Mahni tuina lam leh luhchilh lam a nih em em vang pawh ni hran lovin tangkaipuitu kan lo awm palh tak leh hriatzau nan hrim hrim atan tun tum chu Kawng na chungchang hi tlemin i han ziak teh ang.
A hmasa berah chuan mihring hnungzang hi ransa dang ang thova ke pali ringa bawkvak a kal tura siamtu lo duan a ngaih a ni thin. Ransa dang ang lo taka ke pahnih chauh rinchhana kan taksa rihna kan phurh takah chuan kum a lo upat zelin hnungzang ruh leh tihrawl te hi, an chakna leh rit lak theihna a lo tlem tial tial a mathei lovin kawng leh hnungzang na hi a awm ngei ngei a ni.
Mi tam zawk te hian kan hun lo tawn tawhah kawng na emaw, kham emaw chu kan lo nei deuh vek tawh ngei ang le. Chumi chungchangah chuan hengte hi hriat a inzawh fo a tha hle mai.
A lo lanchhuah/in tan dan: Zawimuanga intan a a thla tel a a nat dan zual hret hret te a ni thei. Chuti ni lovin thawk leh khata rawn na thut pawh a ni thei bawk. Ngaihbel theih tura a lo intan chhan hriat theih mai te chu; rit chawi, tluksual leh insawh palh vang a ni tlangpui. A intan dan a zirin a chhan tur chu a rin theih mai thin. Chhan awm lem lo pawhin a na ve thei tho a ni tih chu thuhmahruaiah khian a rawn sawi tawh khi.
A behbawm: Kawngna behbawmah hian khawsik, taksa bung/ruh chuktuah na dang te, taksa rihna tlahniam, chaw ei tui lo, zawi ngawih ngawih leh, hrisel lohna riau neia inhriatna te a awm thei. Chutiang chuan i awm em le? Kawngna satliah mai nei lova heng a behbawm te hi nei tel i nih chuan ngaihthah mail ova bawhzui vat a tha a ni. Ruh TB leh Cancer vanga kawng na nei te i lo ni palh hlauh dah ange.
A natphung: Hunbi nei a na leh han chawlhhahdama reh hlauh a nih chuan ngaihthat lohna em em tur a awm lo. Chuti ni lova, na reng mai, awm mai mai pawh a na, nachhawkna damdawi pawhin a a chhawk that mang loh leh muthilh pawh harsatpui khawpa na a nih chuan buaipuitham a ni tih hai suh ang che.
Na nen a inkungkaih: Khuh emaw hahchhiau emaw a na a zual sauh te leh kawng mai ni lova, malpui hnung, malte leh ke thlenga na tel a nih chuan Sciatica (SAITIKA) ang chi na nei te i ni thei a ni. Ke zawi leh mu chuah chuah te leh nak nem na te a awm thei bawk. Hmeichhe tan kawngna chu thineih lai chauh in a awm thei a, a zual thei bawk a ni.
Kawng nat chhan tlangpui.
Intih palh/inhliam: Chetsual palha insawh nat palh vangin kawng a na in a kham thei. Hetiang na tamzawk hi chu inherh kan tih ang hi a ni. Malis, tuilum a deh leh bawlhlo eng eng emaw hnawih hi a thatlohna a tam a, chin loh a tha. Nachhawkna thatak ei a hahdam tak a rit la lo a awm hi a tawk viau a ni. Ruhtliak a awm tel erawh chuan mahni a inenkawl ngawt chi a ni lo.
Kum upat vang: Kum upat vanga ruh leh ruh inchuktuah danglam zel vang leh ruhmawih/ruhmuat (osteoporosis) vangin kawngna benvawn tak a awm thei. Damdawia uluk leh kumhlun a enkawl a ngai tawh thin. Mawhphurhna neia inhria chuan chhungte tan hmalak vat chi a ni.
Cancer: Ruh cancer avangin na na tak, a chhun a zana na a awm thei. A tir lama a natphung kan sawi tak ang a nih chuan inenkawl vat a tul thin. Cancer vang a nih chuan kawngna mai bakah hian hnungzang ruh tliak in mi a tlakbuak thei, khumbeta awngrawp reng theihna a ni. Urgent a ni ringawt mai.
Infection: natna hrik hrang hrang ten hnai la in awmhmun an khuar thei. Khawsik in a bawm tel tlangpui. Taksa nawmsam lohna dang ten a tlakbuak tel bawk. TB hi kan ramah (India) a hluar hle, enkawl hma loh chuan damlo zeng (paralysed) in a siamthei. Hriat a hmalak hma a tha hle. HIV era ah phei hi chuan infection vang hrim hrim a kawng na hi a pung chho mek a ni.
Thildang: disc prolapsed kan tih te, kawchhung taksa peng dang hrisel loh vang te leh hmeichhe chikawng leh thineih felhlel avang ten kawngna benvawn tak a awm thei. Hna in a zir loh vang leh thutna (chair) that loh vang te pawhin nileng a officea thu a hanthawk te zingah kawngna nei an tam hle bawk. Sikul naupang bag rit tak tak ak thin te pawh chuti tho. Pianphunga ria leh sang, zangkul du a thu thin te tan pawh harsatna liantham tak a ni.
Kawngna nei a i kawngna in a tihbuai fo che chuan i natdan kha nangmah lo inzawtchiang rawh. A chhan i hmuhchhuaha i umbo theih chuan a tha. A tul a nih chuan damdawi thiamna lam rawn la, a hma lamin in enkawl ngei ang che. Chutichuan hun rei tak insawiselna nei lovin zan rei tak tak thleng kawngna sawi tur awm hauh lovin misual.comah i comment zuah zuah thei mai dawn a ni.
November 11th, 2010 at 1:47 am
phek thar, in tan le..
Report this comment
November 11th, 2010 at 1:51 am
I phek thar hawnloh hlau lutuk kha ka lo thlir reg ce! Lol
nuih a va za em em veeee… 
#100, nia, nangchu i inzir fing leh ltk a, kawngna inkaichhawn dan te i hriaa..lol
AIDS ah te sulfonamide group te ilo chawh hem2 duh hmel reuh..lol…. Ka muuuu..ka â zo dawn!!
Report this comment
November 11th, 2010 at 1:53 am
eh! Pharma ila zir elo? Huhu
Report this comment
November 11th, 2010 at 1:56 am
79% in ka pass toh..huhuhu..
Report this comment
November 11th, 2010 at 1:56 am
Backache(hnung zang na)investigation tlem- Rempuii lo ngaithla kiau roh aw…1.x-ray,2.Myelography 3.Ct Scan 4.MRI(tunlaiah chuan a thra ber(investigation of choice) pawla an ngaih ni hnungzangna en nan)
Treatment:conservative leh Operative om a.
conservative chuan:1.Rest(kar2/3 emaw hah cholh thra)la nat zel chuan injection ngai thrin a corticosteroid/local anesthesia in a na a ti ziaawm thei,2.Traction(omzia i hriat loh chuan i zir san hunah ila hre mai ang)3.Drugs:NSAIDS(na chhawkna) n Muscles relaxant 4.Physiotherapy 5.Spinal extension exercise
Operative lam hi chu mizo tawnga han let lin ka harsat tlatz mai soi lang lo law2 zok mai ang!
Report this comment
November 11th, 2010 at 1:56 am
Helai chu medicos ho in lo commite ni maw.ka rawn tel ve;-)Kawngna inkaichhawn tilo in inthlahchhawn theih a tih na niang:-)
Report this comment
November 11th, 2010 at 1:58 am
eng UNIVERSITY atangin? Huhu
Report this comment
November 11th, 2010 at 1:59 am
Member dang! Rag ang u lems!! Ve leh ta phong mai a! Lol. Jose cu i reh vang vang ta cu i mu maw ka tia, khi khi i lo type char2 ni maw
Report this comment
November 11th, 2010 at 1:59 am
Zeus n Rempuii@ G’nyte ule
Report this comment
November 11th, 2010 at 2:01 am
@ jose, coffee power a zo ani maw? Hehe..gushnite
Report this comment
November 11th, 2010 at 2:02 am
Ka senior te chuan min thamlo hleee mai…lolx! NSAIDS ah khian sciatica atan cuan nimesulide(zerodol) ho hi effective ber a maw, nangni tan hriat a pawimawh. :mrgreen:
Muscle relaxant nena inpawlh ni thei nghe2 se…
Report this comment
November 11th, 2010 at 2:04 am
Nia rag ang u
Report this comment
November 11th, 2010 at 2:07 am
Sciatica ah hian purun vâr densawm leh têl tak chawhpawlh a zût hi a tha an ti a. Thiante u, a ti tawh in awm takin in experience han sawi teh u..
Report this comment
November 11th, 2010 at 2:11 am
@113 hritlang ah pawh an hmang lo maw?
massage lai kha a pawimawh :mrgreen:
Report this comment
November 11th, 2010 at 2:11 am
@Briddconn, thlai damdawi leh bawlhlo lam hi cuka hriat loh lam tak a ni….
@zeus & co, goosenight!
Report this comment
November 11th, 2010 at 2:15 am
zeus,e.n.t kha han pass ve phawt la ka la hrilh dawn che nia university chu:-).0T loh nan kawngna neih hi chu indim a ngai lutuk a buaithlak thin khawp mai
Report this comment
November 11th, 2010 at 2:19 am
eu @stallion chu! Kan khua ah chuan awm la ‘hello boss’ ti hlira ka koh che angai don anih chu
jose te pawh khi ka ‘hello boss’ nasa ania..
Report this comment
November 11th, 2010 at 2:27 am
Zeus,Mangtha tha auh.
Report this comment
November 11th, 2010 at 2:41 am
post tha tak a ni.save keuh nge
silent reader.
Report this comment
November 11th, 2010 at 6:10 pm
Thiante u hman lohna avang leh network that loh vangin ka rawn online thei lo a comment thenkhata zawhna te pawh ka rawn chhang thei lova pawi ka ti khawp mai.
Medicos ho an lo committee a, zawhna tamtak te chu an lo chhang tawh bawk a, chhan ngai lovah ka dah ta mai.
Vawiin chu kawng kham thum khawpin kan thut nilen chu le!
@Caribou: A la reh nange, remchangah kan sawngbawl leh dawn nia.
@ngente: nia, khati lam field luhchilh, silent reader zingah hian a awm a ka rawn post tir dawn nia.
Kawngna zawng zawng te, lo dam vek rawh u.
…khrum
Report this comment
November 12th, 2010 at 3:05 pm
2010 World Cup: Oh Sang Eun-Vladimir Samsonov…
I found your entry interesting thus I’ve added a Trackback to it on my weblog :)…
Report this comment