Ram pakhatah hian Lal fel leh rorel thiam tak a awm a, a hausa em em a, a ramchhunga hmeithai rethei leh chhuanchhamte hi a tanpui thin. A ram mipuite chuan an ngaisangin an zah em em bawk a, hetiang khawpa Lal ropui leh fel an nei hi an lawm a, lal rawng chu theihtawkin an bawl thin.
Kum tin, Krismas dawn hian lal chuan a tanpuitur list hi a tichhuak thin a. Tin, heng a tanpui tawh hi chu an damchhungin tanpuina a pe thin a ni. chhungkaw 50 a thlanchhuah zingah chuan hmeithai pakhat, fapa pakhat nei hi a thlang tel ve a. Hmeithai chu a lawm em em a, Lal chu a fak a, a theih tawkin lal rawng chu a bawl ve ta a.
Hun a lo kal a, hmeithai chuan a fapa neihchhun chu a thihsan ta a, hmeithai fapa chu a lo tlangval ve ta a. An ram lal chuan eitur tinreng chuan a la chawm ta reng a, tlakchham a nei ngai lo, lal chuan a enkawl tlat avangin. Mahse he hmeithai fapa hian amah chawm seiliantu chu a hre hauh lo.
A duh duh danin a khawsa a, Lal rawngbawl chu sawi loh, mihausa fa khawsakin a khawsa a, zu leh nula nen a khawvel chu a chen ta a. A thenawmte chuan chu hmeithai fa, Lalin a khawngaih avang chauhva a enkawl seilen ve mai mai, kha ti taka a chawmtu pawh hrelova a khawsa ta mai chu awmlo an tiin, an zahpui em em thin.
Thenawm khawvengte chuan Lal lung a tih awiloh mai an hlauh pui ta, Lal chawmhlawm ve mai a nih zia leh duh dan dana khawsa thei a nih loh zia hrilhhriat an tum lai tak chuan Lal chuan thu a chhuah ta a. A rama a khawngaihna zarzo, mi rethei leh chanhai a enkawlte chu, in tin atangin pakhat tal a lal in tualah chuan a kokhawm a. An han pungkhawm chu an lo tam em em alo ni a, Ram mipuite chuan Lal chu an fak a, hetiang ema lal fel leh mikhawngaih thei hi an awm lovang an ti.
Lal chuan a khawngaihna dawngte chu chhungkaw mal mal chuan a ko ta a, tah chuan hmeithai fapa chu a hun a lo thleng ve ta a, Lal rawng a bawl nge bawl lo an han thlir let chuan, Lal rawngbawl chu sawi loh, mahni duh dan dana khawsa, nula leh zu nena Lal khawngaihna chen alo ni a. Lal chu a thin a rim ta em em a, ” Vawiin atangin i ei leh in, silh leh fente ka tum tawh ngai lovang, kei mi zahna chhete mah i nei lo a ni, chuvang chuan nangmahin inenkawl tawh rawh”, tiin na takin a hauva, a khawngaihna angchhung ata chu a hnawtchhuak ta a.
Hmeithai fapa chu a haw ta hnak hnak a, mi hausa fapa emaw a intih lai leh nula nena khawvel a chen laite chu a ngaihtuah a, a a inti em em a, tunah chuan a maha khawsak a ngai dawn ta bawk si. Engmah neih a nei bawk si lo, hna thawh pawh a nei bawk si lova. kawtthlera a kal lai chuan khaw mipuite chuan an lo nuih tet tet a, an hmelah chuan mawl an ti tih hi a lang ngawih ngawih bawk a. “Aw,,… Lal vanga nung leh khawsa chauh ka ni tih kha lo hrechiang ilang chuan Lal rawng ka dam chhungin ka bawl ve tur a ni a, ka nu in min hrilh thin laite khan lo awihin, lal rawngte kha lo bawl ta ni ilang chuan…… lo ngaihtuah chiang ve deuh ilang mahni duh dan danin ka khawsa lo tur.. Tunah chuan ka tan nunkhawchhuahna a awm tawh lo, ka hmabak a vahan thim tak em”… tiin a in dawm kun ta ngawih ngawih a.
Ngaihtuah chiang ang aw.. keini pawh hi Pathian khangaihna vang chauha nung leh khawsa kan ni. Engkimtithei, Pathian ropui, lei leh van leh thil zawng zawng siamtu a ni. Chutih laiin amah zah nachang pawh kan la hrelo chu a ni a. Kan duh duh danin kan khawsa a, tunge min siamtu ? tu vanga awm nge ka nih ? Vawiina ka la dam ringawt pawh hi a zahngaihna a ni si a. Min enkawltu leh vengtu heti taka hawisan hi chu a zahthlak deuh lo maw…Kan hrechianglo deuh chu a ni lo maw, ngaihtuah chiang ang u, Hrechiang chiah ilang chuan a hmaah bawkkhupin, chibai kan buk anga, a ke kan fawp vawng vawng tur a ni a.
Similar Posts:
- Hmangaihna
- I ngaihtuah ngai em?
- Nuthlawi Vs Hmeithai
- Hming
- Hun Hnuhnunga Lalpan a Mite a Humhimna Tur Ram
December 20th, 2010 at 6:31 am
:lol: Hriatchian lehzual ka va chak em!
Report this comment
December 20th, 2010 at 6:39 am
va that hmel dap dap e, chhiar teh ang.
Report this comment
December 20th, 2010 at 6:42 am
Lk ah ka chhiar zo chiah
Zeph i va lawm ve a
Report this comment
December 20th, 2010 at 6:45 am
Ziak tha riau zel a ni
Report this comment
December 20th, 2010 at 6:53 am
A va han ziak ropui tak em! Lal khawngaihna liau liauva malsawmna dawng kristiante hi kan in enfiah vat a va han pawimawh em!!
Report this comment
December 20th, 2010 at 7:09 am
Hrechiang ila Nang ka bosan lovang che Lalpa…
i wanna know You, love You, not let You go… More, more of You Lord…
Report this comment
December 20th, 2010 at 8:00 am
Ka hrechiang telh telh che a, ka ngaina tulh tulh che… Lalpa!
Report this comment
December 20th, 2010 at 8:06 am
A dik a dik…ka tan hian a ni zual te hian ka hre thin…. Van ka thlen hunah chuan ka hrechiang tawh ngawt ang.
Report this comment
December 20th, 2010 at 8:48 am
Kei atan tak hian ava dik lehzual em.
Report this comment
December 20th, 2010 at 11:24 am
Harsa ka va ti thin em? Hmangaih ka duh, mahse ka hmangaih thei lo a, ka thiam lo bawk. Egtinnge ka hmuh ngai loh chu ka hmangaih theih ang le? Ka fate, ka kawppui te, ka unau leh nu leh pa chu ka hmangaih. Ani ka hmangaih dan tur hi heng ka hmangaihna ang hian em ni dawn? Hriat chian che ka va duh em!
Report this comment
December 20th, 2010 at 12:45 pm
@elbee7
Kan hmuh ngai loh chu engtin ge kan hmangaih theih ang ? A dik reng.. mahse hei…1Johnana ah hetihian a inziak a… “Tuman englaimahin Pathian an hmu ngailo. Kan inhmangaih tawn chuan Pathian keimahniah a awm reng anga, a hmangaihna pawh keimahniah a famkim bawk ang” 1Johana 4:12
Report this comment
December 20th, 2010 at 12:48 pm
1Johana 5:3 ah chuan, “Pathian kan hmangaihna chu heihi a ni, a thupekte kan zawm hi; a thupekte chu a khirh si lova”
Report this comment
December 20th, 2010 at 1:31 pm
A ngaihnawm leh ta hle mai. Khi tlangval khi chuan a nunna hnar a la hre lo zawk pawh a, keini hi chuan kan hria, Pathian malsawmna kan dawn zia leh engkim amah atanga dawng kan nih pawh kan hre tlangpui, tichung hian kan la bosan nasa hlawm chu a nih hi le, khi tlangval ang mai khi ka ni e.
Lal ngilneihna leh a thiltih a ropui hle, mahse limit nei a ni a, kan Pathian hmangaihna chuan hun tha min pe reng a ni. Tlangval a tak chu chance pe lovin a khawngaihna huang ata paih chhuah a ni a, inlamleta sim na chance a nei lo, ka Pathian erawh hi chuan hun tha min siamsak reng, a khawngaihna kan chan theih nan kawng a la inhawng reng a ni.
Report this comment
December 20th, 2010 at 1:36 pm
As khiangte…………………………………….Thrianpa zanin pick chu auh! tumbu pickle siamdan min han hrilh teh uu
Report this comment
December 20th, 2010 at 2:04 pm
@rascal, tumbu pickle siam dan:
Mamawh te-
1. Tumbu
2. A dahna tur
3. hmarcha (i duh thak dan azir in)
4. Tui tlem
5. Tumbu pickle siam nana thil tul dang te..
A siam dan hi hrechiang chiah ilang chuan ka hrilh ang che :lol: :lol:
Report this comment
December 20th, 2010 at 2:14 pm
FROST i van chhe tak, tumbu trin ka lei a, a pickle ka ei chak, internet velah a siam dan ka zawng a, ka hmu zo bawk silo, buaithlak, frost i chhas min va zawhsak mai teh a
Report this comment
December 20th, 2010 at 2:17 pm
rascal.. kan vengah siam thin an awm a, an siam lai ka lo enthla ang :lol:
Report this comment
December 20th, 2010 at 2:18 pm
badboy a bialnu pawn a thiam, khi lam chhuak ania :lol:
Report this comment
December 20th, 2010 at 2:21 pm
Frost in venga mi chu va zawt teh, “littlerascal in a duh va ti rawh” LOLZ
Badboy a chhas chu khilam or khulam pawh nise tun dinhmunah chuan tumbu pickle siamdan a thiam chuan a tawk hihi
Vawiin chu khaw chhia nen vawt reuh ltk a, mood fuh deuh hunah Ka Ashes pics ho ka la rawn post ang
Report this comment
December 20th, 2010 at 2:23 pm
I ziakthiam hle mai…fiction pawh i phuah tiam ang ka ring
Report this comment
December 20th, 2010 at 2:29 pm
@littlelaskar tumbu pickle siam dam chu maw…. tumbu kha pick la, kal mai rawh chuan tumbu pick kal ani mai hihihi
Report this comment
December 20th, 2010 at 2:58 pm
21 Drake…………I *# a nih chu a
Report this comment
December 20th, 2010 at 3:07 pm
#14 I mamawh tur te- Vinegar pawlh dal thirfian thum, tumbu thirfian khat, tel hmin, purun var rawt dip fian khat, ai eng fian khat, chi fian khat leh a pickle tlem nen
.
A fian hi a len zawng a in ang lo.. :lol: :lol:
Report this comment
December 20th, 2010 at 3:12 pm
Insual hlawm em mai ka U te ka han phone mai ange, misual ho :lol:
Report this comment
December 20th, 2010 at 3:12 pm
littlerascal, Hmarcha pickle lei la, a hmarcha zawng thur chhuak la, hmarcha tiat velin tumbu i zai lep ang, chuan hmarcha aiah tumbu i zuk dah hleuh ang. i chawk vak vak ang. tumbu pickle alo ni ta… huizz :lol: :lol:
Report this comment
December 20th, 2010 at 3:16 pm
littlelaskar pick a tumbu and go, mizo chuan tumbu ‘pick kal’ awlsam e
Mizote hi mahni siam chawp canned food, thil um ei leh siam nasa ah chuan botulism nei tlem pawl kan ni ang a,kan vannei khawp mai
Report this comment
December 20th, 2010 at 7:41 pm
@littlerascal hre chiah ila chuan ka hrilh mai tur che nia, tumbu pickle chu, i zawhna hi hre chiang chiah an awmlo anih hi, ‘hre chiang chiah ila chuan’ post ah ber kher i zawt ani
:))
Report this comment
December 20th, 2010 at 7:47 pm
frost & drake,insual em mai a
ka la hre tho tho ang, ka la awhfik
ang che u:)
Report this comment