1990 kum khan ka thiannute (Hming thup) vengah hian kan insawn lut ve a. A mah hi Sam siamthiam a ni a, 5.5″ a sang, hmel chhelo tak a ni a. An chhungkua hi Zo khaw lam atanga rawn pem lut, unau rual tak a ni a, amah hi an unau zinga naupang ber dawttu a ni. Eizawnna mumal nei lovin a rem ang ang thawka eizawng an ni a.
Tuk khat chu kan inah a lokal a, “In in bul maiah hian kan awm a, sam ka siam ve thin a, i duh ve chuan inah ka rawn siamsak ang che,” a rawn ti a. Kei lah kan pa hmundanga an post a vangin ka khawhar chuan ka sam ka siamtir nghal a. A ti ti ka ngaihthlak atang chuan “KS dam leh” an tih ang hi a nih ka ring a. Pasal Driver a nei a, a pasal a ninzia leh then a duh zia te, a pa in a phal lohdan te min hrilh a. Chuta tang chuan min rawn nelin a lo leng ta fo a. Engemaw min mawlhtu awm ang mai hian ka lainat ru ta riau a.
Chutih hunlai chu Mizoram a “Misualte hnen thleng phak chanchintha” tih thupui hmanga Pu K.Lalhmingliana, El Bethel vanglai kha a ni a. Thlasik lai a ni a, ka hunawlah Kawr ka phiar thin a. Ka kawr phiar chu a awt ve em em mai a. “El Bethel camp ah i luh duh chuan i duhzawng ber colour min hrilh la, ka lo phiar ang a, i rawn camp zawh a i hak turin ka lo phiar zo vek ang”, ka ti a.
A la phiar tur leina a neihloh bakah a awh ve em avang khan”Kawrlum hlawh chuan ka kal ve mai ang”a ti a. Tichuan camp ah chuan a lut a, keiin karkhat chhunga a hak hman ngei tur chuan a kawr tur chu chhun zan zawmin ka lo phiar ta a. An camp zo lo haw chu a reh ta daih mai a, Biak Inah a lamlai hmuh tumin ka kal a, ka hmu si lo. A kawr awh ngawih ngawih kha haktheihin ka lo peih diam tawh si. An Inah kalin ka va ngaihven duh bik lo a.
Ni 4 vel a liam ta tihah chuan a pa putar tawh tak mai chu a lo leng ta hlawl mai a. Ka thiannu camp chhuak chu Inkhawm lam a tum miah loh avanga a beidawn zia a rawn sawi ta mai a. A pa haw hnu chuan ka inngaihtuah vang vang a. Zan inkhawm hlan in an in ah chuan a kawr tura ka phiar khaiin ka va kal a. Mi han hmu chu dan rualloh in a mittui a far ta zawih zawih mai a. A lungchhia reh hun nghakin hrilhhai ang reng takin ka thu ngawi reng a.
A hnukulh zualpui a reh hnu chuan a insiam sawk sawk a, kan In lama kal a rawt vangin ka inzui chhuak leh a. Khami zana a thu min hrilh ka’n ngaithla chu ka va han lainat ngai em.Vawiin ni thleng hian ka thinlungah a thar leh thin. A naupan lai, nulat pawh a hriat hma in a hreh chung chung chhungkaw harsatna avangin mi Inah a awm lawr a, a lo tleirawl chu a hmel a thain a hleitling si a. A awmna te in bul a Sawrkar hnathawk fapa chuan a ngaizawng a, an induh ve si. An la naupang ve bakah a mipa chhungte chuan an In a hruai luh an phal lova, “Rangkachak kung pawh rawn chhawm se la, mi awmpui neih kan duh lo” tiin an nupa chuan an hnawtchhuak a.
An Rawl dun chu a ni ta mai a. A mipa chuan an in a thil, gas bur thlengin a rukchhuah theih ang ang a ru thin a. Awmna an nei si lo a. Chutiang ringawt chuan rei an daih si lo. A mipa chu a chhungte`n an hruai haw leh a. A ni chu an In lamah a nu leh pa belh tumin a haw ve a. Pawisa thawkchhuak ta lo chu, an lo duh ta si lo. A thawmhnaw neih ang ang an rawn paih chhuak a. Chu mi zan chu mi varanda thimah a riak a, a tuk ni lo chhuak chuan a taksaah natna mak tak a rawn thlen a, a ke pahnih a na a, a kal thei ta lo a. tichuan, miin damdawiinah an dah a.
Damdawiin ah chuan thla 3 teh meuh an enkawl a. A u leh nau, Nu leh pa te chuan vawikhat pawh an tlawh lo a. Laina hnai a nei tih pawh Hospital ah chuan a sawi ngam lova. A that chhoh deuh, discharge theih a ni tawh tihah chuan a khum bulah Zu zuar Nu pakhat hian a fa a rawn awmpui ve a. Chu nu chuan damdawiin a chhuahtheih hun hun ah an in lam pan turin a sawm a. Tichuan Zu zuar inah chuan a awm ve ta a. A awmnaah chuan reitak awmna chi ah a ngai lo va, a awmna Nu chuan Rakzu 10 litres a pe a. Chumi khai chuan In tereuhte a luah ve a.
Amah lah chu kum 18 vel chauh a la ni si. ” Ka hlau lutuk hi tuikawhna leh Rod bung hi ka inchhawp reng a, Belte pakhat leh Tel tin 2 leh saiip hi ka nei a. Ka zu ka hralh na chuan khawnvartui tlemte leh kerosene stove ka lei a, a dang ka lak belh a. Zu ka hralh hi kawngkhar bulah insual huam hian rod bung hum chungin ka ding thin a,” a ti a.
“Vawikhat chu Officer pakhat hi a chatthla der tlat a, a haw duh lo a. Min mutpui a tum ta a, ka hlau lutuk chu rod bung chuan a lu ah ka hlap nghek mai a. A thi amaw ka ti a, zanlaiah ka hnuk chhuak a. Traffic duty na phenah ka dah a. A thisen a chhuak nasa si, ka hrufai tlaivar a ni ringawt mai a, a tuk chuan Mitthi ruang chhar thawm hriat tumin ka va dakchhuak dek dek a. A lo awm ta miah lo a. Nilengin ka ngaih ven a. A lo thi lo tih ka hre ta a. Tun thleng hian min hmu duh ngai reng reng lo.” tiin min hrilh a.
Tichuan kum alo vei meuh chuan a mah pawh a in la mukin inrintawkna a lo nei chho, ve zel a. Chumi hnu chuan nula mahni a awm ta chu, mipa mutpui te pawh a nei ta nual tho niin a sawi a. A nu leh pa leh a unaute chuan an rawn bel leh tan a. Pasal driver chu a nei ta a.
A unaute nupui pasal neiin inhrang an chang zo tawh a. A nu leh pa hnenah a pasal nen chuan an let ta a lo ni a. Mahse a pasal chu a sual ve a, kutthlak te a ching a. Then a tumin an phal si lo. A ning tawp chuan a chhuahsan a, nupuite in a awmve reng chu dik tawh bik hek suh, a tawpah an pa chu an khawlamah a haw ve ta a.
Chumi hnu lawk chu El Bethel camp a a luh chu a ni a. Ka hmel a hmuh a a mittui tlakna chhan ka zawh leh chuan, “Kan veng Kohhran hmeichhe OB te an camp ve a. Sermon ka ngaithla kha keima tan a sawi bik niin ka hria a.Ka tet te atanga miin a awm ka nih avangin mumal takin ka la inkhawm ngai lo a. Pathian in min hmangaih thu han hriat kha ka tan a hlu zual a.
Mahse camp kan zo kha mahni venga Kohhran hmeichhe hruaitute han chibai ka chak a, an bul a ka va kal ve chu maw,`I daih rei ve em eang chu maw`, NANGNI ANG PIANGTHAR VE HI CHU KOHHRAN TIHMING CHHETU AH IN TANG LEH MAI THIN A, FIMKHUR ANG CHE. THLAKHAT TE CHU DAIH I TUM ANG CHU etc.” min lo ti mai chu, vuakchawrh ai pawhin na ka tiin ka zah zia chu..Lalpa, Biak In lo ah pawh min kalsan bik lo ang che, kei chu ka Inkhawm ngam dawn lo ” tiin ka rawn haw a.
I mi duhsakna leh nangmah vanga Pathian hmu si, Biak In a mi hmu lo tur ka ngaihtuah khan hrehawm ka tiin ka hmu hreh che a. Tin, tun ang hian ka mimal chanchin hi vawikhatmah ka la sawi chhuak ngai lo.” tiin a nun zawng zawng a sawi ta mai chu mak ka ti lutuk chu ka bing mum mumin ka hria. A mah hi tunah chuan Chatuan ramah chawl hlen tawh turin a kal tawh a ni.
Fel leh tha kan intih na te avang a Pathian hmangaihte hliamtu te LALPA`N A TEN NASAT DAN TUR HI AW..a lo sei ta ngei mai, a boral hma zawng a a nun hman dan te ka sawi zo lo. Tih theih kha ka va nei lo ngai em..Ka thiannu hliamte hliam belhtu ho kha ka ngaihtuah chhuah chang chuan ka va haw thin em. Han sawi belh ve tawh teh u, Misual thiante ho khan….
Similar Posts:
- Catherine Lalpuii psychiatry ward-ah
- Hmangaihna Inphiar
- Pizawn leh Puzawn Koh Dan : Ka Nu/Ka Pa or Ka Pi/Ka Pu?
- “Fel” inti te nek bo ka thiannu kha – Part II
- Thingtlang Naupang Remhria
September 4th, 2010 at 6:03 pm
@lalmi5ualpa, mumal tak in a inkhawm ngai lo a, a vawi khat inkhawmna ah kohhran hruaitu te zing ah tiang mi khi an lo awm thin tih a hre thar ve chiah tihna a nia a, a khawngaihthlak viau nang in a beidawng hma mah mah. An kohhran hruaitu zingah RIN ngam tur leh pui hreh hauhlo tu tur an awm treuh tho awm si a, chung ho chu belh zui zel zawk awm, inkiltawih nghal mai lovin.
Report this comment
September 4th, 2010 at 6:03 pm
@Ainawn,I thu ziah chu a va han ngaihnawm in ngaihtuah na ava ti tam em!.
Mahse rilru hran theuh nei mihring mahni tawk a dik leh hria,fel in ti tlang theuh zingah hian tu ber nge thiam a thiam loh tur hi hriatthiam a har thin.Eng pawh ni se ka ngaih danah chuan mihring hi a pawng a pui a in hnuai chhiah leh in hmusit ringawt thei kan ni lo.Kan sei len dan a in ang lo tih hi in hriat sak fo ila.Tin,he khawvel lei rem rap tur hian kan lo chhawrchhuah dan kan tuar nasat dan in ang lo tih hi in hriat sak fo a tha,pawng a pui a kan ngaihdan anih loh pawh a mi va diriam tak a tih hi tha lo ngaituah fim tak hi pu thiam theuh thei ila.
Ka lawm e.
Report this comment
September 4th, 2010 at 6:18 pm
A lungchhiat thlak khawp mai. He thawnthu hian ngaihtuahna a kaltir thui hle mai.
Kan chenna khawvel a zauh ang bawk hian, mite chung a kan rilru puhdan pawh hi a zauh ve a ngai a, fanghmir pawh chhan neiloin a thi lo, kan ti thin. Mihring hi duhthlan theihlohna hmun a han awm chiah hi chuan kan thil tih duh ngai reng reng lohte pawh hi tih a lo ngai thin. Ruhru, drug zuar, zu zuar, misual kan tih thinte pawh hi an tunhma nun leh an dinmunte kan hriat sak siloh chuan a pawng a tak a tawngkamchhe tleuh nan hman hi a tihsual theih fo reng a sin.
He misual.com ah ngei pawh hian misual, rukru, Ks, zuzuar etc chanchin kan sawi fo thin a, tawngkam chhe tak tak leh hmusit tak a sawi ching kan tam mai. an nihna hi tuna mi ang khian hrechiang vek ta ila, tun ami nen a inang tak tak hi an awm nualin a rinawm. Dinhmun in a a zirloh chuan thil mawi lo tak takte pawh tih mai a ngaih chang a awm thin. Tunhnuah hetiang chungchang kan sawi leh hunah rilru zautak a thil kan thlir thiam theih nan min puitu a nih ngei ka beisei.
Report this comment
September 4th, 2010 at 6:21 pm
Mihring zawng zawng hi MIHRING an nih avang ringawt pawh hian ZAH hmasak phawt hi mihring zawng zawngte tih tur niin kei chuan ka hria.
Report this comment
September 4th, 2010 at 6:31 pm
Bible a Samari mitha chungchangah khan a chiang viauin ka hria.Khatih hunlaia hnam hnuaihnung kha a zinnaah suamhmang ten an rawk a, an vaw hrep a,thi lek lekin an kalsan a.Khatih hun laia Sakhaw rawngbawltu Puithiam khan an Puithiam kawr ha chunga hnam hnuaihnung an khawih a thiang hauh lo.Kha hliam tuar, puih ngai ngawih ngawih an hmuh khan..A Puithiam kawr kha hlip ngam se..Pui ta mai se..Pathian a lawm ka ring a ni.Mahse hlip phal lovin an kalsan a nih kha.
Kohhran hmeichhe OB te khan camp an la chhuahsan hma hauh khan an bengper nghal a nih ber kha.Rawngbawltu ni a an inhriatna kawr kha hlip sela chuan ..I thiannu hliam tawrh mek kha a dam huai ka va ring eem ve aww.
Report this comment
September 4th, 2010 at 6:40 pm
@nauteii, a dik ka ti lutuk.
Chuan Khiti taka tawngkam na a lo chibai tu khi rawngbawltu in la fel/chapo tak a ni ngei ang. Rawngbawltu tam zawk chuan an tih miah ka ring lo. ainawn chu i rawn post tha kher mai, i thiannu chanchin lungchhiatthlak tak atang hian zir thar tur tamtak a awm a ni.
Report this comment
September 4th, 2010 at 6:52 pm
@ 56 ; Ka type lai pawh khian ka mittui a tla asin..Khawdang a kan awm hlanin a thi a, a nau in min hmuh hmasak veleh a thihthu mihrilh ni a ka thinlung rum te kha aw..
Hringnun chung a thuneitu leh roreltu ang hrima kan han tal vel mai thinte ka ngaihtuah phah fo thin.Kan Pathian hi kan rilru angchauh pu tur hian kan dah mai emawni chu aww tih vawng vawng ni hi a tam thin khawp mai.
Report this comment
September 4th, 2010 at 7:11 pm
A nu leh pa te chu ka dem kher mai. Mahni fanu te ngawih², sum thawh chhuah loh vanga han hnawhchhuah chu a van mak em em bawk ve. Mahni fa te chu kan ei ai pawh kan pe mai tur a nia. Kohhran nu ho, meinei deuhva trawng te nen an thiamloh dan a in chen reng. Nu vanduai tak a va ni em! RIP.
Report this comment
September 4th, 2010 at 7:11 pm
Mi hausa fa nise chuan fuihtu, lawmpuitu, hruaitu, kawhhmuhtu leh tanpuitu tam tak a hmu anga. Tawngkam chaltlai tak a dawng hauh lovang.
Mirethei leh chanhaite tan he khawvel hi tahna ram a ni.
@Anawn: I thiannu chu a tap leh tawh ngai lovang.
Report this comment
September 4th, 2010 at 7:15 pm
Mahni theuh i inenfiah ang u. Kan laichin hnaite leh kan nitin hun tawnah mi tan HLING ni loin, mite nun tinuamtu leh an harsatna kan theih ang chin chin a (tisa & thlarau) sutkian saktu nih i tum ang u, Kei MI{5UAL} ka ni inti chin chu. Ka lawm e.
…khrum
Report this comment
September 4th, 2010 at 7:48 pm
Thlirdan dangin aw niang. Camp hi kum tin kan nei ziah a kan vengah pawh hian, ka hmelhriat te pawh an lut ve nual thin. Kan daihrei lo ka ti tawp keichuan, sawm ah pakhat te chu an awm mial mahna. Nangni pawhin in hriat chian em kha maw… Kan inring lo thin hi tumah dem tur ah ka ngai lo keichuan.. Ze nghet la nei miau hek lo..
Report this comment
September 4th, 2010 at 8:45 pm
A khawngaihthlak hle mai! Tah a ti chhuak! Inhmuhchhuahna atan hman a tha hle ang le!
Report this comment
September 4th, 2010 at 9:17 pm
hringfa te hi,,kan lo pian chhuah hlim atang reng hian,kan in vanneih hleih thei thin mange,,tih min ngaihtuah tir,,,
Report this comment
September 4th, 2010 at 9:20 pm
edit theih hun chhung chu a rei reuh phian mai,,ka edit dawn mawn chu le..he
Report this comment
September 4th, 2010 at 9:28 pm
A bu chuan siam mawlh teh. Amaherawhchu nang pawh OB te ang khian an chungah over bik lo la, Kohhran, khawtlang, kan ram, kan hnam sukthlek her danglam bawiiih thei a tlin ngei ka beiseiin ka duhsak a che.
Nangma lamah chuan i tih tur dik tak i ti niin ka hria, ka lawmpui a che. Mi tam tak chuan mi khawngaih pawh tum mah se chance an hmu lo, nang erawh chuan i hmu a, i bawhpelh lo hi i tifuh hle mai.
I thiannu chu a khawngaih,hmangaih tak taktu angchhungah hlim takin a chawl tawh a, a va hlim nasa dawn em !
Report this comment
September 4th, 2010 at 10:39 pm
Umpawng par. :). A khawngaihthlak hle mai, a piangthar tih lovah chuan a vanduai tluanchhuak a nih ber khi maw. Hmeichhe pawl O.B. a sawi ang khi chu a tam chu an tam lo tawp mai a tawng vanduaiah ka ngai.
Report this comment
September 5th, 2010 at 9:33 am
min dek zar mai a, FEL kan tih hi engatanga teh tur nge ni ang… Mihringin a kan teh dan leh Pathian teh dan hriat a chak awm khawp mai
Report this comment
September 5th, 2010 at 10:44 am
True story ngaìhnawm leh lungkuai tak a ni. Chhungkaw inawp dan pawimawh zia a lang bawk. Chubakah thil thlir dan chikhat, nghawng nei thui thei tak, ” Generalization ” a hmuh theih bawk.
Report this comment
September 5th, 2010 at 11:37 am
Rilru khawih zak mai Post a nih hi, ka van lainat tehlul ve le
Report this comment
September 8th, 2010 at 3:10 am
[…] Hetah Part I […]
Report this comment