Thiante u, ka han tibuai leh teh ang che u. Kar hmasa lam khan hriselna kaihhnawih chungchangah in ngaihdan ka rawn lawr dan dan tawh a, mi tamtak ten frank taka in ngaihdan in sawi kha a lawmawm in, ka nitin hun tawn mek ah nasa takin min pui a ni tih hi kan sawi hmasa teh ang.
Tun tum ah pawh hian in ngaihdan ka rawn larkhawm leh dawn a ni. Amaherawhchu, keima tan a ni lo. Kan hun tawn chhoh mek leh hun lo la awm tur a mi/min tlakbuak thei thil a nih avangin rilru tak tak a chhiar a ngaihdan sawi theuh in i han sawiho leh ang u hmiang.
Khawngaih hnukchhah, a saptawng chuan euthanasia emaw physician assisted suicide (PAS) te pawh an ti. Hei hi enge a nih kan hre theuh awm e. Natna avanga tuar te khawnngaih avang tihhlum, harh leh tawh lo tura muthlum tir ti ila a chiang ber mai awm e.
Euthanasia hi khawvel ram tam zawkah chuan legalised loh a ni. A legalise hmasa leh lar te chu Holland leh Canada hi an ni mai awm e. USA states thenkhatah pawh legalised a ni. kan ram, India erawh hi chuan a la legalise lo a, inhnialna ti tam tu leh humanitarian ground behchhan in courtah pawh mi tamtak inhnial zak zak na chhan a tling reng a ni.
A tlangpui thuah chuan euthanasia legalise ram ah hi chuan chhan tha tak nei a tih theih a sawi a ni. Chung te chu:
1. Natna avang khan damlo khan na tuar zawh loh leh na elkhen a tawk mek a ni.
2. Natna kha benvawn, damlo khumbet a siam.
3. Natna enkawl damna hi a awm lo, la hmuhchhuah loh a ni.
Heng thil pathumte hi an tlawhchhan a ni tlangpui thin. A tihdan phung, a titu, consent pe thei leh a behbawm te chu sawi zau lo phawt mai ang.
Miin na hrehawm tak, mihring finnaa chhut mai a a damchhung daih tur, enkawl damna damdawi awm bawk si lo a tawrh hian damlo chu an euthanise thin tihna a nih chu. India ramah pawh mi tamtak chuan; damlo na hre si, nikhaw hria a hna tangkai thawka harhchhuak leh tawh lo tur anga lang te chu khawngaiha an hnuk chhah sak mai hi tha tiin an lo campaign nasa hle tawh a ni. Chutih lai chuan, thuneitu, dan siamtu leh kengkawhtute leh sakhaw lam hruaitute chuan mihring nunna hi a hlu a, tumahin kan tihtawi sak thei lo an lo ti ve bawk.
Tar chak lo leh upa tamtakte zingah lah, ” ka lo upat a, bawihsawm ngai leh na tuar reng reng a awm ai chuan khawngaiha ka hnuk min chhah sak mai hi ka duhthusam a ni”, ti tawk lah bo lo. He khawngaih hnukchhah hi inhnialna tawp thei lo siamtu zawng a ni ngei mai, a ni zel ang.
Aw le, ka misual pui te u, he thu inchhiar hian in rilruah enge lo lang le? Euthanasia hi a tha kan ti em? Tawngthu chhe lovah kan chhungte tu emaw vegetative stateah lo awm ta sela, thutawp siamtu tur kha ni ta ila engtin nge kan tih ang.
He topic hi controversial tak a ni. Euthanasia chungchanga kan ngaihdan hi i han sawi ho chhin ang u hmiang. Mahni ngaihdan theuh kan sawi anga, midang ngaihdan hnial a sawhsawn sak tum lovin, rilru fim leh puitling takin i ngaihdan kha han sawi teh le.
Ka lawm e.
Similar Posts:
- Euthanasia – Part II
- Natna mak!
- I ngam chiangkuang em?
- Kan thiam theihloh thil pahnih
- The Watson Babies!
October 21st, 2010 at 11:37 pm
Lalkhrum… Kei pawh hmanni ah ka draft min lo post sak daih mai a, buaithlak teh a sin….
Report this comment
October 21st, 2010 at 11:37 pm
Euthanasia hi legalise ni ta se harsatna awm thei te:
1) Thih diltu khan a rilru a thlak leh lovang tih a sawi theih loh.
2) Damlo chuan thih dilin an chhung ten remti bawk ta sela, a thih hnu-ah an chhungte talin an rilru an thlak leh thei a, euthanasia titu doctor kha hmingchhe takin an siam thei
3) Natna hi, an dam laia natna ni ngeia an hriat hi, an thih hnu-ah an natna zir chian lehin a hrang daih alo ni theih. Doctor-in tihdam theih loh anga a sawi pawh tihdam theih alo ni hlauh thei
4) A tawpkhawkah Doctor te hi euthanasia kengkawhtu tur an ni a, chu chu an hna nen a inrem lo. Doctor te chuan mi dam nana thawk turin an intiam a, chumi kalh zawnga chet leh chu thil duhawm lo tak a ni.
A va sei ta ve…
Report this comment
October 21st, 2010 at 11:42 pm
Bucko, khrum khrum lo khan i ngaihdan han khrum ve teh.
@Sisen i thil rawn thlir dan chu a tha hle mai a. Nia i rawn sawi te khi a dik vek tlat mai. Tumahin hnial chi a ni hauh lo mai. A nih leh khing te khi dahtha rih in i ngaihdan te han sawi ve la.
Report this comment
October 21st, 2010 at 11:47 pm
@2States: nang pawh chu i rawn KHRUM ve tan dawn a ni maw? I ngaihdan han khrum ve teh a. First comment ringawt chang lovin han opine ve teh.
#Sisen: Medico e ni em? ngaihdan tha tak i nei tlat in ka ring. I view na lam lo atang khian han khrum ve chhin teh.
…khrum
Report this comment
October 21st, 2010 at 11:48 pm
@2STATES… #28 leh 46 ah ka ngaihdan ka khrum daih tawh auh…. chhiar lo ni maw??? he he…
Report this comment
October 22nd, 2010 at 12:03 am
KCHT, layman mai ka ni e.
Heti zawng hian a thlir leh theih ang
He lei taksa (Physical life & Biological life) nunna hi hlutna vawrtawp awmlo khawpa hlu-ah ngaiin, a humhalh nan neihthinglung khawnga, a harsat dan zawng zawng pawh ngaihtuah thleng duh lova humhim tum luih tlat zel hi thil tih chi a ni ang em?
Karl Barth chuan, “He lei nunna hi Pathian nunna a ni lova, thil siam nunna a ni. Chuvangin chatuan nunna, mihringte hnena Pathian tiam kha a ni lo, ral leh mai thei nunna a ni. Chuvangin he lei nunna venhimna kawngah hian tawp awmlo ang tur khawpa tan khawh tur a ni lo ve” a ti ve tho. (Karl Barth ; Church Dogmatics Vol.III, p.397.
Report this comment
October 22nd, 2010 at 12:09 am
kei chu euthanasia hi tha ka ti lo! A damlo a te pawhin thih an duh lo pawh ani thei, sawi ve thei dinhmunah an ding si lova! Theihtawpa enkawl a, an thih thlenga enkawl ka duh zawk ang! Nunna chungah hian thu kan nei lo em mai! Pathianin a duh hunah chuan a la mai dawn alawm! keini lo decide tur em ni ang!
Report this comment
October 22nd, 2010 at 12:23 am
Thomas Wood-a ngaihdan ka tawm e…
Mihring hi ama nunna thu-ah hian thuneitu pumhlum a ni lova, a petu Pathian ta a ni. Mihring hian a nunna vawn that leh tihsei chu a tihtur anih laiin, tihchhiat lama tan hi a tihtur a ni lo. Natna te hi a hrehawm hle a ni thei, mahse, thil tha lo ber a ni chuang lo. A chang chuan thlarau lam than len nan hmanraw pawimawh a ni thei a. Chuvangin, tum reng vang leh mahni duhthu ngeia mahni nunna tihtawptir chu mahni inthahna, sual lian tak a ni.
Report this comment
October 22nd, 2010 at 12:33 am
Thiante u, keipawhin ka ngaihdan ka la sawi hauh lo ve. In ngaihdan hi kan ngaipawimawh hmasa zel phawt ang. Han sawi zel teh u. Post hmasa lama kan tih ang tho khan, nakinah ngaihdan hrang hrang ka lo compile anga, consensus lam ni lovin, ngaihdan kalphung tiin ka lo la dahtha ang. A lawmawm e in hun hlu tak in lo seng zel thin a.
…khrum
Report this comment
October 22nd, 2010 at 1:37 am
Thihna hi chu Bible atang chuan punishment ani. Khawngaih vanga damlo punish chu ka support lo.Isua te, Stephena te leh martyr te ho khan thihpuikhawp physical pain an tuar vek a, mahse thlamuang takin an thivek thei. Thih duh khawp a natuar chuan vanlam a en lo ani, a thlarau Pathian hnen ah kawltir se, thlamuang taka a thihtir chu Pathian portfolia ani thung. Hei hi Kristian doctor concept tur ah ka ngai, Pathian in kan profession(e.g. doctor)angin min en lo, Krista zara puithiam ang in min en zawk, kristian doctor chuan a medical expertise a tangkai tawh loh chuan, a kristianna a taka hman hun a thleng ta tih hrethiam mai se, Pathian ropuina a hmu nasa viau in ka ring tlat ani. Pathian in a la ensanlo anih chuan, thihna kotlang ah inhmuchhuak in chhandamna leh thlamuanna ala chang thei reng ania.
Report this comment
October 22nd, 2010 at 5:39 am
Damlo tu emaw chu : ___Eng ang a nasa leh hrehawm pawh tuarin lo awm mah se; a tihngaihna thlawt awm tawh lo pawh nise, a nunna kan lo chhahsak ve ngawt chu chunglam Dan kalh leh pawisawina a ni. Kan theih tawp kan chhuaha a nunna kan chhan thei lo anih chuan kan hna kan zo; kan dawm hlum mai tur ani. A lo thi har ta deuh anih leh kan dawm rei deuh mai tur a ni____ tih hi ka pawm dan ani.
Report this comment
October 22nd, 2010 at 10:04 am
kan nunna chunga thu neitu chu Pathian a ni a, natna leh hrehawm kan tawrhah hian Pathianin keimahniah thusawi duh a neih vang/a ropuina hmuh tir min duh vangte a ni ve thin… chuvangchuan ‘a natna tawrh hi ana em a’ tih vanga damlo nunna laksak hi he kan lei danin phal mahse Pathian in rem a tih chu ka ring chiahlo mange…. hriat loh vanga A ruahmanna daltu kan ni ve thei tihna a nih chu…..
Report this comment