A khuhhawnna
Nangchuan he thuziak hi i inlum nuam tak atanga i chhiar loh pawhin hmun nuam takah i chhiar ngei ang. Ei leh in tlachham lovin, lungkham lutuk lovin i awm a. Thawmhnaw man tam tak tak inbelin i hlutna pawh sang tak a ni ngei ang. I hmabak chu a eng a ni. Nakinah chuan mi eng emaw tak ila ni ang. Heng ho hi an nundan tawmpuiin, an rilru han put pui chhin teh le..
Engati bik nge?
Nangchuan chenna tur hmun nuam tak i nei a, “Hei hi kan in” tihtur tha tak i nei. Kha in kha i himna kulhpui a ni tih pawh i hria ang. Ruah surin, thlipui tleh hum hum mah se i ina i awmchuan i ngaih a ngam thin tiraw? Ni e, in hi chu a va pawimawh em.
Tuna he thu i chhiarlai hian chenna in neilo, he khawvel an rawn hmachhawn tirh atanga “Hei hi ka in” tihtur neilo engzatnge awm ang le? He leilung hian anchhia lawhin, leilung malsawmna chu an ban phakah a dah duh lo tihna em ni?
Piallei hmun rem an bel e
Zan a lo ni a, tui taka i mutna thin khum dup nuam takah muin tawnmang rammawi i chen thin tiro? Ni e, kha i khum khan a chhawi mu chein, a chawlh hahdam tir thin che a, i hahna zawng zawng chu a chhawk thin che a nih kha.
I mut dawnah han ngaihtuah teh. Kawngsir puan phah tur pawh neilo, lehkhakhawng chunga mu awm ang le? Thingbuk hnuai chu an tan laikhum zalna hmun a ni a, tahchuan zan hun an hmangral thin a sin. Kawngkal thawmin a tiharh a, zing vartiana khawl ropui tak tak, an la khawih ve ngailohin a kaitho thin a. Chutiang nun chuan kum tam a lo her pui tawh a sin.
An khawsak dan en teh
Thil tharlam tak lo chu i ei duh lova, thawmhnaw man lamah lah vawksa khai khat man zah vel awm chuan i inbel duh lo tiraw? Thi leh bengbeh te, zungbun leh ngun i neihloh chuan kimloah i inngaia, neih i tum thin tiro. Hunbi thlapa thil tih i duh avangin sana i nei a, hun hriatnan i hmanga, chu chuan i nun a kaihruai thin a ni kha.
Khi thu i chhiarlai khian ngaihtuah teh. Nimin piaha i chawhmeh lei a hlui tawh tiin i paih kha anni chuan chilputin an thlir a sin. I thawmhnaw man atana i pawisa i ipte atanga sam taka i phawrh kha anni tan chuan kumkhat daih dawn khawpa tam a ni a sin. Hringnun hi a lova danglam em!
Ni a lo chhuak angem?
Nakinah chuan engemaw tak niin he khawvelah hian ila nung anga. Lungkham buai nei lovin i nun i hman ka ring. I hmakhua a eng a, i hun lo kal tur hi tuna i awmdan a zirin a awm a sin.
Anni chuan enge beisei tur an neih? Naktukah eng nge ka ei anga, eng nge ka in ang tiin an ngaihtuahna an hmanga, he damchhung hian lungngaihna chhumpui chuan a zim hnan tlat a sin. An tan hlimna turin ni khi van zawlah khian lo herchhuak ve angem le?
Han in en teh le!
Mi engemaw tak ni thei turin sum in nei a, he ram tana mi tangkai ni thei turin zirna tha i dawng a.
Mamawh ang chu i nei thei deuh zel a ni tiraw? Chuti chung chuan ngatinge i thut reng? I tho dawn lo’m ni?
Anni chuan zirna tha an dawng ve ngai dawn lo. Zirna tha nei thei turin pawisa an nei tlat lo alawm le! An tan khawvel hi hmun hrehawm, lungngaihna chirhdup hmun a ni a sin. Awmhmun nghet nei ve lovin, khawlai hmun remchang an hmang mai thin. An vahvaihna ramah hian chu hmunah chuan ka awm an ti ve thei lo. ADDRESS: KHAWLAI tih mai loh chu.
Similar Posts:
- Inneih zana sawi loh tur 50 te
- Dawn ti sei…….
- ‘Duhaisam’ hmangin duhthu ka sam!
- A nuam ringawt!
- Ka pi hla hnuhnung kha!
October 17th, 2010 at 11:33 am
Hit ṭha thei khawp mai.
Report this comment
October 17th, 2010 at 11:36 am
Min vannei kan ni tih hi kan inhre lo thin
Report this comment
October 17th, 2010 at 11:38 am
Piang vannei leh vanduai bik hi engvanga awm nge ni ang aw??
Report this comment
October 17th, 2010 at 11:43 am
@3 Rempy, hei hi lo chhut ve mai mai teh ___Bible-ah chuan “In thiltih ang zelin rorelsak in ni ang” tih ziak a awm.
Report this comment
October 17th, 2010 at 12:11 pm
#4, what’s your point…??
Report this comment
October 17th, 2010 at 12:20 pm
‘address khawlai’tih ho hi kan khuaah chuan hawna tur nei vek haw duhlo an niin ka hria…hawna tur nei tawhlo te pawh hi an awmdan avanga chhungte lo ti beidawng ngawih ngawih tawh te an lo ni fo zawk lo maw?…ram dang erawh ka sawi tel hauh lo…
Report this comment
October 17th, 2010 at 12:22 pm
Mi vannei ka ni tehlul em!!
Report this comment
October 17th, 2010 at 12:24 pm
@4, D_auachwgthu, Naupang duhawm tak tak, engmah tihsual leh ngaihtuahna sual takngial pawh la nei chhin lote hi engvang nge nita ang le?
Report this comment
October 17th, 2010 at 12:26 pm
Tunah hian chantha leh dinhmun tha ah ding mah ila, kan nun kan fimkhur loha intlakral zawnga kan khawsak tlat chuan kan thlahte chu an la piang vanduai ve khawp ang. Malsawmna dawng tlakin nun i tum thin ang u.
Report this comment
October 17th, 2010 at 12:31 pm
In nei velo (homeless) an nihna chhan hrang hrang chu (says wikipedia):
The major reasons and causes for homelessness as documented by many reports and studies include:
1. Unavailability of employment opportunities.
2. Poverty, caused by many factors including unemployment and underemployment.
3. Lack of affordable healthcare.
4. War or armed conflict.
5. Mental disorder, where mental health services are unavailable or difficult to access.
6. Disability, especially where disability services are nonexistent or poor performing.
7. Substance abuse
8. Lack of affordable housing.
9. Relationship breakdown, particularly in relation to young people and their parents.
10. Prison release and re-entry into society.
10. Natural disaster, including but not limited to earthquakes and hurricanes.
12. Forced eviction – In many countries, people lose their homes by government order to make way for newer upscale high rise buildings, roadways, and other governmental needs. The compensation may be minimal, in which case the former occupants cannot find appropriate new housing and become homeless.
13. Mortgage foreclosures where mortgage holders see the best solution to a loan default is to take and sell the house to pay off the debt.
Mizoram ah chuan inequality in opportunity telh teh ang. Sorkar office lian leh institution pawimawh Aizawl ah vek, Sorkar hna tam ber Aizawlah, Pawisa luan chhuahna Aizawl. Aizawl, Aizawl, Aizawl vek. Mi5usal.com ah pawh hian member tam tawkin Aizawl leh mizoram hi an hrehrang mang lo anih hi.
Report this comment
October 17th, 2010 at 12:41 pm
chan tha zwk ah in ngai mah ila, keini aia hringnun hman nawm ni an nei fo lo maw? k lo ti ve mai2 a..
Report this comment
October 17th, 2010 at 1:03 pm
@8 Tomato …awhkhaih tihpalh lutuk…. chromato :lol: (fiamthu rawlh zauh chak a i nick vang hian)
Khilaia Bible chang ka rawn dah khi i hmufiah thiam mai lo ani maw, ka sawifiah belh lo mai ang, a fiah tawk viau ani. #5_na tan pawh. :mrgreen:
Report this comment
October 17th, 2010 at 1:17 pm
@D_auachwngthu#12, ka comment #3 leh i comment #4 khi an inman lo khawp mai!
Keichuan engvanga threnkhat hi piang rethei bik nge an nih aw? Ka ti a ni.
I chhanna atang chuan, ‘an pian vanduai bikna chhan chu an thiltih ang theuh a rorel sak an nih vang’. Ka man fuh em? Fuh lo anih paw’n chu chu a landan a ni.
Pian hlima pianpui sual Adama atanga a phurh sa bak loh chu kawm kar a piang naute chuan eng thil pawi nge a lo tihsual a, chutiang rorelna a hmuh? Tih hi i sawifiah tur chu a ni. I comment #4 khi awmze neia i chhuah duh chuan.
Report this comment
October 17th, 2010 at 1:24 pm
@13__ Rempy, ka man fuh em ? itih hi i man fuh chiang bang, a landan bak khian ka ziak lo… :lol:
A thui dawn em mai ka sawizel lo mai ang, bakah i hrethiam duh chuang lo ang, khawvel hi a upa tawh teh mai asin, kum 20-30 inkarah kan la leng ve hai haih chauh a nia, thil lo thlen hnem tawh dan tur chu a hmasa ber atan lo ngaihtuah ve phawts la… :lol: :lol:
Report this comment
October 17th, 2010 at 1:38 pm
#14, hrehawm bik reng reng a hringnun hmang tur a rawn piang chhuak te pawh, an thlahtute sual man an tel, i tihna a ni tawh em aw?!
Zawhna ka zawt a, a chhanna duhin. I chhang kual thiam khop mai..a kual thui lutuk a, ka let leh thei chuanglo a nih hi! A tirah chhang direct ta nghal la, Bible chang hmang keuh loin, a chiang uar zok ngei ang. Mahse, ka pawm chuanglo e. :mrgreen:
Report this comment
October 17th, 2010 at 1:41 pm
The feeling of being unloved, of being lonely is the most terrible form of poverty! Who, being loved can be poor?
Report this comment
October 17th, 2010 at 1:43 pm
maisek, amen!
Report this comment
October 17th, 2010 at 1:47 pm
@15___ ka tih reng kha; ka sawifiah thui a hma hauh pawhin i pawm loh thu i rawn sawi nghal,…. a chang in ziak ang ngau ngau hian i pawm rih phawt mai ang, chep darhin, lipse ki kawi kual harsa duh ting lo mai teh ang….. :lol:
Report this comment
October 17th, 2010 at 1:59 pm
Thingtlangpa i ziak sei tha khawps mai lem. I kalkhat tan tep, ka ti mai mai. Diversify, diversify.
Report this comment
October 17th, 2010 at 2:01 pm
No. kawpkim lo hi ka ten riau,…. sawmhnih law law teh ang…. :lol:
Report this comment
October 17th, 2010 at 2:02 pm
#18__nia tiro, lo pawmsak dawn che paw’n i sawifiah duh chuang bawk si lova, chuvangin kan pawm hauh lo ang! I uang tlat. :mrgreen:
a topic ah let leh ta ila, vairam kawtlaia zanriak mai2 ho hi thosi pawh hian an seh thra duh miahlo nia! An lainat ve aniang..
Report this comment
October 17th, 2010 at 2:22 pm
@21___ ka uang lo, pawm hram hram rawh, nuih hi nuam ka tia…. :lol:
Report this comment
October 17th, 2010 at 2:31 pm
@22, i bible chang tarlan leh i sawifiah that duh loh kal zel dan enin i man lo ber a ang zok tlat mai! a chhan engvang pawh lo nita tehreng se in lum riahna neih loh chu ka chak loh ber a ni. i vannei lel lol khop mai tih kha hrechiang hle la, keipoh in riahna tur kala nei ve zel e Pathian zarah!
Report this comment
October 17th, 2010 at 3:02 pm
Bible ah- Chhuanli na thleng a hrem theitu leh Malsawmna pe theitu Pathian a nih thu kha kan hria a.Keimahni hi felin tha em em mah ila, min thlahtu te sualna avang a vannei ve theilo dinhmunah kan ding thei-Sual hle mah ila, thlahtu te thatna avangin tluang takin ka awm thei.
Mahse a pawimawh ber chu-Tuna keima thlah a tanga chhuan lina thlengin ka sual/that man an tuar veleh dawn a ni.
@ Rempy_sciSssoR, #3. a i zawhna ka chhang rilru ve deuh a nih hi.
Report this comment
October 17th, 2010 at 3:04 pm
A ngaihnawm, ngaihtuah a tithui… Helaia comment thei ho phei hi chu “Address: Khawlai”-ho ai chuan vannei tak kan ni, kan vanneihzia hi hre nawn fo ila.
#16 Maisek, philosophical khawp mai, a ropui thin e.
Report this comment
October 17th, 2010 at 3:14 pm
Pian hlim a tang a lei rem rap nghal, pi leh pu a tang a mi ngialnghet. engmah thok lem lo ph a nuam tak a khosa thei tam tak tan hi chuan an dinhmun dik tak hriat a har ve khop ang . .an(in leh lo nei lo te) dinhmun ah ding ve in,an hringnun ang ciah hi fight ve ngai ta se ,harsa kan ti ve hlom ngot ang . .
Report this comment
October 17th, 2010 at 3:21 pm
@ 26 Maya chu leh. SMS Handset tereuhte a type amaw i inti a ni lo maw..? Mizo tawng ziakdan dik takin lo comment ve la maw le.
Report this comment
October 17th, 2010 at 3:26 pm
Mumbaia building awm zingah chuan a chhawng sang pawl a ni awm mange ka ti. Varanda lamah chuan ka chhuaka thli a thaw nuam kher mai,a view pawh thra kher mai. Ka han hawikual vela building sang tak2 mawi tak2 te chu ka han thlir renga engineer kutchhuak ropui zia leh mihring lo thiam zia te ka ngaihtuaha. Ka dinna a sang thra bawka hmuhnawm kher mai….
A hniam thei angber ka han tlir leha building sang tak2 karah chuan ‘SLUM AREA’ hniam takah anlo inzarpharh ve duai mai.
Ka rilru a khoih hle mai! Han kun hniam vak lo phei ila chu ka hmu dawnlo tihna a ni a. LALPA chuan a hmuh hmaih ve awm siloa tiin nilengin ka rilru ah a riak ta reng a.
Post ngaihnawm khop mai.
Report this comment
October 17th, 2010 at 3:28 pm
#Keimah Thingtlangpa
“tiro?” hi ‘ngatinge i hman fo le?
Report this comment
October 17th, 2010 at 3:59 pm
Tha thei hle mai a………..hringnun hi buaipui tham chu a ni ve bok a tin ni……………..
Report this comment
October 17th, 2010 at 4:12 pm
Kan chhehvela cheng “NUNGCHA TE” hian humhalhtu, hmangaihtu, duattu an mamawh khawp mai.
Report this comment
October 17th, 2010 at 4:37 pm
Kei ni chuan milem nilo Pathian nung kan bia a lawm…An duh leh an milem pathian hnen ah khawngaihna dil ve se a ni mai… Khawngaih ve thei tak maw????
Report this comment
October 17th, 2010 at 5:06 pm
#32 Pathian siam vek an ni tho a sin
Report this comment
October 17th, 2010 at 5:26 pm
A va thra leh dap dap ve. He lei anchhe dawng ramah hian mihringte dinhmun hi a va inthlau thei tak em. India rama khawlai address an tam em em na chhan pakhat chu an sakhua leh culture that loh vangah ka ngai mai.
Mahniin tha deuh a cheng emaw, mi in luaha khawsa emaw, a eng pawh ni se chhungkaw hlim thei hi an awhawm a ni mai.
Report this comment
October 17th, 2010 at 5:42 pm
@Keimah Thingtlangpa – I post ho atang hian lainatna ngah mi tak i ni e. Tha kawp mai, lawm nachang i hria ang u, universe a original sin chu chu lawmloh or lungawiloh hi ani. (cf Isaia 14:12..)
Hman deuh tawh ah flight cancel avangin Park Hotel, Kolkata ah kan thleng a, inter continental food eitur tuihnai tinreng eisenloh min hlui a, ka ei seng lo mai pawh ani lo, kan hmu vek seng lo a, puar tawh hnu ah appetizer te kan la ei vel. Chutah pawn ka chhuak a, hotel entrance ah chuan kan pu rual putar pakhat hian bawlhlawh bawm atanga a chhar tih hriat ngawi ngawi roti khoro alo ei ve mek han hmuh chuan “WHY? Oh WHY? He khawvel hi a van fair lo tak em..” ka ti vawng vawng mai.
Report this comment
October 17th, 2010 at 5:56 pm
@3 Rempy_sciSsoR ; “Being happy doesn’t mean that everything is perfect.It means that you’ve decided to look beyond the imperfections.???”
Report this comment
October 17th, 2010 at 7:24 pm
Post tha leh fu ni.
Report this comment
October 18th, 2010 at 8:58 am
Kan Pathian thilrel dan hi hriatthiam chu ahar anih hi,then khat hi chu an pi leh pu te atanga Pathian lung antih awiloh rah te pawh ani mahna.A enga pawh chu ni se,an khawngaih thlak ta reng reng mai,Address:Khawlai han nih ngawt mai chu.
Report this comment