District capital tin ah an buai mup mup a, Aizawl khawpui ber pawh a bang chuang lo,Gas vang lutuk hian a ti thei fa ni ve lote chhungkaw tam zawk hi min ti buai tak zet zet ani. Chutih mek lai chuan a Black a to tak a lei tur chuan veng tin ah hmuh tur a awm leh thin si a. A khat lo em em a, a leak lah a tam em em bawk a, loh theih lohva lei anih thin avang hian han complain-na tur chai lah awm thin si lo, Black a lei loh chuan Chaw nghei ani leh thawthang thin bawk si, a va han hahthlak em ve le.
Hman a cement supply department in an control lai kha chuan cement kha a vang em em in, a chhe em em thung a, a mamawh leh tul te pawn an duh ang leh mamawh ang pawh an lei thei thin lo anih kha. Khatiang anih avang khan cement a chhe lo thei lo ani, engvang nge kan tih chuan hralh ruk leh tih ruk a tam lo thei lova chutiang a nih chuan cement kha an adulterate ta thin khan cement kha a thi chhe em em ani.
Tu ten emaw hlawk nan an lo hmang ta vak thin ani. Chutiang chiah chuan tun ah pawh GAS hi a vang em em a, Black erawh chuan lei tur to em em in a awm reng bawk si. A mi vangtlang tam zawk te hian hralh ru thin tute hi kan tlawn zaw mah anih deuh ber hi a.
Cement chungchang kha han sawi kai leh lawk ila, tunah chuan Supply in a control tawh lo meuh chuan cement a tam em em a, ka duh leh Thiangi dawr ami ka lei anga, ka duh leh Fana dawr ami ka lei anga, buk tling lo leh adulterate min pe anih nghat chuan kei aia mah in a zuartu ten hrehawm an ti zawk hial tawh ang chu.
A complain theih na zawng zawng ah ka complain anga, a dealer te kha mimal sumdawng an nih miau avang in ka complaint kha min kal pah hauh lovang; an hma lam hun atan a pawi dawn tlat avangin, tin Driver hnen ah lei ru turin ka lo chan a ngai miah lo bawk a, lei ru ni ta in lo chhia pawh nise complaint theih miah loh a lei aia kha chuan lei sual pawh thleng leh theihna kha ka pan hram hram zawk ngei ang.
Chutiang chiah chuan GAS pawh hi Agent kut ah dah tawp mai sela, Private Business ani anga, Customer Delight kha an thupui ber alo ni anga, hei hman ni a kan lak kha a leak a, kan thleng duh a kan tih te pawh hi a theih loh tih tawp chuan min chhang in ka ring hauh lo. Tun ah chuan Area bik siam sak an ni a, kha bak kha chu hralh chhuak thei chuang hek lo, Customer Care tih nat tehchiam angai tlat lo a ni.
An area chhung Customer pakhat an tih lawm loh avang ngawt kha chuan an buai dawn phah lem lo tih an chiang tlat a, ti lawm vak pawh ni se, a hlawkna a awm dawn chuang lo tih hriat tlat chuan enge beisei tur teh vak awm chuang le. Chu chu hre ran in Driver thenkhat leh mi phakar thenkhat ten Black a tih dan tur an lo zawng a, a bur te an thun kualin eng tin tin emaw an lo ti chhingpen reng mai te hi engah nge an tih loh vang a hlawk em alawm, Bur 700-800 ten an hralh a, bur li vel an hralh theih chuan an thla khat hlawh aia in a tam tlat ani. Mipui tam zawk ten kan lei lo thei bawk si lo, a va han buaithlak tak em mai! In tihthu lah hi a nuam viau mai bawk si a.
Petrol leh diesel pawh tunah chuan a tam ta hle mai a, a rate ah sorkar in a control mai tih loh chu a tul bik leh hun bik tih loh ah chuan a in rawlh lova, thil tha tak ani. Hetiang ang hian GAS pawh hi tih ve ni tawh se, tun a kan buaina tam ber hi chu kan solve thei mai lo maw aw tiin ka ngaihtuah ve thin ani. Kan thlang lawk Silchar ah chuan Thler tin ah VAI nghal riang hmel chhe te te ten an lo dinpui a, engtik lai pawh in a lei theih a, engtin nge maw an tih bik le aw.
Aw…ka pu Hotupa han ngaihtuah chiang la, han ti ve chhin teh un, a that loh chuan tun ang hian kal leh a harsa dawn chuang em ni? Mimal kut ah hlan anih chuan Customer neih tum in tawngkam tha thei ber nen tan an la tawh anga, an thawh tam chuan an hlawk dawn ani tih an hriat a, an thawh tlem chuan engmah an nei dawn lo ani tih hriatna ah chuan kan Kawtkaiah hian GAS duh em tih thawm hi hriat tur a awm leh thei mai lawng maw le. Tichuan To tak tak Buk tling lo zawk lei angai tawh lovanga, sorkar ah pawh revenue a lut tam thei zawk mai lovang maw. Thil tha anih kei misual leh mawl tak hian ka han ring ve em em ngawt a.
Similar Posts:
- Kan SMS Tariff hi.
- Mizoram Sumdawngte leh Bangkok
- YMA in pawlhdal tihtawp an tum
- Zakaia
- I sam kha an lei duh e
November 9th, 2010 at 8:14 am
Fisrt ve te’ng…. chhiar nghal ila….
Report this comment
November 9th, 2010 at 8:15 am
Area nei hran lova an sem lai khan Gas Agent te hian mipuite min ngaihsak chuang lo.
Report this comment
November 9th, 2010 at 8:16 am
Chhiar lo khan lo comment mai mai ila ka 1st mai tur ania ava pawi e. Pu Admin, ka chunga mi hi delete teh u.
Report this comment
November 9th, 2010 at 8:35 am
In manezar kha hau hrep la ti nia. Keini chu kan manezar thahnemngaihna avangin kan harsa ngailo. Thil intithei deuh ten an dil pawn a hauhrep zel.
Report this comment
November 9th, 2010 at 8:41 am
#2&3 : Ka lo nghak deuh reng che a, a blank rei sia, kan lo first ta mai alom le….sory
Mase ka chhiar nual tho ania.
Keini pawh kan awmna lamah chuan a harsa lutuk lem lo, black phei chuan lei tur a awm reng, engtin nge an tih erawh hre lem lo. Sorkar in ruahmanna tha zawk a neih a ngai anih hmel.
Report this comment
November 9th, 2010 at 8:48 am
OT Lawk muallungthu a naupang bo chungchang kha hre chiang in awm mial em :?: :?:
Report this comment
November 9th, 2010 at 8:51 am
LPG i ti kher teh ang, Gas hi Henry Vangchhia-te chuan Gasoline tih nan an hmang miau si … Petrol sawi nan an hmang miau va!
Liquid Petroleum Gas hi a sem dan a inrual lo khawp. Veng thenkhatah Hruaitu mawl an awm ve chawk a. Chhung rual leh nupa reka khawsa te pawhin Cylinder pakhat chauhvin an hru rual vek zu nia! Keini chhung hi mikhual pawh ni tina 17 nei kan ni ber a. M&B LPG Agent hnuaiah Card danglam siam chawpin, Village Council thu-hnu dawn lo pui pui remruatnain an hru rual vek a. LPG rawn phurh thlen hun lah a khat ruih mai a. Tunhma-te kha chuan chhungkaw population azirin Connection 17 lai pawh chhung rualte chuan an nei a, harsatna tam lovin thil a tih theih.
Supply Department-in a control lam thu erawh hi chu ka sawi thiam ve rih lo. Harsatna in lo tawk ve tho a nih chuan han vawrh chhuak teh u.
Report this comment
November 9th, 2010 at 9:18 am
Kan laihchhuah hunah chuan a zia awm deuh ngei ang… tunah zawng gas ngaihtuahin Vala lu a hai thin a ni e.
Report this comment
November 9th, 2010 at 9:25 am
GAS a awm e…. :lol: :lol:
Report this comment
November 9th, 2010 at 9:46 am
electric thuk hmang ula animai lawm, ti ila current a awm mumal lo bawk si, chaw chu a helin ei mai rawh u, in mawl sia, unlimited power supply thei tu tur tlawng lah an khuap duh mang si lo va. :cry:
Report this comment
November 9th, 2010 at 9:49 am
LPG hnianghnar taka neih chakawm khups mai. Hman deuh kha chuan kawtkai maiah ‘GAS DUH EM’ tiin an rawn au lauh lauh thin kha nia, tunah chuan…..hahthlak.
Report this comment
November 9th, 2010 at 9:49 am
Lei man ka nei a; chuvangin to reng pawh nise ka pawiti lo. Tin, gas connection nei thei chin chuan a man chu an nei tur a ni. A man tur an neih leh si loh chuan an phak loh pui neih an tum tihnaah ka ngai.
Report this comment
November 9th, 2010 at 9:59 am
#10 @Aryan, LPG bakah electric thuk pawh mi tam takin (a bikin Aizawl-ah, a hmangtu zat erawh ka sawi thei lo)an/kan hmang tel e. Chaw hel chu min lo eipui ve la tha ang..he he
Report this comment
November 9th, 2010 at 10:03 am
Gas hi a buaithlak khawp mai, sawrkar a inrawlh nasat poh leh a buaithlak emaw tih mai tur a ni lehnghal a, sawhthing te pawh min hriatchhuah tir rum rum mai.
Aizawl khawchhungah na na na hi chuan agent te hi area bik siam lovin duh duh dawr theihin ti ila, customer care tha deuh an lun ang a, mahni customer te zahpah miah lo ho hi chu hawi hil mai mai se a tha berin ka ring.
Hmanni deuh khan kan vengah gas(LPG) an rawn sem a, nidangah pawh buk a tlin loh zeuh zeuh avangin hruaitu ten Legal Metrology ho kovin an buk tir a, tling lo chu a lo awm ngei a, khavang kha a ni mai thei, khami hnu engemaw chen kha chu helaiah hian an rawn sem tha duh ta hauh lo.
Report this comment
November 9th, 2010 at 10:27 am
AMC te kan nei ta a,a felfai zel tawh turah lo ngai rih phawt teh ang,ilo thir ang….
Report this comment
November 9th, 2010 at 10:34 am
Gas chungchanga sorkar inrawlhna chin hi hriat fuh ngai ve deuh a nia. Anihna takah chuan dealer te leh company inkar a ni zawk mah. Mahse, dealer-te an chak lova, demand a sang si, chutiang boruak hnuaiah chuan Consumers’ Union in hma an la chung pawhin dealer te zawkin mipuite hi min exploit char char zawk a. Chumi laka in ven nan chuan Consumers’ Union te ngenna ngai pawimawhin sorkar hi a inrawlh chauh zawk a ni.
Sorkar hi inrawlhlo ta se, company-ah te gas quota zuk sawi chhuah belh lo turin mawhphurhna hi pe ta lo ila, minister leh official te tan chuan a thawven thlak daih zawk ang. Mahse, tunah chuan sorkar tih tur berah kan ngaih tak zawk avangin gas a harsat chuan mipui kan phun kan phun ta mai zawk a nih hi.Sorkar inrawlh hnu hi chuan dealer ten consumer-te min exploit dan pawh a zia tawh fu zawkin ka hria.
Tunhma deuh, domestic gas chungchanga tun anga sorkar a inrawlh hma khan zarkawtah gas ka la thin a, Town bus-ah conductor te’n phurh an phalloh chuan tihngaihna vang deuh a sin. Khatih hunlai khan tun ang hian gas harsatna chungchangah sorkar kan dem ngailo, mahse tun ai chuan khatih hunlai khan gas chu harsa tak a ni zawk.
Chuvangin, gas sem chungchanga sorkar inrawlhlo tura duhna hi chu ka thlawp lemlo khawp mai.
Report this comment
November 9th, 2010 at 10:35 am
Tuemaw pakhat Aryan style copy tum lutuk hi in nuih a za ve em. :lol: :lol: :lol:
:wink:
Report this comment
November 9th, 2010 at 10:40 am
Gas hi thingtlang lamah kan hnianghnar zawk a. Bur khat Rs.500-600 in lei tur a awm reng. Aizawlah a vang zawk an ti (VIP nih ve loh chuan).
Report this comment
November 9th, 2010 at 10:42 am
@17 awmawmpui, tunge a?
Report this comment
November 9th, 2010 at 10:59 am
Rawtna tha tak ani,ka thlawp e..
Report this comment
November 9th, 2010 at 11:17 am
:cry: Aryan i awmna rama anga ram upa kan nih hunah chuan kan phun kan phun bik lovang.
Report this comment
November 9th, 2010 at 9:58 pm
Aryan-ate ram hi AD 1777 khan luah tan a ni.
Report this comment