ANGELTE LUAITHLI NUL KHA
MSI@Rose,Lunglei
Zanin zet zawngthla a eng mawi kher mai. Arsi phe un kara arsi eng bik chu ka thlir a,ka ngaihtuahna hi ahruai kual nasa ngei mai. Ka hma zawn a tlangval rual hlim taka meilum ai chuan min hip hle mai a,chu tlangval rualte chu tute nge an nih a,eng ti turin nge chu mual pawng ah chuan an kal khawm ka hre lo,ka hriat duh ber pawh a ni hek lo,amaherawh chu ka ngaihtuahna khalhding tura an lo awm erawh vannei ka ti hle mai,an chung ah ka lawm tak meuh a,ka thinlung in an meilum chu ka va aipui ve ta thung a.
Chu zan thla eng mawi no tak hnuai ah chuan keimahin ka thu a, khawvel hi engnge maw a nih a ka lo thlakhlelh ve em em le ti ten ka ngaihtuah a. Tlangval rual hlim nui ri chuan min kai harhin ka pindan lam pan ka tu mek lai chuan ka’n hawi let a, ka chung zawn a arsi lo de vet vet chu ka han hmu ta, chu arsi chuan ka thinlung a khawih kher mai. Ka ngaihtuahna te hria in a chunga ka lawm zia hi hria se zawng tun ai khian ka tan a eng ngei ang. Mahse fak phu si, fak phut si lo chuan lungawi takin ka chung zawn ah a eng chu ani si a, chu arsi hnuai ah chuan mi tam tak an awm ve tho awm si a,eng ang in nge an ngaih ve ang le, an fakna ri te chu thamral mai tur chuan ka va’n ui tak em!
Krismas boruak leng velin min kaikual nasa bawk a, chung tlangval ho chuan an malsawmna hnar chu kei leh anni chung arsi eng khi a nio tih an ngaihtuah awm si lo a, va hrilhhriat ka va chak em! Khi arsi ngei khi alawm kum tam tak liam ta a khawvel tana eng rawn thlen tu chu.
Kha zan thiang mawi tak ah khan khawchhak mifingte leh berampute chuan chibai an lo buk tawh si a. Khi arsi khi a eng mawi a sin, kha zan ah khan mifingte pawh kha khuanu khan awi lungleng in an hmachhawp thil eng eng emaw an lo dawn ve awm si a, khi arsi khian kha zan khan thil tih theihna mak tak a nei tih hria in an zui chu a niawm si a! Khi arsi bawk khian alawm hmun hla tak tak atang te,lam hnai tang te a Lal chibai buk tur a ran in hruai thleng chu. Mut lum leh nupui fanau te bula awm aia chhinchhiahna mak an zui kha an fakawm ngawt mai, kei ni ila arsi eng mai kha zuiin ka chhuak ve duh angem le? Thil nung tinreng te chuan chu chhinchhiahna zui chuan van Lal fapa chu chibai an buk ta anih chu. Ranthleng a tlumpi te, ranin kiang a khau leh thereng te, beram pu te leh an beram hruai te nen, thil nung tinreng te chuan chu zan thla eng no mai tak hnuai a Lal lo piang chibai an buk lai ropui leh mawizia tur mai chu chhutsen pawh a ni lo. An zing ah khan kei lo tel ve chu ni ta ila lawm avangin ka mittui hi ka seng hreh hauh lo ang.
Chu zan eng mawi tak ah chuan angelte chu hlimim an au ngei awm si a,eng ang takin nge an lawm ang tih chu mihringte chhut bak a ni si. Mahse angelte lawm a na au khan chhan tha tak a lo nei reng a sin-Van Lal fapa lei a a lo kal chhan kha an hre tlat alawm. A nu Mari ngei pawhin a hriatfiah fumfe loh kha an hre tlat a sin. A hmabak ti hlawhtling tura khawvel a lo kal khan angelte lung a dum asin, a hmabak pawh an hria a lawm,hrehawm tuar a Ami te a rawn tlanchhuak tur a a rawn piang kha Angelte chuan ropui an ti a, a chanchin an ngaithla kham thei lo asin.chu zan eng mawi tak hnuai a thil nung tin reng ten thawm dim tak leh thinlung inhawng tak a naupiang chibai an buk lai hmel an hmuh khan an thinlung a ti tui ral takzet a ni. An thilhmuh ropui zia sawichhuak thiam lo khawpin an thinlung chu tuh tui ral sakin awm mahse, ropui tiin, hlim tak leh lawm takin an thlir reng a,an biang ah mittui hruk sen loh tam tak pawh a sur ta ve ang.
Chu hun lawmawm kar ah chuan khawngaihna avang a lainatna leh thinlung kehchhia a tuiral,chu naupang tan chuan a in phumru reng si a,van lal fapa nihna atang a thingrem siam tu fapa a hnuhthlak a awm piah lam ah tlawm takin nau neihna hmun pangngai pawh ni lo ran chaw pekna thleng a rawn piang in, a hun lo kal leh zel hmachhawn turin a lo piang chu ani si. Hrehawm tur a thilsiamte leh khawvel hmachhawn tur a inhuamna lo liam a hmangaihna a awm thei chuang lo ni tih angelte khan an hre ve awm reng si a. Kaisara khan chhiarpui lo ruat lo ta se chuan Van Lal fapakha hmun tlawm ber ah a piang kan ti awm tawp si lo a,chumi piah ;lam ah mite ber pianna a piang naute kha miropui arsi chanchin zir pha ngat te’n chibai an buk khan mirethei leh mihausa te tan a piang ni tih a ti lang chiang si.
Kha zan thla eng no riai kar ah khan angelte mittui engzat tak far ang maw? Khang mittui te kha luang ral ami lo in kan chhehvel ah te hian an la zam vel si a,khang mittui zozai karah khan hmangaihna,khawngaihna,lainatna leh ropuina te chu a la inphumru lehnghal. hringnuna bet tlat mittui hi a va han lo hlu em! Nausen dang ang bawkin chu nausen chuan tapin khawvel arawn hmachhawn a,nun hi ennge anih tih hre turin mittui nen hringnun hi a rawn chawk tho si alwm.
Khang mifing te khan zan thla eng hnuai ah an bungrua te tangkaina enturin an inchhawphnawk a,an thinlung in thilmak zawng chungin thla eng chu an en nghei dawn si,chu thla eng no riai kara arsi phe sep sep te chu an chik ve angem le tih te ka ngaihtuah thin. Chutah chuan alwm thilmak beisei chung a arsi an zui lai te,chu thuruk hai lang tur a kawngchhukchho a n kal lai te,an zinkawng a n riltam ali te,an titi a mutchhuakin alo zem riai riai lai te khan vanlalfafa chibai an buk dawn tih an in hre lawk hauh awm si lo a,hre lawk se chuan an inbuatsaih ve deuh tur a nia. Chu arsi chu Van Pathianin khawvel enna lo thlen tu tur a lo piang tih khawvel hrilh tur a tirh a ni tih an hre lawk awm hauh si lo aw!
Chau tak leh hah tak chung a van lal naupianna hmun an han thleng a,thilnung tinreng ten bengchheng lo leh anmahni in dahbo in thinlung inhawng takchung a Naupiang chibai an buk khan alawm angelte thinlung ti tuiral tu chu,chu naupiang chuan hringnun kawng khirhkhan tak a la zawh ve dawn a ni tih te,chung hriatna piahlama ropuina ala chan turte khan alawm angelte thinlung khawih tu chu, lawm avang te,mak tihna leh khawngaihna leh lainatna te khan angelte kha a lo vel tap tawh a sin.
Kha naupang kha i tan,ka tan sawng tlangval rualte ta,in thenawmnu tan a lo piang si,hman ah leiah a lo piang a,tun ah kan thinlung ah kan piannawn tir a ngai si. Hman ah kan tan a lo piang a kha hun ah tho khan Angelte khan luaithli an lo nul tawh asin.
They came from near they came from far following a distant star to where he lay
Not being sure of what it meant but knowing it was heaven sent they made their way
And the creatures gathered round and didn’t make a sound and the angels cried
The angels knew what was to come the reason God had sent his son from up above
It filled their hearts with joy to see and knowing of his destiny came tears of love
And the creatures gathered round and didn’t make a sound and the angels cried
I’ve often thought about that night and wondered if they realized that star so bright
Was sent to tell all the land the son of God would soon become the son of man
And the creatures gathered round and didn’t make a sound and the angels cried
And the angels cried and the angels cried
Similar Posts:
- Ten Thousand Angels Cried – LeAnn Rimes
- Krismas Thuchah
- Krismas Thuchah
- Bethlehem Arsi leh Khawchhak Mifingte.
- Heli, Bethlehem Arsi
December 25th, 2010 at 8:05 pm
Krismas day ah First…chhiar ang.
Report this comment
December 25th, 2010 at 8:10 pm
kinah ka chhiar ang
Report this comment
December 25th, 2010 at 8:13 pm
Kristmas sawi tak ah chuan Josefa dinhmun kha a harsa ve asin. Nupui tur eng vang nge tih pawh hriat chuan mang lova lo rai tawp mai palzam a harsat dan tur kha. Anni tunlai muslim conservative tawk ang vel ni bawk si. Chu mai nai lo. An fa tur hming lah midang daihin an vuah sak khanglang bawk nen. Kei chu ni la, ka cancel daih ang, tih mai a awl hmel
Report this comment
December 25th, 2010 at 8:21 pm
Angel mittui far tur chu ngaihruatna thil a ni thei ang em?
Nge Fapa meuh lei mihringte zinga a’n kal tur an lainat, khaw ngaih leh ui zia tifiah tura tawngkam hman mai ni ang :?
Report this comment
December 25th, 2010 at 8:29 pm
Mali, Krismass chibai. Ziak tha khawp mai.
Report this comment
December 25th, 2010 at 8:30 pm
Van ziak thui ve aw. ka chhiar zo thak e.
Report this comment
December 25th, 2010 at 8:45 pm
@malsawmi chu ziak tha hle mai a….
Report this comment
December 25th, 2010 at 8:48 pm
Ziak tha khawp mai..Van Angel ho te pawh kha Khawvela a lo kal dawn khan an hnuk a ulh ve a niang..Bible-ah khan engtin nge a in ziah kha..@ rose…
Report this comment
December 25th, 2010 at 8:54 pm
Angel luaithli nul hi Bible-ah tarlanna a awm thu phei chu ka hre lova. Van lal fapa Ran in tlawm taka lo piang tur leh mission theuenu-lo tak hmachhawn tur kha lainat ni ve pah fawmin hringmi dungthula luaithlipui nul ve hial turah kan ngai ni fa hmiang ka ti mai.
Report this comment
December 25th, 2010 at 9:23 pm
Rose malsawmi ziah a nih man ah uluk deuhin ka chhiar,a ngaihnawm hle mai!fb lam a ka thiannu a ni awm mang e te ka tia!!
Report this comment
December 25th, 2010 at 9:30 pm
Zanin zet zawngthla…. Enge zawngthla chu??
Tih dik thlap thlap chu a har mai thei, mahse diklo langsar awlsam deuh hi chu a awm.
I ziak ngaihnawm e.
Report this comment
December 25th, 2010 at 9:43 pm
@11 saitawk : Ka’n nuih huk chu le…:lol:
“….zanin zet zawngthla…” chhun pachan laia post chhuak ni ta se…” te ka lo tia, mahse admins lamin zanah kher an han ti chhuak hlauh mai a, a inhmeh zaw phian.
Report this comment
December 25th, 2010 at 9:46 pm
Saitawk comment dan hi a inti pa tawh deuh riaua kan hriat tlat chuuu :lol:
Report this comment
December 25th, 2010 at 9:51 pm
Hehe PC-a, i dam maw?
Report this comment
December 25th, 2010 at 9:52 pm
:lol:
:kiss: :rolleyes: :cry: :happy: 
>:<
Report this comment
December 25th, 2010 at 9:58 pm
Ngaihnawm fu ni..uluk theih deuh ni se ngaihnawm lehzual hial in ka ring..
Report this comment
December 25th, 2010 at 10:01 pm
4
#4,8 kan hlimni hi van lungngaihni..
@muantea thank you so much
@10 fb fren chiang e,gud thnx
@11,12 hmanhmawh phengleng result.ngaidam
Report this comment
December 25th, 2010 at 10:08 pm
Ava ngaihnawm tak em aw…
Report this comment
December 25th, 2010 at 10:12 pm
@11,12 hmanhmawh
phengleng
result.ngaidam
phenglawng i tihna
Report this comment
December 25th, 2010 at 10:15 pm
In lo ziak mi hlawm phian mai a, a ngaihnawm kher mai. Han ti zel rawh khai.
Report this comment
December 25th, 2010 at 10:34 pm
phenglawng i tihna
phengleng lawm. smiley ka hman ve theih miah loh chu,tum hmuks mai ang
Report this comment
December 25th, 2010 at 11:04 pm
Aw hiau…
Report this comment
December 25th, 2010 at 11:10 pm
Hei zet zawng kan U ziak a ni chiang mai a. A ngaihnawm in a awm zia e. Tha hle mai. :happy:
Report this comment
December 25th, 2010 at 11:26 pm
A ngaihnawm hle mai.
Lal Isua pian zan khan, angelte chuan hla an sa ni chuan a lang.
Pathian fapa meuh mihringte chhandam tura mihring anga lo pianga, van ropuina kalsana Pa thu awiha leia A lokal hi, angelte hian lungngaih tahnana hmang lovin hlim leh lawma zaipawl ropui hla rema zai nan an hmang a ang zawk mah.
Report this comment
December 25th, 2010 at 11:58 pm
Phengleng nge pheleng????
@krista : rose chuan thla eng leh tlai lam ni tla tur hi a hmang thiam bik teh asin.Atan hian thla te hi a eng no nghelh ni bik hian a lang.
Ti daih ila Lal Isua pian zan hi thla en zan a ni angem le?
Report this comment
December 26th, 2010 at 12:16 am
krista.thnx.lo chhiar mual mual rawh
shylo chimawm sh aw. tlaitla engmawi. abhor ramaah pawh thlate chu a nno nghelh alawm..
Report this comment
December 26th, 2010 at 12:28 am
“…Tlangval rual mei lum ai chuan min hip hle mai a…”
Fegby te thianza ho meilum ai chu annih loh hmel…. :lol:
“And the creatures gathered round and didn’t make a sound and the angels cried”
Shakepeara kha chuan,” Chhandamtu lo pian zanah meuh chuan phung leh ramhuaite hnawt tiau turin ar a khuang tlai var zak e” a ti ve thung. Rin thu ve tho chu a nia.
Report this comment
December 26th, 2010 at 12:33 am
shylo nge nge..hamna tang khan he pa hi nangmah i ni tihh hria ila chuan grrrrrrr
Report this comment
December 26th, 2010 at 12:42 am
@Rose : Pa ka la ni lo, puan thuah khailai ka la nih hi.
keimah ka ni tih i hriat hnu-ah engtin zel :rolleyes:
Report this comment
December 26th, 2010 at 12:53 am
trekkkkkkkkk….
Report this comment
December 26th, 2010 at 1:36 am
Rose-i va ziak thui ve..hmeichhia te te hi thil ka ziak e te in ti ve khanglang a…mipa ziah tluk zet hian in ziak thiam reuh hlawm leh nghal..
Report this comment
December 26th, 2010 at 2:44 am
hush……thluak Pathianin min pe ve tho e
Report this comment
December 26th, 2010 at 11:38 am
A sei avangin ka chhiar lawk hman lo va (chhiar hman lawk lo ni lovin :lol:), ka chhiar chhuak ve chiah. Ṭha ka ti khawp mai. Gûd Pâws.
Report this comment
December 26th, 2010 at 1:11 pm
Rose ziak anih vang hrim hrim a kan chhiar chhuah leh tak dap chu le…. Thu leh hla ah chuan nep lo ve tak ani. Ka ngai sang ania.. mahse tuma “DEAR” tia koh a duh miah lo ania…:) :happy:
Report this comment
December 26th, 2010 at 1:36 pm
uchhawnbur mizo tawng hi a har em mai!!
mrcomment.ka kipak lua.
Report this comment
December 26th, 2010 at 1:48 pm
@34 mr.Comment : Chuti chu vawi khat mah “DEAR” ka ti leh tawh ngailo ang, a duhlo tih ka hre lo reng reng.. :lol:
Report this comment
December 26th, 2010 at 1:54 pm
@shylo..kei poh ka ko ngam toh biklo… :cry:
Report this comment
December 29th, 2010 at 5:43 pm
Rose Malsawmi hi Lunglei thuziak thiam kha i ni maw? Chanchinbu-a i thuziakte ka lo hmu fo va, i thiam ka ti khawp asin. Ziak zel rawh, inthlahrung lovin.
I thuziak khi ka chhiar thuak thuak a, a ropui kher mai. Ka lo la chhiar nawn ang e – hun thâwlah.
Report this comment
December 29th, 2010 at 11:55 pm
39 ka lawm lutuk e ka kutchhuak tlawm takte i lo chhiar ve avangin.nangpawh i thuziak ka chhiar thin asin,ka lawm e.
Report this comment
December 30th, 2010 at 12:01 am
@ Rose : I thuziak ka lo chhiar ve thin asin…. Tin, nang pawh mangtha le, tui deuhin i mu dawn nia. :rolleyes:
Report this comment
December 30th, 2010 at 12:02 am
Rose Malsawmi hi fb a ka friend kha i nih chuan.ka fans no. 1 i ni.. :lol: ka ngaisang tawp2 che. :wink:
Report this comment
December 30th, 2010 at 12:08 am
@huah3 : shhhh, Rose-i a mu tawh a kezungpui a hnar tir tlur tlur tawh ania. I fan te a lo nih phei chuan remchangah ka lo hrilh ang…shhhhhshhh :lol:
Report this comment