Ni a tla dawn suar suar tawh a, boruak lah chu a vawt vur bawk nen, Putar tawh tak hmelpu, mahse, kum 54 a chauh a upa, cher tak leh hrisel lo tih hriat tak hian, khuh bawrh bawrh chungin, a thlang kawngpui a, Pa pakhat a ma rualpui vel, la hrisel hmel tak, sa tha mam hmak mai, Car nalh tak chhung atanga alo chhuak chu a en reng a.
A ngaihtuahna chhungril taka tang chuan a awt rilru khawp mai a, “Engati nge kei hetia hrisel lo leh rethei taka ka awm a, a ni, khutianga a hausak bakah a hrisel viau mai ni aw ” a ti rilru neuh neuh a, a chhan na pawh amah ngeiin a hre chiang thawkhat hle.
Naupanlaiin, thiante’n retheih hre-awm zia hria-in, zirna hun tha leh kawng inhawn lai chuhin theih tawp chhuahin lehkha an zir a. Kum tawp exam a result thalo neih a hre-awm zia leh nakin thlenga thil pawi thei a nihzia hria-in, lehkha an zir thin. Lenlam te, nula rim te, zuk leh hmuam han tih ruk vel te nuam ti ve thin in, chak ve thin mahse – hmalam hun atan a thalo, a tangkai lo – retheihna bul a ni tih hria-in, inah awm-in lehkha an zir tang tang thin.
A ni zawng ama nuam tih zawng hlirin a awm a, exam lai pawhin zanah a leng chhuak a, School pawh kal lo, naupang thalo, rilru neilo a kawp a, zuk leh hmuam, kuhva mai nilovin, ruih theih thil te hial an ti thin. Chhungten an hauh chang pawhin, a run luih a, a rawlbo a. Zingah nise, thawh hma a lehkha zir a tha tih hre reng mahse – zingmut te a thlahlel zawk thin a.
Result tha tak pawh nei ve ngai lemlo chu thuhran, alo pawlsan ve deuh hnu chuan lehkha zir thapeihlo na na chu, a fail ta fo mai a, HSLC pawh a zo ve thei ta lova. A thiante a a ngaih, alo zirpui (classmate) te chuan pawlsang an kaisan zung zung a, zirna sang leh tha zawk a zir turin an liam sung sung a.
A tetlai atanga alo chin than tawh, zuk leh hmuam leh ruih theihte, sim lam aiin, a lo zual kai chho ta zel a. Nakinah phei chuan zing zu te hial alo in tan ta. Nu leh pa, a pawisak loh leh runluih thin – thutha hrilh thin tu te’n anlo peihloh san ta a. Rilru thar pu a, zirlai a thahnem han ngaih nachangte hre thar ve mahse, hun tha te alo liam zo tawh si, zir chhun zawm lehna kawng a kaw tawh lo – a hna hmuh leh thawh phak chhun, peon hna a thawh alo tul chho ta.
A zu-in, leh mei zuk thin avangin, natna thalo in a bawh chho ta zel nen, nakin deuhah phei chuan TB hial alo vei chho ta a, damdawiin pawh a lut zing ta phian, kum thu-ah chuan la upa lemlo mahse, a natna avangin, putar hmel alo pu ta hial a. A hun hman liam tak dan a han chhut chiang a, midangte ang thovin, hun tha engkim mai in alo hmuak ve vek tawh, mahse a hun lo hman liam danin a zir mawlh silo, a in chhir thin, mahse a sawt tawh silo.
A hun laiin alo inhmakhua ve thin loh avangin tun dinhmun hi alo thleng ta a ni. Mihring nun kal zel atan kawng engkimah lo inhmakhua theih nih hi tiin, inhmakhua pawimawh zia te a han ngaihtuah kai chho zel a:-
Lehkha zirlai a taima taka lo zir tang tang te hi – puitlin hun atana a in hmakhuana ropui tak a ni.
Nu leh Pa thuawi te hi – ruihtheih thil pumpelhnan mai nilo-in, nungchang tha tura lo in hmakhuana a ni.
Zing taka thawh a, taksa sawizawi te hi hre-awm mahse – upa hnuah pawh mi hrisel nihnana lo inhmakhuana a ni.
In bula huan chhe te tal siam tang tang te pawh hi – chawhmeh lei ngai lo tura inhmakhuana a ni a.
A hunlai a tuizem siam kan uar hle te kha, thal a tui kang nghah ngailo tura lo inhmakhuana alo ni.
Kan han piangthar te pawh hi – chhandam nihnan a in hmakhuana a lo ni.
Pathianthu awihte hi Vanramkaina atana inhmakhuana alo ni.
Lal Isua zirtirna thu zawm te hi he khawvel kan damchhunga harsatna pumpelhna atana inhmakhuana alo ni.
Upat taksa chaktawh loh hnu-ah, mihringte hi natna in a tluakbuak hma tih hria-in, zingah hma taka thova, thlan chhuak khawpa exercise lak te hi, taksa a thau chhia awmlo tura inhmakhuana a ni.
Zoram pawh hian nakin hun atan inhmakhua ngaihna tamtak a nei……chungte chu engte nge ni le?
Similar Posts:
- Hnathawh hi hriselna a ni
- Korean Flu
- CCE chungchang a rawtna leh ngaihdan thawhna
- A Eng Zawngin
- A poi teh e
July 12th, 2010 at 6:27 am
Kan thih hun tur hi tumahin kan hre lo na-in, kan thlarau kalna tur atan hian tuna inhmakhua hi a va pawimawh em!
Ei leh bara kan intodelh nan taimak zir tharin, Zoram hi inhmakhua a ngai e.
Power-a kan intodelh theih nan tuna Sorkar bakah sorkar hnathawkten dik leh fel taka hna thawkin inhmakhua a hun tak zet a ni.
Kan hnam leh ram (culture/zia) a dal zel loh nan tunah hian thangtharte inhmakhua a va tul em!
Kan rawngbawlna theuhah inhmakhua kan ngai!; A huho dual duala rawngbawlna piahlama a fala nun dik leh huaisen kan nih a, kan nun atanga midangte tana malsawmna ni thei turin inhmakhua nan a la tlai chhe lo ve..
Zirtirna diklo, Isua Krista min hlat tir theitu laka kan him theih nan zirtirna tha leh dik hriat kawngah inhmakhua a hun e.
Khawvel hmasawnna kal zel kara ngaihdan mawi leh tha, pawi sawilo hrefiah turin tun atanga inhmakhua a hun khawp mai.. (eg Sex Education & Hluihlo/Zu chungchangah etc..)
Thiamna tak tak pawchhuak thei turin kan lehkha zir dan inhmakhua a va ngai tawh em!
Nakinah midangte tana harsatna thlentu leh mi pawi sawitu-a kan awmloh nan Mi(sual)-ah hian inhmakhua a hun e
Report this comment
July 12th, 2010 at 7:33 am
Engkimah i inhmakhua ang u
Report this comment
July 12th, 2010 at 8:42 am
A thra lam apiangah inhmakhua ang u.engkim em em ah chuan ni loin..ehem
Report this comment
July 12th, 2010 at 9:19 am
Chhungkaw din tawhte hian nakinah kan phurrit leh khawtlang tana mi hnawksak an nih loh nan mahni fate theuhin kawng dik zawh theihnan inhmakhua teh ang u.
Report this comment
July 12th, 2010 at 9:24 am
Zephenath, misual No 1 ni deuh reng thei tura i in hmakhua dan hi hriat ava chakawm ve. :lol:
Report this comment
July 12th, 2010 at 10:07 am
@awmawmpuia: Thil danga ka inhmakhua loh hi misual no 1 tura ka lo inhmakhua a lo ni reng awm asin
Report this comment
July 12th, 2010 at 10:50 am
Lehkha zirlai a taima taka lo zir tang tang te hi – puitlin hun atana a in hmakhuana ropui tak a ni,,,a dik ka ti khawp mai..ka sawi ve tur chu a awm lo nang in,tunlai thangthar (han ti ve khanglang ila) class X velh atanga R15 bike nena class kal thai tawh hp hi chu mi hlawhtling tak an ni chho angem aw ti ten ka ngaihtuah ve mai mai thin
Report this comment
July 12th, 2010 at 11:26 am
A hunlai taka inhmakhuana chang hriat hi thil har ber pawl te zing ami a ni.
Report this comment
July 12th, 2010 at 12:19 pm
Pu Pangtichwr inthlahrung lutuk mahta che, i sawi ve tur a awm lutuk, CM pawh ila ni thut mai thei asin… hahaha….. KAN HNAM TAWNG, “MIZOTAWNG” NGEIA LEHKHA KAN ZIR VE HUN TUR HI KA VA NGHAKHLEL EM. CHUTIH HUNAH CHUAN ATAK TAKIN LEHKHATHIAM, B.A.—HRE RIL, M.A.–HRE ZAU, KAN LO NI TAWH ANG.
Report this comment
July 12th, 2010 at 12:48 pm
Lo inhmakhua ve ngawt ila, zephenath ang hian kan 1st ve thei ang em le? :lol:
A ziaktu-in a rawn sawi chipchiar thaw1 bawk a– a sual/a tha, tualthah tum pawh niraw sek sek, lo inhmakhua nachang hriatte hi inhmakhua nachang hre lote aichuan mifing an ni…tiin ka’n tlip ve ang e.
Report this comment
July 12th, 2010 at 12:48 pm
Hei hi post tha tak a va ni em!!!!
#1 khian a fun kim fu mai bawk.
Kan society bikah chuan kan inhmakhua ngaihna lai ni a ka hriat ve te..
1. Tlawmngaihna kan tih mai thin zinga then khat, mithi buhfai khawn/thing khawn te, thlan laih te, khawhar-in riah te, etc., tel lova kan khawsa thei tur a in buatsaih.
2. YMA/KTP/etc khawmpui hna tul avanga kal hman lo khawp a memberte kan buai hun. (Hetiang pawl lian nei ve lo society tam tak te hi an survive tho bawk si a!)
3. Thalai lehkhathiam zawk te’n hnathawh kawr an hak hun, Vai mutia leh mistiri tel lova mahni in leh lo kan sak ve hun a tan lo inbuatsaih
4. Thalaite Drugs, Zu, Meizial, Kuhva lak a an fihlim theih nan elementary atang a High School thleng nasa tak a tan lak. Zirtirtu pawh hetiang laka fihlim an nih hun.
5. Kan Kohhrante’n sual an huat hun, Zu in reng reng an phuar ngam hun tur atan a lo in buatsaih te.
Report this comment