(Lung a leng e mai. He ka thu phuah ve hi ka rawn post mai mai teh ang.)
Khuangchawi Thla chawhnu lam a ni a, fur khawchhiain min kiansan tawh avangin khua a thiangin boruak pawh a nawm lai tak a ni. Inrinni a ni a, ka fate chu an nu nen bazar lama an chhuah avangin kan in chu a reh hle mai a. Ka tihtur hle lo chu bathlarah ka han ding a, thlifim dawn pahin khua ka thlir vel a.
Ral hla takah Chalfilh tlang a inkham ruih a, a piahah Keifang pawh chiang takin a lang thei a. Chhim lamah Baktawng a lo pe un bawk a, Hmar lam erawh Hangi Lunglen Tlangin a hliah avangin a hmuh thui theih lova.
Khaw awmdan chuan lung a tileng hle mai a, lunglen tizual tur hrimin ar a lo khuang thliai thliai a, ralkhatah thingzai thawm a lo ri vei rawl nen. Ka thinlungah lunglenna a rawn intam tiam tiam a. Mak tak maiin ka hmangaih thin M kha ka rilruah a rawn lang zawk a. Kum 13 liamta ah ka let leh a, rilruin ar bo a zawng a, lung hlui a leng thar leh ta.
Aw! A that chungchuan theih zia kha, a hmel no leh pawisawilo tak mai kara a nui hmel te kha ka la theihnghilh thei lo. Sikul pakhatah kan zir ho thin a, kei aia a pawl san zawk avangin ka be ngam ngai lo.
Mahse, engtin tin emaw kan lo inhmelhriat chho a, inhmelhriat ta chu kan lo inkawm a, kan inkawm rei tulh tulh a, kan inngaina tial tial a. A tawpah chuan kan inkarah hmangaihna a lo piangchhuak ta a ni kha.
Ka theihnghilh thei lo. A nungchang mawlh mai kha, a va han fel chungchuang tak em! Sikul kal dawnah kan innghak a, banah kan innghak a, ni sensa hnuaiah pawh a nui hmel a put loh phah chuang lova, hlim taka a titi te kha ka ngaithla ning ngai lo. Mipain hmeichhe hnena hmangaihna an pek theihtawpa nasa in ka hmangaih a, a tan chuan engkim ka huam a, chan hi ka hlau ngawih ngawih thin.
Amah avang hian he khawvel hi ka hmu mawi a, zing ni chhuakte leh zan chhimbuk tuibirh thawmte chen hian ka hlimna kha min tawmpuiin ka hre thin asin. Ani, ka M kha chu a tha a ni, a tha thlawt.
A hmel hmu lova nikhat a rei thinzia te kha aw! Khuarei a chang zo ta. Kha tih lai na na na kha chuan min hnem turin Helen of Troy ka ngai lova, Napolean-a Josephine-i meuh pawh zu han ngai bik lova! Kei, mipa azawnga chhuanawm loh ber mai tan hian ka M chauh kha a tawk a ni.
Kartawp chawlh apiangin kan lengdun thin a, kei aia upa mah nise kei aia naupang daih ni mai awma mawiin a pangchang thiam a, ka mawi lohna turah erawh min kaihruaia min zilhtu a ni lawi si.
Mahse, damchhunga lendun intiamin, inngaiin inthlahlel hle mah ila, khuanun kan chunga a rorel dan a dang ta si erawh kha chuan min va run tak em!
Exam chawlh laia a pute khuaa zin a tum thu min hrilh a, a zin dawn zan chuan zan hlimawm tak hmang dunin kan inthlah a. Ka haw dawn chuan an inkawtah electric eng chhun phak loh hmun thim chuhin kan inpawm vawng vawng a. Min rawn en chhoh pahin ”Ka va ngai dawn tak che em!” mittui hnam tiam tiam chungin a rawn ti a. Kei chuan engmah ka sawi lo. Dimtea a mittui hruk hul pahin a hmui sen vam ham maiah kha ka hmui ka chuktuah a, he lei hrehawm hi pialralah kan chantir ta a ni.
Ngaihngam takin a tukah chuan sekrek khawihin ka nu ka pui a, chawhnu lam dar 3 velah chanchin azawnga chanchin duhawm lo ber mai ka hre ta!
An chuanna motor a ACCIDENT a, ani chu a hmunah a ka pawh chhawn lohvin a boral! Ka bing mup a, ka khaw hmuh a vai a, engmah ka hre ta lo.
Ka M kan vuiliam atang chuan ka rilru na chuan mu leh mal reng ka nei thei ta lova, ka lung a awi lova, Siamtu ka dem a ni.
Engah nge ka M kher? Engatinge ani kher? Engatinge? A chhan ka hre duh a ni. Theih nise a tana engkim hlan pawh ka huam asin! Chuta chin chu ka rilru beidawng chuan D lo tleina chawltui ningzu ka han tlan ta tak tak a le, mu leh mal reng ka nei thei ta lo.
Ka tan ni leh thlain awmzia a nei lova, chhun leh zan ka thliar hek lo. Zu chu ka thiantha ber a ni ta a, ka tlan ta tlak tlak mai le. Khatih laia ka nu leh pate rilru hah tur zia kha ka dawnkir thin! Mahse, mahse, he khawvelah hian Siamtu hian kan hriat lohvin kan tana bel ruat a lo dah reng a lo ni.
Nguri, Ngurthansangi, ka M thian tha tak mai hian min lo khawngaih hle a lo ni a. Kei, mu leh mal nei lova khawsa chu min enkawl chawt mai a, then leh rualte leh chhung leh khatte mitmei pawh zah zo lovin min chenchilh tawp mai a. Ka nun chhe vek tur chu min chhanchhuak ta a ni. A va han fakawm kher em!
Chhun zan zawmin min enkawl a, Pathian thu a hriat ang ang min hrilh a, a theih anga min tihhlim tumin a hman hlel a, ka tan chuan Angel a va ni tehlul em! Chutia ni leh thla chhiar liam dun ta nafam chu, ka M beisei tur a awm lo bawk nen, nupa ah kan insiam ta nghe nghe a ni.
Ani nen hian kum 13 lai kan innei ve ta a, fa pawh 2 lai neiin, he kum 13 chhung hian sawiselna tur pakhatmah ka hre lo nia!
Chutia nunhlui chhuikira ka awm lai chuan ka faten ‘ka Pa’ an tih ri chuan min kaiharh zawk a, ‘an lo haw ta a ni maw?’ ti rilru chungin inchhung ka lut a, ka mittui ka hru zauh a!
January 25th, 2011 at 9:26 am
Lung a leng em mai.
Report this comment
January 25th, 2011 at 9:29 am
Uluk takin ka lo chhiar tha leh ang e. Lung a leng em mai.
Report this comment
January 25th, 2011 at 9:58 am
Lung ti leng ve teh ang
Report this comment
January 25th, 2011 at 10:15 am
Innu chuan a thiannu chu fam dairial chang tawh mahse a la thik zeuh zeuh lo maw? Ka ring khawp mai.
Report this comment
January 25th, 2011 at 10:31 am
uai, alo chhuak der mai! Thiam lo inti chung chung leh insit chung chunga ka rawn ziah ve a nih khi. Sawisel awih. Correct ngai, Thu hman dik lo etc are all welcomed. Ka inzir ve duh a.
Report this comment
January 25th, 2011 at 10:34 am
He post chu a tha khawp mai.
Report this comment
January 25th, 2011 at 10:35 am
@ 4. This is purely fictional a ni e.
Report this comment
January 25th, 2011 at 10:43 am
Lunglen mood a awmlai deuh nise ka va ti ve. I ziak tha hle mai.
Report this comment
January 25th, 2011 at 10:48 am
Post tupa, a va lunglenthlak chhuai chhuaih em! Hmana ka * thin em em, tuna pasal nei ta min ti hre chhuak. .ka lo duh lo der vel awr2 a!
Report this comment
January 25th, 2011 at 10:56 am
@ 8, ka lawm lutuk e. @ 9, chu i inla lutuka i dàwng ta lel a ni maw?
Report this comment
January 25th, 2011 at 11:00 am
I ziak ngaihnawm hle mai a… Thu ziak pawh i thiam phian… Story pawh a tha e!
M thiannu (tuna i nupui lo ni ta) chu a fakawm hle mai.
Mahse…
(M) nen in ‘nih’ lai khan a lo beisei ru reng che a ni thei em?
M te motor chetsualna kha ama lo duan lawk a ni thei em?
Kha accident rapthlak takah khan inphiarrukna a awm em?
Report this comment
January 25th, 2011 at 11:07 am
@kawlhawk sawi hi ngaihtuah chian chu a ngai khawp mai. .
Report this comment
January 25th, 2011 at 11:11 am
Pu Kawlpuia meuhin tha a tih chuan ka tan chuan hmasawnna ropui tak a ni. Ka rawn zir ve zel e.
. Thingpui ka khilai ang che. 
.
Accident chungchangah khi chuan,…. FIR FIR FIR.
Report this comment
January 25th, 2011 at 11:12 am
Chhangte, Tuna a nupui pawmlai – a fak em em hi tualthattu/ a hmangaih ‘M’ thattu pawh a lo ni daih thei
Report this comment
January 25th, 2011 at 11:23 am
@14 . .
A reng2 thu ah kan hmangaih te kan chan tak avanga mahni inti chhe zawnga kal hi chu ka duh ve lo, a thatna sawi tur a tam lo
Report this comment
January 25th, 2011 at 11:47 am
‘M’ i tih hi maiseka misual hi ani thei mai ang em? NOI
Report this comment
January 25th, 2011 at 1:03 pm
Chhiar a nuam hle mai. A flow pawh a tha. Zufang thlum tak ang mai a ni. Dawlh a nuam zat zat khawp mai.
Report this comment
January 25th, 2011 at 1:15 pm
Nun hlui ngaih hian min ti nuam chem chem.Kei pawh theih nise kum 25 liam taka chhui kir nitin thin a ni ber awm e.
Khan lai hun a mi ka lo tawng ve ho te tak kha eng tin tak awm ve zel ang maw.Min rawn dawn kir ve ngei thin awm si a le. 
Report this comment
January 25th, 2011 at 1:38 pm
D, if you could see my heart, it is bleeding now – D
Report this comment
January 25th, 2011 at 1:48 pm
Lunglen tak tak hi chu a nuam lutuk lo a, han ti leng chawp ngei ila a nuam ve duh deuh a sin, post chhiar nuam tak a ni e, nunhluiah ka chhiar chhung zawng min chentir a, mahni ah ka lo inchan a khawngaihthlak kher mai.
Report this comment
January 25th, 2011 at 1:57 pm
Chhiar a nuam hle mai.
Report this comment
January 25th, 2011 at 4:14 pm
M chu NG in a thlak ta ni mooo…
ngaihnom e. 
Report this comment
January 25th, 2011 at 4:29 pm
va ngaihnawm e…
Report this comment
January 25th, 2011 at 4:38 pm
ekhai! Ka class hlanin in ln kawmen liam liam a, very very thanks to you all.
@ Ozima, khi thil khi pawl kua kan nih laiin kan Sir in min hrilh thin. Dorothy te nufa khawngaihthlak zia kha aw! Thiante ho khan an han uar khawp a, inngaizawng tha hle hle pawh hi an lehkhathawn ah ‘it is bleeding now’ an han ti thlazen lehnghal a.
Report this comment
January 25th, 2011 at 5:34 pm
comment dan tur ka va hre lo e
ti hian ti mai teh ang 
post inhnial na tur ka va duh eeee
Report this comment
January 25th, 2011 at 5:49 pm
Unaupa Fugutive i va ziak luang liam thiam ve. Ka kur pui duah thiam lem lo a mah se hman thek thawk a han chhiar chuan a touching riau. Good post from future Super specialist….
Report this comment
January 25th, 2011 at 6:31 pm
e, Krista, ka lawm e. Nizan ka mu thei lovin ka ngaihtuah vel mai mai a, ka ziak chhuak ve hlawl a, rawn ti ve thuai nih hi!
Report this comment
January 25th, 2011 at 6:38 pm
Fugitive chu i ziak lunglen thlak hle mai, ka chhiar chhuak thlap!!. Nguri nen fanau maltluan chawiin dam reng ang che u!!
Report this comment
January 25th, 2011 at 6:40 pm
van ziak thiam em em
ka M” keimah mi?
Report this comment
January 25th, 2011 at 6:49 pm
mambawih, comment # 7 khi!
U Rose-i hi a, ti ang lo thei e. Mahse ilo laik a ka lawm tho tho.
Kha thingpui in rawh.
.
Report this comment
January 25th, 2011 at 6:54 pm
Fugutive nia!! Purely fictional ni mahse a “tak” angin i ziakthiam a!!, ka’n wish ve tawp che anih kha!! Nguri nih loh pawn for your someone special ti tawh mai ang!!
Report this comment
January 25th, 2011 at 6:57 pm
nula rose malsawmi blog pawh hi ngaihnawm thei
Report this comment
January 25th, 2011 at 7:01 pm
A fugitive must be a rolling stone tih ani tak e!!
what am i thinking??? 
Report this comment
January 25th, 2011 at 7:37 pm
@ fonz, u Rose-i te chuuu…. Kamthiamna hmuam, leilung malsawmna dawlh zotu lawm le.
. Ka ngaisang a nia.
Report this comment
January 26th, 2011 at 12:32 am
Tak2 emaw ka tia,ka mittui lo tla hman trepa.mase comment ka chhiar thla zela tak2 nilo tih ka hre chhuak leh bok sia…mittui chu tlaktir ka phal leh ta lo mai.
@11 Zawhna che khi Chhanna hriat a chakom khawp mai.Zawhna thra leh ngaihtuahna tithui tak ani.
Report this comment