Khawnglung Wildlife Sanctuary-a zin tur hian Aizawl-Lunglei kawng, Bungtlang ‘S’ leh Rawpui khua inkarah, Aizawl atanga 140 Km vela hla ah kawng peng a awm a. Khawnglung peng takah hian Sanctuary Duty Post a awm; heta tanga luh theih hi a ni. Kawngpui atang hian Jeepable Road (2001-02 a laih tawh) 5 Km zet chhuk zawng hlira kal hnuah Ramrikawn a thlen theih a, hei hi Sanctuary ramri a intanna a ni.
Aizawl – Lunglei Via Serchhip kawng atanga Khawnglung ram :
Ramri atang hian chho zawng hlirin 3 Km vel ke hlira kalin Khawnglung khaw luh dawna kaltlang ngei ngei ngai Lungdai a awm a, Lungdai atang hian Khawnglung khawhlui chu a intan titih der a ni. Lungdai atanga Khawnglung khaw hmunhlui, Khawnglung run laia a khaw awmna chu 5 Km zeta hla a ni ang. Tlangdung kawng a niin, kawng zal leh zau nuam tak, thelh hun mai a ni. Ngaw hnuai kawng tih takah, a dai ruih mai a, chhun nisat vanglai pawhin kalkawng hi a hlim reng mai a ni.
Khawnglung luh dawnin kham karah kawng a awm, hmar lam atang chuan hetatang chauh hian a luh theih : Lungdai an ti :
Khawnglung hi Kham chhawrdawh pathum zet, sang tak takin a hualchhuak a. Khaw luhna tur hian khan pakhat chauh a awm a, chu chu Lungdai kan tih hi a ni. Heta tang lo hi chuan kham hrui hmanga luh emaw, Leihlawn sei tawk, 100 ft. zeta a sei dawh anih ngawt loh chuan luh theih a ni lo. Kham chhawrdawh pathuamte inkar hi ram zau tak, Lo atan pawh neih thama zau hlir awmna a ni a. Kham chhawrdawh hmasa ber, chuahchhawng lam hi chu Tuichang lui bul lawkah a intan a, chuta tang chuan ram zau leh phar nuam tha tak, Lo fing, tin thum hmun vel zeta zau tur hi a awm a. Chumi chhak lam chu Kham chhawrdawh pahnihna a ni.
Kham pahnihna atanga Kham Pathumna inkar pawh hi ram zau tha tak, lo atana neih tham bawka ram pharh hlai a ni. Kham pathumna chung atanga hian Khawnglung khua chu a intan a, Kham zawng zawng hi a sang em em hlawm vek a, 100 ft. aia sang te a ni hawlh hlawm mai. Khamchung, khua atana an hman pawh hi Tin 60 vel zeta zau ram a la awm tho a ni. A ram hi a tha a, ngaw a thain, thing lian tak tak, ‘Chhura rual’ tih mai tur hi a la tam a ni. Ramsa a tam a, Sanctuary huamchhung hi 35 Sq. Km. zeta zau a ni. Sanctuary chhungah hian Ramsial, Sele, Sakei, Sazuk te pawh a la awmin an sawi a, Zawng leh Ngau phei chu 40 rual rual hi an tla sup sup mai a, Khamah, hruia uaithlak peih chuan hengte hi awlsam taka hmuh mai theih ani hlawm.
Kham karah puk lian tak tak a awm, helai hmun hi MNF sipai mi 150 rual lai an riak thei niin an sawi :
Khawnglung run hi Lungphun pakhata an ziah dan chuan 1859 kum a thilthleng nia ziah a ni a, Vuttaian Thlanrawn Pawi ho puna, Lalthuama khua hi a run nia sawi a ni. He lungphun hnung lamah hian “HRIATRENGNA – CHALKUNGA LEH THANGHNIANGI NULA LEH TLANGVAL IN HMANGAIH TAK ANNI. KHAWNGLUNG RUNAH THANGHNIANGI HI SALAN HRUAI VE A NI. CHALAN CHHANCHHUAH TUMIN NASA TAKIN A BEI A MAHSE THANGI TIAU LUIAH A TLA PALH TA A NI – Y.M.A” tih ziah a ni.
Zawlbuk thlang, Thanghniangi te kawt niin an sawi :
Khawnglung run anih lai hian in 300 zetah an inchhal a, a runtute hi Arleisang atanga Phulrua tlawn thum zet hawlhzawm atanga Leihlawn siam, a khuaa miten Fehkawng atana an hman thin, tlai tin, Feh haw hnuhnung ber ruala an pheh ziah chu hemi tlai kher hian an pheh theihnghilh atanga leh Lungdaia Duty-te mutthluk lai changa Run niin an sawi. An run dawn lai vel hian Khawnglung khua hian Damlo mempui ngai, nazet mai an nei a, a khuaa nula leh tlangval te hi an mengrim deuh va, ral veng an inthlahdah deuh a ni ang. An run zan pawh hian Zawlbuka riak tlangval ho chu an mutui hle a, thawm engmah hre lovin, zing vartianah a runtute hian a tho hmasa apiang an kap thal hmak hmak mai a ni.
Khama lawn tek tek a ngai :
Khawnglung run thawnthu tingaihnawmtute zinga pakhat chu Chala leh Thangi inhmangaihna thawnthuin a zui hi a ni a. An run zan hian Chala hi Damlo menpuiin a tlaivar a, chuvangin a thi ve lo. Thangi erawh chu a runtute hian Salah an hruai a, a nu leh pate erawh an hruai tel ve lo. Thangi hi Mualkil Upa fanu a ni a, Zawlbuk chhak lawk, Lal in bulah an khawsa nghe nghe a, Chala erawh hi chu Hmeithai fa a niin, Feh kawng, Tuikhur bulah an khawsa thung. Ngaizawng ru viau mahse, Thangi te hi mi tha fa annih vangin, Hnamchawm tlangval, Chala tan hian han cho en chi a ni lo.
Mahse, Thangi zawk hian Chala Sava, Bawngpa a perhthlak, a kawrawm chhunga a dah tlat a, Chala hnena laktir tuma a awm a pho ngat ngam atang khan an inkarah hmangaihna tuipui chu a lo so liam ta a ni ! Mak tak mai chu, Khawnglung run zan khan Chala khan Hmeichhe naupang pakhat chu a chhanchhuak hlauh mai a. Khatia kum 5 zet Thangi zawnga tuna Burma ram lama an thangbo hnua Thangi a han ruk chhuah hnuaa Tiau luia Thangi tlak tak hnu khan, a beidawng rawn haw kha hun engemaw chen an leng leh renrawn a. Chutah a chhanchhuah nu kha a lo nula ve tawh a, hmeltha tak mai a ni lehnghal a, Chala nen hian an innei ta nghe nghe a. Fanua maltluan chawiin, an thlahte pawh Thiltlang leh Bungtlang ‘S’ velah hian an la cheng hlawm nghe nghe niin an sawi. Helai thawnthu hi chu Lehkhabu dangah chhiar tur tam tak a awm a, sawi zui tawh lo mai ang.
Nuam tak a ni… :
Chaw ei pawh tui duh khawps mai :
Khawnglung run a nih hnu hian a khua hi engemaw chen ruahsan a ni a, chumi hnuah a khaw hmunhlui atanga 1 km. velah khaw thar an din leh a, 1967 karkhawm khan Bungtlang’S’-ah karkhawm an ni ta vek a. 1976 vel bawr khan Khawnglung ram hi Lovah an nei hlawm a, chutah chuan “Bungtlang lama Buh thiar a buaithlak” tiin Khawnglung hmunah in 30 vel bawr chuan khua an din leh a, ram thang zelah, awm rei hleithei lovin, 1983 khan he Khawnglung khua hi an chhuahsan ta vek nge nghe a ni. Chuta tang chuan Sanctuary hmun atan hian 1990 bawr atang khan Environment & Forest Department chuan a cheibawl tan ta a ni.
(Article ziah hun : 15072004)
Similar Posts:
- Khawnglung run bawk.
- Khawnglung Run ti leak out tu chhui zel dawn
- ‘Khawnglung Rûn’ Fiamthu
- Mizo film hautak leh senso tam ber tura ngaih,‘Khawnglung Run’ shooting zo fel ta
- Biate Hnam leh Zialung Khua!
December 29th, 2010 at 3:03 pm
ahmasa ber chuan a nawm hmel e 😆
December 29th, 2010 at 3:07 pm
Thian hovin a nuam reuh phian ang a…!!
December 29th, 2010 at 3:08 pm
A nawm hmel hle tak mai,la tlawh ve chi nih hi..
December 29th, 2010 at 3:21 pm
He post chu ava tha em aw. A informative khawp mai a. Chala thlah lo online ve awm hlauh sela that dawn hi le.
December 29th, 2010 at 3:23 pm
A bengvarthlakin a ngaihnawk hle mai. He khawnglung run leh chala leh thangi thawnthu behchhan hian Leitlang pictures khan Alex Lalchhuankima a changtupaa hmangin film an siam ni khan ka hria a,a la chhuak lo emaw ni…
A hmun ngeia kalte’n thlalak nen in rawn thet thin hi chu a va lawmawm thin tak em !
December 29th, 2010 at 3:25 pm
Khawnglung hi tun kum fur lai khan kal ka tum a, mahse kawng a mumal lo an tih avang leh a hnim avangin ka thulh leh a, he post hi nakkum chu hmang tangkai ila kal ngei tawh teh ang.
December 29th, 2010 at 3:27 pm
Ngaihnawm hle mai
December 29th, 2010 at 3:32 pm
la kal lo miah
December 29th, 2010 at 3:53 pm
Ka la kal lo!a ngaihnawm hle mai!!
December 29th, 2010 at 3:55 pm
kal ve a chakawm hle mai.
@kris chala thlah ni lo online ka awm e. 🙂
engnge chawhmehah an hman ang aw? 😀
December 29th, 2010 at 3:58 pm
Ruatruatapa nge nge hi chu ti tha hle mai, chhiar a man hla e..pa daizau tih takah..
OT. @Fonz..Nizan i zawhna kha chhang leh hnuhnawh..Nei love..ruatruatapa riahrun remna khuaah hian ka nei zawk e..
December 29th, 2010 at 4:07 pm
A ngaihnawm hle mai. Pic nen dah thlap mai khian chhiar a tinuam zual. Tlawh ve chakawm hle mai. Leitlang Pictures in Khawnglung run film a siam pawh en a chakawm zual phah sawt e. Good post.
December 29th, 2010 at 4:23 pm
@ruatruatapa : Thlalak tlir a nuam in, a bengvar thlak khawp mai.
December 29th, 2010 at 4:58 pm
Misual member an awm em?
Lung a ti leng reuh!!
http://www.youtube.com/watch?v=HyKmlEUbSG8&feature=related
December 29th, 2010 at 5:01 pm
Lung a ti leng hle mai
December 29th, 2010 at 5:36 pm
Adventure club thil tiha kal ho pic a nih duh hmel hle mai. Kal ka chak khawp mai hemi ram hi chu, ka la kal hauh lo mai.
lrp #14 hairehai 😀 😆
December 29th, 2010 at 5:38 pm
Khawnglung run hi zawng a ngaihnawm a, a lungchhiatthlak bawk.
Post-tu pawh hian a post ngaihnawm khawp mai, a hmun hi kal ve pawh a chakawm!!
Mahse, ka mit ah chuan an film siam hi chu hmuhnawm a tling zo lo vang tih ka ring sa…pa thil duh uluk ve tak ka ni tlat a!… NOI
December 29th, 2010 at 6:05 pm
A va han ngaihnawm teh reng em ! Thil pakhat chiah tihdik zauh ngai a awmin ka hria. Ruatruapa, Bungtlang ‘ s ‘ ni lovin Bungtlang ‘N’ chhim leh hmar inrina zawk hi a niin ka hria.
December 29th, 2010 at 6:07 pm
A ngaihnawmin a bengvarthlak hle mai. Pic hmuhnawm mai ni lovin mit titlai :titaktak: tak tak i rawn zep tel a, i post a tihlu lehzual. Rawn ti zel rawh. Ka kal ve chak tups!
December 29th, 2010 at 6:08 pm
Khawnglung run chanchin hi sawi dan chi hrang hrang a awm tih hria ila. Hemituma kan kal hian min hruaitu zingah Chala tuchhuan 2-na a mi a tel. Tin, min hruaitu mi 3 zinga 2 chu Khawnglung khawchhuak hi an ni a, a bengvarthlak lehzual.
# 18 @ HV: Adventure club anga kal phei chu kan ni lo, Zirlai Pawl anga kal zawk kan ni. Ramsa chhiarpui nei turin min ti a… Zawng rual chauh kan hmu. Chu lah chu a thla kan la hlei thei lova, kham karah an thla lak tumin kan um chiang….
Keite kuthrukna hnu min kawhhmuh a, a rimchhe rapthlak!
# 10 # Rose: Kal duh chuan Sanctuary anih tawh avangin Forest lam hotute phalna lak a ngai ang…. Chala chhungte vel chu Bungtlang (Zaithiam lar, Malsawmtluangi te khua)-ah an la awm ka ring. Thiltlang velah pawh hian…
December 29th, 2010 at 6:14 pm
Khawnglung Run tih hla (tu phuah nge ka hre ta lo )kha han post thei in awm lo maw.A ngaihnawm in ber var thlak hle mai.
December 29th, 2010 at 6:15 pm
# 20 @ Benny : Ka sawi sual a ni. Bungtlang N tih zawk tur. Ka lo hmanhmawh deuh a ni…
December 29th, 2010 at 6:37 pm
A ngaihnawm tak zet.. Khawnglung ho khan run tawk ta lo se rambuai lai khan vaiho buaipui a tawk nasa phian lo maw…???
December 29th, 2010 at 6:40 pm
# 25 2 dr Huiha : A dik mai thei. MNF sipai ho khan tawm nan an hmang nasa an ti a. Khawchhak lam kham chhawrdawh tin mai kha Puk nuam tak, Tui tha bawk si a ni a, nuam khawp mai.
December 29th, 2010 at 7:23 pm
# 16 @ ainawn : Kolasib misual ho i la kal ang u hmiang. Mahse, kan hah hma hlawm awm…. 😆
December 29th, 2010 at 7:42 pm
Khawnglung run. .avan lunglen thlak ve le. .Chala leh Thangi te love story phei hi chu khawvel love story-a lunglen thlak berah ka ngai. .ka chhiar apiangin mipa hi ka hnuk a ulh fo thin. .Ral khat atanga khawnglung ram hi thlir mai loa,a hmuna kal ve hi VANRAM kal tlukin ka chak. .”Hmanah zofa lenna lungduh vangkhua. Thawnthu hlui mi hrilh chang tawh hnu, lungrual ten chawngchen par ang lawm lai,bawmzo ai chun hrang, in romei a chantir e. .Puallengah cho lai D lawhlemsiali. Tuahremsa khuandim runsang kai na, mahse vanchung chim lengte hnu an hruai e, pualchang hmul D ngai a tahna AW KHAWNGLUNG RUN. .Ramtluang chhuithangval daikawm hrut velin. A D Thanghniangi a au ve. Suihlung phang e D zun lunglena, lamtluang chhui mittui nen D ngai a kiu vawng vawng. Danrual loh thanhrang sial iang chalbuanga. Lentu zo doral hrang karah. Haulai siali zawngin a au ve,chutin buk thlamah thlanghartui luan di tawng nen. Kham kheh ramloh zawl tluang chhui kir lehin. Tiau lui hrangin THANGHNIANG len pil e. A pawi e damlai kawleng nghaka, fam zunleng ngai CHALTUAI damlai khuavel rel zawng. .” He hla phuahtu hi CH.MALSAWMA niin ka hria,ka hriat dik loh chuan a dik zawk sawi theih nise. .HE khawnglung chanchin avang hian ka rawn tarchhuak ve top mai. .a hla thu dik lo lai pawh hi a awm mai thei
December 29th, 2010 at 7:54 pm
# 28 @ Rio : I ril reuh hle mai. Awlsam tea hlathu un pui pui in chhakchhuak theih chu le ! Pu ZG-a tawngkam takin, I va’n rapthlak reuh tak em!
December 29th, 2010 at 7:56 pm
a va manhla ve le… A hmuhnawm in a bengvar thlak hle mai…
December 29th, 2010 at 8:00 pm
A tha khawp mai. Tiang post tur hria khan rawn ti zel teh un. Sap ram lam te pawh kha.
December 29th, 2010 at 8:08 pm
Kal a chakawm hle mai. Mahse Posttupa hian sakei a awm ati kher a ka chak na a zuai deuh tlat. 😀
December 29th, 2010 at 8:10 pm
Sakei hmuh te chu chakawm alawm.
December 29th, 2010 at 8:13 pm
# 32 @ awmawmpuia : Sakei (Keite) chu maw….. Forest hotute sawi dan a nia….. (hrethiams)
December 29th, 2010 at 8:21 pm
An ti ve mai mai anih chu.
December 29th, 2010 at 8:23 pm
Helai tlang dung kal tlanga Aizawl kan kal thin lai khan a pengah khan ka chawl zauh zauh thin. Khawnglung tlang inkhawh zur mai thlir lo leh Khawnglung run ngaihtuah chhuak lovin helai hi ka paltlang ngai lo.
Khawnglung hi kal chu ka chak khawp mai, mahse tlema in lak fit deuh loh chuan hahthlak tham a ni ve tlat. @ruatruatapa a kal thleng zo hi a ropui khawp mai! Rinaiin a lo in fit a nih hi 🙂
December 29th, 2010 at 8:26 pm
Dam chuan Serchhip lam zin remchanah kal tum ve tur a ni.
December 29th, 2010 at 8:29 pm
Kei pawh
December 29th, 2010 at 8:36 pm
Buh kham khawp thar chuan phurh hawn a huphurh awm duh hmel… fit a ngai hiah hiah ang chu,,, leilawn a lawn pui lai khan han ti bua i la,,, kan hnungah mi lo kal ve tho si se…. an mit a mim tha duh ang chu aw,,,, 😆
December 29th, 2010 at 8:41 pm
Ehe le, Amris Puri a la dam mawle.
December 29th, 2010 at 8:45 pm
Het hming phuah tur ka hre lova… sual hmel deuh ka ti a nih kha…. misual hrethiam em??? 😕
December 29th, 2010 at 8:52 pm
Hrethiam e. Keipawh karleh lamah Mithun ka rawn ni ve ang. 😆
December 29th, 2010 at 8:58 pm
“Khawnglung” tih leh “Khawnglung Run” tih thawm hi chuan ka lunglai hi a vit teh e. Hemi kawnga tlan chang hi chuan thlir lovin ka pel ngailo.Zanah pawh motor darthlalang phenah ka bih kur zel. Mitthlain Tv.Chala leh Nl.Thangi thingphur rek rek tur te a hmu iar iar thin.
Pipute sulhnu leh hmun hmingthang kan neihah chuan ka tlawh chak ber pawl a ni.
Misual MI nan a that ka va ring em!!
Post lungkuai tak a ni e.
December 29th, 2010 at 9:19 pm
A bengvar thlak thin hle mai…
December 29th, 2010 at 9:44 pm
ruatruatapa ka lawm e,..Khawnglung ram velah hian keite awm an tih khan misual ho hi min han um tak2 mai se, fit lo inti ho hi an tlan vung thei hlawm ngotin ka ring. .ha3
December 29th, 2010 at 10:45 pm
A bengvar thlakin a hmuhnawm khawp mai. Ka kal ve chak 🙂
December 29th, 2010 at 11:42 pm
Post tha tak a ni. A ziahna a rei tawh ang huin a post tlai zek a! Kum ruk ruah tham hnuah pawh a la thar sar a lawm mahse….! :like:
December 30th, 2010 at 12:34 am
‘Chhim leh Hmar Indo’ lai hian Khawnglung run hi a lar ber a tih theih awm e. Sawi dan hrang hrang lah atam a, Thangi leh Chala te thawnthu hian a ti lar bawk awm e.
‘Mizoram History’ ziaktu Pu Lalhmuaka (Headmaster Rtd.) sawi dan ve thung chuan, “Pangzawl Bangla Chawkidar chawl tawh kum 82 mi, Pu Hawrawpa chuan kum 1962 khan, “Inthahna rapthlak a ni a, Zawlbuk hnuai chu thisenin a luang tihte chu dawt dawt a ni. Tlangval tha zawngte chu an lal Thuama hovin phai rawk turin an thang hlan a ni a. Inbeihna a awm lo.Khuangchawinaah tlaivarin mi tam tak an awm, Zawlbukte chu a ruak deuh thaw a ni. An tan khalh chiang em a, chet ve theihna a awm lo a, pahuai deuhin sukin an khawh mai mai a ni. Tih chi a ni lo tih an hriat chian chuan daipawnah an tlanbo dial a ni zawk. Chutia an tih loh chuan kawng dang a awm tawh lo a lawm. Tichuan Zawlbuk kawtah an awm khawm a, an duh duh inah an lut a, an mu lai an kai chhuak a, salah an hruai ta teuh mai a ni zawk. Hetiang reng reng a sal inhruaina hi Zoramah a la awm ngai lo va, chu zawk chu a hmingthanna a ni e,” a ti then mai a, a rinawm tawk hle ang e.” tiin
December 30th, 2010 at 8:04 am
# 43 @ Shylo : Lunglenthlak duh khawp mai. Chalan Bawngpa (Sava) a perhthla a, Thangin a awmbawra a dahna hmun te kha min kawhhmuh a, a ram a pharh thain, a nuam khawp mai. Lung a leng vawng vawng mai. Thlan hlui, a ziak chhiar hleihtheihloh pawh engezat a awm bawk….
# 43 & 44 @ groma : Ni ngawt mai tiraw, post schedule ka en a, chhuak tur a tlem lutuk a, ka rawn post tawp mai a. A rei tawh viau naa, tun tum hi midang chhiar theih tura ka tihchhuah hmasak ber zuk nia a… Thu up rei ve tak chu ka ni…
I thu rawn sawi hi ka vawikhat hriatna a ni. A dik pawh a dik mai thei. A chhan chu India rama thil thleng pawimawh ta, 1857-a mi pawh English Historian chuan Sepoy Mutiny an ti a, Indian Historian ho chhuan First War of Independent an ti daih!
Kan kal tuma min hruaitute hi Khawnglung khawchhuak an awm nual a, i hriat ang hi chuan an sawi chuang miah lo. 😆
December 30th, 2010 at 8:38 am
Tunah tak hian Misual online 11 chauh zawk awm a…
December 30th, 2010 at 8:40 am
Mahni postah phek thar kai lo lo te’ng
December 30th, 2010 at 9:30 am
Report a ngaihnawm in a hmuhnawm hle mai
December 30th, 2010 at 10:09 am
@ 28 Rio thanks I hla rawn post khi a mawi khawp in ka hria Thingsai khua Lalthlamuna khiangte khan a sak ka hre thin a nalh ka ti ve thin khawp mai.. Kal ve ngei tur anih hi hun neih remchan ah
December 30th, 2010 at 11:07 am
@nghasih. .kan naupan lai khan C.VANA khan a sa thin in ka hria,tunhnaiah joseph zaian a sa thar ve leh. .he hla hi cu mizo ballad ah chuan ropui ka tih pawl tak a ni. .se a thu hi duh angin ka hrechiang tok thei thin lo. .CHALAN THANGI AN ZAWNG VEL TUR HAN MITTHLA CHUAN HNUK A TI ULH VE FO THIN A SIN.
December 30th, 2010 at 1:36 pm
C. Vansanga sak ngei mai kha. Ka ngaithla chak hle mai. Youtube vela lo upload in awm mial lo maw?
December 30th, 2010 at 2:41 pm
@ruatruatapa: #48 sawi hi ziakin ka chhiar tawh a.
Khawnglung kham an lawn dan hi rem an hre khawp mai. Tangkawng kawngrekah ram hrui fei tak an hling a, khamah an lawn tir a. Kham ko a lawn kai chuan an han pawt chhin a, pa pakhat a zo chiang tih an chian hnuin pakhat a lawn ta a. Kham ko thing bulah hrui kha a thlung a, tichuan khamah chuan lawnna an siam ta a ni. He kham lawn chhuak hi hmeichhe pakhat mu tur pawna zungin a hmu nghe nghe a. Mahse midang a pun chhungin a lo biru hman a. “I mit vai a nih chu” an tihsan ta a ni awm e.
Khawnglung khaw tlang dung hmar lamah hian in 70 lek khua a awm a, an Pasaltha chuan heti hian a sawi. “Kan fa a dam lova, khawvar dawn lamah ka pua a, chhuatah kan vei kan vei a. Kawl a eng dawn tih hian silai pak pharh hi ka hria a, a puak zawn ta tuar tuar a. Mahse rei vak lovah a reh leh ta mai a. Ka ngaih a tha lo a, tlangval ka khawm a, Khawnglung lamah chuan kan tlan ta a. Khua kan thlen chuan ni a chhuak tawh a. A runtute chu an lo kal chhuak hman vel chauh a ni. kan um a, min lo lambun a, min kap a. Tlangvalte chuan, “Eng tinnge ni ta ang le?” an ti a. A ngaihna hre bik lovin puan ka veng tha leh ringawt thin a ni. Kan han um leh chuan, “min tinsan mai rawh u, keimahni min phen zel a ni e,” tia au aw kan hre ta a, kan tinsan ta a ni,” tiin.
Indopui-II na hma lawk khan Pu Rokunga pa Pu Chala sawi hi Pu Lalhmuaka hian a hria a. Pu Chala hian a naupan laiin he pasaltha hi a hmu pha a, a hrilh anga sawi chhawn a ni.
[Source:Zoram History by Lalhmuaka]
December 30th, 2010 at 4:20 pm
# 56 @ Lushai : A source i rawn sawi hi a Bu chu neiin ka inhria a, ka lo en ang e.
Khawnglung hmar lamah hian In 70 lek khaw awm theihna chu a awm ngei e. Mahse, ka rin danin Kum 5 laia thui a ni ang. Min hruaitute sawi dan thung chhuan Lungdai atang hian Ri chu an hria a; mahse, an thlen chuan an lo hruai chhuak vek tawh niin an sawi. Hetah hian an Pasaltha pakhat a e a, a ek atanga lo chawr chhuak Haite a awm a, a sang viau naa chu Lungdai atang chuan ngam chuan lawh mai theih tur ang a ni ang. Haite hi a la awm reng a, a rah duh phian lehnghal..
December 30th, 2010 at 6:34 pm
Post tha tak ani!
Kal ve tur ani hi, Sap/Tourist ho nuam tih zawng anih hmel.
Hmuifang leh Reiek tlang motor a kal ai chuan hetiang ke a kal ngaihna hi nuam ka ti zawk, Kan ram hruaitu te hian motor kawng an lai tlang leh ringawt ang ti ava hlauhawm ve :?
Zawhna: Khawnglung khaw chhuak ho hian Khawnglung ram an chhuahsan manah sawrkar atangin 10 lakhs/family an dawng ve angem? Chakma Refugee Bangladeh atang lo lut ru ho pawhin Dampa Sanctuary chhuahsan dawn vangin 10 lakhs/family an dawng dawn anti in ka hria?
December 30th, 2010 at 6:45 pm
# 58 @ metro : Khawnglung khawchhuak ho hian cheng khatmah an dawng lovang. A chhan chu 1963 karkhawm kuma tihluihna hmanga pem kha an ni a, a hnuah chuan anmahni thuin a nia. Engmah an dawng lovang. (Ka chiang chiah lo)
Tuikuk ho hi chu an thikawm thlawt a ni tiro…. (Tuikuk vangin thinrim…)
December 30th, 2010 at 8:12 pm
ruatruatapa chu i ziak tha hle mai! Henglai ram hi ka la kal ve lova, kal chakawm viau mahse,ka huphurh khawp mai! thlalak nen thlap i rawn ti lehnghal a, a hmuhnawm sawt!