu leh pate thlenga mawl riauva hriat pawh awl tak a ni thin. Pianthar hlim rinna chak that lai hian Kohhran Upate meuh pawh duhkhawp loh riau hun a awm chawk thin a, hringnunah pawh hian he zia hi a bet tel tlat a ni. Changkang lo zawk, fing lo zawka kan ngaihte zah leh an thu ngaihchan hi thil har tak a ni a. Kan tunlai khawvelah ngat phei hi chuan thiamna leh finna a lo pung nasa ta em em a. ‘Khawvel hi a zuang dawrh a ni’ ti hial paw’n sawi ta ila, a sual lovang. Hei vang hian Generation gap hi a awm nasa leh zual hle. Rual ute tan kan khawvel nun hi banphak a har hle dawn tih pawh hi ngaihtuah tel fo a tha awm e.
Khawvel hi lo thangin lo changkang zel mah sela, thiamna te lo pungin a vawrtawp hial pawh lo thleng ni ta sela. Chu kan Khawvel chu kan rual ute hian lo man pha tawh lovin mawl nih hial pawh lo hlawh mahse la, kan tana an hlutna hi a bo dawn chuang lo a ni. Tun dinhmun kan thlen theih nan hian an tha leh zung nasa takin an lo seng tawh thin tih hi hriatnawn fo tur a ni.
Upa leh tarte hi kan zahin kan chawimawi tur a ni. Chu mai ni lovin kum lama kan aia upa an nih tawh phawt chuan, an mimal kan zah thei lo a nih pawhin an upatna avangin kan zah der tur a ni. A theih chin chinah chuan an thu pawh kan zawm tur a ni. Engemaw avanga inhnial a lo tul pawhin tawngkam mawi leh zawldawh takin kan chhang thin tur a ni.
A tawp na’n, he site (misual.com)-a kan inkawm hona-ah pawh hian tawngkam mawi leh upa zawkte thu ngaichang taka kan inkawm thin hi kan vaia tan thil tha tak a ni ngei ang. Ngaihdan hran theuh nei leh chu kan ngaihdan chu dik riauva hre vek kan ni. Mihring kan ni miau a. Mahse, kan ngaihdan kan tarlanna tawngkam te, kan ngaih dan nilo kan sawi lanna tawngkamte hi kan uluk a pawimawh khawp mai. Tawngkam khat lek hian ram leh ram inkarah indona a chawkchhuak thei a, chu tawngkam khat lek bawk chuan remna a thlen thei. Upa te’n “Tawngkam thain Sial a man” tih te, “Tui baw hnu a ruh theih tawh loh ang bawkin thusawi tawh a lakkir leh theih tawh loh” an lo tih thin hi a dik em em a ni.
Similar Posts:
- ZOROCK hla thar ‘MOBILE’ leak out
- Hei hi kan tlai lam hmeh tùr ni se
- Aia Upa Zahthiam hi Mizo Hnam Zia a ni
- Hlimna thuruk chu…
- ‘ZO’ thil thing sawinan maw?
July 5th, 2010 at 2:04 am
Aia upate zah thiam hi Mizo zia a ni.. I uar thar leh ang u.
Aia upate zah thiamin,
An thute awihin zawm fo rawh,
Pi pute ro thilhlu a ni,
Aia upate zahthiam rawh.
Ruaithehna-a chaw kilhote hian,
Bar hmasatu an ni ngai lo,
Upa berin a bar hma chuan,
Naupangin an bar khalh ngai lo.
(lung a va tileng em! pawl engzahah nge kan zir thin kha aw..)
July 5th, 2010 at 2:05 am
Hei pui, Kawnga hian thil tha tak tak, zawm atana tha leh fuihna thu khawng pui pui a rawn post roh hi. Mahni inbihchianga inenlet chungin chhiar ila, zàwm àwma inngai zawng zawng chuan i zàwm theuh hlawm teh ang u.
Ani hi a meng rei thei fuat fuat a nia.
July 5th, 2010 at 2:06 am
Zephenath hi chu aw… Cowboy ni se chuan a thi hnuhnung pawl tak tur a ni ang mawle. :lol:
A hla pawh hrekim mang hlei lo hian a comment a la EDIT zui mawle :lol:
July 5th, 2010 at 2:20 am
Tun ang khawvelah ani thei em2 tawhlo. Kum 50 chuang mi pawhin ‘Sir’ minti hreh tlat lo. Amah aia kum 30 dawn a junior si, min zah em2 thei. Ka hul rih. A hun leh hmun leh trulnaa zir ani mai. Aia U fe te pawhin min zah hun an nei ang bawkin, kan hauh an ngaih chuan min zah tho
July 5th, 2010 at 2:23 am
Heti zawk hi mawle :
Aia Upate zahthiamin,
An thute awihin zawm fo rawh;
Pi pute ro thil hlu a ni,
Aia Upate zahthiam rawh.
Aia upate biak dawnin,
Koh dan awmin kamtha hmang rawh;
Ka pi, ka pu, ka u tiin,
Ka nu, ka pa, ka ni emaw.
Khawilo niha vahchhuahte hian,
Tar leh upate awl tum rawh;
Tanpui ngai awma an awm chuan,
Tlawmngai langin pui zel rawh.
Ruaitheha chaw kilhote hian,
Bar hmasatu an ni ngai lo;
Upa berin a bar hma chuan,
Naupangin an bar khalh ngailo.
Pianpui u zawkte an zah ngai,
Chun leh zua dawn saisen teta’n;
U zawkin naute an dawm ngai,
Chu chu vanhnuai hringmi leng dan.
July 5th, 2010 at 2:26 am
An sual ngai lo aia u te, tih vel kha inhmaih a ni lo maw!
July 5th, 2010 at 2:28 am
aia upa te hi zah an thra hle a, mahse zah tlakloh aia upa te hi zah ka tumlo, an thiamlohna ah pheichuan.. hehhe
tunlai kan hruaitu te pawh ania lawm, mipuite hian zah tur kannih laiin kan sawisel luai luai khawpa zah phulo annih chuan kan ram hian a chiat pui anih ber hi.
July 5th, 2010 at 2:33 am
Aia upa chu zah tur, mahse aia upa zahtlak loh hi an awm ve thrin bawk a ni, aia upa zah tih chu vairam ah phei chuan apply chi lem loh
July 5th, 2010 at 2:34 am
@littlerascal, aia upa an tia lawm le, vai an ti hlei nem
fiamthu. . .
July 5th, 2010 at 2:37 am
@devil vai aia upa te an awm thei em aw ka tihna zawk mawle hihi
July 5th, 2010 at 2:42 am
@Devil18, An hnial ngai lo aia ute, inngaitlawmin zawldawh fo rawh…; tih châng kha maw… Ka hrechhuak kim lova
July 5th, 2010 at 2:43 am
A then (in inhre ngam a nih chuan) hi chu in nawi mawle, subject hi in man lo thin mang e aw… :lol:
July 5th, 2010 at 2:46 am
. . . Ti daih mai
July 5th, 2010 at 2:47 am
Nawi leh nawilo len tlanna misual hi lo nuam ber mai
Ku muang…nawi ve zeuh zeuh te hi a thra a nia
July 5th, 2010 at 2:50 am
kei hi chu ka nawi reng mai.. Tin, nawi deuh nuai nih hi ka duh zawk. hehehe
July 5th, 2010 at 3:00 am
He post hi tunah khan ka chhiar zo ve chiah a, a thrat viau rualin hmaih tepawh a nei ve thovin ka hre deuh…
kei hi aia upa te hlir kawm leh an bula seilian ka nia, thil tamtakah ka zah laiin engemaw rorel leh anni aia ka ngaihdan a thra zawk anih chuan min zah sak ve tho thrin.. chutih laiin, thrian hovin ui te kan han talh a, naupang berin thleng sil sela, naupang ber dawttu in hmun phiat rawhse an han tih chuan ka awl ngailo. In zah ah hian In zah dan thra leh thralo a awmin ka hria
An diklo chung chunga zah tak hi a trulna ka hrelo e a. Ka naupanlai pawhin chutiang tho chu ka ni, mi tumah hmaichhanah ka hnial ngailo na in, ka ngaihdan lovah chuan tuman min tih luih theih ngai ka hrelo, chuti chung chuan, ka tuar nasa ve hle tho. lolzz
July 5th, 2010 at 3:15 am
@funny : Aia Upa, Naupang zawk te pawh an thu leh hla a that zawk chuan zawm thlap thei te hi an zahawm leh zual thin ka ti. I ti ve lo maw??
July 5th, 2010 at 3:32 am
Post tha tak ani.
Naupang zawk leh upa zawk te tan inenfiah theuh a ngai. Society ah hian upat/naupan vanga in zah/zah loh tur tih lam ai mah in, mihring kan nihna avanga kan inzah tawn a pawimawhna hi kan sawi uar lo thin, a bikin tunlai khawvel, ‘individualism’ zawng a kal nasa tawh ah.
Mizo te ah pawh hian inpawisak lohna hi a tam mai. Kan tawngkam ah te hian, naupang te te, hmeichhia te te, vai te te tih vel ho hi, heng ho lak atanga zah kan phut vang nge kan hmuhsit vang nge kan chungnung zawka kan inhriat vang, nge hmanlai atanga an lo chin thin avanga ngaihdan kan lo chhawm ve mai mai…chhan dang pawh a tam ang.
Upa zawk te chuan tawnhriat leh finna tam tak an nei ngei. Mahse, chezia leh nunphung a entawn tlak lo leh zahawm lem lo te aia upa an nih vang ngawt a pawngpaw zah rikngawt chu tuman kan thei lovang. Zah phu lova an nun miau chuan beisei lo law law se a tha zawk. kan zah dawn chuang lo!A naupang zawk tan pawh ‘ka zah bik lo em mai’ tih vang a over khum kher kha a nepthlak tho bawk!
Aia upa te an dik zawk chang a awm ang a, naupang zawkte dik chang pawh a awm ang.insiamthat kan ngaihna ah te hian arrogant taka ‘ka dik tho tho’ titrung lo hian ‘ka diklo ani’ ti tlang thei ila, kan zawhawm phah ani mai lawmni?!
July 5th, 2010 at 3:37 am
Vai te kan han tih hian in dah chungnung vang ni lo in, mizo ah chuan (ka hriat danin) aia upa te chu thudik pawm, dawt sawi ngailo, rawntlak leh zahawm an ni thrin a, a bikin vai ho ah hii chuan auto fare thleng hian kan pa te rual zet zet hian dawt muhlum ringawt pawh an sawi duh thrin a, aia upa dawt sawi hrat chu tuman kan zah lo, naupang te te pawhin fiamthu thawh nan an hmang
July 5th, 2010 at 3:39 am
Bible pawhin “i naupanna tu mahin ngainep suh se” a tih kha
July 5th, 2010 at 3:46 am
#19, auto pu ho hi chuan vai hmel pu lo hi chu bum tur a maw an ti nghal deuh tawp in ka hria, han hnial ila an pawr thei phian lehnghal!!!
July 5th, 2010 at 3:49 am
@bubbles ni ang chu, nghet charh, rawn tlak, advise min pe theitu, taima, mi dik ka aia upa hi chu ka zah….mizo ah hi chuan aia naupang te lakah hian (Including me) advantage kan la mah mah em aw a tih theih
July 5th, 2010 at 4:06 am
@littlerascal: advantage chu kan la aniang…engemaw han tih khawm changte hian keipawh “nang naupang fel ah” tih pah hian thil lei tur in min han tir bik a, peih lo tawk in ka kal hna hna zel hehe
bakah hmanlaia aia upa te a qualities tha kan attribute te hi, an neih vek kher ka ring lo a tam zawk chuan. zawm tur atan a ideals tha an tih ve tho aniang. bakah khatih lai kha chuan life ala simple a.
July 5th, 2010 at 4:31 am
@bubbles..hihi kan in ang a nih chu, naupang ber an tih loh leh nang mawngzangah hi min tia, min tir reng bik thrin
July 5th, 2010 at 5:15 am
Aia upate hi mawl zawk an ni emaw, kan ngaihdana dik lo zawk an ni emaw, ngaihdan tha lo leh changkang lo zawk an nei emaw pawh lo ni ta se. An upatna avang hrim hrima zah an phuna lam hi ka sawi tum a ni. An thu zawm ngei ngei lam ka sawi tum a ni lo. Kan ngaihdan ni lo anga a an lo awm palh a nih pawhin kan do letna/hnial letna lamah tawngkam mawi zawkte, zawl dawh taka dawr hi kan tih tur a ni. Hei hi ka mean tak zawk chu a ni.
Ka naupang zawk nangin ka fing zawk thei. Kan kum a tlem viau nangin kan hriat a tam zawk thei. Mahse, eng ang pawhin lo fingin tawn hriat pawh lo ngah zawk pawh ni ila, tawngkam chaldelh tak leh zawl dawhna tlachham tak hian aia upate hi kan dawr tur a ni lo. Kan panna lai takah hian keini aiin an chhah zawk thei tih hi kan pawm ngam tur a ni.
Tu emaw chuan Khawvelah kum 10 chuangte, a aia tam zawk mah pawh a ni ang, kei aiin hun a lo hmang tam tawh. Fing intiin hria inti teh mah ila, hriatna ka neih ve hma hauh tang khan thil tam tak a lo tawng tawh. Tawng tam na na na chuan tawn hriat a lo nei nge nge. A hriatna lo chhekkhawl tawhte, a thil tawn atanga a lo inkhawlkhawm tawhte avangin kei aia finna a taka a lo tawn tawh tam tak hi a awm a ni.
Kei, hmanni lawka ngaihdan nei ve ngam, ka ngaihdan huai tak taka puang chhuak ve thin satliah thin hi min ngaisang em em hauh lovang tih hi naupang zawkte hian kan inchhutlet ve hi a tul a ni. Ka zirna lam atanga ka finna neih te, ka thiamna lam bika ngaihdan ka neih ve te hi a pawng a taka tu emawin min hnawlsak hi ka rem ti chuang hauh lo. Amaherawhchu, upate’n engtinnge min ngaih? Ka tan kawh ve em em thinna hi an tawn hnu ve tawh tho a ni tawh angem? An kum ang hi kum ve tawh ila, tuna ka awmdan ang hi ka innuihzat viau lo’ng maw? tihte thleng hian kan inngaihtuah thin hi a tul ka ti a ni.
Ngaihdan sawichhuak ngam lo tur khawpa mi dawihzep ni turin tumah ka fuih lo, kan sawichhuah duh dan te, kan ngaihdan kan lanchhuahtir duhdanah te hian mawi zawk leh fel zawka kan kal hi a tha awm mange, ka tihna a ni tih min hriatpui thei ula ka lawm khawp ang.
Kan aia upate hian an hriat loh thilte, an ngaihdan ka ngaihdan a nih loh thute thlenga zah der thiam taka ka lantir a nih phawt chuan an fin tawk bik loh zia leh tling ber an nih bik loh zia hi Upa zawk an nihna atang pawhin an pawm thei khawp mai. Inthlahrung tak zawkin asin kan tunlai khawvel hi an lo thlir thin zawk! Kan zah tur leh an thu kan lakna zawk ngei ngei turte hian zawldawh takin an fin biklohna te hre reng chungin kan ngaihdan hi a ruk tak chuan min thlir thin asin! An mamawh chu hawihhawm taka kan dawr a, kan ngaihdan dik zawk ni-a kan hriatnate tawngkam mawi taka kan lantirna chauh hi an phut chu a ni. Insiam that leh ngaihdan thlak hi a pawng atakin an hreh hauh lo. A pawimawh ber chu upa zawk an nihna anga kan dawr thiamna chauh hi a ni.
He thuruk hi keini naupang zawkte hian hrilhfiah nawn leh ngai lo hian vawng teh ang u. Mahni puala thawhchhuah pakhat pawh la nei lo, chawmhlawm kan ni tawh chiah lo a nih pawhin, min chawmtute chawm let thei dinhmuna la ding lo tan phei chuan, “Kei ka ngaihdan chuan” ti-a aia upate tawngkam dengkhawng taka hnial pawng pawng lo hian kan ngaihdan fing tak zawk hi zawldawh taka kan sawi hi a tul tak meuh a ni tih hi i pawm ngam teh ang u..
Kan vei leh mutmawh hnar mawha kan neih chu kan ram hi a ni vek ang. Kan dinhmun leh kan phak tawk theuh atang hian kan vei tur chu a ni teh meuh mai. Keiin ka vei lohvin tunge vei chuang ang? A dik lutuk. Mahse, a lanchhuahtir danah hian enge ka nih mek? Tunge kan nih chiah? Zawhna tam tak hi ka inzawt hmasa tur a ni dawn lawm ni? Ka tawng ngam ang tak hian tuna ka dinhmunah hian lo tawng ngam pawh ni ila, dinhmun danga indah ve chunga tawng ve pawh hi a tha lo’m ni? Tuna ka dinhmun hi ka dinhmun kumkhua tur a ni dawn lova, tunai pawh hian la hniam thei, tunai hian ka dinhmun hi a la sang fe thei bawk tih zawng zawng hi fim taka ngaihtuah chunga ka sawi tur leh ka sawi tum ka lanchhuahtir danah hian ka inngaihtuah ve fo hi a tha lo’m ni? ka ti a ni ber mai.
Nia, ka sawi tawh angin, tu ka mah hup beh ka tum lo. Zalen vek kan ni e. Duh ang pawh sawi ngam lo khawpa mi nep nih hi ka ngaihdan a ni ngai hauh lo. Kan sawi ang, kan sawi ngei tur a ni. Amaherawhchu, kan sawi dan leh kan tawngkamah hian i fimkhur tlang zel ang u, tih hi ka thiante zawng zawng ka fuih duhna a ni e.
July 5th, 2010 at 7:10 am
Kan hnam zemawi tak chu Val Upa System kha ani thrin. Mahse YMA te a lo chhuah takah khan he system hi hmang veng.khua kan tlem ta hle. Val Upa te khan mite tana inpek leh Sa leh Ral rel-ah thu an nei thrin. Chung an relna ah chuan individual in an kal ngai bik lo, ngaihdan thra an khawnkhawma chung an khawn atrang chuan Val Upa ten thu an titlu thrin.Zilh ngai pawh an zilh reng thrin ani.
Kan ram hi state te kan lo ni chho, a thrang ve zel a chhe zawng leh thra zawng in. Kohran leh YMA te a lo thran chhoh zel hnu hian YMA leh Kohran kan sawisel ngam thrin loh kha SEL ta bawih bawih ngam pawh an awm ta. “It’s my life It’s my freedom and liberty” tia mi huaisar tak tak pawh an pung chho zel.
Kan thrianpa CYMA President lo ni ve tawhin a sawi ka hriatreng chu “Hetia chanchinbu leh puipunna kilkhata min han sawisel vak vak hi chu ziakin suggestion te min pek ching zawk sela, komiti lamah pawh kan lo khel tur ania. anachang hria leh tiduh hi kan la tlem rih si a” ti a CYMA ah pawh an kaldan an review ve thrin thu min hrilh.
Upa zawk te hian Derogatory Criticism te leh Constructive Criticism te tawn-hriat an lo ngah zawk tlangpui. Chutiangin Suggestion thra zawk leh thra lo zawk te pawh an lo paltlang hnem zawk fo.
Hei vang hi anih ka ringa kan pi leh pu te’n tawnhriat ngah zawk aia upa te an lo zah em em thrin ni. Aia upa zah thiam tak mai boss hi ka hrawn tawh peon thlengin a aia U zawk chu U **** tiin a tirh dawn pawhin a tithlap thrin. Kha ka boss lhui kha consensus decision lak ching tak ani nghe nghe.
Tawnhriat hnem tih ringawt kan lak vawn erawh chuan naupang zawk tawnhriat mai nilo thil hre tak tak a awm theih an thu leh hla lak thiam hi mi-puitling zia ani. U zawk ten kan thu an han lak hian kan lawm hle thrin hi tute pawh. Ama’rawh chu engkimah U zawk te aiin kan fing zawk vek tihna ani kher lo thung.
He thu hi in zirtir a ngai hle tawh tih ka hriatna chu mibo zawnna-ah kan veng ah kan kalkhawm kha sms vel chiah buaipui midang phet suau suau karah ka hmu a min an dem ka hlau si ka khak hreh bawk si a a khat tawk khan a sas ningei tur hian a rawn bia a a trawng sweet em em reng bawk sia “Mami tui khawngaihin min han suah teh” ka ti a chu nula chuan “ka peih lo ka zak an la rawn sem mai ang” tiin min hnial hmaks. sms a bei leh char char. He nula hi ka chhinchhiah renga sawn a pawm a hnu-ah a sawn paina chuan a nei mahse a nei rei lo kher mai. Hetiang mi hi an awm nual tawh ka ring.
misualah erawh hi chuan upa zawk leh naupang zawk inhriat tawn a har hle thung, a thren kei aia upa zawk ni a ka ngaih ka fate rual lek ka tawng lawi. Engpawhnise mi thu leh hla ngaihthlak hi thiam a trul hle chutih rualin sawiho aia inhnial pawtawk kan ching leh zeuh thrin hi chu a trul lo ka ti thrin. Sawiho ila trangkai lo inhnialna leh in diriamna ang chi hi chu titlem hret hret ila.
Lal leh Upa te rorel laia khawnbawl upa tih vuah anih chhan leh Kohran Upa kan han tih te pawh hian Upa zahtur tih chu a kawk tel fu in ka hria.Tar leh upa zawk te thu zawm thiam te tar awmtlei naupang te hi an fing duh viau kan tih thrin hi mawle.
He post hi post thra tak ani tih kei misual hian kan tuihnih ve ang e. Ka lawme
July 5th, 2010 at 8:11 am
Kawnga nge nge..post tha thuai thuai khawp mai.. Hei hi mi(sual) ah pawh hian i hre reng ang u
July 5th, 2010 at 8:18 am
Ka mit a kham rawih mai, ka chhiar chhuak thlaveka…lol In thawh thra liam liam e, lo thawh zel teh un , hna banah ka rawn chhiarzawm leh ang. Mahse thil pakhat , kan ngaidan lo zawnga miin thil an rawn swi(comment) hian lo khak kher hi a trul ka ti lem lo,….. kan thupui khi chhiar ila kan ngaihdan thawh ve ila tawk viau ani. Mi hrang hrang ze in anglo threuh kan nih hi.
July 5th, 2010 at 8:23 am
Kan naupan lai chuan aia upa te hian naupang te te min tia min pen fawk fawk zel :lol:
July 5th, 2010 at 8:45 am
A tha hle mai…Nau Kawngtea nge nge……Mi(sual).com senior te pawh hi zah em em tur…keini Mi(sual)naupang te te hian.
July 5th, 2010 at 9:01 am
Mitin hi zah phu tur a nun a duhawm khawp mai. Mahni aia upa,tlai tin/zan tin a chhungkua ti buai a, fate leh nupui vaw ziah thin te hi chu zah an har si a…
July 5th, 2010 at 9:33 am
Inzahderna a awm tawhloh chuan hringnunin awmzia a nei ngailo…
July 5th, 2010 at 9:39 am
U Khamrang min ti tawh hlawm teh u :lol:
July 5th, 2010 at 9:47 am
U khamrang, Pi Jeweli a dam em… :lol:
July 5th, 2010 at 9:50 am
U Shai, Pi Jewel chu zing a la tho lo :lol:
July 5th, 2010 at 9:54 am
U Shaia leh u khamrang ah in lo kai sang ani maw :lol:
July 5th, 2010 at 9:58 am
U khamrang, nimin a RV kal a che hiar deuh a, badboy in a phur haw duhlo a ni maw… :lol:
July 5th, 2010 at 10:03 am
U Shai, Pi jewel in U badboy fun khat a khilai a an in phur haw chho hram :lol:
July 5th, 2010 at 10:06 am
U badboy,kar tawpah ka rawn chhuk dawn. Min lo hmuak dawn em… :lol:
July 5th, 2010 at 10:15 am
U shai lo hmuah ngei chu i ngai ang a
July 5th, 2010 at 10:48 am
He chu “Post of the Week” ah puang hmiah te’ng. Mawl zawk leh hniam zawk pawh nise, Pipute hunlaia aia Upa an zahna, thinlung chhungril tak atanga zahna ang kha thangtharte hian kan va tlachham ta em! I dikna leh thiamnaah pawh aia Upa i khing tur ani lo… tih lam niloin,(chu chu Topic in a tum pawh niin ka hre lo) kan nunah/kan chhungrilah aia Upate zahna nunze mawi tak kha… Ka pi, ka pu, chutiang khatiang zawk chu ani lo maw? He ti zawng hian ti ila a tha zawk ang a… ti a, thuhnuairawlh taka aia Upa te hnial thin kha… Khatiang nunze mawi kha i vawngin i chhem-alh zel ang u. “Ka aia Upa mah nise ka thiamnaah chuan ka zah bik lo” ti pung2 ho hian atlangpuiin aia Upa zahna an tlachham duhin ka hre mai2 bawk.
July 5th, 2010 at 11:39 am
Upa zahna hi chhungkua theuhah inzirtir thar leh kan mamawh hle ani. He post opposite chiah ka veizawng kan sawi ve teh ang. Mizo hi mahni aia naupang deuh te ‘ila naupang em mai’ in tih khum mai kan ching hle mai a. Tuna kum 45 ral kan kai ve hnu pawh hian ka hmelhriat ka aia upa te hian ila naupang hle mai min tifo mai a. Ka lawmloh thin em avang hian nangpawh chumi ai chuan i naupang alawm te hi ka ti ve hram zel a. Kum 18 te kan pelh tawh phei hi chuan ila naupang hi in ti fo lo ila a tha khawpin ka hria. Ilo puitling tak tak ta tih te hi uar ila a tha ang. Kum 40 ralkai fe tawh hnu pawha naupang intih fo hi a ninawm khawp mai.
July 5th, 2010 at 12:28 pm
awmawmpuia@ i tidik, i bungbu thei. Kan ngaihdan a inang hle mai.
July 5th, 2010 at 12:29 pm
Post lah sei, Comment lah sei hlawm bawk. lu a na urh thy alom le.
Tha in chhiar nuam viau lo phei se chuan ka hun ka ui ngot ang.
Naupang deuh te zawm atan leh upa deuh te insiamthat tlan na tur ni se ka va duh tehlel em…
July 5th, 2010 at 12:52 pm
Aia upa te hi chu kei hian ka zah thiam leh pek mawle, vet vet mai na
July 5th, 2010 at 12:56 pm
Zawhte upat a upa nge2 hi chuan expi hi anlo ngah a, anthu hi belhchian a dawlfu zel, thralo/thianglo anlo tih te hi thrangthar chuan HO anti mai a, mahse chhan thratak alo nei zel a ni.
Aia upa zah hi nu leh pa zah a trangin tran ila a thra khawp mai.Hmaan a putar pa 1 fate kha anfel khawp a sin, anpa kha Delhi ah anhruai ve a, ani putar chu zirlai zingah a titi te kha saptrawng lam mak deuh lo nuihza pawl te kha anawm a a fate chuan hrelo ang hmak hian anawm tlat a, rel/thlawhna seizawng a hlam chhin duh a nih pawn annghak mai a.. a fate kha ka ngaisang tawp.
July 5th, 2010 at 1:00 pm
misualah hian kalo hmuh mai mai danin, upa lam leh naupang lam comment hi a thliar hran theih khawpin ka hria. Upa lam ho hi an calm in zawl dawh leh thuhnuai rawlh tak hian an awm reng thaih laiin, Naupang lam ho hi chu tlema lo pawr deuh hi anni duh khawpmai.
Upa lam hian mawi leh mawilo thliar thiam nachang tehi an hre zawk an experience atang pawhin, naupang lam hi chu ri ve phawng phawng leh mawi leh mawilo thlu lova thil ti mai mai hi kanni deuh zel, real life ah pawh.
July 5th, 2010 at 1:04 pm
@funny, a nih kei :lol:
July 5th, 2010 at 1:05 pm
The Real: nang chu tlangval senior i niang
July 5th, 2010 at 1:11 pm
Funny, i’m just a kid :lol:
July 5th, 2010 at 1:20 pm
Hman deuh khan Aia Upate Zahthiamin ti hi Khatla (YMA chanchinbu)-ah Rokunga phuah ni awmin editorialah an rawn ziak a, Liandala phuah zawk a nih thu ka hrilh a, a tihdikna pawh an rawn siam nghe nghe. A chang in rawn hmaih hi—
An hnial ngai lo aia ute,
Inngaitlawmin zawl dawh fo rawh;
An sual ngai lo aia ute,
Tlawmngai la’ngin duap kai zel rawh.
tih a ni ta em kha?
Post tha tak a ni. Chaw ei dawna han intlar vel hian (kan kilho ngai tawh meuh lo a,) upate hian duhsak an hlawh ta lo hle a, a ngaihmawhawm khawp mai.
July 5th, 2010 at 4:15 pm
Kawnga nge nge, ziak tha lehpek hle mai.
July 5th, 2010 at 4:20 pm
Kawnga, ngaihnawm leh dup dup hle mai! I thuziak hi ka thlawp thlap che!
July 5th, 2010 at 4:23 pm
He post chu ava’n tha kher em aw!
#5, Chang khat i hmaih a hriatna ka nei!
” An hnial ngai lo aia u te,
In ngaitlawmin zawl dawh fo rawh;
An sual ngai lo aia u te,
I thang tha ang duap kai zel rawh”
Tunlai naupang inti thengthawng deuh ho chuan an ei vak lo hle mai maw?
July 5th, 2010 at 9:25 pm
Aia upa te zah hunlai a liam taaaaa!!!!!! a ni ang .Kan Mizoaramah ngei pawh hian kan eizawnan te leh kan khawsat ziain a zir tawh vang nge.Pi leh pu hunlai kha chuan mitin kha an in tluk pet a vangin lal leh upa te leh aia upa te kha an zah em em thin kha ani atunah chuan chutiang chu a bo zaw ta tih thei ani mai tawhawme.
Heng zawng pawh hi chankan na pakhat ani ve tho lo maw?
Helam a te chuan ai a upa zah tih chu khawilam ah Mizoram chu zia tak a la ni zawk hial awm e.
July 6th, 2010 at 9:55 am
Hmeithai, Keimah, Groma : In tilawmawm e!
July 6th, 2010 at 7:53 pm
Post tha tak a ni. Tunlai thangthar te hian aia upa te zahna an nei tawh lo takzet ani, ai a upa te zah der chu sawi loh, ‘U’ ti a koh pawh kan harsat hle toh zawng a nih hi le, mahni leh mahni kan in nek chep a, “U” kan hreh luatah koh lovah kan tlak a, a topkhawkah kan mawl biak leh fo. A lo dawngsawng tu tan puih an chakawm zawk zawk lem lo khawp mai.Hnam changkang zawk tih dan kan la e kan tia, an nun ang tak tak a nun kan han pha leh si lova a chapo tawk lekin thil kan zir a, zah kai phak a thiam tak tak kan nei leh si lo, kan hnam nunze mawi sirah kan hnawl mek a ni. Khua kan tlai hma hian i in bih chiang leh mawlh teh ang u khai..
August 2nd, 2010 at 11:33 pm
Kawnga chu i ziak tha hle mai..dahthat tlak anih hi maw le.