click pic for larger size
Fam Pu Liandala’n kum 1959-a a phuah he hla hlut zia leh ropui zia te, mizo nun ze mawi dik tak he hlain a pholan chian zia te ka ngaihtuah chhuak a. Tunlai naupangte chuan he hla hi an sa thiam lo mai nilovin an hriat ve pawh ka ring lo hial tawh; hawh teh u, nau nei zawng zawngte leh fa nei zawng zawngten kan naute leh kan fate hnenah he hla hi uar takin i zirtir thar leh ang u hmiang, mizote nuna thu tam tak a sawi si a!
Kan Mizo pi leh pute chanchin kan zira, kan ngaihthlak thinah hian kan sawi hmaih ngai hauh loh leh kan chawi nun zel tur atana pawimawh ber mai chu. ‘Aia Upate an zah thiam em em thinna kha a ni awm e.’ Kan pi leh pute hunlai kha chuan khawtlang huap leh chhungkua thleng pawhin Aia Upate an dah lal thiamin, an thu an ngaichang thiam em em thin an ti. Naupang, tleirawl leh rawlthar, nula leh tlangval te thleng pawhin Aia Upate thu hnial hi tih chi-ah an ngai lo hrim hrim. Chumai bakah chuan chaw eihona thleng pawhin aia upate’n an bar hma chuan naupang zawkten an bar khalh ngai lo a ni awm e.
Tunlaia thangthar, nula leh tlangvalte nun hi han thlir chiang ta ila, kan pi leh pute’n rohlu min hnutchhiah zinga hlu ber mai ‘Aia Upate Zahthiamna’ hi kan tlachham sawt hle niin a lang. Upa zawkten naupang zawkte thil tul leh pawimawha an tirh chang te hian thenkhat chu hlawh nei lova tirh kal hleihtheih loh, aia naupang zawkte tirh leh chhawn ching, upa zawkten naupang zawkte tih tur awm ang an rel changa lo relh bo phet tum thin ang te hi kan thangtharte zingah hian an tam ta hle niin a lang.
Ruihtheih thil tih ching ngatte zingah phei chuan aia upa zawkte thinrim khawpa chhang hreh lo te hi an tam zual ta. Thangtharte hi hemi kawngah hian an chhe ta vek tihna a ni lo va; mahse, zonunmawi kan vawn nun tur zinga pawimawh ber mai ‘Aia Upate zahthiamna’ hi thangtharte nunah tun ang zela a tlakhniam chuan kan hnam leh khawtlanga kan nun hona hian a tuar dawn a ni. Mizo hnam nunah hian tun thleng hian a huhova nunna hian hmun a chang tamin kan culture leh tradition humhalhna kawngah hmun pawimawh tak a luah reng a.
Chuvang chuan kan nun hona, kan khawtlang thatna tur leh nawmna tur atan ‘aia upate zahthiam’ hi kan chawinun zel a pawimawh a, kan tih tur pawimawh tak te zinga mi a ni. Aia Upate zahna hian hnam nun a ti zahawm a, chen hona a ti nuam a, khawtlang a ti ralmuangin, a tinuam em em thin a ni.
Similar Posts:
- Aia Upa te zah thiamin
- Mizo Tlawmngaihna hi a Kristian ka ti!
- Inchawimawi
- Tute Nge Kan Nih!? Part 5
- HUN & HUNAWL
August 2nd, 2010 at 8:07 pm
A dik chiah…Mizo zia ve reng a ni
Report this comment
August 2nd, 2010 at 8:10 pm
Naupang zawkten aia upa zah thiam se, upa zawkten an upatna chhuang kher lovin naupang zawkte dawm thiam se.
Report this comment
August 2nd, 2010 at 8:16 pm
Fel tak tak te chu awm bawk mahse tunlai thangthar tam tak hi chuan kan culture hlu tak mai hi chu an kalpel deuh tawh chu a ni.Inzirtir thar leh a tul khawp mai..CYMA hian kumpuanah te hmang thin se a tha viauin ka ring…
Report this comment
August 2nd, 2010 at 8:18 pm
Ka post kha engtik ah tak chhuakve ang maw?
Report this comment
August 2nd, 2010 at 8:21 pm
Khwnge inkhel kha
Report this comment
August 2nd, 2010 at 8:21 pm
A dik khawp mai, tunlai thangtharte zingah hlawh neilo-a tirh theih loh kan awm ta nual mai..zirtir kan ngai, zirtirtu kan mamawh..
Report this comment
August 2nd, 2010 at 8:22 pm
@CyberThug: Naktip lamah i post ‘Fak hlawhlo valrual -MZP’ tih chu a chhuah chauh hmel ka ti.. tun lai chu Post a va tam thei em em ve le.. Misual an pung thar deuh a niang..
Report this comment
August 2nd, 2010 at 8:25 pm
@zeph, uai, ava tlai dawnve. Ka post vawikhatna tur ania, a spelling tihsual ka ngahin ka hria a, kan edit leh pawn angai tho ani zel. A chhuah huna sawisel a hlawh loh nan engtin nge edit tur tih min han hrilh teh u
Report this comment
August 2nd, 2010 at 8:33 pm
@cyberThug: I sir ding kil lamah khan (Logout tih te awmna tlarah khan ‘Manage’ tih kha click la.. tichuan Post submit tawh a lo awm tuar ang a, i post chu a chung berah a awmin ka hria.. mahse kha kha a line-up ah a tawp ber tihna a la ni…post submit atam a, page 2 ah khan kal la.. hei tuna post hming hi i hmu ang a, hemi post dawta chhuak tur chu a chungchiah ami zel kha a ni (scheduled tih zel akha) ..chutiang zelin post chhuahdan tur chu.. Post submit tawh ‘Scheduled’ a intih tawh chuan a edit theih tawh loh.. (admin tan lo chuan).. pending tih laia edit vek tur.. an scheduled tawh a..a siamthat theih tawh loh ang..
Report this comment
August 2nd, 2010 at 8:42 pm
Loks … veng hrang hrangah hian Mizo Culture & Tradition tha tak takte humhalh turin Mizo cultural Club an ding furin ka hria a, mahse kan culture & tradition tha humhalha hmalakna lam ngaihsak tak tak… cultural club tak tak ka la hmu mang hauh lova, cultural dance club erawh ka hmu teuh.. an ni vek zawk mai thei a ni.
Cultural Club-te chuan kan culture-a humhalh ngai leh humhalh tlak a thate humhalhin ‘aia upa zah’ inzirtirna tha tak takte an siam thin dawn emaw ka ti a, an lam tluk tluk (lam ka sawisel em em chu a ni lo) ringawt mai nia.
Report this comment
August 2nd, 2010 at 8:47 pm
kan naupan laiin a thluk nen kan sa thin
“An hnial ngailo Aia U te,
In ngaitlawmin zawldawh fo rawh..”
Tihvel tekha a awm telin ka hria a, hemi (a original niawmtak) ah hi chuan a tello anih si hi a, a post tu hian kimlo nuaih in a rawn ziak emawni chu le..
Report this comment
August 2nd, 2010 at 8:48 pm
hmeichhia pawh nise ai upa zah hi a tha mahse..ti hram teh ang…zan rei lamah hi chuan an thu awih kher a tul lo ang
Report this comment
August 2nd, 2010 at 8:49 pm
@Izboikhar …. Delhi ah hian mizo cultural center din tum ani mahse pawisa awm lo a, a hmun tur lei nan
Report this comment
August 2nd, 2010 at 8:50 pm
#12 fonz lol
Report this comment
August 2nd, 2010 at 8:58 pm
#11 i ti dik … hlathu a kim tlat lo, mahse athu awmzia a hriat ve tawng tawng tho a alwm le … ti mai ang !!! Tamilnadu 0-2 a kan hneh loh lai vela ka ziah kha a nia, rilru kha a kim chiah lo a ni …
# 12 , zan rei lamah pawh aia naupang ni zawk sela a duhawm zawk tho mai a … hahah
Report this comment
August 2nd, 2010 at 8:58 pm
A tih hleih theih loh chin te pawh hi a awm ve tawh !!
Report this comment
August 2nd, 2010 at 9:04 pm
Mizote aia, aia Upate zah thiam hnam ka hmu ta nual mai… Mizote aia thian chhan thih ngam ka tawng ta nual mai… He’ng nunmawite hi kan ta bil ani lo, hnam zawng2te ta a ni. Mahse, he’ng zawng2 “Zonunmawi” tia kan lo sawi thin hi a ropui ka ti thlawt. Aia Upate i zah zel ang u!
Report this comment
August 2nd, 2010 at 9:08 pm
@9 zeph, ka tlai hlek. Ka luh tirh chuan pending ah ala awm reng a, ka luh kualvel chhungin alo in scheduled hman..he2. Mahse ka lawm e, ka hre tawh ang
Report this comment
August 2nd, 2010 at 9:10 pm
khawnge maw wonder8pmboy hi le? ani pawh hian “SENIOR” te zah tih vel chu sawi tur ala hria ang
Report this comment
August 2nd, 2010 at 9:19 pm
A theih hram chuan aia upate hi zah hram chu a tha alawm
Report this comment
August 2nd, 2010 at 9:20 pm
@CyberThug: I edit hnu-ah submit tih kha click leh zel tur..chuan i edit chu a inupdate zel ang..
Report this comment
August 2nd, 2010 at 9:43 pm
tlawmgaihna nen pawh a inzawm a.. Aia upate zah ila, aia naupangte dawm thiam bawk ila… Kan hnam nun lo mawi zual zel rawh se!
Report this comment
August 2nd, 2010 at 10:07 pm
A thupui hmang te mai khian, “A DIK a ni” tih te mai hi nise.
Report this comment
August 2nd, 2010 at 10:11 pm
ruaithreh ka chak
Report this comment
August 2nd, 2010 at 10:13 pm
#22 Rairahtea: Ka thlawp lutuk che, i Comment khi ka ngahtuahna kal mek chu ani.
Report this comment
August 2nd, 2010 at 10:13 pm
#24, intlar a khat ta khawp mai … mizo hnamzia humhalh zel atana tha tak a ni ruaitheh hi … haha
Report this comment
August 2nd, 2010 at 10:25 pm
Changel hnah ngei mai a, Sapui han bun khuk ham ham mai hi chu a nuam danglam ve hrim hrim a, a Mizo ka ti thin. Thlengah kan han inchawi hrang ve ve hi chu kawng tamtakah fihlim zzawk mah ila, kei chu Hnah chungah ngei khan ka chak ber mai.
Report this comment
August 2nd, 2010 at 10:30 pm
@Pimp: Mau bur ngeia Sa tui hang han In kha chu va tui em!.. lunglenthlak ve aw..
Report this comment
August 2nd, 2010 at 10:37 pm
zeph, mau bura sa tui hang hawp a, tihsual tuma hnara a rawn baw zawih thin kha chu nuam lo ve thei khawp
Report this comment
August 2nd, 2010 at 10:46 pm
@Zephenath: Dik chiah, Sa tui, Bawngsa tui ngei mai kan han hawp a, Changel hnah chungah kan han thet hluai mai thin kha chu,,,, a tluka ruai theh nuam hi awmlo hrim hrim, Thlengahte chuan Mahni in ah pawh kan ei teuh teuh reng a, nuam tak taklo.
Report this comment
August 2nd, 2010 at 11:18 pm
Hei hi chhiar nawn peih tan…
https://misual.life/2010/07/.....h-thiamin/
Report this comment
August 2nd, 2010 at 11:22 pm
Chang 3-na tlar tawpber hi ‘Tlawmngai langin tanpui zel rawh’ tih niin ka hria.. (hla anga kan sak ang pawhin a beat a dik/kim zawk..chang dang nena tehkhin pawhin..) :lol:
Report this comment
August 2nd, 2010 at 11:42 pm
aia upate zah zel ang aw..
Report this comment
August 3rd, 2010 at 7:15 am
Courtesy/manner/etiquete chhuanawm kan chhawm nung awmzia hi conduct mawi tak, aia upaten min zirtir hlawhtling a lo ni!
Report this comment
August 3rd, 2010 at 12:39 pm
Tunlai thang thar ten Aia upa zah na chang an hriat loh chuan. An U ten An aia U te Zahnachang an hriat loh vang a niang.
Report this comment
August 3rd, 2010 at 12:41 pm
Tunlai thang thar ten aia Upa zah na chang an hriat loh na chhan chu an U ten an aia U te zah na chang an hriat tawh lovang a niang. Culture thil pawi mawh vawileh khat ah a bo tawp thei lo. Nauten En tawn tur an hre lo a chuavang a niang.
Report this comment
August 3rd, 2010 at 1:53 pm
Aia upa pawh ni se mi dik lo (ka hriat chian) chu ka zah duh chuang miah lo!!
Report this comment
August 3rd, 2010 at 2:01 pm
Tlawmngaihna, aia upa zah, Mizo nundan ze mawi, etc. te hi School-a zir thin ni mah se exam naa tih that nan chauh ni lo a kan nitin nuna hman tur a ni tih inzirtirna a awm tawh lo niin a lang. Heng vang hian Mizo nunze mawi tak tak chawi nung leh tur chuan mahni in chhung theuh atang a alo chhuah loh chuan kan hmuh let belh tawh hmel loh khawp mai..
Nu leh pa ten he Zonunmawi hi kan fate zirtir chu kan mawhphurhna a ni e. Thangthar lo awm leh zel tur pawh nu leh pa ten an hlan chhawng zel lo a nih chuan he Mizo nunze mawi hi a bo pil hmak dawn tihna a ni mai.. tunah pawh Tlawmngaihna a bo tan kan tihna chhan chu ka hmuh danin kan nu leh pa ten an fate min zirtir tak loh vang a ni..
Thangthar te tan Zoram nuam a awm theih nan nu leh pa ten kan fate Mizo nun mawi kan inchhung ngei atangin i zirtir theuh ang u.. :lol:
Report this comment