Kum 10 liam ta a thil thleng mah nise ka mitthla-ah hian vawiin ni a thleng ang maiin a la chiang em em tho a. Khatih lai khan vawk pakhat tal vulh ve ila kan tih vangin vawk in tur mi kan sak tir a. Ka pa nen an bul ah awmin kan theih ang angin kan lo pui ve a.
Chutihlai chuan kan kawtah auto-rickshaw hi a rawn ding a. A thlang lawk a awm kan nih vang in ka pa chu rawn auvin an damloh avangin damdawiin kal an tum thu chu a rawn hrilh a. Keipawh chuan ka han enchho ve thuai a. Kan chhungte an lo ni reng a. Damdawiin kal dawn chuan kan in kal pelh a ngai bawk nen min rawn hrilh ve nghal hi a lo ni a.
A damlo ber pawh auto-rickshaw-ah a laiah a thu a. A hmel ka han en atang khan ka rilrua chiang ta em em chu dam in an ran haw dawn tawh lo tih hi a ni. A hmelah khan mihring hmel ka hmu tawh lo ni berin ka hria. Ka sawifiah thiam chiah lo. Khatihlai khan mak tihna chang pawh ka hre lo.
Damlo damdawiin panpui ngai nimahse a harh viau chuan ka hre bawk sia. Kar khat vel lek damdawiin ah an awm hman tihin min boralsan ta mai a. Mak hi ka ti tulh tulh mai a. Kha hriatna kha engtiang a nei ngawt nge ka nih pawh ka inhrethiam chiah lo. Doctor ni ila, damdawi lam pawh hre viau ni ila chu a awm pawh ka ti thova mahse chutiang ang thiamna lah chu ka nei der bawk si lo. Hetiang ang hian tunhnu hian hriatna ka neih pawh ka hre chuang tawh bawk si lo. Ka ngaihtuah chian poh leh a mak ka ti tulh tulh mai a ni.
Mahse, hmanni deuh khan kan thianpa fanu kum 4 mi bawr vel hi a dam lova. Damdawiin an panpui dawn pawn a la harh tha viau mai a. A lo hmutu an hmelhriat hmeichhe pakhat chuan damin an rawn haw tawh dawn lo tih kha a lo hmu ve tlat mai a. Ni thum vel a liam a,ani pawh chu a boral ve ta mai a. Hetianga a lo hmuhlawk ve vang hian keimah ang tho kha a nih ka ring ve ta ngawt a.
Heta ka ngaihtuahna ti thui tu chu hetiang hian in awm ve tawh em? He hriatna mak deuh hi abnormal ni lovin kan nei ve reng reng em niang le? Tunhnua ka ngaihtuah let chang hian ka mithlain ka la hmu vek bawk sia, mak ka ti tulh tulh mai a ni.
Similar Posts:
- Tunge Zawhte chu thi awrh tir ang le
- Enge I ngaih ve dan??
- Doctor, Nurse leh a chhehvel
- “Mizo Kan Ni” ti ta ila !!!
- Lawmna tur hlir a lo ni….em??
April 17th, 2011 at 2:02 pm
A mak h1e mai tak a!! Keipawh hetiang deuhva hriatna hi ka nei tawh. Ka pu nupui (ka nu nuta nupui) dam1o hi dam chhuak dawn 1o t1ata hriatna ka nei a; damdawi in an ka1 1ai chuan na em em hme1 pawh a pu 1o. Mak ve tak a chu ni. Chuan, ka rin aia hma mahin a thi 1ehngha1.
Report this comment
April 17th, 2011 at 2:12 pm
chhana chu mak i ti hamsa ber a ni maw/ hehe. tiang hi a awm ve tlat, hmana haulawng bus accident dawn pawh khan a driver kha a kal peih lo lutuk a, a fanu paw’n a ngen a ngen nghe nghe a sin
Report this comment
April 17th, 2011 at 2:17 pm
Va mak ve!!! Damin zoramah ka haw leh ang em aw? ka pic ka lo post anga min lo en teh u a!!!
Engemaw lai atang khan dam reilo tur a inrinna ka nei tlat, ka thianpa doctor pakhat chuan rilrua hetiang awm hi chu ngaihtuah ngut2 loh a tha a ti a, Ka hmelhriat tho pakhat dang leh chuan puitling tan, mawhphurhna leh chanvo hrang2 kan kuta alo innghah chhoh hunlai hian mipa kan zam rum2 thin e a ti bawk a tak tak ni maw.
Report this comment
April 17th, 2011 at 2:22 pm
awzhimha i lo ni ve tho a ni maw? nikum vel atang khan ka dam rei tawh dawn loa inhriatna hi ka nei tlat zel a nih chu, a mak lutuk, mahse veei ren run engdang vak mah ka nei bawk si lo a
Report this comment
April 17th, 2011 at 2:27 pm
E khai ziaktupa i talent dawn a ropui hle mai mahse tihdam rawngbawlin han zui tel thei se la aw tha tur. Miin an tia lawm lunglei doctor pakhat pawh hi clinic a hawng ve thin a, a tirah chuan pantu angah khawp mai a, mahse a hnuah chuan Hriakthih in a clinic chu a chhunzawmta a, tuman an pan duh tawh lo an ti. Chuan nagchu doctor i nilova hriattirna kha i dawn ve pawh ani mai thei ani…:-D
Report this comment
April 17th, 2011 at 2:29 pm
In han sawi takah chuan keipawh kum za ka dam tling dawn tawh lo tlata inhriatna ka nei.
Report this comment
April 17th, 2011 at 2:30 pm
@rose10 parvuli:I pianthar loh teh chuan i thi leh phut roh si anga(h), inring rengin awm tur ni mai.
Report this comment
April 17th, 2011 at 2:34 pm
awzhima chutah erawh chuan ka lungngai lo.
lalkhambek ka hria a sin, nuih chi pawh a ni lo kha doctor kha, an sawi uar ve mai mai a nih chu, mifel thlarauin a pawl a ni a,an sawi uar ve mai mai anih chu.
Report this comment
April 17th, 2011 at 2:37 pm
Kei pawh kan kawmchhak pitar thi tur ka mumang ah ka hmu lawk a. Atuk tlai ah natna leh damlohna engmah neilo in a thi daih.
Report this comment
April 17th, 2011 at 2:42 pm
@Rose10, zawhna lawk aw. kha doctor khan a hriakthih rawngbawlna atang khan nge dam tam ang a thiamna Pathian pek Doctor a nihna khan? Tunah hian a va chhunzawm leh ta love a. Ka nuih zat vang ani lo ani o..
Report this comment
April 17th, 2011 at 2:46 pm
khambeckham
a hun te te a awm a ni ge ti mai ang 
damdawiinah te damlo ho a tawngtai sak thin a, tha ve tak chu a ni. 
Report this comment
April 17th, 2011 at 2:46 pm
Kei ka hmuh ve kha chu Ar a ni thung a, ka han en chho a, thi mai tur ni hian ka hmu a. A zuartu pa khan khai iak lawm lawm pah in chemte alo ban du du a.
Report this comment
April 17th, 2011 at 2:48 pm
@Noddy..”A hmelah khan mihring hmel ka hmu tawh lo ni berin ka hria”, mihring nilovin minung tih tur a ni zawk a ngem? thi pawh dam pawh kan hmel hi chu mihring hmel a ni tho tho sia…
Thil hriat lawk riai ruai, mumang leh thil dang2 hi a awm ve hrim2 a, thil siam dangte aia mihring kan ropui bikna a ni e.
I thil tawn erawh hi chuan thil thleng kha i lo rindan leh hmuh dan nen a lo inmil ni maiin a lang, thil danglam vak a ni love.
Report this comment
April 17th, 2011 at 2:50 pm
I rawn sawi ang chu ni lo mahse, ka putea (ka nu te unau zinga naupang ber) hi a thih dawn khan a hre lawk emaw tih mai tur a ni.
Inrinni ah Biakin tifai in kan hnatlang a, ‘Kei chu fapa mal ka ni sia, fa nei hman lo hian ka boral ang tih ka hlau’ tiin min hrilh nghe nghe a. Chumi zan chuan a nu bulah a thih huna sak tur a hla duhzawng a hrilh bawk.
A tuk, chawlhni tlaiah thiante nen bike in kan leng ho a, thihna khan a aikaih ve reng emaw ni ka ti thin. Haw tura kan inbuatsaih vek tawh laiin a thiannu te ina kal a rawt a, rei lo te awm ila kan haw leh vat dawn nia a tia. Kan kal ta ngei a, haw lamah chuan a thianpa bike a khalhtir a, a hnungah a chuang ve thung a. Zurui motor khalh nen an insu a, kawngsira lungah a lu a tauh a, rei pawh a dam zui lo.
Report this comment
April 17th, 2011 at 3:03 pm
6th sense, higher instinct, Psychic(soul) power, awm dawn lawm ni. A tuaihriam theih a, a practice theih a, a develop theih bawk. Chutih laiin hmeichhia ten ‘ka lo rindan chiah ani’ an ti ve thei zel nen erawh thil thuhmun a ni lo thung.
Report this comment
April 17th, 2011 at 3:03 pm
@hrmizo, I sawi dik khawp mai. Mithi hmel tiila a dik zawk mah ang. Danglam leh mak tak nih ka tumna lam pawh ni lovin khatihlai kha chuan a hmel ka en ringawt a. Ka hre tawp mai a ni. Rindan leh rinthu lam pawh a ni meuh lo.
Kar kalta mai khan damdawiinah kan awm a. Ka hmelhriat hnai tak damlo admit kha a hmelah hetiang hi awm em tiin ka lo en hman a. Mahse, hmana ka hmuh ang engmah kha chu ka hmu leh thung chuang lo. Vanduai thlak takin kar khat hnuah a boral ta hlauh a. Ka nei leh ang tih kha ka hlauh lutuk zawk vangin ka thaw huai zawk mai.
Report this comment
April 17th, 2011 at 3:08 pm
He tiang deuh hi chu a awm thin awm e…ESP te pawh an tih kha maw!
Report this comment
April 17th, 2011 at 3:09 pm
@Noddy aka Shailendra, ka thlalak ka rawn thawn ang che ang a, min lo en ve chhin rawh aw……….
.”I dam tawpah i thi dawn tih awih loh
“
Report this comment
April 17th, 2011 at 3:13 pm
@noddy..eheeee, i hlauhawm roh nang pui hi
Report this comment
April 17th, 2011 at 3:17 pm
@hrmizo, vawikhat hmuh kha a tawk viau a ni te ka lo tia. Tunah chuan ka nei tawh lo ngei a. Chuvanga rawn share mai mai che u ka nia lawm. Mahse, theihnghilh thak hi chu a har a ni.
Report this comment
April 17th, 2011 at 3:29 pm
Pathian in mihring a ma anpui a a siam hian kan neplo khawp tih hi a rin theih. Chu psychic(soul) power chu Adama khan a neih a tul tlat a, khawvel pumpui mai a thilsiam tinreng te enkawltur chuan a ngai tlat. Ransa te pawh a be pawp thei a, a hnu ah Nova pawh in a la be pawh thei tho bawk.Chu power chu thuawina hnuai a develop tur ani a, Setana chuan thuawihlohna leh short cut hmang a chu chu chantir a rawn tum thung(amah ang in lo ni dawn).
Bawhchhiat hnu ah hei hi hmanchhuah khap a nih tawh, ‘misuse’ a ni dawn chiang lutuk a. Thlarau sual ten he sleeping psychic power hi rawn kaihthawh an tum ngar ngar thung. Yoga, Buddhism, higher martial arts & ninja(black magic), witchcraft, claivoyance, negromancy, oracle ten hei hi an hmang mek a, huang an zauh chak dan em em hi ACT FACT a ngai khawp mai.(Cartoon leh animation khawvel chu an ta a ni ringawt tawh)
Tih tur awm em em lo bawk a, ka rawn ti ta duah a nih hi.
Report this comment
April 17th, 2011 at 3:30 pm
Misual.com ah hian Lawrkhawm lama post tawh hi rawn post nawn leh a awm ta zauh zauh mai hi mak ka ti deuh thin! Chutiangin misual.com lama post thing tawh Lawrkhawm lama post a awm zeuh zeuh bawk.
Report this comment
April 17th, 2011 at 3:34 pm
A Post hun hi a inthlau vak lem lo. Tin Post ka tum laiin misual.com hi ka hawng thei mai lo zawk pawh a. Hetah chuan a chhuah har thin avang hian a danglam mai chauh zawk niin ka hria. A pahnih hian ka ngaihhlut lam a inchen reng e. Thank you.
Report this comment
April 17th, 2011 at 3:40 pm
Deja vu an tih ang te hi.. I sawi ang hi chu ka nei ve tawh, mahse situation dang ah..tih zawng te hi
Report this comment
April 17th, 2011 at 3:51 pm
#21
Report this comment
April 17th, 2011 at 5:00 pm
Thanks @zoho..
Report this comment
April 17th, 2011 at 5:40 pm
Thlarau thianghlim i dawng a ni mai thei asin, noddy.
OT @zoho,, khawngaihin i la awm chuan ramhuai leh thlarau sual i ziahna kha min lo hrilh leh lawk thei em le? A link a harsa nih pawhin a thupui tal min lo hrilh teh khai. Ramhuai leh thlarau sual tiin a thupui ka zawnga,ka hmu bawk si lova. I thuziah ka tuipui riau mai.
Search atang khian mimal thuziah(post) zawng zawngte hi zawn hmuh dan a awm em le? A awm chuan min lo hrilh ve teh u, misualte u. Pu Xaia te Pu Shailendra teho leh midangte thlalak rawn post tawh zawng zawngte pawh hmuh ve vek ka duh a nia.
Report this comment
April 17th, 2011 at 7:22 pm
Hriatna mak leh danglam mihringa a rawn luh hian in control tir loh a tha. I hringnun kaltluang pangai ang khan kal lui tlat rawh,…. i hmu rapthlak deuh anih leh, ding zawk la, i thaw la la kal pangaiin kal leh mai rawh,.. zam suh, mihring tawrh zawh loh tur thlemna a awm lo, a invenna kawng kan hriat loh vang choh a tlu thin kan ni. Thi dawn tlata inhriatna pawh mihring nun normal a akal luih tlat chuan thihna kutvawt chu hnungkhirh ang hlauh a ni mai, nunna tan a hlauhawm loh… MIHUAISEN chu thihna ngei tura ngaihah pawh him pialin an chhuak leh nge nge thin. …. (deuh duah chuan …hehhehe…
)
Report this comment
April 17th, 2011 at 7:44 pm
@Bawngtlaia: Bawng pawh hi a tlai deuh chuan vuak an tuar ve tho em le?
dashboard>post>all posts> chuan Author i zawn duh kha an nick zawnah click la an post zawng2 i hmu mai ang.
Report this comment
April 17th, 2011 at 9:12 pm
Mak ti te chu boral rawh se a ti ani lom ni.maks
Report this comment
April 17th, 2011 at 9:35 pm
@ Bawngtlaia, ozima ziah ang hian lo ti teh, zanin net a muang hrih riau mai,thlarau khawvel or khawvel hmasa…. tih ah khan tlemte tak meuh ka thailang zawk in ka hria, a bupui chu a hran in ka la rawn post ang e, i ti lawmawm e.
Tun ah hian he post related deuh DAWI leh ANCHHIA, christian education propogated by western rationalism tarmit atanga kan lo hnawl nasa lutuk pawikhawi lam ka buatsaih mek, i lo chhiar leh dawn nia.
Report this comment
April 17th, 2011 at 10:38 pm
@ ozima,, ka lawm lutuk e tih tak zetin. Bawng tlai ho hian vuak chu tuar tehreng mai, a vuakna hruihrual pawh a hrawl tha duh viau a nih hi,, hehe
@ zoho,, ka hman ve leh i post-ho chu ka’n lo chhiar tluk tluk ang e, zawhna atthlak deuh deuh kan inzawt a nih pawhin kan inhrethiam a niang chu. Lehkha thiam ve lo na fam chuan anpai tawng tam zawk hi chu kan hrethiam ve lo a nia.
Report this comment
April 17th, 2011 at 10:50 pm
Hetiang hi chu a film hian a hmuhnawm,final destination ang chi deuh te
Report this comment
April 18th, 2011 at 12:08 am
@zoho, “Thlarau khawvel or khawvel hmasa” tih chu hetah hian i post tawh em ni? Chhiar ve ka chak hle mai.
Report this comment
April 18th, 2011 at 1:04 am
@Noddy – lo chhiar teh, a gist tak meuh meuh a nia. Kum 16 chuang kan lo chai tawh chu minute 1 a chhiar tur tawk vel a dahchhuah chu a khawngkhawbai nasa deuh,post pakhat pawh hi detail chuan zan 7 chai a ngai hial ta ve ang. Commenters thenkhat ten vawikhat chhiar a point 1 pawh a diklohna leh a dikzawk rawn chhawpchhuah tur nei silo a an han ringlo nghal ngawt hi chu nuih pawh a za lo va, thin pawh a rim hek lova, hairehai a ni ringawt…
https://misual.life/2011/02/27/thlarau-khawvel/
https://misual.life/2011/02/.....ramhuaite/
Report this comment
April 18th, 2011 at 3:51 pm
Premonition of impending death a nih chu!
Report this comment
April 18th, 2011 at 3:55 pm
ka nei ve thin keipawn,,, ka boss nena kan inbauh dan tur te pawh ka lo hmulawk vek zel…
Report this comment