Mizo tawnga ‘J’ hi hmanna a tlêm riau mai a, a awm ve tho bawk sia, chuvângin he post-ah chauh hi chuan ka’n hmang ve juai ang e. Min lo hrethiam juai rawh u.
Juai 1-na: Juai chi hrang hrang a awm. He juai 1-na hi a pawimawh ber tihna a ni lêm lo. Ka rawn juai hmasak ber tihna a ni mai. Nulât tlangvalna hman juai hi a va pawi em! Siamtu duh loh zâwng a nih chu thuhran ni se, nun pum tichhe thei thil a ni. He juai hian damchhûng chhiatna a thlen thei a, chuvângin juai rei chi a ni a, juai chi lohna tak a ni.
Juai 2-na: Thil sual intanna chu juai atangin a ni tlángpui. Ruihtheih thil i tihjuai khan juai leh a hring a, i juai reng tawh mai thîn a nih kha. Mi i thah juai chuan jail-ah i tâng juai hauh lo vang. Chuvângin he mi kawngah hian he juai hi i tem lo ang u.
Juai 3-na: Juai hi a va pawimawh tehlul em! Thil tha ti juai la, malsâwmna i dawng juai ang a, tih leh i châk juai juai mai ang.
Juai 4-na: An sawi ka hre tawh thîn; KS-te rate bithliah dân tlángpui chu – Juai, ngawr ngawr, hlawp hlawp te hi a ni âwm e. Juai hian a man a tlâwm bîk an ti. Mahse, hemi kawngah hian juai te, ngawr ngawr te, hlawp hlawp te hi a that loh dân a inang vek a, a vaiin tih loh tawp tur a ni.
Juai 5-na: Nula chhe lo deuhvin tlangval a han melh juai te hi tawrh a lo va har duh tehlul em! Nula leh tlangval inhmangaih juai ang chi te hi tih loh tawp tur a ni – thihna a thlen thei!
Inbum juai te, motor-a insut juai te, thil rûk juai te, eirûk juai adt. te hi juai tha lo vek a ni a, tih loh hmak tur a ni. Mi tanpui juai te, intawngtaipui juai te, taimâk juai adt. hi juai tha mi a ni a, tih ngam tur a ni. Mahse, vawi khat juaia a tâwp chuan juai engmah lo mai a ni dâwn a, chuvângin engtik lai pawhin a juai reng tur a ni.
Ka rawn phuahpawlh juai a ni e.
Similar Posts:
- Duhlian tobul – Duhliana (1600 – 1700 AD)
- Hringnun
- Fiamthu Panga
- Nuih leh nuihza siamtu
- Thinlung Kutdawh
March 18th, 2011 at 12:05 am
Nia ‘J’ kan nei ngawt mai hi chu a mak ngawt mai tak.
Chuan, ‘J’uai lam chi reng reng hi chu ka ngaisang vaklo. Mahse, Mizo tamtak chuan tih ‘J’uai ‘J’uaia; zawh vata; hausak nghal kan duh chu a nih hi le!
Report this comment
March 18th, 2011 at 12:17 am
Jongte hnam sawi nan kan hmang alawm! :juai:
Report this comment
March 18th, 2011 at 12:25 am
‘J’ tel lovin Mizo tawng ngawr ngawr chu a awm thei chiang. Mahse, kan alphabet tihausatu a ni. A awm ve ting teng sia, eng emaw tih dawn chang hian a tibuaithlaktu a tling ve khawp mai; ‘J’ hi.
Report this comment
March 18th, 2011 at 12:28 am
W pawh hi a ti aw tu ber alawm!
Report this comment
March 18th, 2011 at 12:29 am
Ka han chhiar Juai a .. a ngaihnawm phianin ka hria…nakinah ka chhiar leh Juai ang..
Report this comment
March 18th, 2011 at 12:34 am
Mizotawngah hian “J” kan hman ngai ka hrelo. Hman hi a theih reng laiin “J” tello hian kan tawng hi a survive thei hle bakah kan mamawh em em lo bawka kan alphabet atanga remove daih mai tehi ania ka duh ni. Lolz
Kan mizo language (Mizo tawng) regulate tur hian eng authority emaw hi chu kan mamawh ani. Saptawnga ka sawi dawn hian, “We speak mizotawng.” Emaw, “We speak mizo language.” Emaw ka ti duah lova, “We speak mizo.” Ka ti mai thin.
Kan mizo ziak leh chhiar thiam hmasa ho tekhan, “Ziak” tih tehi an han protect viau na in, grammar ang zawnga han rule out dawn chuan a dik thei miahlo in ka hria, mizo grammar hi saptawng grammar atang lak ani a, kan tawng kal phung a in anloh avangin kan lehkhathiam hmasa ho kha an kut hnu a kimchanglo hle tih hre bawk ila. A chhan chu ziak leh chhiar thiam tir ve mai anni a, tunlai mithiam leh tawng lampang zir nasa te aiin an thiamlo feee.
Kan hriat dan ang anga kan pawngpaw hman ngawt hian kan tawng hi a ti changtlung lova, keimahni ang ve thova inti hria leh confi tenen kan inhnial fo reng ani. Dik inti theuh theuh hi misualah pawh an in hnial fo a, mizotawng thiam inti leh literature lama kal thui inti tak tak pawh an in hnial fo.
Report this comment
March 18th, 2011 at 12:40 am
i rilru i sengkhom juai a,juai i hriat jong2 te i ron jiak juai2 a ni maw.jiak tha juai2 khop mai.a dang poh ron ti leh juai2 la
Report this comment
March 18th, 2011 at 2:13 am
‘G’-a intan thumal pawh hi kan nei tam lo khawp mai.
Report this comment
March 18th, 2011 at 2:26 am
Thawk khat lai khan ‘J’ hi T dawt chiah T hnuaia chhut ‘Tri’ leh ‘G’ (ekh) hi ‘NG’ aia hman kha Pu C. Vawra te khan an rawt tawh in ka hria. Mahse hei an rawt puitling ta lo chu a nia…
Thlak loh a, paih loh bawk hi a that ve na chu kan lo thlak chuan English Alphabet nen a in ang si a, thumal thenkhat chhiar ti harsa in a awm ve thei tlat a. Kan paihloha kan dah hian kan familiarise hrim hrim na khan English chhiar a ti awlsam thei bawk a ni.
Report this comment
March 18th, 2011 at 2:29 am
G te chu, Sudden Muangan ”Gui Gui” a tih thin kha.
Report this comment
March 18th, 2011 at 2:40 am
funny speaks funny
a dik em?
Report this comment
March 18th, 2011 at 3:56 am
aaaaaaaa…a aw b kan sawi mai dawn a, ka ti hlei thei der lo mai a
Sap pa zurui chung a motor khalh an man a b c an sawitir kha..a sawi mumal thei ta si lo a..a alphabetical order in ka sawi thei lo ani mai a lawm..a tih te kha ka hre chhuak!!
Report this comment
March 18th, 2011 at 4:34 am
kan chhiar juai a… J hman na tlem zia leh a nalh zia hi hriat chhuah leh in a awm ta juai mai…
Report this comment
March 18th, 2011 at 5:25 am
Funny comment khi a tha khawp mai. Ka pawm vek e.
@hlatekhua: Nia, ‘G’ hmanna pawh kan nei mang lo. Mahse, Fugitive comment ang khan double adverb-ah hmanna tur a lo awm zeuh thin. Chu pawh a hmangchang hriate chher chawp a la ni zui! Chumi tih lohvah chuan hnam hming ziah nan kan hmang leh ringawt a. Entirna, Gangte. Chu lovah chuan ‘Ganja’ tih angah te.
Report this comment
March 18th, 2011 at 6:16 am
TS, funny #6 zulzuiin, Entirna: “Ziak kan chhiara a hnuaiah ka han ziahzawm ve ringawt mai a, a ziaktu ziah dan leh ka ziak chu akar a hla kher mai. Ziak thang nge nge an thu ziah chhiar anuam bik hle mai.”
Report this comment
March 18th, 2011 at 6:17 am
Juai i-na hi a pawimawh ber a ni lo i yi na a i rilru ah chuan a lang hmasa ber chua ni lo maw
Nia J teh jaw hi chu hmanna a vang khawp mai
Report this comment
March 18th, 2011 at 6:20 am
Vairengte to Tongkolong inkar ringawt kan thlir chuan J hi kan dah awl a ni thei, J hi Mizoten kan hmang lo thei tawh lo, kan hla sak tui leh hlimpui ber pawl chu Jerusalem Thar a nihna a rei lutuk tawh, Jampui tlangdung kan thleng tawh em? Jamatia ho i kawm tawh em, National Anthem tlar hmasa ber leh tawp ber i sa Juai dawn em ni, Jowai pel juaiin Shillong, Cachar leh Mizoram inrina fel neih hma pawh hian J hi kan mamawh tam hle tawh, nu pakhat tawngtai pawhin a uar ta mah mah a, ‘AW, JEHO, I HMING I PU ZO TEH E, ZE TIN I HO… ‘ zu ti jawl pek a!
Report this comment
March 18th, 2011 at 6:32 am
Ka rawn comment ve juai e
Report this comment
March 18th, 2011 at 7:13 am
A Mizo tawnga ngawr ngawr hi ‘J’ tel lovin a la awm thei ka ti cheu! ‘Jerusalem, Jehova , Jamatia’ tih te chu Mizo hming ni hek lo le.. ‘Y’ nei lova ‘Yangon’ kan lam leh ziak thei ang hi a ni mai e. ‘J’ nei dawn lo ang pawh ni ila, ‘Aw Jerusalem..’ chu kan la ti thei tho dawn a nih chu!
Report this comment
March 18th, 2011 at 7:36 am
‘J’ hawrawp kan hman chhung chuan rualawt reng renga awmin leh mahni thawh hlawh kham lovin ni leh thla ka chhiar dawn a nih hi. Beidawn rum rum chang ka va ngah thin tak em.
He post zet chu a hit nghal rem rem kher mai. Post tha tak a ni e.
Report this comment
March 18th, 2011 at 8:12 am
TS, chu thluak i rawn tibuai thiam leh ta hle mai! Kawlhawk nen hian unau in nih loh pawhin nu hmun lo pa hrang tal in ni ang:)
Kan alphabet a J leh G hian rilru a tihbuai chang a awm leh zauh thin, kan paih phal mang si lova. An tel lo hian Mizotawng hi a la kal thei a, mamawhna kan la nei rih lo. Amaherawhchu, heti zawng hian ngaihtuahna min siam a. Tuna kan tawng neihsa sawi nan hian hmang lo ila (ent. Jongte, Jahau, Jonunsanga ldt.) Mizotawng thumal thar chher nan hmang ta zawk ila. Sudden Muanga tawngkam, double adverb – Gui Gui, tihte hi a tha ka ti khawp mai. Kan thumal neih sa ziak danglam nan kan hmang a nih erawh chuan kan thu a Sai sa nuai dawn a ni.
Tin, tawng dang Jerusalem, Jowai, ldt. te hi chu Mizo irawm atanga chhuak a ni lem lo bawk a lo awm ta mai mai se, pawi a sawi lem love.
Report this comment
March 18th, 2011 at 8:16 am
JuaiJiala post chu a va tha juai juai ve
Report this comment
March 18th, 2011 at 8:18 am
Va thlawh fuh juai juai ve a
Report this comment
March 18th, 2011 at 8:19 am
Zahâu, Zâwngte…
Report this comment
March 18th, 2011 at 9:30 am
Chhiar juai, comment juai..khu luih a bo lehghal
Report this comment
March 18th, 2011 at 9:56 am
@Pu Muante, a dik khawp mai. Duhthusam a ni alawm. Mahse, kan politician-te emaw, zirtirtute emaw lo tan chuan tih ngawt theih a ni lo. Thumal thar chherchhuah hi a awl a, lar tura chherchhuah thiam erawh a har a. Mi hman lar tak tak ni tura ‘G’ leh ‘J’ atanga thumal chher thiam phei chu a har lehzual ngei ang. Hemi kawngah hian ka ziah tak, Politician-te emaw, zirtirtute emaw hian chherchhuakin bul han tan sela, a larin mi’n an pawm chak berin ka ring.
Report this comment
March 18th, 2011 at 10:52 am
ka rawn dak juai, ka chhuak leh juai dawn. Deuh juai juai dawn a.
Report this comment
March 18th, 2011 at 11:50 am
I va rawn ti mak teh juai ve…..ka lo chhiar juai juai a, a manhla juai juai e….
Report this comment
March 18th, 2011 at 12:44 pm
Mr. Duhlova leh Pu Shaia teh juai chu a!
Report this comment
March 18th, 2011 at 1:13 pm
Rawn dak lut juai tur pawh in a va har talh talh ve. Rawn dak juai tur pawh hian minute 15 vel nghak an ngaih chu. Kal tial tial speed a rawn dah luh juai a ngai a nih hi.
Report this comment
March 18th, 2011 at 1:18 pm
Chhiar juai juai a awl hle mai a…
Report this comment
March 18th, 2011 at 1:24 pm
A Aw B ka zir ve lai chuan ‘J’ hi a tel ngai leu..
Mizo Tawngah ‘J’ hmanna pawh a awm leu…
‘G’ erawh a tel thin a, ‘Ek’ ti a lamrik thin a ni. Amah erawh chu, ‘G’ hi paih tawh a ni.
Ka zir ve dan chuan.
Report this comment
March 18th, 2011 at 1:38 pm
‘G’ hi keini paw’n ‘Ek’ tiin kan zir thin a, thenkhat erawh chuan ‘gi’ tiin an zir thung. ‘G’ hi ‘Ek’ tia ka lam avangin class-12 ka zir laiin ka zirlaipuite’n min nuih hrep tawh.
Report this comment
March 18th, 2011 at 1:43 pm
Hei zet zawng misual.com spirit post a ni chiang e. Tha hle mai. Hman theih nise ka va ti em.
Hei aimaha ka vei thin chu. Kan tawngkam tluang pangaiah hian ‘S’ ai hian ‘C’ hian awmzia a neih zawkna a awm nual mai. Nikum khan kan Kohhran Minute Bu hlui ka en kual a. Tuna ‘S’ kan hmanna tamtak ah hian ‘C’ anlo hmang a tha ka ti khawp mai.
Entir nan- LalrinSiama ti loin LalrinCiama tiin an ziak. Mahse kan hawrawp ah a tel tlat lo mai si a.
Report this comment
March 18th, 2011 at 1:58 pm
Kei chu ka chung ami thil sawi ang chi ‘LalrinSiama’ aia ‘LalrinCiama’ tih hman ang chi chu ka helh leh tlat pek mai a..
Report this comment
March 18th, 2011 at 2:13 pm
Hawrawp thar neih belh ta ila, kan tawng hi a hausakphah mai thei. Mahse, eng emaw chen chu kan tawng hi a chiri ang tih a hriat a, tih zen zen chi a ni lo mai thei.
Report this comment
March 18th, 2011 at 3:34 pm
A AW B : Ai awt bawm
CH D E : Chhundeng ek !!
F EK NG : Faka ngal nget (ngal awmchhan hi ka hre lo)
H I J : ……….. (Hezekia-a kan ti thin)
K L M : Kan lo mawng
N O P : No mawng pawp
R S T T(tri) : Rosanga til tret
U V Z : U Vunga Z*** !!!
Report this comment
March 18th, 2011 at 4:43 pm
Mizotawngah hian J leh Z hi khawinge hman chi zawk ang?khawi hi nge awm leh mawi zawka in hriat?
Report this comment
March 18th, 2011 at 5:16 pm
Hetiang lam haw chi hi sawi fo tur a nih hi. ‘Z’ leh ‘J’ hi a in ngheng ang chiah hian ‘C’ leh ‘S’ pawh hi a hnaite ah ve ve an awm a ni kan tawngkau chheh tam takah hian. Kan tawng hi kan ti hausa thei.
Mahse engmah hi a titu nih hi a chakawm lem loh Mizote hi hnam phunchiar tak mai kan ni in ka hria a. Thil thar kan introduce emaw kan tih danglam emaw hian a kalh zawng hian an lo ti leh huai zel. A chang chuan kan ram hruaitute- a bik takin ‘Decision Making’ lama awmte hi an lainatawm ka ti thin.
Report this comment
March 18th, 2011 at 5:36 pm
comment juai ang…….a tha juai juai hle mai.
Report this comment
March 19th, 2011 at 3:38 pm
>>taimâk juai adt. hi juai tha mi a ni a, tih ngam tur a ni.
Lal Mr TS, taimak juai te mi thatchhe deuh, reilote han taima ve juai…ti rei peihlo a nih duh hmel e! Taimak reng a thra zawk alawm
Report this comment
March 19th, 2011 at 4:17 pm
@Pi BMW, i ngaihdan chu a ni tho mai! Mahse, kha thu ka ziah laia ka rilrua awm chu, mi hi taima juai reng se, a thatchhe hman lovang, tih kha a ni zawk a nia.
Report this comment