Operation Auca Chanchin Tawi
Operation Auca chu US Missionary 5 Jim Elliot, Nate Saint, Ed McCully, Peter Fleeming leh Roger Youderian te’n Ecuador ramhnuai a cheng, tuma la tlawhpawh loh leh tlawhpawh duh lo ‘Huaorani’/’Aucas hnam mawl tak te zinga Chanchin tha hril tura an beihna kha a ni. Heng hnam te hi deh an khirh a, an in la hrang a, hnamdang an hmuh apiang chu enge tih an tum pawh ngaihtuah hmasa lovin an that mai thin.
Missionary 5 te
Heng hnam mawl te zinga rawngbawl duhna thinlung pu chung hian Jim Elliot leh a thian te chuan September, 1955 khan he lai ram hi an luh chilh a, an hnam zia rang an hriat avangin an tlawhpawh mai ngam bik lo. Heng hnam mawl ho awmna atanga hla vaklo ah camp an buatsaih a, chuta tang chuan an khaw chung zawnah Jet a thlawk kualin thilpek te an va pe thin a ni. Heng Missionary zinga pakhat NATE SAINT hi indopui II na laia Pilot thin a ni a, hemi tum pawh hian Jet khalh tu a ni nghe nghe.
Nate Saint leh a thlawhna
Chutia Aucas ho khaw chunga an va thlawh hmasak ber tum chuan thlawhna thawm an hriat in an biru vek a, an khua a in lian ber kawtah chuan thilpek an thlak thla a, chutiang chuan nitin an va ti thin a ni. Ni engemawzah an tih hnu chuan Aucas ho pawh chuan an thilpek khaithlakna Bawm pakhatah chuan Vaki leh balhla thilpek atan an thawn chho ve a, chu thil an hmuh chuan Missionary 5 te chu an hlimin Aucas hnam zinga rawngbawlna kawng Pathianin a hawnsak dawn ah an ngai a an hlim hle
Tichuan Aucas hnam luhchilh tumin January 3, 1956 khan Missionary 5 te chu Curray River kam, ‘Palm Beach’ hmunah in bengbel turin an thawkchhuak ta a. Chu hmun atang chuan Aucas ho khua chu hla lo te a ni. Tichuan an khaw chungah thlawk kualin anmahni tlawh tur leh inhmu turin an sawm a, tichuan Aucas Pa leh nu pahnih hi an camp ah chuan an rawn kal hlawl mai a, chuta a mipa ber Nankiwi chu thlawhna chuan an khaw chungah te an thlawh kual pui a, a hlim hle. Missionary te chuan Nankiwi hnenah chuan a tuk chawlhni a chulai hmuna midang/a thiante hruai turin an chah a, Nankiwi te chu an haw ta a.
Nate Saint leh Aucas hnam Nankiwi te an inhmelhriat
A tuk Sunday chuan Pilot Nate Saint chuan an camp a awm ve a nupui chu Radio a bia in Aucas hnam te nen an inhmu dawn a, inkhawmna pawh an nei maitheih thu leh an chanchin chu tlai dar 3-ah chiang zawka a hrilh leh tur thu a hrilh a, mahse beisei loh takin Aucas pa thlawhna a an phurh kual Nakiwi khan khua a han thlen chhoh leh khan thu thang dik lo a lo thehdarh chu niin a tuk SUnday January 8, 1956 chuan Aucas hnam ho chuan chung Missionary 5, Jim Elliot, Nate Saint, Ed McCully, Peter Fleming, leh Roger Youderian te chu an that fai ta vek a ni. He mi tum hian heng missionary te hian anmahni invennan Pistol leh Silai an pai theuh a, amaherawhchu an silai te hmetpuak a Aucas hnam in chanchintha an dawn loh ai chuan an silai te dah tha in Aucas ten chanchintha an dawn a Pathian an hriat theih nan an nun an hlan ta a ni.
an feiin chanchintha hrilh tu te an khawh hlum”
Steve Saint an a pa rawngbawlna chhunzawmin Aucas hnam te zingah rawng a bawl
He Martarna hian mi tamtak thinlung a kahwih em em a, Pilot Nate Saint-s farnu Rachel Saint leh Jim Elliot-a nupui Elisabeth Elliot te phei chuan Aucas hnam ho zingah rawngbawlna an chhunzawm a, an pasal leh an unaute thattu Aucas hnam ho chu hmangaih tak a Pathian thu hrilh a enkawl in hnam mawl tak leh nunrawng tak te chuan Kristian sakhua zuiin a la zui ve lo te tan nasa takin hna an thawk a, Missionary 5 thattu te pawh chuan piantharna an chang a ni.
Pilot thi ta Nate Saint a fapa Steve Saint hian tun thleng hian Aucas hnam ho zingah hian rawng a la bawl fan a, A pa, Nate Saint a leh Missionary dang thattu Aucas hnam Mincaye-a chu a rawngbawlpui pawimawh ber pakhat a ni.
Nate Saint-a fapa Steve Saint chuan a pa thattu Mincaye nen rawng an bawl dun
Heng Missionary te chanchin behchhan hian film 2 ‘End of the Spear’ leh ‘Beyond the Gates of Splendor’ te an siam
Similar Posts:
- Air India pilot te’n cockpit tukverhah chanchinbu an bel thin
- Hyderabad air show ah thlawhna chesual
- International Paris Air Show 2011
- Mizo Commercial Pilot hmasa te !
- Enge in ngaih ve dan le?
February 13th, 2011 at 9:28 pm
An va ropui tak em…..a thawh rah chu an seng hmanlo ani maw mahse midangin an chhunzawm thei chu a ropui hle mai.
Report this comment
February 13th, 2011 at 9:29 pm
Ka mihring ngaihsan berte chu hmanlai Missionaries te kha an ni… Pathian leh mihringte an hmangaih vanga an inpek aia ropui zawk hi awm theiin ka hre lo…an chanchinte pawh hi chhiar a nuamin thu ngaihnawm ber an ni…
Report this comment
February 13th, 2011 at 9:43 pm
Khai aw… a va han ropuiin a va han rapthlak zawk ve le..
Report this comment
February 13th, 2011 at 9:49 pm
Ee..missionary chanchin ka chhiar apiangin Pathian min hmangaihna lo nasatzia ka hrechhuak thar thin
God bless the soul
Hepa
Report this comment
February 13th, 2011 at 10:01 pm
Chhunglam ava thawng tak em,misionery te u chhel tak leh huaisen takin hmalam panin kal zel ula kan Lalpa Pathian cuan ava chawimawi nasa dawn tak che u em..
Report this comment
February 13th, 2011 at 10:04 pm
Hemi chanchin hi ka hre tawh thin, a ropui khawp mai. An pasal/unaupate thattute ngei mai hmangaih taka Krista chanchin hrilh thei tur chuan eng ang taka Krista hmangaihnain a tuam ngai ang maw?
Report this comment
February 13th, 2011 at 10:10 pm
He film hi ka en ve tawh, rilru a khawih khawp mai. Miten Pathian thu vanga an lo tawrh nasat zia han hriat hian insit ana duh thin ngawt mai.
Report this comment
February 13th, 2011 at 10:12 pm
an tumah an chiang a ni..kan ram hruaitu te ve hi…
Report this comment
February 13th, 2011 at 10:22 pm
khai aw… A va han hrang chiah chiah em… Khitiang dai dar tur a an hnathawhna khi Pathian in a malsawm ngei ka ring ve tlat… Tawngtai sak chi a ni e….
Report this comment
February 13th, 2011 at 10:23 pm
“Kristian martar te (chanching ni lovin) chanchin ngaihnawm” a ni zawk em? Admin te khan han siam tha teh u, a Thupui khi.
An ropui kher mai a… Keini ngawt aichuan Vanah chanvo an nei tha bik ngei ang.
Report this comment
February 13th, 2011 at 10:37 pm
Ka tleirawl chhuahtirin he thu hi ka chhiar a, ka mittui ka lo seng ve tawh.
Report this comment
February 13th, 2011 at 10:44 pm
end of sphere hian ka thinlung a khawih khawp mai. An in pekna a ropui.
Report this comment
February 13th, 2011 at 10:59 pm
An chanchin hian min hneh thin khawp mai. Vanah anmahni lo hmuaktute nen an intawhkhawm lai ka va’n thlir ve chak em! An hmangaih Lal Isua khan ‘in lo haw tawh maw?’ a lo ti ang a; tunah chuan Beramno chu an vengtu a ni tawh dawn si a. An na tawh lo vang a,an thi leh tawh bawk hek lo vang..lum reng reng pawhin a tihrehawm tawh lovang…keini hi?
Report this comment
February 13th, 2011 at 11:10 pm
An va han ropuiin tlukloh rim an va nam em! Martarte thisen farna hmun tinah chanchintha chi tuha awmin, a thang zel thin.
Report this comment
February 13th, 2011 at 11:23 pm
# He Pa, I va han Post tha ve le! A bengvarthlaka, min fuih tu tha tak a ni. Missionary te tum ruh zia khian min va’n hneh em.
Report this comment
February 13th, 2011 at 11:33 pm
Ropui. Chuan pic 4 khi a lem aniang a..??
Report this comment
February 13th, 2011 at 11:47 pm
good post
Report this comment
February 13th, 2011 at 11:48 pm
A ropui in an ngaihsanawm kher mai.. End o the Spear khi ka en tawh. A touching khawp mai..
Report this comment
February 13th, 2011 at 11:55 pm
A film khi download tur kan zawng ve teh ang, Ka la en lo-a, ka en ve chak tlat mai.
Report this comment
February 14th, 2011 at 12:01 am
He film hi a hmuhnawm a, mi a khawih dan pawh a dang zar mai a sin. La en lo chuan en ve chi tak a ni. A lehkhabu pawh a chhiar tlak khawp mai.
KKK sawi ang khian chanCHING khi chu siamthat a tha hle mai.
…khrum
Report this comment
February 14th, 2011 at 1:51 am
Hemite chanchin hian min hneh thin tak em aw… Mite in pekna a ropui zia hi aw pui tak a ni pui tak…..
Report this comment
February 14th, 2011 at 4:17 am
A va ngaihnawm tiah tiah ve aw..
Report this comment
February 14th, 2011 at 8:07 am
He film hi ka en tawh keipawh, rilru a khawih hle a ni, hetiang Pathian thu rawngkai hi kan post dawn chuan Spelling hi hmang fimkhur deuh ila, spelling a dik loh nuai chuan a hlutna a hlot tlatin ka hria, Admin te khan han edit teh u le..
Report this comment
February 14th, 2011 at 10:29 am
Last Friday khan TV ah a film an rawn chhuaha a hmuh nawm khawp mai…an khawngaih thlak bawk sia
Report this comment
February 14th, 2011 at 10:32 am
Pi/Pu Admin : He Post hi a la liam mai dawn si lo a, a thupui “…chanching…” khi “chanchin” tiin han siam tha hram teh u.
Report this comment
February 14th, 2011 at 10:39 am
Martyrs hi witnesses an ni a, thudik tak hretu, hriatpuitute —martar kan tih tam tak hi chuan thudik tak hi an hre meuh ang em? tih hi zawhna awm thei a ni ve bawk.
A bengvarthlak e.
Report this comment
February 14th, 2011 at 10:41 am
Hei movie in ka en toh. Hmuhnawm ve reuh
Report this comment
February 14th, 2011 at 10:45 am
Ni e. Pu Kawlhawk comment ang khian. In buai viau a nih pawhin post thupui te em em hi chu admin-te’n chhiarchhuak ve thin rawh u!
Report this comment
February 14th, 2011 at 10:46 am
An va ngaihsan awm ve le, Pathian tih loh fel famkim an awm lo,heng missionary te pawh hi chutiang bawk chu an ni ang. Sawichhe pawl pawh an awm ang..amah erawh chu an mission hi a ropui ani., Mizo te min zawngchhuak tu te pawh kha, hetiang bawk hi an ni…Min hmangaih tak tak lo ti a lo iak iak hi a tul ber lo e.
Report this comment
February 14th, 2011 at 11:25 am
Chanchintha thlentute ke chu a va mawi em…th vanga kan pi leh pute atrang tawh a kan puakphur mai mai, TUIKUK lakah kan Synod in ramthar rawng an zu bawl a, mahse “Ka duhluatah Lengin ka zir sual e” tih ang maiin minkap, minrubo mahse, kanchawm zel a, a tawpah District Council te an la han phut leh zel vei nen……chutih laiin kan inchhung leh thenawmte pawh kan ngeih silo, missionary natur hlirin kan khawtlangah Buh sengtur a awm si.
Thenkhat lahin “Pekchhuah chu pun leh zualna” tih changchawiin an vei em em bawk si. a khawiber ah hian nge minkoh ve le aw..!!!! ka ti thin.
Report this comment
February 14th, 2011 at 1:49 pm
Tunlai missionary tamtakte tan an chanchin hi zirtirtu leh rawngbawlna atan malsawmna ni mawlh rawh se….tunlai hi chuan tuarna lam hi chu..atthlak ah kan ngai mah mah tawh si a le..
Report this comment
February 14th, 2011 at 2:07 pm
A film chu en ava chakawm ve…a lehkhabu chu ka chhiar tawh a, a ngaihnawm in mi a hneh khawp mai.
Report this comment
February 14th, 2011 at 10:02 pm
Guys! ka net a chhia a, ka post pawh ka vil hman lo! sorry lutuk! thiante u!. ka post leh chuan ka vil tha tawh ngawt ang!
Report this comment
February 15th, 2011 at 11:26 pm
Hetiang mi ropui chanchin ka chhiar hi chuan ka in sit chem² thin. Piangthar ve si ah chuan ka tangkai lo ber mai aw e…hui ha. A film an siam chu ka en ve chak hle mai. Good post, he pa
Report this comment