Khawvela ka hmeichhe duh ber, ka tana mawi ber, midang zawng aia ka thlan ber a nihna chhan hi eng dang vang a ni lo; ka hmangaih em vang a ni. Hmanah kum 15 vek a nih lai, kei kum 17 lek ka nih laia kan inkawm dan te kha thâmral mai lovin ka thinlungah hian a châm reng a, ka thinlung phêkah hian a inziak reng a sin! Dik chiah chuan khâng hunlai khan a máwl chu a ni lo, a nachâng a hriatloh vangin ala â em em a. Mahse, kha a âtna tak kha a duhawmna tizualtu a ni si.
Vawikhat chu Chawlhni tlaiah kan lêng ho anih kha. Vengchhakah Pi Thuami inbula Lamkhuang buk hnuaiah thlifim dawngin kan thu a, nakin deuhvah chuan kan thutna thlanga kawngah chuan kan chhûkthla a; tumahin min hmuh lohna turah ‘chance’ kan nei anih kha! Ka ngaihtuah chhuah châng hian ka nuih a zâ a, ka lung hi a lêng veng veng thin.
“M…, Ka ngâi thin lutuk che asin. Sunday tin hian rawn lêng thin ula,” ka ti a.
“Ka awihlo, min ngâi tak tak lovang,” a ti a, ka nghâwngah min kuah a, ka hnungah min uai min uai pahin, “E….taka, u Sangte-i nen in ‘ni’ thin tiraw?,” atih chhunzawm a.
“Aw, ni ve thin e”
“Eng’ati nge in nih tawh loh a?”
“Nia, ngaihzawng dang a nei tawh a, keipaw’n ka nei ve tawh bawk si a,”
“Tu’nge chu chu?”
“Nangmah hi!”
“Kei aiin u Sangte-i chu a tha daih zawk alawm, ni leh mai ula,”
“Nang hi alawm tha ber! Ka hmangaih che alawm,” Min kuahna chu thlahin ka banah min vuan a, chiang taka min enpahin, “I tizahthlak! U Sangte-i ka duh pui ber che!” a ti a.
“Nang lo chu tumah ka duhlo, ka hmangaih che ka tih chu,” tihpahin ka kuah thut a, ka pawm vawng vawng a. Ka ir bawr vela a thaw lum ham ham kar atang chuan, “Mahse, i lêr em alawm! Tunah pawh hian ngaihzawng dang i nei ngei ngei ang. Keite chu min duh tak tak pawh ka ringlo,” a ti ta sep sep a.
Ni chu a tla têp tawh a, an haw na tur a la hla angreng bawk si a, rei tak awmpui chu ka châk hle a, mahse, a rem chiah silo. “M…, ka hmangaihna che hi theihnghilh miah suh aw,” ka ti a.
“Tunah chiah min hmangaih lo la aw?” ati a.
“Ka hmangaih reng dawn che a sin,” tihpahin fawh ka han tum a.
Mahse, a lu chu a thle sawn a, nui var var chungin, “Min seh tawhlo la aw,” a ti a.
“Min seh ve la a ni mai ‘lawm” ka ti a, chutah kan infawp ta ngawih ngawih a.
Hmanah ka ûangin ka fawh paha a hmui na lo tea ka seh kha alo la hrereng a, ka nuih a za viau mai a.
Kan thiante’n min rawn ko va, kan inthen ta a.
Chawlhni-ah an rawn lêng leh ta miah lo va, keimahni veng nilo va mahni chauhva lên chu ka zak ve bawk si a, chumi chhûng chuan ni tam tak alo liam hman a. Aizawlah School a lut a, kei chu Aizawl atangin kan khuaah School-ah thawk turin ka awm ta thut si a. Chanchin engmah inhre tawn lovin kum khat lai kan inhmu ta lo va.
Christmas dawn hnaih, School chawlh laiin an luhna School-a kal ve, kan veng amite inah kan lêng a. Chumi tum chuan School lam chanchinte sawipahin a chanchin pawh sawichhuah a ni ve a.
Kan lênna tleirawl chuan keia rilru lam hre ve hek lo, “M… chuan bialpa hausa deuh a nei!” a ti ta mai a. Ka thinlung chu a den dan a dang zár mai.
Ka bengchhe ri mai nise tichungin, “Engtin maw i tih?” ka’n ti a.
“M… chuan bialpa hausa deuh a nei! A hmel a chhe lo va, a ‘luck’ lutuk” tiin min chhâng nghal a.
Midangte chuan, “Mak i va ti áwm ve?” tiin min lo nuih a, kei chu ka nuih a za ve hauh lo. Ka rilru in, bialpa rethei tak neih ai chuan bialpa hausa tak neih chu a tan a tha zawk alawm. Hnahhlui chu hnahtharin thlâk rawh se, ka ti a.
Khata tang khan a chanchin chu tunthleng hian ka ngaihven zui ta lo va, a ni pawh chuan min ngaihven zui bik lo. Tunthleng hian bialpa hausa deuh chu ala neih zel ka ring a, keizawng ka retheih em avangin ani tan chuan ngaihzawn tlak ka ni lo alawm.
Amaherawhchu, hmana lamkhuang buk hnuaia thlifim kan dawn lai te, chumi thlang kawnga kan inkáwm laite kha ka hriatchhuah châng hi chuan KA LUNG HI A LENG THIN TEH A SIN!
…………………..
Similar Posts:
- Love – Blessing or Curse?
- Hmeichhe ṭhenkhat han nêpzia hi!!!
- Valentine’s Day
- Ka bialnu nih tumte tâna hriat tur pawimawh te
- Love Theory!
December 21st, 2010 at 11:46 pm
Hmmn, a va sei ve le aw! Lunglen reh raih khawp in i chhiar phawt mai ang aw ni le.
…khrum
Report this comment
December 21st, 2010 at 11:50 pm
Kum 2010 hian lunglen nawi 2 ka tawng ve
Report this comment
December 22nd, 2010 at 12:03 am
ziaktupa, i tawn tak tak fiction ah i rawn dah palh hlau a va ang ve!
Report this comment
December 22nd, 2010 at 12:08 am
@Tluanga ka rilru a va na ve a.Ka khawngaih khawp mai che. Hmeichhia te hi han dem ngawt theih a ni silo bawk nen. Tak tak nilo se tha ang a.
Report this comment
December 22nd, 2010 at 12:12 am
kawlhawk a happy birthday
Report this comment
December 22nd, 2010 at 12:20 am
pawisa tel lo chuan nula pawh kriench theih loh, buathlakin,..khawvel hi :-# , hmangihna dik tak chu sum ah a in nghat lo
Report this comment
December 22nd, 2010 at 12:37 am
Tleirawl laia hmangaih biathu kan han hlan ve te kha zawng, aw a lawi, a khur, kha a chih… hrilh chak em em vawi tam tak lo pamtrul tawh hnua ‘M.. ka…ka hma..hmangaih che a…sin’ han tih trial ruai hnu te kha chuan thaw hi a veng ve hawk mai mawle
Report this comment
December 22nd, 2010 at 1:47 am
@ Tluanga, I va khawngaihthlak ve..!
“Dik chiah chuan khâng hunlai khan a máwl chu a ni lo, a nachâng a hriatloh vangin ala â em em a,” a dik loh hmel. “Min seh tawhlo la aw,” tih te leh lamkhuang buk hnuaia in inkawm dan vel atangte khian tawnhriat chu a nei ve tawh ngei a nachang pawh a hria tih a hriat theih. Chuan lamkhuang buk hnuaia in inkawm dan vel khi a tak2 anih chuan ‘M…i’ chu kum 15 mi ah chuan ZEI tawh hle anih chu…ka ti kei chuan.
Report this comment
December 22nd, 2010 at 1:58 am
Tak tak anih ngat chuan kan va inkawmngeih dawn ve le… Me too, i’m falling FROM love (again) 2nite, not IN love…
Report this comment
December 22nd, 2010 at 1:58 am
Hmmm… kan sulhnu, 90% velin i rilru ka lo ‘Read’
ve thiam ania :lol:
Nakin zel atan chuan maw… hmeichhia hi i kiang hnaia an awm reng anihloh cuan ring suh. An sual vang pawh niloin awm nem tak, rilru danglam hma taka siam anni a an rilru hi rei tak an chelh theilo.
Mi duhlai tak te hi i neih duh chuan i thiam angtawkin i rilru seng chungin tum chhin teh, chhuh theih i nei nual ang….hehehe… :lol:
misuala kan hmeichhia te hian an lo haw viau maithei :lol: mahse ring tawh suh duat chu duat em em tur.
Report this comment
December 22nd, 2010 at 2:09 am
Comment ve teh ang a ngaihnawm reuh e mai. Fiction anga dah tum, thu dik tel deuh si a nih ka ring. In inthen dan erawh chu phuahchawp a niang.
Ngaihnawm ka tih zawng tak i ziak a tluanga ka lawm e.
Report this comment
December 22nd, 2010 at 3:34 am
Love story i chhiar peih hmel
Report this comment
December 22nd, 2010 at 5:02 am
Kan college kallai a kan thianpa thusawi minti hrechhuak zawk mai.” HMEICHHIA CHU AN THAWK DEK DEK CHHUNG CHU RIN LOH TUR ” a ti thin. Dik maw dik lo maw
Report this comment
December 22nd, 2010 at 5:24 am
#10 Asteric chu minti thlaphang mange.
Thawnthu a ang vaklo, i tawng tawh khrim khrim. Lerh deuh hlek hi chu awm a nia.
Report this comment
December 22nd, 2010 at 8:18 am
va lungrun deuh ve….
Kumin chu a lungleng zawngin mas i hmang palh ang tih va hlauhawm ve. Nia hmeichhia hi chu khualkhua a awm bosan rei lutuk hi chuan belchhung sa anga ngaihtheih tawh pawh hian achang chuan builung tawk ang hlauh hi kan ni duh chawk….. :lol:
Report this comment
December 22nd, 2010 at 9:38 am
#14 Thlaphang duhsuh i tawnglo ang pawh ka ti hleinem haha :lol: :lol: A khat tawka biak reng hi an ngai ania… nang te chu an chhungkua pawhin an be tha viau ang che chuuu :lol: :lol:
Mosia film kan tih mai “Ten Commandments’ ah khan Pharoa’n a fapa Ramesses-a hnena a thurawn ah “Tin, hmeichhia hi ring ngai suh angche” a tih kha a tak viau a ni.
Report this comment
December 22nd, 2010 at 11:14 pm
I nunah hian Lamkhuang hian hmun a luahthuk riauin ka hria… :wink: i ziak ngaihnawm lutuk.
Report this comment
December 23rd, 2010 at 7:40 am
Kei pawh a Leng thei lutuk.
Report this comment
December 23rd, 2010 at 11:01 am
lolzzzzzz……va thar hma awm ve…….thawnthu ziah lampang i thiam riau…….a tak2 a mo kan tih dawn chu le :lol: :lol:
Report this comment