Thiamna engemaw tal neih ve tumin khawpuiah chuan khu luih khawpin motor atang chuan ka han tum thla ve chhak a. Engkim mai chu thingtlang nun nen chuan inanglo tak a lo ni a. Hmabak ko tak maiin min hmuak nghal pang mai le! Chu ka hmabak ko tak mai- khawpui nun zir mawlh mai kha.
Ni e, thingtlangah chuan nun mawl te, lungkham lutuk leh thenawmte neih ang neih ve talh tumna rilru kha kan nei ngai mang lova. ‘lawm te in lawmpuia, tap te in tah pui’ policy khan min la chiah hneh em em a. Mahse, khawpuiah erawh nun a dang ta! Thenawmpain motor a neih chuan a neih aia tha neih tuma thenawmpa buainate, thenawmpa aia insak san tum rana inel inthenawm karah keimah thingtlangpa chuan chutiang nun chu zir ve a ngai ta si.
Mizoram hmasawnna tur thil hrang hrang lo kal atanga zaa sawmriat dawn khawpui ber tihhmasawnnan an hmang niin an sawia. Chu khawpuiah chuan ka lawi lut ve naa hma a sawnna erawh ka hmu tam lo khawp mai! Khawpui a chep telh telh a, khawpui tih thawl aiin khawpui laili laia sumdawnna hmunpui sak a han ni a. Hetiang renga kan awm a nih chuan kan khawpui chep hian min la nekchhuak mai ang tih pawh a hlauhawm! Chutiang khawpa chep khawpui chu nimahse thil zir tur pawimawh tak chu midang lak atanga rilru hlata, mahni chauh lo chu midang awm ve lova ngaih theihna rilru put a ni.
Chu khawpui ngei chuan a ni lo’m ni kristian ram khawpui chu? Aw ni e! Mahse chu khawpuiah chuan kristianna kawra hmang an tam tih erawh hla thuin a sawi pawh i hria ang. Chu khawpui chu a mak a sin, mi hnuaihnung zawk chungah dan a khauh a, milian..mahni hlawh phu lova khawsa chungah thung chuan dan a awm lo ta em ni aw? tihtur khawp a ni tawh. Chutiang dikna nek bo tanna khawpuiah chuan zirthiam theihloh pakhat ka nei tlat mai- mahni hlawh phu lova khawsa zahna pek tlat mai chu!
Kristian tamna khawpuiah chuan kristian lo ho incheidan niawm takin, a nau zawk kekawr a rawn ha em ni aw.. tihtur khawpa te rawn ha te, a hmai saw phih fai a har ngawt anga.. tihtur khawpa hmaihnawih hmang nasa an tam em em a. Thenkhat a pa kawr emaw tih mai tur khawpa lian rawn ha te ka hmu nual ta! Keimah thingtlangpa tan chuan mak tih khawpa thlir a ngai a, angel emaw tih hial pawh a awl khawp mai.
Ni e, keimah thingtlangpa ka ni a. Khawpuia ka han luh khan kan ram hmasawnna tur khawpuia an hman tamzia ka hmua, hma a sawnna erawh ka hmu tam lo. Keimah thingtlangpa tan chuan chung ram hmasawnna a lo thlawna luanral tir mai mai tu chu ka ngai thiam thei tlat lo. Ngatimaw? Ele! Kan khaw hmasawnna tur a tibo tlat alawm!!!
Similar Posts:
- Arbawm chhia
- TVI Express hi enge ni?
- Ka pu eiruk ching bang rawh se
- Zalen ka ni ta
- virgine_gal06@yahoo.co.in ka ni thin a keimah ka ni tawh lo
November 8th, 2010 at 10:07 pm
Ngaihnawm khawp mai..Khawpui nun zolo a hlamzuih nausen poh an tam an ti…Tu thiamloh nge niang?
Report this comment
November 8th, 2010 at 10:12 pm
Thingtlang vee
Report this comment
November 8th, 2010 at 10:13 pm
Masi phei chu thingtlanga hman hi a nuam duh phian a nia.
Report this comment
November 8th, 2010 at 10:16 pm
Thingtlangpa hian khawpui nun leh Misual MI a hlau an ti. Tak tak a, ngaihnawm reng!
Report this comment
November 8th, 2010 at 10:19 pm
Khawpui chei nana sum tam tak hman thin pawh AMC hian a hranin Budget an nei tawh dawn a, thingtlang lamah a luang lut ve thei tawh ang chu.
Report this comment
November 8th, 2010 at 10:21 pm
A tha thawkhat e…mahse i ziak ta rau rau i bial a zim ka ti, ziahtur chu i la hriat hnem ka ring tho… :wink:
#3..kan khua theuh hi nuam ni mai lo mi??
Report this comment
November 8th, 2010 at 10:28 pm
@kawlhawk, hehehe..tak taka state dangah ka awm a. Ih, misual MI kha ka kal ve chak khawp a sin. Heng ka thiantha tak tak ho hi ka hmu chak khawp mai che u..
Report this comment
November 8th, 2010 at 10:39 pm
Thianpa KT#7, Misual Chrismas Charity-ah chuan i rawn tel ngei tawh ang chu tiraw :?: Dam han hauh ila…
Report this comment
November 8th, 2010 at 10:42 pm
A thra lutuk… I thusawi te chu a dik a ni.
Report this comment
November 8th, 2010 at 10:42 pm
“Khawpui chei nana sum tam tak hman thin pawh AMC hian a hranin Budget an nei tawh dawn a” AMC hian Budget chu an nei ngei mai mahse an kutah hian thuneihna hi a lut tlem hle in ka ring,MLA enkawlna hnuaiah tho maw???
Report this comment
November 8th, 2010 at 10:53 pm
a ngaihnawm hle mai.. Sawi tur dang pawh ala tam viau mai..
Post tha e
Report this comment
November 8th, 2010 at 10:57 pm
I ziah ang hi ziah tur a tam, i ziak peih bik hi i fakawm thlawt!
A thupui khi ka enin…i nick i phuahchhan i rawn sawina tur emaw ka ti a… :lol:
Ziak zel rawh! Lehkha zir laia ram vei hi a nawm dan a dang ve tlat :lol:
Report this comment
November 8th, 2010 at 11:01 pm
ngente..AMC hian an thuneihna hnuaiah Deptt 18 vel an nei thei a, mahse Sorkar hian a pe vek phal ange maw? An jurisdiction tur an chan loh avanga court a thubuai nei state te pawh an awm kha
Report this comment
November 8th, 2010 at 11:02 pm
OT lawks..ka mu dawn, mangtha vek u.. :mrgreen:
Report this comment
November 8th, 2010 at 11:05 pm
@kawlhawk nia, tel a chakawm khawp mai. Ni e, engkim Chunglama mi kutah dah ila..
Report this comment
November 8th, 2010 at 11:09 pm
“Chutiang dikna nek bo tanna khawpuiah chuan zirthiam theihloh pakhat ka nei tlat mai- mahni hlawh phu lova khawsa zahna pek tlat mai chu!
Khawpuia ka han luh khan kan ram hmasawnna tur khawpuia an hman tamzia ka hmua, hma a sawnna erawh ka hmu tam lo. Keimah thingtlangpa tan chuan chung ram hmasawnna a lo thlawna luanral tir mai mai tu chu ka ngai thiam thei tlat lo.”
Ka ei char char lutuk, post tha tak a ni e.
Report this comment
November 8th, 2010 at 11:13 pm
Thingtlang leh khawpui hi an danglam vak pawn ka lo hre tawh hlei nem! Kan in ang tlang viau tawh turah ka lo ngai ngawt pek a!
Report this comment
November 8th, 2010 at 11:15 pm
Aizawl khawpuia Lirthei a pum chak tluk zet hian Thingtlangah mirethei an pung chak niin ka hria. :twisted:
Report this comment
November 8th, 2010 at 11:15 pm
Kan khawpui Bazar mawlh hi kan ti ve teh ang. Fur lai phei chuan thalai harh tha zek zawk tan lo chuan bazar ngam pawh ani tawh lo!
)
Bazar luh tirh phat atangin kan tleng zet zet mai thin ania.
Tunah te hian han siam tan ta se..Ruah an sur leh chiah anga, kan buai leh dawn teh e.
Kan thuneitu te tan mah zawk hian ania ka tih ni. (keini ho chuan ngaiah kan nei tawh; kan tleng thiam tawh lutuk
Report this comment
November 8th, 2010 at 11:15 pm
Kei pawh Thingtlang vâl ngat ka ni e. Ziah belh ve tawh lovin i ziah hi ka Amen hnan thlap e.
Report this comment
November 8th, 2010 at 11:17 pm
A ni reng asin, he ram ah hian kristian te tih atan a mawilo tih hi atam ta. Engmahni silo Nu leh Pa te thawhchuah ringa chapo ho hian an tuh rah leh an chapo man an la seng khawp ang.
Report this comment
November 8th, 2010 at 11:43 pm
@KT, inkhua te chu a than awk awk saw…. khawpui a la ni thuai ang
Report this comment
November 8th, 2010 at 11:49 pm
@wonderboy plan mumal tak a awmloh chuan awmzia a awm chuang lo!
Report this comment
November 8th, 2010 at 11:55 pm
Nothing is as bad as it seems….
Report this comment
November 8th, 2010 at 11:59 pm
@muante, a pe don lo a, injirna mai mai a nih hi,coz, a bul tanna atan a nih vang a ni
Report this comment
November 9th, 2010 at 12:31 am
Diktea pa hian a ngaihdan han sawi ve se mawle! a comment khat tawh em mai!
Report this comment
November 9th, 2010 at 12:45 am
Tha hle mai,ka Amen e.
Report this comment
November 9th, 2010 at 1:04 am
@muante, nia Dept 18 vel, mahse AMC hi in zirna tur ni inka hre tlat, tin anpe lo bawk ang lo ngai reng rawh, State dang ang ni lo Court mo, a hla lutuk
Report this comment
November 9th, 2010 at 4:12 am
Hmasawnna leh changkanna chu kan hma theuhah hian kan phu tawk ang zelin khuanu hian alo dah thlih thliaha,…. a haichhuah dan leh a nachang hre tura kan lu bur chhunga THluak var rilrel; finna a char hnan; Siamtu ina min lo pek hmang thiam leh bawhzui peih a piang te hi a nihlawh tur chu an ni mai a lo nih hi maw!!!!!!! :cry: Thut-thluang duai ringawt hi chuan ram ropui hi min thlen mawh teh mai ania.
“THO LA DING TA CHE,…. aw ZORAM riangte ….. ” :cry:
Report this comment
November 9th, 2010 at 9:24 am
Khawpuiah chuan naupang an zir tan atangin Sikul tha (k)an in chuh luih luih a, thiam loh vang ai paw’n mark hmuh that zual nan tuition an pe reng bawk a! Saptawng an thiam lo bik ang tiin nu leh pa te’n Private Sikul tha ber ber-ah (k)an dah a. Tlem a a nei zawk te’n phai-ah sikul tha leh zual zawngin an phu luih luih bawk a.
Competition, exam emaw Sorkar hnaruak awm reng kha an han in chuh dawn a nia le(h)! Thingtlang leh Khawpui zirna hi chu a inthlau reng dawn zawng anih hi!!! :?: !!
Report this comment
November 9th, 2010 at 11:51 am
Maisek, han comment vak dan pawh ka hre lo. KT hian a ziak ṭha khawp mai!
Report this comment