Hemi thu-ah hian inhnialna leh ngaihdan inang lo fe fe pawh a lo awm nual tawh thin a. Tharthawh leh thut lam ni chuang lovin ngaihdan han sawitlan ve hrim hrim pawh a tha a lawm mawle! Ka rilrua awm lai ber chu Saptawnga “The Lord’s Prayer” tih Mizotawnga kan dah dan leh a hnu khar dawn lama a tam zawkin ‘Ram te, thiltihtheihna te, ROPUI TE…” tia kan sawi thin lai tak hi a ni. A hming Mizotawnga sawi danah hian a then chuan “Lal tawngtaina” an ti mai a, a thenin “Lalpan tawngtai dan min zirtir” ti deuh kher an awm bawk a, a thenin “Lalbiakna” an ti et bawk. A eng ber hi nge pawmfel deuh atan tha ang le tih hi ka ngaihtuah mai mai thin. ‘Ropui te’ tihah pawh hian a thenin a dik nia an hriat laiin, a then chuan Mizotawng kalhmang dik tak turah chuan ‘NA’ a tel tur a ni tiin, “ROPUINA TE” tih tur a ni, an ti bawk.
Mimal ngaihdan han thawh chhunzawm ta ila. A hming chungchangah chuan awlsam taka hming lam awlsam tura kan sawi dawn chuan awmze nei dik thlup leh Mizotawng dik thlap khera ziah a ngai lem lovin ka hria a. Entirnan Newspaper-ah pawh a thupui (Headline ) ah chuan Chief Minister-in Hall a hawn chanchin kimchang ziahna turah a thupuiah chuan “Chief Minister-in hawng” tih ringawt te dah a ni thin a. Vai, Mizotawng thiam lovin an sawi awm vel lek chu niin a lang naa, a thu-in a ziah fiah tho avangin a pawi lem lo nia ngaih a ni. Chutiang deuh chuan Lalpan tawngtai dan min zirtir mah nise, “Lal tawngtaina” tih hming hi put tir fel then mai ila a fuh ber mai chuan a lang. Tichuan Lal tawngtaina chu sawi rualin, Lalpan min lo zirtir chu kan sawi dual dual mai dawn alawm.
Tin, ‘Ropui te’ tih leh ‘Ropuina te’ tih chungchangah hian ka phak ang tawka bengsika ka ngaihtuahin “ROPUINA TE” tih hi a dik niin ka hria. Gramatically-in ka sawifiah kelh thiam chiah lo naa ‘NA’ a tel loh chuan Mizotawng a kim chiah lo deuh niin ka ngai. A hma chiaha ‘Thiltihtheihna te’ tih pawh hi ‘NA’ a tel loh chuan langsar takin a dik lo tih a hriat nghal theih a. ‘Ropui’ tih tak maia hi tlem chuan a danglam ta deuh va, mahse ‘NA’ a tel hian a kalh a kim bik riau niin ka bengah chuan a rik dan a ni. Eng nge in ngaih ve dan?
Pawm tlan kan neih theih chuan tih dan thuhmunin kan sawi tlang ang a, a tha phian ang tih hi ngaihdan awm thei a ni. ‘NA’ telh leh telh loh thu-ah hian Kohhran tihdan a inang vek lo va, Kohhran lian ber Presbyterian hian an telh lo va, Kohhran thenkhat dang telh an awm thung a. Mahni Kohhran huangchhungah chuan sawi rual tlang thei mah ila, Kohhran pawn lama function thenkhatah kan sawirualin ‘NA’ telh leh telh loh chauh avang hian a tawp lam hi a kat ve deuh nak thei tlat nia.
Upa tawngkam takin a hniak tam lam lam zui mai tur nge, a dik ber zawn chhuaha pawm tlan dial tur? ‘NA’ tih ringawt telh leh telh loh mai hi chu a enga pawh a harsa lem lo va, tih dan thuhmun neih chu a tha mang e aw. Kohhran tih dan lam ngaihtuah lovin Mizo kan nihna zawnah a dik ber anga sawi tlan dial dial chu a tha mang e.
Similar Posts:
- Katholic Kohhran hi
- “Chhakchhuak” or “Hualngo” ?
- A sakhming kan sêl e
- Eng Kohhran thurin hi nge dik ber….?
- Eng Sakhua hi nge dik ber?
April 4th, 2011 at 9:38 pm
Sawi1 dawn 1la..
April 4th, 2011 at 9:38 pm
Parallel Bible ah chuan “Lalramte, thiltihtheihna te, ropuina te, chatuanin i ta ani si a, Amen”.
April 4th, 2011 at 9:40 pm
NA-te ka ti thin.
April 4th, 2011 at 9:41 pm
Lal Tawngtaina etc etc hi chu a sawitu duh danah a inghatin ka hria.
*Ropuina te (Y)
April 4th, 2011 at 9:55 pm
Mi pakhat thu sawi ka la hriat reng chu “Kohhran te pawh hian kan duh chin leh nuan kan tih chin ang chauh hian kan ti mai mai a ni. Hla te pawh hi nawn tlut tlut tura phuah a ni lo, lam nuam kan tih vang mai maiin kan nawn tlut tlut a nih hi. Lal tawngtaina te hi a that tehreng nen eng kohhran mah hi nawn ka hre ngai love” a tih chu mawle 🙂
April 4th, 2011 at 9:59 pm
Ka hman pawlh vel mai mai, tum thuhmun a ni tho bawk a.
Amen, tih turah pawh hian ‘mmm’ ka ti ve fo mai! 😀
April 4th, 2011 at 10:16 pm
‘Ropui’ chu adj. a ni a, ‘ropuina’ chu abs. noun a ni. ‘… I ta a ni si a’ tih kan sawi zawm miau a vangin ‘ropuina’ tih hi dik zawk awm tak a ni. M’se, kei paw’n ‘ropui te’ tiin ka sawi ût ût thin. 😀
April 4th, 2011 at 10:18 pm
ROPUITE Vs ROPUINA TE tih chungchang hi hmanah ka post tawh a, ROPUINA TE tih a dik zawk kan tivek nia. Tin, hmun danga sawi khawmnaah pawh ROPUINA TE tih a dik zawk, ti hi ka tawng tam hle. Mahse, mak ka tih mm chu : Biak Inah hian ROPUITE zu ti deuh vek hlawm a!
In awi lo maithei a, H0 min ti maithei bawk a, Biak Inah chuan ROPUI(NA) lai tak hi ka sawi ring deuh kher thin. Eg: Thuneite ni lovin Thuneihna te, Lalte ni lovin Lalna te, Rorelte ni lovin Rorelna te, Hnehte ni lovin Hnehna te, Rorelte ni lovin Rorelna te, Thil titheite ni lovin Thil tihtheihna te, etc… chatuana ata a ni si a. ROPUITE neitu ai chuan, ROPUITE ropuina neitu chu a ropui zawk si a.
Khawvela mi ropui leh thil ropui ber2te ropuiNA neitu chu kan Lalpa hi a ni. Ani chuan a duh hun2ah an ropuina te nen a timualphovin a paih thla thei si a. Kei leh ka chhungte/ ka nupui fanaute chuan ROPUINA TE kan tizel dawn!
Lalpa tawngtai dan min zirtir emaw, Lal biakna emaw ai chuan LAL TAWNGTAINA tih hi a fiahin a fel et a, tha ka ti.
April 4th, 2011 at 10:28 pm
Post a inziak ang khian ‘Ropui’ tih tak hi chu a lo danglam bik deuh hlek avangin thil ropui takte neitur a duhsakna kan hlanna tawngkam pawh a ni ve thei tho mai.
April 4th, 2011 at 10:29 pm
Ropuite tih chu bung deuh lo maw, kei chuan ropuinate tih hlirin a sin ka sawi. thiltihtheihnate ti zo ciah a, ropuinate tih zawm hi dik hmel zok khop mai:-d
April 4th, 2011 at 10:34 pm
‘saitawk’ tih leh ‘saitawka’ tih ang vel a ni thei ang em? 😀
April 4th, 2011 at 10:37 pm
Ka chung ami ten an tih vek vang pawh ni chuang lovin ropuinate tih hi a dik ka ti,ka sawi thin dan pawh ani
April 4th, 2011 at 10:40 pm
Lal tawngtaina-a mi thenkhatin ROPUITE an tih bak hi Thu leh Hla-ah ka hmu khat khawp, ROPUINA TE tih vek a ni. Chhut ve mai2 mah teh u.
April 4th, 2011 at 10:42 pm
#11, 😀 (Y)
‘ninja’ tih hi kan naupan lai (ti ve ta mai ila) chuan ‘Linja’ kan ti thin! 🙂 I lo notice pek a ni maw! ninja nge nge! hehe.
April 4th, 2011 at 10:44 pm
mi zingah chuan ‘ROPUI TE’ ka ti thin,ka thinlungah erawh zawng ‘ROPUINA TE’
April 4th, 2011 at 10:51 pm
swifty @15, nangmah ang hi an tam ngawt ang. Sawi khawmna leh titi honaah reng2 – “Ropuina te” tih a dik zawk ti deuh vek si hi, biak inah chuan “Ropuite” tiin a ri chhumbung tut zel 😀
April 4th, 2011 at 11:24 pm
Keini Presbyterian kohhran leh Baptist kohhran tan chuan Ropui tih hi a dik zawk. Kan mithiamten uluk taka an zir hnuah rualkhaia kan sawi theih nan hlabu ah hian telh a ni. Lal Tawngtaina tih emaw Lal Biakna tih hi kohhran tawngkam a ni e.
April 4th, 2011 at 11:32 pm
Hei hi hman deuh lawkah pawh kan khel chiam tawh kha maw le….”Ropui te” tih hi dik zawk leh ril zawka ngaih a ni deuh awm e. Kan mi hmasa leh ril deuh te hi chuan “ropui te” tiin an sawi deuh vek.
muantea’n fiah takin a sawi thiam kha…a peih chuan han sawi nawn leh se a tha ngawt ang.
April 4th, 2011 at 11:34 pm
ka tet lai aá¹ang tawhin chhung inkhawmnaah hian “ropuinate” ka ti kher zel ka chhungte’n an tih loh pawh. Tlat mai’na.
A hrim hrimin “Ropuinate” tih tur a ni lo em ni?( a inzawmin)
April 4th, 2011 at 11:48 pm
Helai aimaha ka rilrua awm lian ve zawk chu: kan chunga thil tisualtute kan ngaidam angin nang pawhin kan thil tihsual min ngaidam ang che, tih lai hi a ni a.
Ka ngaihtuah chian deuh2 hian sawi harsa ka ti thin!
April 4th, 2011 at 11:49 pm
LAL TAWNGTAINA thinlung taka kan sawi hian Pathian ROPUINA tur a lo ni.
April 5th, 2011 at 12:13 am
Thil roui leh ropuinate hi Pahian ta a nih hrim hrim avangin a ropui a ni.
@hlatekhua, ka sawi thiam lo, mahse dik nia ngun taka ka ngaihtuah hnuah kan mi hmasaten ‘Ropuite’ an tih hi a dik ril ema ka hriat avangin ka hmang ve ta a ni. A hma chuan ‘Ropuinate’ ka ti ve tho.
‘Ropuite’ tiha ‘ropui’ hi adjective a ni lo. Adjective a hman thin kha noun-ah kan hmang zawk a ni. ‘The rich, the poor’ tih angin. Chuvangin ropuina amah pek chauh mai ni lovin thil ropui zawng zawngte nen lam Pathian ta a nihzia ‘Ropuite’ hian a sawi lang zawk a ni. Heta ‘Ropuite’ tih hi thluk san tur a ni. ‘Tingtang(Guitar)’ thluk ni lovin ‘changkang’ tih thluk hman tur a ni e.
April 5th, 2011 at 12:24 am
muantea @22, i ti lawmawm e, i rawn sawi fiah a (mut chhuak chung chungin a nih hmel, i comment tir lama i sipel khi enin 🙂 )
April 5th, 2011 at 12:29 am
@muantea, #9 ang khian!
@hlatekhua, mobile a hmang tawh anih khi! 🙂
April 5th, 2011 at 12:35 am
Ropuina te…
April 5th, 2011 at 12:36 am
Ropuina te…
(Y)
April 5th, 2011 at 12:43 am
Keini UPC chuan ‘ropuinate’ kan ti vek.! ‘ropui’ tih aia a dik lohna em em emaw a dik em em (na) pawh ka hre bik lo..Thu chham liam mai mai hian A ropui (na) a ti dalin emaw a tihtak vak ka ring lo e..!
April 5th, 2011 at 12:54 am
@hlatekhua & saitawk..nia ka mutsan mai te’ng che u
April 5th, 2011 at 1:04 am
hei hi chhiar theuh teh ang u..
Vanglaini..
http://www.vanglaini.org/index.php?option=com_content&view=article&id=8547:mizo-hnam-inpumkhatna-part-ii&catid=105:articles&Itemid=466
April 5th, 2011 at 1:40 am
Lal Biaknaa ‘ropui te’ vs ‘ropuina te’ hi thil ho te niin ka hria. A dik ve ve. Mahse diklo deuh mai erawh a awm!
Sap tawng chuan, ‘… the power and the “glory”; forever and ever…’ tih a ni a. ‘Ropuina’ tih hi a dik a – ‘ropuina’ tih chuan ‘glory’ a entir dik chiah. Ropui – hetah hian a tawp lam/second syllable ‘pui’ lam san (entirnan: “Nizan inkhel kha chu a ‘pui’ khawp mai!”) tih chu a dik hauh lova. A chhan chu ‘ropui’ chuan ‘glory’ ni lovin ‘great’ tih a kawk zawk daih a ni. Amaherawhchu, ‘ropui’ kan tih hian, a tawp lam ‘pui’ lai tak hi kan lam hniam chuan (entirnan: “Thianpa min han ‘pui’ lawk thei em?”), ‘ropuina’ tih nen a intluk chiah thung a ni. A awmzia chu: Ropuina = ropui (‘pui’ lam hniam) = glory ; Ropui (‘pui’ lam san) = great .
A chung atang hian, ‘ropuina’ tih leh ‘ropui’ hi a dik ve ve; a hnuhnung zawk lamdan dik kan hriat chuan. Ka mimal ngaihdanah chuan ‘ropui’ lamdan dik hi hmang ila; a chhan chu Mizo tawng kalhmangah chuan tawngkamah ‘-na’ tih suffix telh lutuk loh hi tawng mawihnaiah ngaih a ni thin.
April 5th, 2011 at 1:57 am
#30, i sawifiah tha khawp mai. A lamrik dan a zirin a hman theih ngei a, mahse a tam zawk hi chuan lam ri dik chuang si lovin ‘na’ hi kan tello tlangpui chu a ang ka ti. A lamrik dan inzirtir nge ‘na’ tih belh mai hi awlsam zawk ang ? A dik tluantling tak kan duh a nih si chuan .
April 5th, 2011 at 2:23 am
Kohhran Pakhat-a ka va in khawm chuan ‘ROPUITE’ an lo ti thrup a, ka soi ring ve ang reng sia–Jahthlak ve trep…Ka naupang lai atrang, tunthleng in ‘ROPUINATE’ ti in chhung inkhawm,Biakin-ah ka chham-
Kan pawl chuan ROPUINA TE kan ti !
April 5th, 2011 at 2:30 am
#32 (Y) “Ropuite” tiin ka sawi ngai lovang. Thil ropuite ka chantir mai dawnlo, ROPUINA TE zawng2 ka chantir fo zawk teh ang.
lrp #29 kan hmakhua hi ala thim tha mip mep teh ania ;-(
April 5th, 2011 at 2:37 am
#33 ka sawi bawawl em mai, “Ropuite” tiin ka sawi ngai miahlo…. ka ti zawk ang e hairehai 😉
April 5th, 2011 at 2:40 am
Ropuite tiin vawi khat mah ka la sawi ngailo,Ropuina te hi ka ngaihdanah chuan a dik zawk. (Y)
April 5th, 2011 at 3:42 am
ropuina te ti in kn sawi thin a,ka leili nen a inremin a dik hmel zawk tlat..
April 5th, 2011 at 6:45 am
‘Ropuite’ tiin ka lam mai thin, ropuinate ka ti ve duah ngai lem lo, ka thinlungah a chiang tho a, dik pawh ka ti zawk.
April 5th, 2011 at 8:27 am
ropui tih hian a sawi kim reng tawhin ka hria.. Pathian hi a ropui tawp mai. A ropuina (na) kan tih chuan, ropuina chhan a nei tihna a ni..engemaw siam ropui tu a awm tihna a ni. Ropui tih hming tawp pu tlak a nih avangin, ROPUI tih mai hi tha berin ka lo ngai ve ngawt..:)
April 5th, 2011 at 8:57 am
Ropui te
April 5th, 2011 at 9:23 am
Ropui tih ringawt hi chu Noun a nih loh avangin neih mai theih a ni lo. Chuvangin ROPUINATE tih ngei tur niah ka ngai a. Mi zz in ropuite ti vek mahse, kei chuan ROPUINATE ka ti reng dawn.
Tin a bul ber ‘I hming zahawm rawhse’ tih pawh hi Pathien hming chu zahawm sa a ni a. Amaherawhchu, A thilsiam eps Mihringte (ringtuten) zah em em se, tih chu a thil tum nia ka hriat avangin, kei chuan Lalpa Tawngtaina kan sawi apiangin i hming zahawm rawse ti ringawt lovin, ” I HMING ZAHIN AWM RAWHSE” ka ti kher thin.
April 5th, 2011 at 12:15 pm
Tawngtai chuan thinlung a pawimawh. Ropui te/ropuina te tih lampang a buai aichuan kan sawi liam puat ve mai mai nge kan thinlung takin kan ti tih te kha a pawimawh zawkin ka hria. Inkhawm ban dawna sawi thin anih vangin rilru pe em em lova ban chak tawh bawk si, sawi liam ve puat puat an tam thin khawp mai ka hmuh ve dan chuan.
April 5th, 2011 at 12:48 pm
Ropuinate (Y)
April 5th, 2011 at 12:58 pm
A dik zawk leh diklo zawk lam chu ka hrelo. Naupang tet atang a min zirtir dan a nih avangin ‘Ropuite’ tiin ka sawi thin. Dik ber pawh a awm ka ringlo. Ka dilah ka chiang, ka Biakah ka chiang. Ka duhtawk fu a ni. Thu lawilo mai maiah in ham buai vak hun kan seng thlawn mai mai a ni e. Chham mawi emaw, sawi dik emaw lam ai chuan i Biakah hian chiang ve phawt teh.
April 5th, 2011 at 1:13 pm
Lal trawngtraina hi ka tih dan thrin a ni
Ropui hi pu remkunga chuan adjective a tia. Ropuina hi noun a ti ve thung.
Thiltihtheina pawh noun thovin a rawn dah bawk a, ka buai ta nuai mai… A saptrawng hian thiam ang angin lo zawm zel ila ni mai a…
“kan bible chang chhiarte hi lalpan kan zavaia tan etc etc” tih hi a dik lo an ti, inla fekfawn deuh chuan, ka lo ti leh kurh zel… a ho heh hawh em mai
April 5th, 2011 at 2:47 pm
Mah reng reng se
April 5th, 2011 at 3:13 pm
Ka sawi nawn tawh dawn lo nain noun leh adjective lai tak hi ka han sawi nawn leh teh ang. Ropuina chu noun a ni ngei mai, ‘In ropui’ tiha ‘ropui’ lai tak hi adjective a ni. Mahse chu adjective chu noun-ah kan siam thei a, kan lam rik dan azir a ni. Ropui hi lam sang ila noun a ni thei, ent. ‘Old man’ tiha ‘old’ hi adjective a ni a, noun-a kan siam chuan ‘the old’ kan ti then mai dawn a ni – the old, the young, the rich, the poor, ldt.
April 5th, 2011 at 3:31 pm
In duh duh dan khan sawi mai mai teh u.
April 5th, 2011 at 4:10 pm
#46, and the Great! (Y)
April 5th, 2011 at 7:10 pm
ROPUI tih hi adjective of quality ania, ROPUINA tih erawh hi chu Abstract Noun ani.. A Grammatically chuan ROPUINA tih hi a dik zawk..
@ Pu Muantea, ni e, sap ho chuan adjective thenkhat hi noun-a an hman dawn chuan a hma-ah THE tih hi an belh thin reng a ni. Eg:the rich, the poor; mahse Mizo tawngah erawh chuan hausa, rethei tih ringawt hi chu engti kawng zawng mahin noun a ni thei lo ka ti ve tlat(kan modify-a gerund-a kan siam anih ngawt loh chuan) mi hausa, mi rethei kan ti zawk thin..
ROPUI tih pawh hi pui tih lai hi a rik dan a sang a nih chuan adjective tho a ni..noun a kan siam duh anih chuan mi ROPUI or thil ROPUI kan tih a ngai tho tho.
ROPUI tiha pui lai hi kan lamrik hniam deuh chuan NOUN angah chuan a ngaih theih na meuh mai; mahse NOUN dik tak ni lovin GERUND a ni thung. mizo tawng ah hian VERB or ADJECTIVE hi GERUND anga kan hman dawn chuan word hi kan modify thin..entirnan: thiltithei chu thiltihtheih(“thiltihtheih ka nei tlem khawp mai” tih ah te hian thiltihtheih tih hi GERUND angin kan hmang tih na. A main verb tak chu “nei” tih khi ani a, heta transitive verb “nei” tih object chu “thiltihtheih” tih lai khi ani..”KAL ka tum zeta ka kal leh ta lo mai” tih ah te hian “KAL” rihniam zawk khi transitive verb “tum” tan object ani leh chiah ani(KAL hi GERUND tho)..”kal” hnuhnung zawk khi chu intransitive verb pangngai anih khi..Chutiang chiah chuan ROPUI pawh hi kan modify chuan “PUI” tih lai chiah khi a thluk a danglam a,mahse GERUND atan chuan kan hmang thei tho; mahse NOUN dik taka chhal chu a harsa deuh! Chuvang chuan ROPUINA tih hi a dik zawk ani. “Thiltithei” GERUND FORM chu “Thiltihtheih” tih hi a ni a,ROPUI GERUND FORM pawh ROPUI(PUI lai hi a thluk hniam) tho a ni..ROPUI(GERUND FORM) hi kan hmang lui talh a,a dik kan ti anih chuan THILTIHTHEIH(GERUND FORM) pawh hi “thiltihtheihna”te tih aia kan hman pawn a dik ve tihna a niang; mahse NOUN pangngai taka pawm a harsat avang hian a dik tia chhal chu a har khawp ang le! Chuvang chuan “Ram te, THILTIHTHEIH te, ROPUI te” tih ai chuan “Ram te, THILTIHTHEIHNA te, ROPUINA te chatuanin I ta a ni si a” tih hi a Grammatically-in a dik thlap zawk a ni! heta transitive verb “TA” tih object atan hian GERUND ai chuan NOUN FORM pangngai hman hi a Zotawng kalphung zawk ani!
April 5th, 2011 at 7:15 pm
Kei chu #43 a ka comment ah khian ka ding nghet. Amaherawh chu, thenkhat hi chuan Grammar in zir that leh deuh hlek chu a ngai a nih hi.
April 6th, 2011 at 2:20 am
@#49 (Terema Chhakchhuak): I thil sawi chu a dik tho mai. Mahse ka comment hmasa #40-ah khian Mizo tawngah chuan adjective hi noun-ah a lamdan thlakin a chantir theih a, hei hi hman deuh laia an chin tam zawk a ni a, tawng mawihnai zawkah ngaih a ni thin. ‘Ropui’ tih kha a diklohna a awm hauh lo. A lamdan ka hre dik lo mai mai a ni e.
April 6th, 2011 at 12:50 pm
@51, hmanlai deuha an chin thin hi Zosap te Zotawng ani duh khawp nia…ROPUI tih hi NOUN dik tak ani chiah lova,mahse GERUND ang chuan a ngaih ve theih…ROPUI tih hi a dik dawn anih chuan THILTIHTHEIH tih hi GERUND tho a ni a, a dik ve tur ani dawn lo’m ni? Mahse zotawng Grammar kan bosal tihna a niang..:)