Tunlai hian mi tam tak ten kan tawng thumal thenkhat, a mala sawr zimin, awmze dang zawk nei leh, dik lo riauva hriain, siam that tulin an hria a.A tawi zawngin sawi ta ila, kan mizo tawng hi kan chik tharin, kan analyse sup sup ta ni berin a lang. Hei erawg kan hriat a tha, thil hi dik awm taka lang,dik hauh si lo a awm tih hi
Tam tak awm zingah a hnuaia mi tlemte hi i lo bih thuak teh ang u:-
1. Lu met: Tam takin,” lu met tih hi a dik lo, lu kan meh te chuan lu kan nei tawh nang; chuvang chuan sam met tih zawk tur a ni, sam alawm kan meh thin,” an ti. Dik awm takin a lang; mahse a dik hauh si lo. Lu met tih hi a dik zawk, MIZO TAWNG VE RENG A NI.
2. Veikhawr: Kut vei lam hmang thiam te hi veikhawr kan ti. Mi tam tak ten,” Hei hi a dik lo,veilam hmang thiam na na na chu veikhawr a ni thei lo, dingkhawr tih zawk tur. ‘Khawr’ chu hmang thiam lo sawina alawm,” an ti. Hei pawh hi a dik lo. Kut veilam hmang thiam zawk chu veikhawr kan ti zel ang. MIZO TAWNG VE RENG A NI.
3. Vawkhniahzawn Thla: Mizo te chuan July thla hi Vawkhniahzawn Thla kan ti. Hmanlai vawk chhuah hun lai chuan khawchhiat hun lai chuan vawk rual hnu hi a zawn zut thin a, chuta tanga rawn piang chhuak a ni. HNIAK chauh hi la chhuaka Vawkhniakzawn Thla tih kher tur a ni lo.Vawkhniahzawn Thla hi a tawk mai. MIZO TAWNG VE RENG A NI.
Awle, sawi tur tam tak awm zingah a chunga mite hi tuna tan chuan duhtawk phawt ila. Remchangah a dang ka la rawn ziak ang. Kan thumal te hi a mala khelh vak tur pawh a ni lo.Hetianga analyse vak hi kan tum loh zawk, tawng humhalh lohna,tawng tih dazatna a ni tlat. MIZO TAWNG VE RENG A ANG tih tur hi tam tak a awm a nia.
Similar Posts:
- Veikhawr vs Veidak
- Mizo thla chhiar dan hi
- VAWKHNIAHZAWN THLA CHUNGCHANGA THU NAWI
- Mizo Mizona Zahpui Lo Ila
- SMS leh Mizo tawng
July 29th, 2010 at 3:02 pm
Post tha tak, min cho chhuak tur hi post ho takah kan chhuah palh ka va hlau em! @chhaktiang-a sawi hi a tha hlawm khawp mai. Post dang ami ‘regulating authority’ awm loh avang erawh chuan hei zawk hi tih a har talh hun erawh a awm. Vawkhniakzawn Thla/Vawkhniahzawn Thla hi hmangtu inzat rual a ni mai thei. Hniak/Hniah (noun/verb) a nih avang hian a dik zawk e, tia sawi thui theih tak a ni ve ve. Eng zawk zawk pawh hi lo hmang se dikah ka pawm thei mai.
#39 hi chu awmze hrang ve ve a ni thei. A tum a zirin a dik thei ve ve, a meaning erawh a hrang a nih chu.
Sawi zau belh ta zawk ila. Mizo chhiar dan hian In chhawng khat hi a awm lo tlatin ka hria, mak ka ti a, kan tidik lo niin ka hria. In kan sakin a chhawng kan siam chiah hian chhawng khat ti ta mai lovin chhawng hnih hi kan ti deuh roh tlat. Chhawng khatna niawm tak kha ‘chhawng hnih’ tiin kan sawi tlat thin.
Tin, Gospel Camping tum hnih a zawna kan neih pawh hian ‘Camp chhawng hnih kan nei’ kan ti leh ngawt bawk thin. Kan hman fimkhur deuh chu a ngai awm mang e. Engtin nge hmun hrang hrangah kan hman dan ni hlawm le?
Report this comment
July 29th, 2010 at 3:03 pm
U Shai, jewel sam tan turin kan hruai lawk aw :lol:
Report this comment
July 29th, 2010 at 3:06 pm
In sak chungchangah chuan, a hnuai ber kha a ‘leiseh chin’ niin, a chung chiah kha ‘chhawng khatna’ chu a ni mai lawm ni?
Gospel Camping an nawn dawn chuan, a chhawng khatna a ni mai dawn bawk lawm ni le…
Report this comment
July 29th, 2010 at 3:07 pm
@50 Muante, 1st floor sawi nana chhawng hnihna kan ti hi Mizotawng ve rêng a ni. Vaiho paw’n an ti tho— 2nd floor hi ‘tin tola’ an ti mai. Chhawng khatna ni awm tak chhawng hnihna a ni tlat hi Mizotawng ve rêng a nihna chu a ni. Chhaktianga’n engtin ngai maw!
Report this comment
July 29th, 2010 at 3:09 pm
khamrang, nimin tlai a ‘santosh trophy’ chungchang post a a rawn luh zawk khan i lo welcome lo a, a titau deuh reuh a nia. Thlem vat vat rawh…
Report this comment
July 29th, 2010 at 3:13 pm
ground floor hi chhawng khatna kan tih a ngai a ni dawn hmel…
Report this comment
July 29th, 2010 at 3:19 pm
Mizotawng ve reng nia kan puh tam tak hi “Mizotawng ve reng a nia” tih ngawt chi loh pawh a awm thei awm e. Dik chiah lova lang hi chu siam dik a tha mai thei
Report this comment
July 29th, 2010 at 3:22 pm
Vawkhniahzawn Thla tih spelling hi Information & Tourism Department-in Calcutta-a Calendar an zuk print-tir thinte sipel tihdik loh palh ang thawthangin thuziak ngaihnawm deuh ka chhiar tawh.
Dik tak maw?
Report this comment
July 29th, 2010 at 3:22 pm
In chhawng sawi dan hi sap tawnga Ground Floor, First Floor, tih anga sawi kan tum chuan a dik lo reng ang. Mizo tawng chuan a in ding hmasa ber kha chhawngkhat na ah kan chhiar ani mai lawm ni? Chutiang zel in Sawm (10) hi Panga (5) let hnih tiin kan sawi, mahse a let khat chauh ni awm tak ania, kan sawi dan chu ani miau si a.
Report this comment
July 29th, 2010 at 3:28 pm
In chhawng hi Highrise te an ti a. Skyscrappers an ti emaw bawk ni! American-ho phei chuan STORIES (story) an ti mai, “thawnthu” tih nan em chuan an hmang lo! Storey tiho British lam an awm tho bawk!
Washington DC area-ah chhawng 5 bak a thiang lo! A ram leilung a phai zawl that dep dup nen, an fimkhur.
California velah leirawhchana in sak a awm bar lo, lirnghing awmna ram a ni. Maryland velah leirawhchana sak a tam fu, lirnghing lakah an him a ni mai. Keini ve hi … lirnghing zone ni reng siin, kan intian san siak ngam nia maw le, Pu L. Keivom pawhin, “Kham Huai,” min ti! A huai huai dawihna tur hun a rawn thleng mek zel! Tu party mah inthlair lova Chite Lui leh Tuikual vela in-merger hun a nghahhlelhawm vak lo!
Report this comment
July 29th, 2010 at 4:14 pm
@60 Pu chawnghilh, California-ah chuan eng hmangin nge an sak le aw?
Report this comment
July 29th, 2010 at 4:19 pm
Skycrappers chu New York ah a tam. City of skyscrappers an tih hial kha. WTC twin tower awm thin na.
Report this comment
July 29th, 2010 at 4:31 pm
chhaktiang-a chu rawn thawh tha hle mai. Mizo tawng hi Sap tawng, Vai tawng, Kawl tawng atang lehlin chawp a ni lova, a man kalhmang a nei ve a, Sap,Vai,kawl tawng kalhmang anga hman kan tum phet hi a dik lo a ni.
Report this comment
July 29th, 2010 at 5:04 pm
BREAKING NEWS :
Queen’s Baton Relay (Bawngkawn – Sikulpuikawn – Khatla – Vanapa Hall route) chu hei hi ka lo ralkhat picture ve mai mai!
Baton kengtu ni lai mek khi Pu P. Lianhrima (MCS) a ni; tumbailek a thiam em vanga he thil keng tura select a nih leh nih loh ka hre lo!
https://img839.imageshack.us/im.....0015fz.jpg
Report this comment
July 29th, 2010 at 5:05 pm
Tawngpawng comment.
Report this comment
July 29th, 2010 at 5:06 pm
#60 hi ka thlawp khawp mai..kan pi leh pute huaisenna kha kan chhawm nung chiang khawp mai..insak lamah! Ni e,thahnemngai takin lir rawn nghing vaih se zawng..kan ban phun te nen..lungtum te nen..chite kam lamah kan inhawngbi(a dik chiah em?naupang infiamna kha) thla zak zak ngei ang le..
Report this comment
July 29th, 2010 at 5:22 pm
@chawnghilh
U Hrima hi Sports & Youth Secretary anih avangin a lal ber an han duhsak ve hi a awm ka lo ti tho asin. He Bataw tlanpui tur hi za tel teh meuh an awm ani lawm ni kan Sports lam langsar ho i man fuh kher mai
Report this comment
July 29th, 2010 at 5:35 pm
He post hi a tha hle mai. Comment ka han chhiar a, a post-tu ngaihdan kalh zawnga ngaihdan nei te hi 1980 hnu lama piang an tam ber mai awm mang e tih min ngaihtuahtir!
Lu met, Veikhawr, VawkHNIAHzawnthla te hi a dik vek!
Tunlai thangthar zinga Mizo tawngkam rawn suasamtute hian English word atangin Mizo tawng thumal an han thlir a, English kalphung ang deuha her rem talh an tum thin a, hei hian harsatna a siam chawk niin ka hria.
In chhawng chungchang: “Chhawng” tih reng reng hi thil awmsa hnua belh lehtu sawina a ni a, In chhawng a nih chuan Floor 2 tal a awm tihna. Amaherawhchu, Inchhawng zat chhiar nan erawh chuan a leiseh bera mi kha chhawng khatna kan ti thinin ka hria. In chhawng nga miin a sak chuan Floor 5 a nei tihna. Heihi American ho sawi dan a ni a, British ho chuan a floor 2na hi First Floor an ti thung! (ka hriat ve dan mai mai chuan).
Report this comment
July 29th, 2010 at 5:50 pm
he post chu tha ve khop mei
Report this comment
July 29th, 2010 at 5:58 pm
ka sam ka tan maw ka ti kha ka lu ka lo met ni chu..
Report this comment
July 29th, 2010 at 6:00 pm
@Jeweli : I nick hi..hahhahha
Hmeichhia i nih chuan i sam i tan… mipa i nih erawh chuan i Lu i met…. Hmeichhia or mipa, khawi maw zawk2 chu i ni em ang chu maw :lol:
Report this comment
July 29th, 2010 at 6:23 pm
He post hi ka rilrem zawng tak mai ani. Sap ho pawn an rawng hi hnam dang atanga an lak khawm mai mai ani. An tawngkam tamtak hi tuna kan sawi ang deuh hian a mal mal a lak chuan dik theilo atam ve mai. Mahse anni chuan English ania an ti mai. US in american english an nei UK in english an nei hran, diklo zawk awmlo in an dik an in ti ve ve. Keini hnam naupang te tawng bungrua pawh tlem te nei te hian ka lepse vak vak thin hi chu adiklo ka ti.
a thu hrimin tawngkam diklo awmlo tluka kan ngaih Bible pawh la chhiarchhuaklo tur tih chiang fahran ho in, mizo tawng hi a diklo ani an ti ve pang pang hi chu an zaktheilo ngawt mai
Tin, zirlai siamtute thiamloh hi ani ve pakhat. Vawkhniahzawn thla an ti a, a hnu ah vawkhniakzawn thla an ti leh a. Kumin zirlai ah phei chuan lai nge pawih tawngin (ka chiangta chiahlo) a awm daih tawh an ti. vawkhniak leh hniah pawh a ni tawhlo a ni awm e.
Jeweli lehzel in lu a rawn meh tak chu a, kan va nawi sawt ve.
Report this comment
July 29th, 2010 at 6:57 pm
Kei chu ka lu ka met a,hmeichhia erawhin an sam an tan. Veikhawr ka nilova, vawkhniakzawn(Vawkhniahzawn nilovin)
thla hi a hrehawm ka ti bon tops.Ka ziak nalh lova,mahse
ka ziah chhun chu ka uluk.In chhawng khatna chu a hnuai ber chung ania….chhawnghnihna chu chumi chung leh….a hnuai ber chu ‘chhâwng’anihve loh avangin ‘chhawng hnuai ber’ ani mai lo maw….??…Ω╬..
Report this comment
July 29th, 2010 at 8:24 pm
Inchhawng/camp chhawng tih hian min tibuai. Pahnih inchherchhuan anih tak avangin Chhawng hnih kan tih lai a, chhawng ve miah lo chhawng khatna tia han sawi ngawt mai hi a dik thei angem ka ti thin. Min tibuai bik zual he ‘chhawng’ hian!
Report this comment
July 29th, 2010 at 9:11 pm
Monu/ Mopa tih mah a dik, lam a nuam, a fiah tia kan thlawp anih si chuan, “sam met” tih hi kan hnawl bik thei dawn em ni? Hmui ziat loin hmui hmul ngei kan ziat a, kuttang tan loin kuttin ngei kan tan a, lu met loin sam ngei ani kan meh ni… ti pawl lo awm tase, engtin nge kan chhan ang! Hmanlaiin ‘Hlo ka thlo…’ an tih chhan chu– an thil thlo kha hnimhnah chi hrang2, a mal mala sawi dawna sawi duah ngai, hming hran2 nei kha an thlo ani a, chumi kaihtawinan chuan “Hló thlo” an ti mai ani. Lu-ah chuan thil chi khat, Sam chauh a awma, Sam ka met tih mai hi a dik… ti pawl hi engtin ka chhan ták ang :?:
Report this comment
July 29th, 2010 at 9:58 pm
a post tu ka thlop e. Mizo tawng hi a tobul(logic) atanga chhui vak chuan mak deuh2 ala tam Mizo tawng ani mai, Tawng dang anga teh khin chi ani lo. Hreiha leh hrei fang pawh hi a hre hranglo kan tam tawh ngawt lo maw…………
Report this comment
July 29th, 2010 at 10:27 pm
Dik khawp mai, amaherawhchu, tunlai hian Zotawng tam tak kan lo hman thin kan sawisel nasa ta lutuk hi chu pawi ka lo ti ve thin. Tawng hausakna tam tak kan hloh phah in ka hria. Dik lo sawisel ngai tam tak chu awm mahse chin tawk erawh kan neih hi a tha khawpin ka hria. Tuna mi hi chu ka Full suport e..
Report this comment
July 29th, 2010 at 11:30 pm
Kei pawh 100% leh tlemin ka thlawp e. Tawngkam hman dan kalphung hi hnam tin in kan nei theuh a. A literal meaning atanga kan teh zel dawn chuan kan tawngkam hausa lo ve tak hi kan rawk zui mai a ni dawn asin.
Report this comment
July 29th, 2010 at 11:38 pm
kawlhawk, “Monu/ Mopa tih mah a dik, lam a nuam, a fiah tia kan thlawp anih si chuan, “sam met” tih hi kan hnawl bik thei dawn em ni? ” hnawl love a, me`na thlak tawo chi zawk mawle.
Report this comment
July 30th, 2010 at 3:47 am
‘Mipa in lu an met, hmeichhia in sam an tan’ kan ti fahran a tunlaiah chuan mipa tam tak hian sam an tan ve thin tho ania. :lol: ‘Hmuihmul met’ te pawh a dik alawm, mahse lu ah chuan ‘lu met’ tih tur. Sawibuai sawibuai a ngai lo. (Hnial hrat ho tan: lu a tro hi hmul ni lovin sam ania, chuvangin ‘sam met’ a tih ve theih loh.
hmul kan met, kut tin kan tan, sam kan tan.. Lu kan met. Lu a sam tro hi kutzungtranga kuttin tro te, rama hnim tro te, khabe a hmul tro te nen tehkhin phet tawh suh.)
inchhawng chungchanga ka ngaihdan chu, mi in floor 3 nei in sa ta sela a sawi uar nan ‘in chawng 3 a sang anei’ kan ti thin. A nihna takah chuan chhawng 2 chiah ani si. Sawi uar vel kha nuam kan ti ve mai2 aniang e. Hei hi chu kan thlah lawk thei chuang lovang.
‘Vawkhniahzawn thla’ (hniah=verb) tih hi ka hman thin dan ania. Vawkhniakzawn thla (hniak=noun) tih hi a dik tho. Mahse pakhat zawk2 hi chu hman bik nei ila ka ti khawp mai.
Veikhawr chungchang khi chu post hmasa lamah ka sawi tawh. vei khawr nilovin veikhawr ania. Noun Thumal pakhat ani. Khawr tih khi adjective anga leh phet tuma lakhran phet tum loh tur. Mai2
Report this comment
July 30th, 2010 at 5:31 am
A fost lansat imnul turistic al Romaniei…
I found your entry interesting thus I’ve added a Trackback to it on my weblog :)…
Report this comment
July 30th, 2010 at 11:52 am
Hmanthiam loh lam a kan tih erawh hi chuan “ka khawr lutuk” kan tih leh hlauh, Mizo tawng hi chu mak ve tak a nia..
Report this comment
July 30th, 2010 at 11:57 am
Mizo tawng ve reng a nia. Kan pi pute sawidan a nih chuan pawm mai tur. Bible te pawh hi pawm mai tur. Jonan nghapui a dawlh pawh ti se pawm mai tur. Kan pipute sawidan a nih chuan pawm mai ang u..
Report this comment
July 30th, 2010 at 3:26 pm
Tlai khawhnu ah Comment ka han chhiar chhuak dap a, Misual ho hi kan naupang tlang deuh a ni ang… tumahin in sawi chhuak miah lo mai a…
Veikhawr chungchang hi kan aia u deuh pakhat tawng dik leh diklo lama tui ve tak hi ka zawt chiam tawh a. A ni chuan hetiang hian a sawi ve tlat- Veikhawr kan tih fo hi tunlaia hman lar chauh a ni a. A dik takah chuan kut/ke veilam hmang thiamte hi ‘veidak’ an ti thin a ti.
Amaherawhchu ‘biakhlatna’ tih te, ‘pulit’ tihte ang thop hian a chhuahna la reilo mahse ‘veikhawr’ kan ti vek tawh si a, a dik/diklo han ti ngawt a har viau awm e.
Word dang tar chhuah ho hi chuan ka ril an rem khawp mai. Kudos to Chhaktiang-a
Report this comment