# A thlen thei tute:-
Pumpui cancer hi thil pakhat chauhvin a thlen lova. A thlentu hi hlawm hnihin an then a- Environmental factor leh dietary factor tiin. Dietary factor vangin pumpui cancer hi kan nei tam zawk a ni. Mithiam tena an hmuhchhuah, a thlentheitu tam tak zinga a langsar zual te chu:-
@ Sa hring, antam leh zikhlum rep, masala lam chi, zu fir (spirit), zu (alcohol), Chawhmeh rep engpawh ei uar ho zingah he cancer hi a hluar hle.
@ Japanese ho zingah chuan salmon fish (sangha chi khat) rep ei tam zingah he cancer hi a tam zawk tih hmuhchhuah a ni.
@Meizial zuk leh zu in hian cancer a thlen thei.
@ Kan tui tlanah emaw, tui inah chemical thil- zinc, lead leh nitrosamine te a lo awmin.
# Cancer thlen hma a pumpui-a natna awm theite( Precancerous conditions):-
@Pumpui lawng leh pumpui lo sawngte( Gastritis)
@ Thihpui mai hlauhawm khawpa thisen tlakchhamna.
@ Taksaa natna hrik dotu a lo tlahniam a, chu chuan cancer a thlen hmatir thei bawk.
@ Pumpui lawng leh pumpui bang lo chhah/vung( Menetrier’s Disease).
@ Pumpui pan ( Gastric ulcer).
# Inthlahchhawn theih a ni em?:-
Inthlahchhawn theih chu ni e.Napolean Bonaparte pawh kha a pa, a unaupa, a pu leh a farnu pathum te nunna laksaktu natna, pumpui cancer avang bawk a thi a ni. Amaherawhchu, he natna vei za-a sawm ( 10%) te chauh hian inthlahchhawn atangin an nei a ni. Tin, blood group ‘A’ ho tan hian pumpui cancer neih a awlsam bik bawk.
# Natna Awmdan ( Clinical Features):-
@ He natna veite hian chaw tlemte, bar hnih thum emaw lek an ei pawhin puar hle in an in hre thin.
@ Boruak in pumpui leh ril a hnawh tlat avangin dul a lo puar ul thei.
@ Awm a nuam lovin, dul chunglam-ah na a lo awm thin.
@ He cancer hian ngawi renga thangin taksa hmun dangah bawk chi hrang hrang a siam bawk.
@ Chaw kawng leh pumpui inzawmna bawrah inhnawhtawt (obstruction) a awm avangin chaw lem a har hle a, a chang phei chuan thi a luak te hial pawh a thlen thei.
@ Enkawl that a nih loh chuan thisen tlakchham te, cher te, taksa chak lo em em ( asthenia) te reilote hnu-ah a lo lang thei.
# Natna Hmuhchhuah Dan :-
A hnuaia mite hi he natna hmuchhuak turin hman a ni-
@ Ultrasound, CT Scan leh MRI.
@ Videoendoscopy,
@ Hunbi nei a in check up, ECG lak. In zai hmain kal ( kidney) hnathawh dan test bawk tur a ni.
@ Endoscopic ultrasonographic hian cancer chu a nasat tawh leh nasat loh hriatna min pe thei. Cancer lo awm hlimchhawnah hian thisen tlakchham te, iron tlakchham te a lo awm thei. Inzai hmaa thisen pek pawh a ngai maithei bawk.
@ Barium meal X-ray hmang pawhin a natna dinhmun a hriat theih bawk.
# A enkawl dan :-
Surgery hi a enkawl dan pui ber a la ni rih a. Damdawi hmanga enkawlna ( chemotherapy) hi chu mi tlemte-ah chauh a sawtin a tangkai a hriat a ni. Tunlaia damdawi hman lar deuh chu Injection 5-FU (fluorouracil) 500mg IV a ni a, nitin ninga chhung, ni 28 dan zela lak tur a ni.
# Hriat ve atan :-
@ WHO chhut danin, thlai hnah leh theirah ei tam leh Vitamin C hian he natna lakah min veng thei a ni.
@ Pumpui cancer hi a hnathawh dan a zirin chi hrang hrangah then a ni.
@ Taksa hmun dang- thin, pumpui bawh ( pancreas) , la ( spleen) leh rilpui-ah te a taidarh thei.
@ Heng damdawi- cytotoxics, Natna- schistosomiasis, genetics, nunphung leh hnathawh atangte pawhin cancer eng chi pawh neih theih a ni.
@ Cancer zawng zawng za a sawm nga ( 50%) hi kum 65 ral kai, za a sawm panga ( 15%) ho zingah hmuh a ni. Hemi awmzia chuupatlamah pawh neih ve zel theih a ni.
Aw le, tun atan chuan i lo duhtawk leh phawt teh ang. Thenkhat tan a lo boring leh palh ange..
(Y)
April 17th, 2011 at 9:10 am
1st ve tlat
Report this comment
April 17th, 2011 at 9:16 am
Beng var thlak e
Report this comment
April 17th, 2011 at 9:22 am
A va bengvarthlak ve le. Niminpiah mai khan ka pi (Ka nupuia nu) chu he natna avang hian kan thlahliam a, Kha nu tha lutuk natna kha ka va han haw tak em ! A fapa pawh doctor a awm ve na a, khawvel thiamna hian a enkawl dam si lo. Nitina a fate leh a makpa te, a tute tana tawngtai thin kha a ni a,CANCER-in a thlunbeh tak atang khan mumalin min tawngtaisak thei ta lo.
Information tha tak a ni e.
Report this comment
April 17th, 2011 at 9:49 am
A bengvarthlakin a lawmawm e.
Chuan, ka blood group hi A+ a ni sia leh…zam chuang lo (zam deuh tho)
Report this comment
April 17th, 2011 at 9:53 am
Tha khawp mai. Meizial hi a tui si a, nghei har bawk si, tha bawk si lo…huihamsss
Report this comment
April 17th, 2011 at 10:00 am
100+% in he post hi ka Like e.
He ti khawpa kan thihpui tam cancer ah hian awareness kan ngaihthahin kan va tlachham em, Health Services Deptt hian a ngaisak tawk lo in ka hria, sum tamna a ni lo emaw ni dawn ni.
Tin, cancer thlen thei ah ZU a rawn lang ta kalh maia ka lawm hle. Hmana post pakhatah khan cencer thlen theitu thil discuss chiam a ni tawh a, tuman zu an sawi lang lo, ka sawi lang a mahse inthlahrunawm khawpin ka maltran.
Technical mi ka ni lo a, mahse ka mithmuh leh hriat ah hian zu in nasa pumpui/chawkawng cancer a thi hi an tam em em vangin kan zu chhe lutuk leh kan in dan dik lo lutuk hi chu cancer kan vei nasat phah tih hi ka hmuh ve dan a ni.
Report this comment
April 17th, 2011 at 10:06 am
bengvarthlak hle mai.
in check up tir vat tum teh ang .
Report this comment
April 17th, 2011 at 10:19 am
Beng var thlak hle mai . Good post
Report this comment
April 17th, 2011 at 10:46 am
CFL bulb ang maiin tihvar in kan awm alawm le! Ziak tha e, a dang pawh lo ziak zel teh. In ziah loh chuan kan hre lo ania hetiang te hi.
Report this comment
April 17th, 2011 at 10:58 am
keipoh CFL-a ang velin ka eng phut..ka pu te pahnih hi pumpui cancer vangin ka thlah liam ve2 tawh..
Report this comment
April 17th, 2011 at 11:01 am
@CFL, i hman remchan chuan Pumpui ulcer chi hnih (ka hriatdan in hrik awm chi leh awmlo chi) hi han sawifiah leh lawk thei la ka va ti ve, Dr. pakhat chuan Zu in miten hrik awm chi pumpui ulcer an nei theilo a ti teh tlat a…
Report this comment
April 17th, 2011 at 11:21 am
A bengvarthlak hle mai. Ka chance a va sang bik ve, ka blood group A+ a ni sia. Pumpui ulcer pawh hi a tam a, cancer tênau an ti mai. I hman remchànah pumpui ulcer chungchang hi chipchiar deuhin i rawn post leh dawn nia. Post boring lo tak a ni.
Report this comment
April 17th, 2011 at 11:32 am
@ Saitawk, i hriat chian chak chhan ka hre tep… He2… Post ngaihnawm tak leh tangkaipui ngei chi a ni e..
Report this comment
April 17th, 2011 at 12:12 pm
He post chu a tha leh hle mai. Save hmaks chi anih hi. Cancer vei theihna chance hi a lo tam khawp mai.
Report this comment
April 17th, 2011 at 12:24 pm
Pumpui ulcer hrik pai lo chi ka vei tawh a, natna tawrh nuam zawk zawk chu a ni lem lo, pumpui cancer phei chu a na leh zual ngawtin ka ring.
Pumpui ulcer tana damdawi tha ber nia ka hriat chu tuisik thianghlim hi a ni, keima tawnhriat ve danah chuan. Zingah thawh veleh tui pava li vel tal in thei ila, chhun chawfak hma kaw ruah lai leh zanriah ei hma kaw ruah laiin leh riltam lai apiangin tuisik in thin ila a tha khawp mai.Vai damdawi aiin ka fak zawk, a man a to bawk si lo.
Report this comment
April 17th, 2011 at 1:47 pm
CFL, lo post zel rawh. A beng var thlak e.
Diet Plan lam te pawh rawn huam tel la……(request)
Report this comment
April 17th, 2011 at 1:54 pm
“cancer hi inthlahchhawn theih a ni” tih fo a ni a,a dikna chen pawh a awm ang mahse chhungkhat na na na chu kan environment/ei leh in etc etc a lo inang deuhthaw tlangpui a, carcinogen laka kanin expose na level pawh engngemaw chen a lo inang a, kan natna vei pawh engngemaw chen a lo inang lo thei lo thin a ni, chuvang chuan ka awih lutuk lo.
anyway post tha leh bengvarthlak tak a ni.ti zel rawh aw CFL. chuan cancer thlen theitu zigaah mizote’n kan uuar em em ajinomoto leh soda kan tih mai sodium bicarbonate (NaHCO3) pawh hi an tel an ti e
Report this comment
April 17th, 2011 at 5:29 pm
pumpui cancer thenkhat chuan penicilin an ei an ti . kan pu pawh in nitin bur 1 in a ei mek .zai tlak a ni tawh lo an ti a .chemo a enkawl a duh bawk silo a .penicilin ei hi Dr te chuan an pawm vak lo mai thei .
Report this comment
April 17th, 2011 at 5:43 pm
@Maya: In pu chuan tisual lo mai thei zawk a sin, beisei awmlo deuh chemo han khai leh hnuhnawh hi chu kan inti rethei mai mai te pawh a ang thin, ka u pawh in pu ang deuh khian a boral pui tawh a, mahse chemo a duhlo kha kan inchhir lemlo tun thleng hian. Tin, penicillin leh thing damdawi chi hrang2 han eikual vel te pawh taksa tan a pawi a nih lem loh chuan ngaihthatnan an hman phawt chuan ei mai mai se ka hnial sak lem lo dr ka ni lo na in.
Report this comment
April 17th, 2011 at 7:47 pm
pu cfl a ge2 titha thy thruai2 hle mai.. K lo ciar a,begvar thlak k tiin fimkhur jir nan p0h p0im0h k ti kh0p mai.. Cuan kn choei dan phung hyn pumpui ulcer leh cancer te a thlen thei m th hy k va hrechak ve..sikul n0pag tamtak jing choei hmanlo a skul kal an tam thei thn c a.
Report this comment
April 17th, 2011 at 8:04 pm
@20 lucklote, i sawi dik ang reng hle mai. Ni e, chaw hi hunbi neia ei hi a tha a, duh hun huna chaw ei hian ulcer a thlen thei a. Chronic ulcer nei te tan pumpui cancer neih mai a awlsam veleh em em a ni. Heng te vang pawh hi a nia nge, sikul naupang zingah pum thip nei leh ulcer nei an tam em em ni.
Report this comment
April 17th, 2011 at 8:28 pm
post thra hle mai.. I zir zoh hunah doctor thra tak i nih ka beisei.. Mahse, chawhmeh rèp ho hi a tui bok siaa.. A bikin ‘bekang rèp’ ..hei hammm..
Report this comment
April 17th, 2011 at 8:40 pm
@22 chiap_chiap, ka lawm e.
Report this comment
April 17th, 2011 at 8:53 pm
@saitawka Pumpui ulcer “hrik nei” kan tih hi chu H.pylori Bacteria ina a thlen ho hi a ni e. Heng hian kan Chawkawgah (puipui telin) inflammation a thlena..Chu chuan Ulcer a thlen ta thin ani.
Report this comment
April 17th, 2011 at 9:00 pm
Kei chu Zikhlum rêp khi ka la ei ve miah lo.
Report this comment
April 17th, 2011 at 9:00 pm
Blood group ‘A’ ho hi ka lo vanduai deuh nge maw ni dawn le? Kawng hrang hrangah hian disadvantage kan nei leh tlat thin a.
Hmmm… pawi lo, thih hunah bak kan thi bik lovang chu maw?
Report this comment
April 17th, 2011 at 9:13 pm
Post tha a ni e
Report this comment
April 17th, 2011 at 9:35 pm
A bengvar thlak e
Report this comment
April 17th, 2011 at 10:34 pm
Cancer hi inthlahchhawn theih a nih chuan ka tan a va danger dawn ve, ka blood group A+ a la ni zui… Ka pu leh ka patea Hrawk leh Thluak cancer vangin an boral tawh…
Ka pu(hrawk cancer), ka patea(thluak cancer)
Report this comment
April 18th, 2011 at 12:59 am
Ei leh in chungchangah chuan insum over loh hi a tha ka ti zawk . Zunthlum vei ho pawh hi sawi tak tak chuan ei theih ahleih pawh an nei hlei nem an ti . Sarep eite hi thalo tho mah se kar khata vawikhat eite lek lek chuan cancer a thlen ngut a nge mawle te ka ti mai mai..
Report this comment
April 18th, 2011 at 4:53 am
health topic hi khawilai atanga mizo tawnga lehlin leh mai kan ching thin… belchian dol lo tak tak a awm thin… hetiang a scientific deuh reuh a ziah dawn phei chuan reference ziak ngei ngei a tha…..hman deuh ah khawi lai chhanchinbu ah nge mipakhat chuan rai lai a awm dan tur tih a a lo let ve ngot a, tuar tu tam tam an awm phah
Report this comment
April 18th, 2011 at 5:52 am
@31 bangbong, a post tu hi doctor a ni tih lo hria la. Khawi emaw atanga translate ngawt a ni lo. Kan subject a ni e. Good morning.
Report this comment
April 18th, 2011 at 5:55 am
Ka pu Doctor CFL ivan tho hma ve a
I post tha khawp mai
Report this comment
April 18th, 2011 at 5:58 am
@33 Sir Hv, morning ngawt mai. Exer lak a tul sia ka tho ta mai. Kha lamah in dar engzat chiah nge ni ve tawh le?
Report this comment
April 18th, 2011 at 7:10 am
Tunah zan dar 9:40 a ri chiah e.
Report this comment
April 18th, 2011 at 7:26 am
Pu HV, darkar 14 leh minutes 30-in Ni (sun) kan hmu hma zawk. Ram ropui USA kan hmakhalhna che u lian tak a ni.
Report this comment
April 18th, 2011 at 7:55 am
Mapuia nia turu rimrem tak a ni hairehai
Report this comment
April 18th, 2011 at 9:58 am
Tunlai khawvel ah chuan evidence based medicine an tia, mipakhat ngaihdan mia an ziaj ngai lo… A ni lo zawng in lo la lo la, hnial ka tum hrim2 che poh a ni lo. Natna hmuhchhuah dan ah a poimoh ber endoscopic biopsy I ziah hmai, MRI CT scan chu a hmada ber ngai lo….
Hria tur chu a symptom hi pumpui lawng nen hian a in ang deuh vek a, chuvang chuan doctor pan vat a tha ber, blood group a chungchang te pog, layman tan chuan
Report this comment
April 18th, 2011 at 10:11 am
Tunlai khawvel ah chuan evidence based medicine an tia, mipakhat ngaihdan mia an ziaj ngai lo… A ni lo zawng in lo la lo la, hnial ka tum hrim2 che poh a ni lo. Natna hmuhchhuah dan ah a poimoh ber endoscopic biopsy I ziah hmai, MRI CT scan chu a hmada ber ngai lo….
Hria tur chu a symptom hi pumpui lawng nen hian a in ang deuh vek a, chuvang chuan doctor pan vat a tha ber, blood group a chungchang te poh hi , study thenkhat ah khan pumpui cancer nei ah en khan blood group A an tam ber tihna ni mai (statistically significant lam ai chuan), anih loh chuan mi zawng zawng blood group A nei chu hunbi nei a endoscopy a holh fo an nia a.. sawitur dang poh tam… A ni lo zawng in lo la la la… I thil tum awareness hrim2 hi a ropui.
Report this comment
April 18th, 2011 at 4:05 pm
Ka hmabak a va eng lo ve le! Tawngthuchhelovah …
Report this comment