Ka han fawm khawm ve mai mai. Sawi belh tur leh hnialna tur nei chuan han comment teh u.
1. Bethlehem Arsi eng mawi…: Khawchhak mifingten an rawn zui arsi kha Bethlehem khaw chungah ni lo Jerusalem chungah a en avangin Mifingte khan Heroda hnen an thleng ni awm tak a ni. Khatih lai khan Chhiarpui an nei a Nausen Isua kha Jerusalema an cham pui lai ni awm hi a ni a.
2. Khawchhak lal pathumte kan ni…: Khawchak mifingte kha Lal an nih kan hre lem lo.
3. Bethlehem bawnginah a lo piang…: Bawng in a nih sawina khawiahmah Bibleah hian a awm lo. Theologiante leh Historiante chuan Sakawr in a nih an ring ber zawk. Buhpawl eng ilova sak Ran in pawh nilovin an Sakawr in chu Kopang lei kerkuak ( puk ang deuh ) a ni awm e.
Tin, kan hriat dik tur thenkhat:
1. Isua pian zan khan Khawchhak mifingte khan Isua chibai an buk hman lo tih hi a ni.
2. Isua pianna ram hi vur ram a ni lo. Isua pianna hlimthla tam takah tih vurram vak kan tum hi a dik lo kei chu ka ti. Sap rama pian tir kan tum a ang zawk ka ti.
3. Isua pian khan a zan la lain Aigupta ramah an tlanchhe lo tih Bibleah a chiang.
4. Krismas hla emaw kan tih tam tak hi Krismas hla a ni lo tih kan hriat a tha. Entir nan Jingle Bell, Rivers of Babylon, leh BoneyM hla engemaw zat.
5. Krismas ni hi Isua pianni dik tak a ni kher lo tih pawh hi kan hriat a tha. Rom hovin Thlasik Nikir ( Winter Solstice) Kut an hman ni kha Krismas atan an let ni awm takin mi thenkhat chuan an sawi. A dik leh dik loh kan hre ve lo. Isua kan thinlunga a lo piantharna ni a nih chuan kan tan a dik a ni mai.
Le han comment teh u. In duh leh han hnial ula. In duh leh sawi belh ula.
Similar Posts:
- Bethlehem Arsi leh Khawchhak Mifingte.
- Krismas Thuchah
- Krismas Thuchah
- Bethlehem Arsi
- Wise Men from the East to Jerusalem
December 24th, 2010 at 7:28 pm
1na I thu ziah zawng zawng hi a dik vek lo tih a chiang.
Report this comment
December 24th, 2010 at 7:33 pm
A ni maw, chhiar chiang ang
Report this comment
December 24th, 2010 at 7:35 pm
bethlehem arsi ti a he hla a an hman tak chu Lal Isua ani a. Khawchhak mifing te khan arsi chu an en a, bethlehem arsi tia sawi a ni ngai lo. Khawchhak lamah arsi kan hmu an ti. Bethlehem arsi kan hmu an ti lo. Hrethiam mai em.
Report this comment
December 24th, 2010 at 7:36 pm
Dik hlawm e… https://www.godtube.com/watch/?v=J0JB1MNU ah leh https://www.youtube.com/watch?v=7-4y5mK_o9E ah hian (same video) tiang ang chi an rawn point out nual. A bik in Nativity story ah. Interesting ve mai mai.
Report this comment
December 24th, 2010 at 7:40 pm
Christmas a mas tih hi birthday tihna em ni?
Report this comment
December 24th, 2010 at 7:42 pm
Bawng in tih hi chu ka awih lo ve tho. Ran inah tih ani tlat.
Report this comment
December 24th, 2010 at 7:44 pm
beram in ah a lawm!!
Report this comment
December 24th, 2010 at 7:47 pm
“Khualbuk vengtu ang mai ka ni,
Sualin min bawm reng e;
Ka thinlung ram Kaisar lalnaah hian,
Bethlehem tlangpui rawn din la;
I tan ran thleng rawn hung leh la,
Tah chuan lo cheng ang che (3) “
Report this comment
December 24th, 2010 at 8:23 pm
Khang hunlai khan bawng an vulh ve tho ang. Bawngin a ni ve thei tho mai.
Report this comment
December 24th, 2010 at 8:24 pm
Naktuk masi.
Report this comment
December 24th, 2010 at 8:25 pm
Krismass chibai vek ule.
Report this comment
December 24th, 2010 at 8:33 pm
Airtel ho chuan naktuk mas lawm nan sms pack thuntu te tan hman theihloh turin an ti thi dawn. Balance pangai chiah a hman theih dawn. Mi te tana malsawmna nilo ve khawp mai. Vai ngalria ho hi.
Report this comment
December 24th, 2010 at 8:48 pm
Opa, hla thu hi chu a hausa khawp a; mifing 3 pawh lal 3 tih hian a kawk thei. Dept Director pawh hi thingtlangah chuan lal an ti mai zel. ‘Lal lo kal kan hmuak dawn’ an ti thin. Mi fing’ tih tham meuh chu kan hranghluite tan chuan ‘lal’ tiha mawiah kei chu ka ngai tlat. :lol:
Report this comment
December 24th, 2010 at 9:07 pm
5na atang hian kan sawi teh ang…..
I sawi dik…. Chuan Xmas tih lo chhuah na hi, Communist hovin Christmas tih a Christ tih lai tak hi an duh loh avangin an thaichhiat (X) sak a, chuta tang chuan XMas tih hi lo chhuak ta niin an sawi, a dik emaw ka hre bik lo.
4. Krismas hla tam tak hi Pathian hla a ni kher lo, entirnan Kumpui sul a lo vei chang hian tih hla te hi… A Pathian hla na pakhat mah a awm lo…. Chungkhuanu lengn min hual se… tih lai bak hi Pathian lam sawina a wm lo tlat. He hla ai chuan Thapui nang nen tih hla kha a Pathian hla fe zawk ka ti…
Hrait tur nilo, a thu.. 1. Bethlehem arsi chu a ni ngei e… Mi fingte khan Jerusalem atang khan arsi chu an zui leh a, Bethlehem a hruai thleng tlat a ni.
3. Bible chuan Ran in a ti mai a. Hei pawh hi a lan dan ah Isua kha ran in ah piang lovin, Khual buk ah emaw in chhungah a piang a, mahse Juda ho ngaihdan ah Hmeichhia an thi neih lai te, nau an hrin lai te hi an tenawm lai ber a nih avangin mi zingah an awm ve a thiang lova, chuvangin awmna tur dang nei ta lo chuan ran in an bel ta ni mai in a lang. Bible ah Khualbuk a an len ve TAK loh avangin tiin a sawi tlat a, helai a, TAK tih tak mai hian awm ve thei reng eng emaw avanga awm thei ve ta lo emaw leng ve ta lo emaw tih lam a kawk deuh tlat in ka hria…..
A sei ta em mai han sawi ve teh unnnnnn…
Report this comment
December 24th, 2010 at 9:50 pm
Arsi kha Bethlehem chungzawn ah a awm a. Mahse Khawchhak miing te khan an Arsi hmuh kha Lal thar lo piang chhinchhiahna a nih avangin Lal Heroda inah khan an lut ta a ni zawk. Chuvang chuan OP-a hian Bible tlem a a chhiar chian deuh a ngai a nih hmel.
Tin, Isua hi kha mi zan la la khan Aigupta ah tlanchhiat pui a ni tih Bible ah chiang takin kan hmu bawk.
Report this comment
December 24th, 2010 at 9:51 pm
1. Nia mapuia sawi ang hian hla thu hi a hausa viau mai a,”Tihna” hi a tam khawp.Heta Bethlehem Arsi tih pawh hi Isua a tih theih a, Khawchhak arsi pawh a tih theih a, hla thu han en hian Khawchhak mifingte zui Arsi,chung lama hruaitu kha anih hmel,Isua ni lovin.
2. A english paw’n ,”We three king of orient land..” tih kha a nia, King chu Mizo chuan “Lal kan ti ve miau si alawm le. Mifing satliah ngawt an niloin ka hre deuh,Thiltithei tak,Lal ang deuhthaw vel an ni lo maw ?an chanchin hrechiang khan sawi teh u.
@8 Lushai_er : “Khualbuk vengtu ang mai ka ni, Sualin min bawm reng e”
He hla phuahtu pawh hian khualbuk vengtu (enkawltu ni ve thei tho) hi chhuah chhe ve khawp bawk mai.Hmun awmloh vanga lo hnar ani a, theihtawpin a la ngaihtuah ve a, ran-in tal a la pe thei ania, ‘Sualin min bawm reng e..’ mahni a han inbelnan chuan a lainatawm ve mai mai ka ti thin.
Comment a hot vaklo bawka, sawi ta duah anih hi…
Report this comment
December 24th, 2010 at 10:06 pm
Isua kha December 25 ah a piang lo, tih hi rin tlak ani. Nipui laia piang anih zawk hmel, 4 BC (Bbefore Christ) lai vel khan. kristmas hi eng pawn han sawi um mah se, rinna lamah a pawimawh thlawt lo. Still, wishing you folks a Merry Merry Christmas
Report this comment
December 24th, 2010 at 10:07 pm
Arsi hi Bible ah chuan a din thu kan hmu lova. A kal zel a, mifing te hian an zui zel zawk a ni.
Report this comment
December 24th, 2010 at 10:07 pm
In sawi in sawi takah chuan arsi kha an zui an ti a, arsi pangngai lo deuh ani mai thei! Mifing lem lo pawn an hmu thiam tho mai thei e! Siruk khi han kal se..a din na zawn hriat a har fu mai thei ani..!!
Report this comment
December 24th, 2010 at 10:24 pm
An sawi zauna ho ah chuan arsi danglam leh eng bik ani an ti a. Arsi lam chanchin hretak an ni in an sawi a. Nih pawh a ni maithei,arsi atanga lalthar piang hre thei chuan an hre thui viau ang. Chuan,arsi pawh zui zel thiam tur an ni tlat. Tin, bethlehem chungzawn ah arsi kha a ding tih Bible hian a sawi tlat.
Report this comment
December 24th, 2010 at 10:30 pm
“Chibai bukna rapthlak pek tumin an chhuak ta”
tiin kan han sa that that a, chutah a thunawnah lutin:
“i hlim ang i lawm ang..” kan han ti zui leh a
Report this comment
December 24th, 2010 at 10:33 pm
:lol: :lol:
Report this comment
December 24th, 2010 at 10:36 pm
:?
Report this comment
December 24th, 2010 at 10:38 pm
Muante… Ha ha ha aaaaa :lol:
Report this comment
December 24th, 2010 at 10:41 pm
#21 “Van Lal fa i fak ang!” :haleluiah:
Report this comment
December 24th, 2010 at 10:43 pm
Mei lum ai pawh kha rawn tho chhuak teh u.
Arsi-ah buaina a chhuak ang nge!!!!!
https://en.wikipedia.org/wiki/Star_of_Bethlehem
https://www.azcentral.com/trave.....stery.html
Did the Star of Bethlehem really exist? :?
https://www.veitchsmith.com/200.....lly-exist/
Report this comment
December 24th, 2010 at 10:59 pm
Haleluijah… sap ho chuan an ti ngei ang../….. :lol:
:lol: 
Report this comment
December 24th, 2010 at 11:08 pm
#26… ka meilum ai a thi tawhhhhhhhhhhhhhhhhh……… :lol: :lol: :lol:
Report this comment
December 25th, 2010 at 12:25 am
Isua pian lai hian Sakawr a awm reng reng em.khawchhak mifing 3 te kha Lal ani lo tih kan hre lem lo.Arsi zui tute khan an ron zui rei hmel. a… sawi ho tham tak chu a ni mai thei e…..
Report this comment
December 25th, 2010 at 1:36 am
vai ho hian astronomy hi science chikhat ah an pawm a, khawchhak mifing te pawh kha astronomer ni awm tak an ni. Hei hi kutzia,aien thiam tih te nen thuhmun thuak a kristian ten kan ngaih a ni..thil hi a chingchivet deuh tlat…!!
Report this comment
December 25th, 2010 at 1:40 am
krismas lah a Isua pianni tak tak pawhni lo,
a mah ang a lemziah pawh tak tak lo,
a nu lem pawh tak tak ni lo,
chiang vak lo hi tam em em sia,engtin nge maw kristiante hi kan rin ah kan ching kan intih ve em em,
a engmah chiang lo nuai zawkin ka hria,
krismas ruaitheh tui vek uu,,,,,,,,,,,
Report this comment
December 25th, 2010 at 1:43 am
ka tih sual..astrology and astrologer tih zawk tur niawm takani..ka chiang chuang lem lo
Report this comment
December 25th, 2010 at 1:57 am
@32 irpa :chianglo nia i hriat pawh i comment chiang theilo ani maw….akekekeke.
Nakinah engkim chiang takin kan hre thuai dawn alawm,a pianni leh chhehvel chu sawiloh lawmman a sem tur, vanram chungchang ringawt pawh hi khawvel finna (Science) mit atang chuan myth te pawh a ang lek lek.Mahse hei tak hi a ropuina a ni.
“Thil thup hi Pathian ropuina a ni a,Lal ropuina erawh thil zawn chhuah a ni (Thuf 25:2)”
Report this comment
December 25th, 2010 at 2:06 am
@33 Shylo..a nih neih nuaih hi..astro atng chuan a in tan hrim hrim! :lol:
Report this comment
December 25th, 2010 at 2:26 am
@shylo (#16) ‘A english paw’n ,”We three king of orient land..” tih kha a nia’ tih khi a dik teuh deuh…”We three kings of Orient are/Bearing gifts we traverse afar….” tih a nih thin kha maw le!
Report this comment
December 25th, 2010 at 6:14 am
masi chibai u
Report this comment
December 25th, 2010 at 7:13 am
Opa tih hi a diklo. Aw.p.a tih tur a ni. Sawizawm theih
Report this comment
December 25th, 2010 at 11:55 am
Aw le, a lawmawm hle mai thil in hre hlawm hle mai. In feedback avangin ka lawm e.
Bethlehem arsi kha chu in sawi dik a. Mi tam tak hian an hriat sual vang a nia. Bethlehem chung zawna arsi kha pan lovin Lal fapa pianna tura an rin Jerusalem lal in lamah an zawng ta zawk a tia Khawchhak mifingte ngai diklotu an tam em a tin a ni.Amaherawhchu, Isua pian zan leh Aigupta pana an tlanchhiat zan kha thuhmun a ni lo tih hi chu tanchhan a awm nual mai. Bible lo chhiar chiang ve teh u.
Khawchhak mifingte kan tih hi mifing tia lehlin pawh hi a dik ber lo zawk mai thei bawk. Nobles tiin sap tawngah chuan an dah. Mi Ropui mi chungchuang mi fing leh thiamna nei sang chu an nih ngei ka ring, Mahse Lal an nih kher chu ka ring kher kher lo ka la ti hram a ni e.
Report this comment
December 25th, 2010 at 12:06 pm
”chibai bukna rapthlak pek tumin an chhuak ta” tih hi a saptawng chuan ”they set out to give a terrible salute” an ti
Report this comment
December 25th, 2010 at 12:50 pm
Rau lo e mai!
Report this comment
December 26th, 2010 at 2:33 am
Han chhuichiang tak tak teh u,Eden huan a tang a nimin thleng khan,A tha a nia rinah kan chian duh chuan,Kan rin hi chiang tak a chhui a ngai a nia,
enge maw felhlel, chianglo a awm chuan kan rinah kan chiangthei ngai lo ang,Isua krista pian chuang chang pawh hi a dik a nih chuan chiangtak in kan hre thei ngei tur a ni,eng emaw chiang lo leh ni thei lo thil a awm a nih chuan kan rin hi chiang tak a kan chhui chian leh a ngai tihna a ni mai.
Report this comment
December 26th, 2010 at 1:40 pm
Thi hi huai taka kan sawisel dawn chuan, reference pek hi a fuh khawp mai. Tin, Isua pian na phei hichu hmanni a Mth 1 ina Vanglaini a ziah ang law law a tarchhuah a tha lo maw?
Report this comment
December 26th, 2010 at 10:53 pm
HLA THU DIK LO han tih ngawt mai chuh ! Literature chungchang hi tlem chuan kan zir hriat ve deuh chu a ngai a ni. HLA hi literature ze pa1 a ni.Literature hi mathematics ang te,Science ang te a,a dik ve thlap thlap angai loa, a ziak awmsa atanga finfiah tum chi lah a ni hek lo. Literature ah chuan 1+1 hi 3 te,4 te a ni thei fo thin. Chutiangin Krismas hla thenkhatte an phuah dan,a thu a dik lo kan han ti ngawt hi chu,a chi lem loh a ni. BIBLE ah chuti chuan,chutia a phuah loh avang chuan a dik lo a ni tih ngawt theih a ni lo. Biblea inziak loh dan pawn kan thinlung rama kan hmuh leh kan ngaihdan pawn kan phuah theia,chu chu BIBLE hmanga lo teh dik kan tum chuan kan ti sual viau ang. ISUA pianna hmun kha BAWNG IN tiin BIBLE ah inziak lo mahse a phuahtu khan a hmuh fiah thiamdan ang berin a phuah chhuak a ni mai. MIZOPA a nih avangin a poetic imagery lineah chuan ar in te,bawng in, vawk in bak alang pha lo mai thei. Lei kerkuak ran in ang chi kha mizopa tan hmuh thiam mai phak chi a ni lo. LITERATURE CHUAN ZALENNA MIN PE THIN. TIN POETIC LICENCSE MI IN A HMAN NGAT CHUAN A DIK LO TIH SAK THEIH A NI NGAI LO TIH HI LITERATURE LAM HAWI KAN SAWI RE RE CHUAN HRIAT VE ATAN A THA KHAWP MAI.
Report this comment
December 29th, 2010 at 5:34 pm
E he! A va bengvarthlak ve le.. Kumthar leh kumhlui thlah hla lam kha han hrut leh ula…!
Report this comment
December 29th, 2010 at 5:50 pm
Opa #4 na khi – Christmas = Lal Isua hminga ruai siam tihna a ni thei mai awm e. Mass = inthawina ruai (Eucharist) tihna niin latin tawng atanga lak a ni. Birthday hla ni deuh turah i ngai/ruat deuh em ni aw?
Report this comment