Combined sei deuh hlek post: Ram economics

April 5th, 2011 11:00 am by zualbonez

NEREFS in RBI atanga sawiselna la dawng lo

North East Region FinServices Ltd (NEREFS) chuan Reserve Bank of India (RBI) a\anga phalna a neih hnu, 2008 a\anga 2011 thleng hian RBI a\angin sawiselna an la dawng lo tih an sawi.

NEREF hotute chuan an hnena loan puktu, LSC dahkham zingah LSC pakhat mah an la laksak lo tih sawiin heng mite hian guarantor an hmuh loh avangin LSC dahkham an nih thu an sawi a. An hnen atanga loan late chuan an rul \ha khat tih an sawi bawk.

NEREFS hian February ni 19, 2007 khan New Delhi RBI atangin registration an nei a, October ni 13, 2008 khan Guwahati RBI-ah an insawn leh niin an sawi.

Loan an puktir dan a sang uchuak nia mi \henkhatin an sawina chu chhangi n NEREFS hotute chuan, RBI dan chhungah tho, a pung sang deuhin loan an pe chhuak thin tih an sawi a, ‘RBI chuan anmahni kher lo pawh loan pek chhuah chungchangah uchuak taka thil kalpui an awm leh awm loh an en thlithlai reng a ni,’ an ti. Kum 2008 atanga kumin thlengin loan an kalpui danah RBI atangin sawiselna an la dawng miah lo tih an sawi a. Mi thenkhatin RBI lamah an hek avangin RBI lamah thil awmzia an sawifiah bak chu eng buaina mah an la tawk lo tih an sawi bawk.

Mipui hnena loan an pek chhuah chu an pawisa neihna atanga pek a ni lo tih sawiin, ‘Bank 4/5 vel hnen atangin sum kan puk a, chumi hmang chuan a mamawhtu mipuite hnenah pung awmin kan pe chhuak leh mai \hin a ni,’ an ti a. NEREFS chu bank pangngai an ni lo tih sawi nawnin, ‘Non-Banking Financial Instition kan ni a, mi tam takin bank anga min sawi hi a dik lova, bank pangngai nena khaikhin chi pawh kan ni lo,’ tiin NEREFS a hotu pakhat chuan kan palai a hrilh.

Chief Minister Lal Thanhawla leh CYMA in tunlaia an buaipuina chu hlauh tur a nih leh nih loh an hriat loh thu an sawi a, an dik leh dik loh enfiah tura an hnena kal pawh an tam tawh viau laia an dik lohna sawi tur awm si lova anmahni beih vak vakna a thleng thin chu tha lo an tih thu an sawi bawk.

NEREFS hian Delhi-ah Corporate Office neiin, Imphal-ah Registered Office an nei bawk. Mizoram, Manipur, Assam, Meghalaya, Arunachal Pradesh, Uttarankhan, Delhi, Bangalore, Gujarat leh Punjab-ah te an inzarpharh tawh a. Mizoramah hian Mizo \halai mi 267 in eizawn nan an hmang mek a, branch 30 leh counter 2 an hawng mek a ni.

Annual Plan thar-ah kum hmasa aiin NLUP atan sum dah a tlem

Kum 2011-2012 chhunga Mizoram State Annual Plan vbc 1700 chu March ni 18 khan Mizoram chief minister Lal Thanhawla leh Planning Commission Dy. Chairman Montek Singh Ahluwalia te chuan an sawi fel a. March ni 22 khan Planning Commission chuan he sum ruahmanna chipchiar (Scheme of Financing) chu a tichhuak leh bawk.

He Scheme of Financing-a a lan dan chuan, cheng vaibelchhe 1700 zing-ah hian Central atanga tanpuina (Central Assistance) atangin vaibelchhe 1596.09 hmuh a ni ang a, State-in loan hrang hrang a lak (borrowings) atang -in vaibelchhe 435 hmuh tum niin, State in a thawhchhuah ve tur (State Own Resources (non-loan portion) a sum hmuh atanga thawh tur chu minus (-) 342.79 ni tura chhut a ni thung.

Plan fund vaibelchhe 1700 zingah hian loan hrang hrang atanga hmuh tur (state borrowings) atangin vaibelchhe 435, Special Plan Assistance (SPA) leh Special Central Assistance (SCA) atangin vaibelchhe 450 a tel. SPA hnuaiah hian New Land Use Policy (NLUP) atan vaibelchhe 234 ruahman a ni a, vaibelchhe 91 chu SPA dang atangin, vaibelchhe 125 chu SPA atanga hmuh tur a ni. Vaibelchhe 91 leh 125 hmuhna tur project erawh hi chu ruahman sa a la awm lo.

Plan tharah NLUP sum ruahman tlem mahse Mipui chan tur a tlem lo thei

Tarlan tawh angin kum 2011-2012 Annual Plan-ah hian NLUP atan cheng vbc 234 ruahman a ni a (The Zozam Times, inrinni chhuaka-ah khan vbc 334 tia ziak palh a ni), 2010-2011 chhung khan vbc 234.82 ruahman niin, kum hmasa aia a tlemna hi nuai 82 a ni.

Kum hmasa-a NLUP sum vbc 234.82 kha management component-ah vbc 15.62, infrastructure component-ah vbc 20.49 leh development component-ah vbc 198.71 tiin sum hi \henhran a ni a. Management component hnuaiah hian training hrang hrang te, NLUP atan lirthei leh thil dangmamawh te lei a ni. Infrastructure development hnuaiah pawh sum mamawhna ang chu engemaw zat hman a ni tawh bawk. Hei vang hian management leh infrastructure-a sum mamawh a tlakhniam chuan, mipui dawn tur ber development component-ah hian kum hmasa aiin sum hi a tam zawk thei dawn a, a tam zawk loh pawhin a kiam chuang lo thei a ni.

Annual Plan vbc 1700 zingah hian Special Plan Assistance (SPA) leh Special Central Assistance (SCA) a\anga sum hmuh tur chu vbc 450 a ni a. Heng zingah hian NLUP sum tur vbc 234 hi a tel a ni.

Mizo zirlai 53% vel-in State pawn pan

Hetianga Mizo zirlai tam takin State pawn an panna chhan ber chu zirna atana hmathlir leh ruahmanna (perspective plan) a awm loh vang niin CAGI hian an sawi a. Kum 5 chhunga zirna atana ruahmanna tha tal a awm a pawi-mawh thu report-ah hian an tarlang bawk.

Higher & Technical Education Department chuan kum khat chhung atana Annual Action Plan engmah a duang lova, zirlai zingah zirna sang zawk uma kalchhuak zat data engmah buatsaih an nei lo niin CAGI hian an sawi. Mizoram chhunga Board hrang hranga zirlai pass chhuak zat atanga chhutin, Mizorama zirna sang zawk zawm chu an tlem hle tih an tarlang.

H&TE Department chuan zirna atana Annual Plan siam turin State Planning Board-in plan fund a ruahman chu a tlem thu an sawi thung a ni.

GAGI-in a tarlan dan chuan kum 2009-2010 chhung khan college hrang hrang ten zirlai an lak theih zat chu 11608 a ni a, college-in zirlai an admit zat chu 7415 chiah niin, seat za zela 64 chauh an luah thei niin an tarlang.

State dang leh college tha-ah chuan an seat neih zat aia tam diltu an nei a, interview leh entrance test te an buatsaih thin.

Kum 2009-2010 chhung khan pawl 12 (HSSLC) pass 5576 an awm a, heng zinga 4190 (32%) chuan Mizoram Board of School Education-ah ram pawna zir phalna (Migration Certificate) an la a. Zirlai zingah Mizoram pawna zirchhuah tum an tam hle tih hei hian a tilang niin CAGI chuan an tarlang a ni.

Zirlai tam zawkin ram pawn an pan zel lohna tur hian zirna sikul te chu tunlai thiamna hmanga thuam a, zirna kalpui dan tur kalphung tha zawk dap a tul thu a tarlang. Mizoram sorkar chuan Education Reforms Commission dinin, hma an la mek a ni.

———————–

COLLEGE?TEN?SEAT?AN?HNAWH KHAT?ZO?LO

Kum Seat neih zirlai lak zat %

2005-2006 11608 7041   61
2006-2007 11608 6339   55
2007-2008 11608 6135   53
2008-2009 11608 7022   60
2009-2010 11608 7415   64

———-

RAM?PAWNA?LEHKHA?ZIR?PHALNA?DIL

Kum HSSLC pass MC dil zat %

2007-2008 3599 1055 29
2008-2009 3794 1331 35
2009-2010 5576 1804 32

TOTAL 12969 4190 32

MC- Migration Certificate

source: the zozamtimes

31 Responses to “Combined sei deuh hlek post: Ram economics”

1
chhana Says:
April 5th, 2011 at 11:02 am
Bengvarth1ak e

Report this comment
2
lalpeace Says:
April 5th, 2011 at 11:06 am
Ngun deuh a chhiar phawt chi a va ni ve.

Report this comment
3
chhangte_ll Says:
April 5th, 2011 at 11:09 am
I va han Peihbonez ve mawle, a sei ema luak a pawt tlat…lewll…

Report this comment
4
blackmagicwoman Says:
April 5th, 2011 at 11:59 am
zualbona hian kan state riangte hi a vei ve a nia!

Report this comment
5
kawlhawk Says:
April 5th, 2011 at 12:00 pm
Post chawhchawrawi dik tak a nih hi!

chhana hian tunlai chu 1st a edik tlat

Report this comment
6
zualbonez Says:
April 5th, 2011 at 12:16 pm
post chhan chu kan ram economy dinhmun a tarlang chiang em a
kan chhangte pa chu a luak zo tawh em aw!!

Report this comment
7
rose10 parvuli Says:
April 5th, 2011 at 12:26 pm
bonez a bengvarthlak hle mai. mizoram pawna zirna chhunzawm hi a thenah chuan a course vang a nih piahlamah khawhawi zau miau hek

p.s chhangte luakzawhah fanai ho luak ve se

Report this comment
8
kawlhawk Says:
April 5th, 2011 at 12:31 pm
Thil ho mai2a iak iak a, patling thinrim hmai sena inhnial luih2 ai chuan, hetiang ram hnuk khawih thil te hi chhiar tama sawi ho luai2 zawk tur a nia (ka van sawi tha)

Report this comment
9
zualbonez Says:
April 5th, 2011 at 12:35 pm
@ 7 …

“Kum 2009-2010 chhung khan pawl 12 (HSSLC) pass 5576 an awm a, heng zinga 4190 (32%) ”

chuan kum hmasa lama pass ho te nen BA-MA (technical courses lo dahtha ila zust for example) thleng chhawng 5 ang velin chhut ta ila……hetianga chhut chuan mi 4190 X 5 = 20950 ang vel an nia….chuan anni ho hi a average a lakin an chhungten thla tin cheng 7500 ang vel lo thawn ta se…chuan kum 1 a an thawn zat chu 20950 X 7500 X 12 = 1885500000 =Rs. 189 crores = 11.11% of nakum state budget…tam hem hem…..

Report this comment
10
rose10 parvuli Says:
April 5th, 2011 at 12:56 pm
mak em em ve aw. mahse mizorama zir theih reng a that danah pawh mizzoram aia tha bik chuanglo, state pawn a nih vang hrim hrim a tha viaua ngaihna avanga inthawnchhuahah hian hlawkna engnge awm aw ka ti thin (oh o.t palh)

Report this comment
11
caribou Says:
April 5th, 2011 at 1:01 pm
Combined post tha tak anih hi. I sawi luai luai teh ang u.

Report this comment
12
Zauva Says:
April 5th, 2011 at 1:27 pm
Apa khat nahi chu a chhe lemlo mahse fimkhur angai an rate [inerest rate] sang riau mai..huntiam chhung hmachu lumpsum repayment phalloh tihte awm anti…!!1

Report this comment
13
TuaiSialA Says:
April 5th, 2011 at 1:44 pm
Ka hlawkpui khawp mai. Ka lawm e.

Report this comment
14
zualbonez Says:
April 5th, 2011 at 1:48 pm
Bank dang atang kan puk chawp ve ania antia…so good ….mahse bank dang atang chuan @ 8 % annually angin an puk a chuan mizoramah @ 30 % annually ang velin loan an pe chhuak leh a..

leh Micorfinance hi ti ziah suh se micorfinance hming chhe tawh lutuk anti chhe leh zual an thil tih ang hi chu shylock personal loan lending mai mai anih hi.,…saaala

An websiteah hian an balance sheet vel lo pho chhuak se ka phen darh vek chak khawp mai….

Report this comment
15
awmawmpuia Says:
April 5th, 2011 at 1:53 pm
Post thatak leh bengvarthlak tak ani. Hetiang post ka chhiar chak thin vanga nitin Misual thin hi ka ni. Nerefs chungchanga kan CM leh CYMA hotuten fimkhur a tul thu an tiri hi a lawmawm ka ti khawp mai. Mahse, mi thenkhatte hi chu zilhfin theih miahloh hi an awm ve a. Chiahpuam, P&Sons etc chungchanga kan chetsual tawhna te hian mi hi a tiharh thei nganglo anih chuan lo chesual zel se, ka khawngaih lo khawp mai. Rethei leh hausa inkar zau tial tial te hi kan han vei viau lai hian rethei ngawih ngawih tlak khawpa thatchhia leh rinawmlo te hi kan tam em em a, chutih rualin hausa tlak ngawih ngawih khawpa taima leh rinawmte hi tamtak an awm ve bawk.

Report this comment
16
Fonz Says:
April 5th, 2011 at 1:56 pm
Post tha hle mai, Post ka chhiar hian ka rilu a lo lang chu, a post tupa mizoram vei lutuk hi Pa Rama hnung zui a tum ve ta mai emaw nile ka ti

Report this comment
17
zualbonez Says:
April 5th, 2011 at 1:59 pm
16..sudurbai kela chup

Report this comment
18
lushai_er Says:
April 5th, 2011 at 2:00 pm
Zirlai 53% vel ram pawna zir te hian eng course nge an zir tlangpui hriat zawm a chakawm hle mai !

Technical lam hi atam ber turah ngai ila a dik thei ang em? Nge Arts lam hi atam zawk ni ang….?

Report this comment
19
The_Chhamanator Says:
April 5th, 2011 at 2:02 pm
good

Report this comment
20
TuaiSialA Says:
April 5th, 2011 at 4:04 pm
Majualtea chu VNT Times type-in i type hmiah hmiah mai a ni maw! Zirlai 53% chuan Mizoram chu zirna avangin an chhuahsan a, a tam hle mai. Mizoram sum eng emaw zat chu kan ram pawnah a luangral dawn a nih hmel. Ka lawm e.

Report this comment
21
chemtatrawta Says:
April 5th, 2011 at 4:08 pm
Majualtea ang hi mi 10 chu mizo chanchinbumi chu nei ila, kan sorkar ho hi an rethei ommmmm….

Report this comment
22
zualbonez Says:
April 5th, 2011 at 4:13 pm
@ ts…ka chhut dan chuan kumtin kan state budget 10% vel (189 crores vel) state pawn lamah kan nu leh pa ten an thawn chhuak ziah….

@ trawta …..ha ha ha the zozam times atang ka lak chhawn anih hi…admin zahawm tak pawn minlo khak …

Report this comment
23
TuaiSialA Says:
April 5th, 2011 at 4:25 pm
Kumtin ram pawna 189 crores thehchhuah chu a uiawm mah mahin ka hria. Kumtin zirlai Mizoram chhuahsan an tam telh telh a rinawm a. Sum chhuak pawh a tam telh telh ang. Mahse, he’ng zirlai zinga tam tak chuan Mizoram-ah vek hna an rawn zawng leh ngei awm si a. Ram pawna hnathawk an tam si loh chuan Mizoram economic dinhmun a chhe telh telh ang a, mi retheite ber hi a tuar tur an ni leh ang.

Report this comment
24
chemtatrawta Says:
April 5th, 2011 at 4:26 pm
hetzz..chu i va zahpuiawm reuh e, Kaikuang ka rawn sehtir dawn che maw ni lee??..Tuaitea huatzawng tak i ti nih chu…

Report this comment
25
zualbonez Says:
April 5th, 2011 at 4:35 pm
@ ts…dik lutuk….an zir zawh hnua ram pawna hnathawk tlak loa an inchhuah phei chuan /mizorama hna chiah an phut chuan …loss hlir loss hlir…an zir zawh hian rei lo te kum 3-4 tal chu ram pawnah thawk ve thei se loss a tlem deuh mahna …

@ trawt,,,,source crdit ka pek khi

Report this comment
26
chemtatrawta Says:
April 5th, 2011 at 5:25 pm
chhura sekawi ka rawn post dyh dawn mani leee???

Report this comment
27
funny Says:
April 5th, 2011 at 6:12 pm
Pu zualbonez #9:
“Kum 2009-2010 chhung khan pawl 12 (HSSLC) pass 5576 an awm a, heng zinga 4190 (32%) ”

4190 khi chu kum 3 chhung belh khawm anih zawk khi. 4190 out of 5576 hi 32% anilo reng reng.

muahahahahah

Report this comment
28
zualbonez Says:
April 5th, 2011 at 6:17 pm
funny.,…min puh suh source zozam times ka tih khi

Report this comment
29
CFL Says:
April 5th, 2011 at 8:38 pm
Hmm!

Report this comment
30
H.Vangchhia Says:
April 6th, 2011 at 2:11 am
A sei viau e tilo chuan hnathawh chawlh lailawk ah leh tunah ka chhiar… ka zo ta. Thu thehchhuah tha tak a ni, abenvar thlak hle mai.

Ka hriat chak ber erawh ala nilo fo. zualbona hian a profession atang ngeiin business lam emaw chulam hawi thil uluk tak, point te2 a amah ngei ziak hi ka chhiar chak a ni. (TAKZET)

Report this comment
31
zualbonez Says:
April 6th, 2011 at 3:56 pm
HV…thil ziah hi ka thiam lo ema i suggestion #30 hi chu a la hla ang

Report this comment