Khatia ka lasi note-i lo hawithla kha mak ka tihzia kha a mak ka ti zawk hial. Ne, kha sikulah khan ka Lasi note-i kha a luh ka ring lo em a ni. Ka mit vai a maw ka tia, ka mit ka nuai a, a lo la awm. Ka mumang ami? Ka insika na ka hria, ka mumang pawh a ni lo. Ka tana runlum pui tura khuanu ruat lawk a mi a nih le? Khatiang khawp khan ka vei a, ka awmna bulah kher a lo awm ve si a. A nuam viau naa, ngaihtuahna erawh a hruai peng dawn chiang.
Ka lasi note-i lo hawithla chu ka thiante pawhin awmdan an theihnghilh ni berin ka hria. Ne, ka lasi note-i kha chu hmeichhe dang huat theihtur khawpa hmeltha chungchuang a ni tlat. “Thiante u, khawngaihtakin zaizirin min han biak teh u” ka ti hman tep a. Pakhatin min han kawk ta chat mai. Ka va lawm em! Ka lasi note-i chuan mak tih hmel deuhin min en vung vunga, khawdang a hawi leh a.
Min hmu peih lo a mi? A hnu deuhah a lo hawileta, min nuih var var a.. ka lasi note, nui suh, i biangsum nalh lutukin i hmel a titha zual kha ka ngaihtuahna a tibuai leh dawn. Min rawn bye bye tlat mai le.. thiante zingah chuan hawi a va nuam em. Min han kawk tha leh a. A bu nghauh mai le- a fiamthu a nih khi.
Joshua kan va mamawh em! Khi ni a tla dawn. Ni-a ding reng rawh ka han ti thin a, Antam mu fang tiat lek pawh rinna ka nei lo a niang a tla ta tho a. Lehkhazir a ngai ta. Lehkhazirtur chuan ka han inchhawp ve tak naa, ka duhthusam khawkhata lendun a thleng dik tlat. Engtin nge ka zir theih tehlul ang- ka lasi note-i tlaiah ka hmu tlat. Ka ngaihtuahna ka kawma, mut a lo hun dawn ta mai a. Engmah pawh ka zir ta lo.
Mut hmunah chuan ka ngaihtuah zui a. Ka lasi note-i chetdan khan ka rilru a tibuai ta. A hmelthatzia inhriat duh chuan ka thiante kha zawt mai rawh u. Khatiang khawpa hmeltha kha chuan rimtu a ngah dawn chiang. Keichuan 10 mins. vel bak ka kawm lo, ka kawmna pawh a rei tawh. Engtinnge min hriat, a tider a mi? Tider se min bye bye in min nuih dawn mi? A awmzia chu min duh ve tihna ni em? A chhanna chu vana mite leh ka lasi note-i chauhin an hria.
Chutia ka ngaihtuah lai chuan ka bula mi chuan bike a rawn khalh ta maw tihtur khawpin thawm a nei ta. Sana ka en a, mut a lo hun tawh hle a. Nimin tlai a chetdan kha chu khuavar leh se a hriat mai ang. Ti tak tak se aw. Ngaihtuah reng chung chuan ka muhil dawn ta mai a. Ka lasi note-i nen tudang ngai lovin tawnmangah kan inkawmin; a tak ramah pawh tudang ngai lovin kan leng thei angem le? A chhanna chu khua han var se a chetdanah a lang mai ang!
Similar Posts:
- Ka ngai che- Lasi note II
- Ka ngai che- lasi note V
- Ka ngai che – Lasi note!
- Ka ngai che- Lasi note IV
- MIPA HIAN E (hmeichhe lakah)…
September 6th, 2010 at 1:37 pm
Uno… First… Pakhatna…vai Ek… A hmasa berah chuan Keimah Thingtlangpa chu i ziak tha thei hle mai.
Report this comment
September 6th, 2010 at 1:50 pm
A tha … a tha! Ti zel rawh, ngaihnawm ka ti tawlh tawlh mai le… Ti tawp rih suh aw.. Ka lo save ta zel a nia.
Report this comment
September 6th, 2010 at 1:54 pm
Ka lasi note-i chuan mak tih hmel deuhin min en vung vunga,
… vung vunga… tih lai tak khian a ti bam deuh lo maw?
Report this comment
September 6th, 2010 at 2:03 pm
Iau… pu kt a chu ram hnuk lam ah emaw talent i neih ka lo tia, helam ah pawh talent chu i lo neih len hi mawle….NOI
Thil thleng tak tak a ni em??? a tak ngei nih ka ring.. Ngaihnawm khawpmai.. heh heh heh
Report this comment
September 6th, 2010 at 2:06 pm
@bucko phuah ve liau liau a ni e
Report this comment
September 6th, 2010 at 2:08 pm
a ngaihnawm e,ziak thiam bawk a.
Report this comment
September 6th, 2010 at 2:17 pm
@KT.. thawnthu tawi competition ah hian i thawn ve tawh em?…. loh chuan thawn ve ngei ngei rawh, ka lo tran viau ang che.
SMS hmanga vote an tih phei chuan ka vote nasa ngawt ang che. I ziak/phuah thiam e….
Report this comment
September 6th, 2010 at 2:25 pm
@bucko keinite zawng mithiam zinga inrawlh ngam tur chi kan ni hleinem
Report this comment
September 6th, 2010 at 2:27 pm
hmm i va han hman ve tak i ziak thiam viau e
Report this comment
September 6th, 2010 at 2:36 pm
@KT.. hets.. sala.. chutiangin inferiority nei suh….. I thu leh hla te hian sawi a hlawh hle thrin kha… keini’n ngaihnawm ti takin kan lo chhiar anga, zirtur a awm chuan kan lo zir bawk anga.. ziak zel rawh..
OT em aw….
Report this comment
September 6th, 2010 at 2:39 pm
Awle..nia ka thil hriat atanga ka sawichhuah kim lo tak tak in lo chhiar ve duh avangin ka lawm e
Report this comment
September 6th, 2010 at 2:45 pm
Thawnthu phuah thiam tak tak hi an awm maw le. Lasi note ni lovin, lasi nula ngei ni se.
Report this comment
September 6th, 2010 at 2:45 pm
#7… sms hmanga vote ka sapawt lo. Misual page ah chauh hian vote theih se, reg users zawng2 in vote thei ila. Judge te ringawt ai chuan…
Report this comment
September 6th, 2010 at 2:46 pm
Bravo.. KT.. heh heh heh
Report this comment
September 6th, 2010 at 2:49 pm
@caribou nula a la ni lova, tleitiri chauh a la nia
Report this comment
September 6th, 2010 at 2:49 pm
I lasi note a bo a nia…………
Ngaihnawm chiang e KTP
Report this comment
September 6th, 2010 at 2:50 pm
@KMT, dek ngaihnawm thei khawp mai. Tihtawp dan i thiam, a dawt zel chhiarzawm chakawm takin i khar thin. Tha khawp mai.
Report this comment
September 6th, 2010 at 2:54 pm
@lonelyboy ka zawng zel ang..ka rilru luahtu a ni si a
@benny ka lawm e
Report this comment
September 6th, 2010 at 4:29 pm
Kei, ziak ve thiam hauh si lo, phunchiar ve ringawt hian ‘Ne’ leh ‘ami’ hian ka mit a tihkham thu ka’n sawi ve mai mai te’ng. ‘Nia’ leh ’em ni’ tihtur niin ka ngai ve ngawt.
Idea zawng a awm alawm!
Report this comment
September 6th, 2010 at 4:35 pm
ziak ngainawm thiam khawp my,mahse a lem dawn lek2 tawh.hehe
Report this comment
September 6th, 2010 at 6:45 pm
@Muantea: Ne, ti raw muante..? A pawi miahlo Ne hman khi. Mahse ti hian a dik zawk angem N’e tiin ziak ta ila. I ziak ngaihnawm ka ti. Sawisel tur erawh zawn chuan a awm nual ang. I suangtuahna thatzia erawh i pholang.
#misualte u, thuziak bold leh italic dan mi’n hrilh teh u. Computer leh phone ah poh.
Report this comment
September 6th, 2010 at 6:50 pm
Bold chu bold tannaah inkarah ‘b’ i dah ang. A sentence tawpah inkarah ‘b’ i dah leh ang. Italic-ah chuan ‘b’ kha ‘i’-a thlak tawp mai tur a ni awm e.
Ka lawm em em e.
Report this comment
September 6th, 2010 at 6:54 pm
Ah! A lang thei miah lo. Pu SeynMizo, sorry lutuk! A link han dah mai teh u.
Ka lawm em em e.
Report this comment
September 6th, 2010 at 10:10 pm
a ngaihnawm e
Report this comment
September 7th, 2010 at 1:27 am
@SeynMizo
Bold dan chu (b)i bold duh thu(/b)
Italic dan chu (i)i italic duh thu(/i)
( aiah hian less than sign hmang la, ) aiah hian greater than sign. Hrethiam em?
Report this comment
September 9th, 2010 at 10:51 am
@3 NINJA…keipawh khilai “vung vung” khi a notice nghal var, hmeichhe min en vung2 tu chu a hmelthrat hmel lemloh NOI
Report this comment