Khuallam tobul I hre tawh em ?

March 31st, 2011 2:55 pm by lushai_er

By Pastor Zakhuma, Rev. Chalhnuna, Upa K.Thangsiama.

Tiau chhak lama kan pi pute awmlai kum 1700 A.D hmalam khan Tlaichhun mi Chhunhauva chuan Pangrawn khua a mi, Chawngthu nula Chhuanawmi nupuiah a nei a, fapa pathum an nei a, 1.Mauva, 2.Khirhtea, 3.Tlatea. Mauva hian Pachuau ho a thlah a, Tlatea’n Chawhtea te, Lianhna-a te, Kalkawilama te, Hmunluana leh Ngentea te a thlah a, heng ho hian an thlahtute hming chu an pu zel a ni.

Pangrawn khua a an awm lai hian Kalkawilam an thiam thara, hetihlai hian Tlatea fapa pathumna chu a piang a,a hmingah Kalkawilama an sa a, nikhua a lo rei hnuin kal tih kha an ban a, Kawilam an ti ta zawk a, hei hi Kawilam tobul a lo ni ta a ni.

Tichuan Kawilam khua kha Chapchar kut hmangin an chai ta a, an zuin a daih ta lova, an unaute khua a zu an la hlawm a. Ni khat chu Chawhtea khua a mi zu la lo haw khan an zubel chu puanin an ak a, Kawilam khua-ah chuan kalkawilamin an rawn lam lut ta nguah nguah mai a, chu chu Kawilam khua a mite’n an lo hmuh chuan “e khai mikhual an lo lam e” an ti a. Chuta tang chuan kalkawilam chu KHUALLAM an lo ti ta a ni. Hemi tuma Kawilam ho chai hian March thla atanga July thla vel ang thleng hi a awh a ni. Hei vang hian ‘Kawilam Tlo’ tih tawngkam hi Mizote’n an ching ta a ni.

N.B : News paper clippings atanga ka lak chhawn a ni a, a news paper hming hi ka hre mai bik lo!

30 Responses to “Khuallam tobul I hre tawh em ?”

1
TuaiSialA Says:
March 31st, 2011 at 2:59 pm
A bengvarthlak thin hle mai.

Report this comment
2
muantea Says:
March 31st, 2011 at 3:08 pm
A va bengvarthlak leh pek em! Thingdim rawn chhuah dan pawh rawn ti tel leh law law teh. Engtik atangin nge Khuangchawi naa tel tura khual khua a mi an sawm a, an banglaia sawhthing an va thiah ngawt? Engati nge thingdim kha tawng miah loh tur a nih kher? Ka hre chak hle mai.

Report this comment
3
MamiPa Says:
March 31st, 2011 at 3:10 pm
tak tak ni maw….Benny nang enge i ngaih dan

Report this comment
4
El Says:
March 31st, 2011 at 3:15 pm
lam i la..

Report this comment
5
Alejendro Says:
March 31st, 2011 at 3:22 pm
Nia, lam ila..

Report this comment
6
Jennifer Lo Says:
March 31st, 2011 at 3:29 pm
Tlatea thlah, chawhtea te khi nagaland a senapati dist.ah an awm treuh a naga hnam angin an awm antia ‘chote’ anti, tamfe an awm antia ansawi dan chuan, a tir chuan naga pawh anni mai biklo a an hruaitu deuh a piang kha anva thah sak thrin a, a tawpah anhlau khan naga hnamah an intulut ngawt anti..

Report this comment
7
buhchangrum Says:
March 31st, 2011 at 3:33 pm
khualam aiin ka rilru ana tlat hei –
2011 census ah hian literacy rate ah 1 na kerala (93.91%) 2 na ah Lakshadweep (92.28%)..mizoram kha 1 na nih kan tum nak alaia han tlak thlak chu lairil ava na ve a…….

Report this comment
8
Benny Says:
March 31st, 2011 at 3:34 pm
E, mamipa in tha zel maw? A source khi ka duh ai chuan a chianlo. Ka lo hriat ve thin dan nen chuan a inanglo phawt mai a. Engpawhnise, hriatna tizautu tha tak a ni e.

Report this comment
9
kilung Says:
March 31st, 2011 at 3:36 pm

Report this comment
10
matea_tmj Says:
March 31st, 2011 at 3:47 pm
bengvar thlak e

Report this comment
11
rose10 parvuli Says:
March 31st, 2011 at 3:48 pm
a aia thui chhiar tur awm se

Report this comment
12
CFL Says:
March 31st, 2011 at 3:57 pm
Dik tak ang maw. Engpawhnise, a bengvarthlak reng reng e.

Report this comment
13
XaiA Says:
March 31st, 2011 at 4:08 pm
Tiang deuh a an sawi chu ka hre tawh a,mahse hei chu a chiang leh zual hle mai.Post tha tak a ni e.

Report this comment
14
chawnghilh Says:
March 31st, 2011 at 4:27 pm
Kei mi rilru chak lo tak hian ka sawi chhuak leh thiam ngut na maw, a kim tawi thlap mai! A bengvarthlak vaw vaw, a va nuam! Thlam chhete, ram pilril atangin ka rawn comment ve beuh a ni e.

Report this comment
15
caribou Says:
March 31st, 2011 at 4:34 pm
A bengvarthlak hle mai. Khuallam lo chhuah dan hi ka lo hre ngai reng reng hleinem. Chanchinbu ah ziak la chuan, intihre tak tak, a lo chhuah dan dang daih sawi tur hria an awm leh nual ka ring.

@buhchangrum: Literacy rate ah pakhatna ni ang a, english hmanga biak theih kan tlem viau ang tih ka lo hlau thin. Mizo hlang bikah chuan ziak leh chhiar thiam lo hi an tlem tawh lutuk. Mahse hnam tenau deuh Bru leh Chakma zingah erawh an la tam hmel khawp mai.

Report this comment
16
swiftymcvay Says:
March 31st, 2011 at 4:37 pm
nia…ka kham lo khop mai

Report this comment
17
Krista Says:
March 31st, 2011 at 4:37 pm
Rev ZT Sangkhuma ziak a ni silo a chhiar rih lo phawt teh ang…..rehai rehai(another version of hairehai)

Report this comment
18
XaiA Says:
March 31st, 2011 at 4:42 pm
@chawnghilh, I van buai awm ve tun lai chu… I pentax hlui ho lens te chu engnge chan chin?

Report this comment
19
RDAC Says:
March 31st, 2011 at 5:13 pm
“Unau thawnthu hriatdan/sawidan pawh a in-ang lo” an ti thrina, tuna thlahtute an ziak khi ka lo hriatdan/chhiar dan leh ziak ka hmuhdan nen a in-ang lo deuh a.

Kan pu Luseia pa kha “Thlapaa” an ti a, heihi an chhui thui theih ber a ni a, Thlapaa pa hi an sawi leh ziak a awm tawh lova. Luseia chu Kale-Kabaw phai (Khampat a trangin ti mai ang) Chin Hills a lo kai a, Lai ho thlahtuten Lailun hmun (Tuna Falam kiang) an luah khat vek a vangin Run lui kiang (Falam kiang) a Sumpui hmunah a chenga.

Luseian fapa Sumpuia a nei a, Sumpuian fapa 2 Lamlira(Fahlamlira) leh Sunhauva a nei. Lamlira (Fahlamlira)an fapa Seipuia a nei. Seipuian fapa Lianmaua a nei. Lianmau-an fapa 2 “Tlatea (Tlahtea) leh Khirhtea” a nei.

Tlatea(Tlahtea) an fapa Hualthana a nei a, Hualthana fate 3 chu Hualngoa, Hualhanga leh Hualhnama te an ni. Hualthana hian he a fate 3 bakah Suantak (Sihzang) tlangval an chhara an hawn “Galnaa or Ralnaa or Zahmuaka” chu a fa angin (Adopted son) a in ah a awmpuia, fapa 4 nei ang a ni ta a, Zahmuaka hian fapa 6 a nei a, chumi zinga Thangura chu Sailo ho thlahtu a ni.

Report this comment
20
Fanai Metal Says:
March 31st, 2011 at 5:17 pm
Bengvar thlak hle.Pu Albert-a Theory of Relativity hi a practical-a apply-in time machine siam thiam ila…..An chai-a an khuallam mup mup mai chu va chhimve ava chakawm teh reng em!!! te, te, te, te leh te han keng tel bawk ila….

Report this comment
21
thiana Says:
March 31st, 2011 at 5:26 pm
A bengvarthlak hle na a, a controversial thei mai awm mang e. Kawilam leh khuallam hi a inang hauh mai si lova. A thu hrimin heti taka chiang te chuan tun hma hun kha leh chenah khan lo sawichhuah tawh awm niin ka ngai ve tlat mai.
Amaherawhchu hetia ka tih avang hian thu leh hla awm/ziak hmasak apiang pawmawm zawk a nihna tur phei chu ka hre hauh lo ania.
Tunlaia ka vei zawk mah chu mahni hnam bil ngaihsakna kan nei thar hi a ni. A lawmawm rualin hnam/chi dang laka inlakhran duhna leh mahni hnam/chi chauh chhuangin kan awm thei dawn : FIMKHUR A HUN.
Mizo tawng pawh kan malmak tan mek…Mahni hnam/chi tawng tihvul leh tumna alian hle. Kan insuihkhawmna ber, MIZO hi a laimu ah tang reng teh se.

Report this comment
22
Krista Says:
March 31st, 2011 at 5:40 pm
Kala hel char char rih e. Bakinah chhiar ang….
KC Vanlaruata’n amah in Mizo thu leh hla lo in tan dan a zir ve chiam a. Zampuitlang dungte a hrut chho a. Dr Tluangtea te thiandun ho in Mizo hla pangai hmasa ber ni a an sawi te kha a dikhlel deuh zia alo prove a ni awm a…….

Hei pawh hi awmzia a nei thei..

Report this comment
23
H.Vangchhia Says:
March 31st, 2011 at 6:40 pm
A ngaihnawm mange… thui deuh phuahchawp ang ngawt anilo chiang kher mai.

Report this comment
24
PimPom Says:
March 31st, 2011 at 6:48 pm
Kan mizo lam zingah chuan ‘Cheraw’ leh ‘Sawlakia’ te hi enge a hming an phuah chhan niang aw ka ti thin. A hming awmzia hi ka hrethiam theilo.

Report this comment
25
Fanai Metal Says:
March 31st, 2011 at 7:29 pm
Buhchangrum,Literacy-a kan tlak hniam chhan hi heng tuikuk leh chakma(Lo haw lo se)te zirnaa an hniamn bikna hian a pawt hniam viau ani thei mai lo maw..???

Report this comment
26
H.Vangchhia Says:
March 31st, 2011 at 7:37 pm
Fanai Metal i comment na hi a hmun a dik chiah em

Report this comment
27
shailendra Says:
March 31st, 2011 at 10:31 pm
clippings mah ni se, a clipping hmu fuh ve lo keini tan a bengvar thlak e.

Report this comment
28
funny Says:
April 1st, 2011 at 12:03 pm
Tun hnai post ho hi a bengvar thlak thei khawpmai.

Report this comment
29
lushai_er Says:
April 3rd, 2011 at 1:26 am
Ka post ka vil hman lova, in mi hriatthiamna ka dil e.

#8:”A source khi ka duh ai chuan a chianlo. Ka lo hriat ve thin dan nen chuan a inanglo phawt mai a.”

A chiang viau lawm ni? A ziaktute khi dawt han sawi awm hmel pawh an nih loh khi. Tin, i hriat ve thin dan chu han thawh ve la maw le…..? A dik ber e tih lamin ka post lo tih min lo hriatpui ve dawn nia.

#21 : “A thu hrimin heti taka chiang te chuan tun hma hun kha leh chenah khan lo sawichhuah tawh awm niin ka ngai ve tlat mai.”

Tun hma a chhuah tawh ni e, news paper eng ber nge pawh hriat tawh loh chehthlak a mi a ni e. News paper hming hriatloh ani hi a pawi ka ti hle mai.

Report this comment
30
lushai_er Says:
April 3rd, 2011 at 1:28 am
#6 : “Tlatea thlah, chawhtea te khi nagaland a senapati dist.ah an awm treuh a naga hnam angin an awm antia ‘chote’ anti, tamfe an awm antia ansawi dan chuan, a tir chuan naga pawh anni mai biklo a an hruaitu deuh a piang kha anva thah sak thrin a, a tawpah anhlau khan naga hnamah an intulut ngawt anti..”

A bengvar thlak hle mai, eng tawng nge an hman ve ang aw ?

Report this comment