By – Thara Ralte
Tun hma atang kan lo tih thin dan angin mitthi chu Thlanmualah kan in phum zel a, thlan khur tha tak tlangval tlawm ngaiin an lai a; thlan laih mawi tak te hian khawharchhungte pawh nasa taka chhawkin a tilawm thin. A tlangpuiin thlan khur pakhatah ruang pakhat aia tam kan phum meuh lova, thlan te hungin tha takin kan chei a, Christmas vuakvetah phei chuan kan tifai a, kan theihtawk a mawiin kan chei thin a ni. He lam chu duhtawk rih ila, tuna kan tih dan pangngai hian inphum zel hi a tha em? I ngaihtuah chhin ve tawh em?
INPHUM ZEL THATNA:
Felfai takin mitthi ruang kan sawngbawl a, lusun chhungte tan pawha hahdam sawng sawng na tlakin thlan khur tha takah kan in phum a. Kan hmangaih thentak, kan theihnghilh theih loh te chu an hring taksa awm tawh lo mahse anmahni kan hre reng tih lan tir nan an thlan te kan cheiin kan tifai thei a, a ruang zalna kan la enkawl thei. Tin, Thlanmual a thing kan zuah/phun thin te hian boruak thianghlim min pein, boruak bawlhlawh zel tur te nasa takin a veng a ni. Thlanmual chu chenna hmun atan chuan duh donlo mah ila, khawpui boruak bawlhhlawh lutuk leh tawt lutuk laka inthiarfihlim nan leh len thawven nan kan hmang tan der tawhin, Aizawl khawpui chhungah ngat phei chuan hmun nuam leh thawl tha lai ber ber an ni toh.
Thlanmual tih lohah chuan public area ah hi chuan thing atam vak lova, tuna kan thlanmual te hi mumal deuh a chei leh phei chuan inphum belh theih tawh lo mahselangin sum tam tak seng lovin veng tin deuhthaw ah public park tha tak kan nei mai dawn a ni. Amaherawhchu, nuam zawk a nih theih nan thlan lung 2ft aia sang nilo se, thlan hung phal ni lo se, thlan lung hlui pawh hi a theih chuan siam that a, 2ft aia sang lovin siam vek ni thei se.
INPHUM ZEL CHI A NI A NGEM?
Tun anga kan in phum zel a nih chuan kan ram neih hian a tlin lo thuai dawn a, inphum na tur kan nei lo thuai dawn. A bikin tun dinhmunah pawh khawpui ah chuan kan buai der tawh a ni. Hmun hla zawk ah pawisa tamtak sengin thlanmual tur kan lei a, motor lo chuan mitthi pawh kan invui thei tawh lo a ni. Tin, Thlanmual hi kum 50 ral hnuah pawh nise Chenna hmun atan chuan tuman kan duh a rinawm lova, Aizawl ang hmun vang tawh leh khat si, inhmun hlu bawk si atan phei chuan ram hetiang ang zat awl duai reng mai tur hi a uihawm lutuk!!
ENGTIN NGE KAN TIH ANG?
Tun atanga kum 50 a ral leh meuh hi chuan inphum lo a, tihdan dang kan la dap tho tho a ngai dawn a ni. Ka rawtna te –
Rawtna 1-na: Vaiho tihdan ang hian ‘In hal’ ve mai ila, amaherawhchu ruang pakhat halral nan hian thing Pik Up trip khat vel hi a ngai a, thing a harsat dawn avangin, Gas or Electric hman mai theih a ni ang.
Rawtna 2-na: Chemical hmangin ruang te sawngbawl mai nise.
Rawtna 3-na: Bible ah pawh kan hmu ang leh hmanlaihun a an tih dan ang hian Chhungtinin ‘Thlan ro’ kan nei thei lo a nih pawhin Veng/Local Council/ VC khat area hian Thlan khur concrete in tha takin kan siam anga, Veng pakhat atan hian thlankhur 30 nei ta ila, khur khat kha 8ftx6ft, 10ft vela thuk lo ni ta sela. Heng khur te hi mumal taka design vek tur a ni anga, a chhin hi hawn theih vekin. Tichuan, tuna kan tihdan pangngai ang hian ruang chu thlanmual a thlahliam a, lusun chhungte pawh an kalliam vek hnuah, kuang atangin ruang hi lakchhuah a ni anga, kuang telloin tawihral awlsam thei tur chauh kha thlan khurah dah luh a ni anga. Tichuan, ruang a tawihral hnuah thlan khur ngaiah bawk khan ruang dang pawh kan dah leh zel mai anga, hetiang anga kan tih chuan tawihral harsa deuh entirnan ruh,etc. vel lo awm mahse khur pakhat hi kum 10 chuang a hman theih dawn a ni.
Tin, tuna kan tih dan phung leh kristianna tihdan phung kalsan chuang lo a nih avangin Rawtna 3-na ang hian kan tihdanphung hi thlak tawh mai a hun tawh niin a lang. Ka thian, lo ngaihtuah ve teh, kan tihdan phung hi thlak a ngai tawhin i hre ve em?
Similar Posts:
- Thlanmual
- Republic Vengin ruhro phawrh an remti
- Thlan laih Privatise ang
- Meihawl rawh ang u
- Thlanmual
March 8th, 2011 at 12:46 pm
Inphum zel e a. Han inhalral chu a rapthlak deuh lo maw?
Report this comment
March 8th, 2011 at 12:48 pm
“Thlanmual hi kum 50 ral hnuah pawh nise chenna hmun atan chuan tuman kan duh a rinawm lova…” i tih hi chu i sawisual deuh maithei…”Thlanmual Veng” tih Mizoram veng hrang hrang ah kan nei a, hengte hi thlanmual hlui vek an nih hi…jfyi
Report this comment
March 8th, 2011 at 12:49 pm
People don’t die, they just recycled.
Report this comment
March 8th, 2011 at 12:50 pm
@a post tu, hmana kan thlan laih chu kumkhat pawh tlinglo kan phum hnan dawn a, a rimchhe duh khawp mai. I rawtna pathumna khi a that rual rualin a chhin hawn chiah khan eng boruak nge chhuak ang? Mihring hriselna atan a tha angem? Chhemdam thlifim han pawlh tur chuan mihring tawih rim chu hip tel a nuam chiah ang maw?
Report this comment
March 8th, 2011 at 12:50 pm
Thil ni thei tak tur ani e….. I rawtna te hi a tha thawkhat hlawm in ka hria… rawt chhuah tur dang ka hriat loh avangin ka’n thlawp phawt mai teha ng che…..
Report this comment
March 8th, 2011 at 12:52 pm
@Keimah Thingtlangpa – Ni e, inhal hi chu a rapthlak ka ti keipoh…Delhi velah leh ram dangah te poh an chin thrin angin a inthuah te pohin kan la inphum thei ang chu hun reitak chhung chu
Report this comment
March 8th, 2011 at 12:52 pm
Phum zel e a,kan ram hi chuan a tlin eeee. Mi ram tihdan te pawh kan entawn mai ang chu.Kei chu min halral ai chuan ka mithi taksa rannung te tana chaw a pek ka thlang zawk e.
Report this comment
March 8th, 2011 at 12:57 pm
Kan inphûm zel dawn a nih chuan nakinah chuan Mizoram hi thlanmualin a khat ang.
Report this comment
March 8th, 2011 at 1:07 pm
halral chu kan la accept har viau ang ka ring mahse rawtna pathumna khi
engpawh nise kan thih hunah chuan kan thlarau a pawimawh zawk dawn si a
Report this comment
March 8th, 2011 at 1:17 pm
Pastor vui ngei ka la duh fan e…
Report this comment
March 8th, 2011 at 1:27 pm
Rawtna 1 na….
Rawtna 3…. 
..in hal ral chu k duh lo top mai…chu ai chuan tui puia paih k in duh jok…sangha chawah poh..
Report this comment
March 8th, 2011 at 1:54 pm
#11 chicko, kei chu tuipuia min paih chuan ka thin a rim viau ang
Report this comment
March 8th, 2011 at 2:09 pm
Topic pawimawh tak a ni.
“ruang a tawihral hnuah thlan khur ngaiah bawk khan ruang dang pawh kan dah leh zel mai anga….tawihral harsa deuh entirnan ruh,etc. vel lo awm mahse khur pakhat hi kum 10 chuang a hman theih dawn a ni”……Hetia i sawi mai ai hian a buaithlak fe ang maw le…ruhro lo la awm chu engtin nge i tih ang? Chhungte ruhro lo let ram chunga midang ruang han zalh hnan chu rin aiin a harsa duhin ka ring.
Electric crematorium hi ram thenkhatah an hmang a. Hmang ve ila. Veng tinin Thlan in, lian deuh tak sa ila. A chhung bangah chuan kaw te deuh, 1x2x2ft vel emaw siam teuh ila. Electric crematorium-a kan halna vap hi chu mi kuaah chuan dah tha ila, a pawnah thlanlunga kan ziah thin ang “in loving memory of/kan ngaih em em” tih hi ziak mai ila…hmun a heh lo deuhin ka ring. A mual muala hmang lovin in pakhat chhungah kan inkhung fel mai thei ang.
Report this comment
March 8th, 2011 at 3:54 pm
post tha tak ani.kei pawh kangaituah ve nasa thei khawp mai.A pakhat na zawk ah chuan a kuang chungchang hi
Kuang Pakhat ah hian thingphel 3/4 vel hman alo ngai ta ziah a,Nitin aizawl ah ringawt pawh mithi hi pakhat awm ziah ang lo ni ta se,kom khat ah chuan thingphel 1460 vel an lo hmang anga,chutiang zat thingphel nei tur chuan kan ram thing tha hi engzah nge kan tih che reu ang.Mau hmang te hian kuang siaam thei ta ila,uluk taka siam in puana tuawm mawi leh chuan a zia zawk angem…
Thlanmual ah pawh hian han ngaituah ila,Hmundang chu a zia,mahse Aizawl bawk hi han en ila,hetiang renga kan in phum chuan kum tam hi kan ram neih leh kan khawsak hian a in mil thei lo mai thei..Mi pakhat thlan ahung na te nen vek atan a lo ber ah 10x4ft vel lo ngai ta a,ram ahek lutuk tlat
I rawtna ang hi ngai tuah chian a tha khawp mai.Khawhar in riah pawh kan ti tawp ngam chuan, kan tu leh fate tan chuan thil tha kan ti ngam tur ani.
Report this comment
March 8th, 2011 at 4:21 pm
Lungngai mahta che u.Mizoramah khan hmun ruak a la tam e mai.
Kum thin hian nuai tel in lo pung pawh ni ilang kum 50 ah chuan nuai 60 bawr vel chiah kan la ni dawn.
Thlanmual ram mual te hi lai chhawng awmze nei tak in siam ni seng.Terace ang hian siam seng a hmun a zir in .tin Yarusalim thlanmual ang hian Tuna Dawrpui thlanmual ah khan Aizawl khawpui mihring kha chu an la khung khawm vek thei ngei ang che u.
Jerusalem thlanmual sir kil khat
https://i.imgur.com/YzHI5.jpg
Hei pawh hi a chhawng inphumna hmun tho a chung ber a nih hi
https://i.imgur.com/6osbB.jpg
Report this comment
March 8th, 2011 at 4:23 pm
Helamah chuan kuang tellovin an inphum thin.
Report this comment
March 8th, 2011 at 4:45 pm
Thih miau chuan inkawl zui chi ni hek lo —hmangchang awm apianga ruang dah bo a ngai a. Phum duh chu phum, hal duh chu hal hi a kawnghmang awmchhun a ni mai. Thlanmual kan la neih chhung chuan Mizo Kristian-te hi chuan inphum hi chu kan duh tlangpuiin a rinawm. Tunhmaa Chhura-te hun laia puka inthawlh ang ngawt kha chu kan duh vak tawh loh hmel e. Tin, inhal hi chu kan tlin seng lo vang, a hautak em mai –tuahthing a hek, giu a hek, BPL tlin rei chi a ni lo.
Report this comment
March 8th, 2011 at 5:04 pm
Inphum zel tur! A nih loh chuan duh thlan tur dang tlem azawng a awm thei ang!
1)inhal ral- a hindu riau a tam takin kan pawm lo ang!
2)YMA -hian ui vulh treuh mai sela,riltamin dah sela,mithi awm a piangin ui chaw ni ta zel mai ila!
3)Kuang hi atung zawng a phum dan ngaihtuah chhuak ila,a tung zawngin in phum ta ila,hmun a heh lo ang!
Report this comment
March 8th, 2011 at 5:24 pm
Thil pawimawh leh ngaihtuah ngun ngai tak a ni. I rawtna hrang2 khi a tha hlawm viau. A engemaw ber emaw a tihdan dang e.g. hlatekhua sawi ang chi te emaw kan la hman ngei a tul hun kan la thleng ang.
Report this comment
March 8th, 2011 at 5:55 pm
Thlanmual enkawltu kan rawih hun hi ala thleng ngai anih chuan thlan hi kum 15/20 bak hauh theihloh ti ila. He hun hi a ral chuan thlan kha tihruah a midang tan hman ve mai ni se, ruhro kha chhungte la duh an awm leh la se an lakloh leh tihral mai tur.
Report this comment
March 8th, 2011 at 6:02 pm
Min phum a nga thlan chhungah hian kan harh leh si ang tih hi ka thil hlauh te zing a mi a nia, chuvang chuan in halral hi poi ka tih miah lo.
Report this comment
March 8th, 2011 at 9:47 pm
chawnghilh(#17):
Report this comment
March 8th, 2011 at 10:59 pm
Tripuraa pitar pakhat ve thung chuan a tu leh fate chu, an duh chuan kristiana an luh pawi a ti lova. Mahse, amah chuan a duh lova. Kristiana ka luh chuan ka thih hnu-ah min phum anga ka thaw a chham angasin, tin, ka taksa kha lungin a ei anga ka hlau ka duhlo a ti ve tlat!
Report this comment
March 9th, 2011 at 8:51 am
Kei chuan in hal ral ka duh. Ka chhungte pawn an remti tawh. A Hindu na bik a awm lo. Kristiante pawh an in halral tho. Environment tan a tha a, chu vang ringawt pawn thlanawm tak ani. Mizoram ah phei chuan death certificate awm lova inphum an ching lehnghal a, tlhan chhunga harh chhuak leh te te pawh an mawm lovang tih tunge sawi thei?
Report this comment