click pic for larger size
Chhiartu duhtak, khi picture khian kan hringnun hman mek ah hian awmzia a nei thui viau awm e! He khawvela kan awm chhung hian nang leh kei hian kan thih hunah kan kalna tur kawng engemaw tak chu kan zawh ngei ang!
A lem a mi ang khian pakhat chuan vanram kawng chu a zawh mek a. Chu vanram kawng zawh tur chuan kailawn pakua kaltlang a ngai a, chungte chu:
1. Hmangaihna
2. Hlimna
3. Remna
4. Dawhtheihna
5. Ngilneihna
6. Thatna
7. Rinawmna
8. Thuhnuairawlhna
9. Insumtheihna
te an ni. (Galatia 5:19) [Thlarau rah]
Chu kawng chu zawhin harsa takin, tih hram hramna nen Hlimna leh Remna kawngah chuan a kal mek a, harsatna chi hrang hrang awm thin mahsela intlansiakna tha chu um in a bei hram hram a ni. Hmabak a la ngah tih a in hria a, nun uluk tak leh rinawm takin kros kawng chu a zawh mek zela. Khawvel thil, a chakna chawpa boral mek te chu han thlahlel ve rum rum thin mahsela, a din na, a lungpui nghet Lal Isua ah chuan a awm tlat thin a ni.
Pakhat leh zawk khi chu mi piangthar tawh emaw la piangthar ngai miah lo emaw pawh a ni thei. Khawvel parmawina, chatuan daih lo chu thlahlel in thawveng takin a nun chu a hmang a. Inkhawm, Bible chhiar, Tawngtai, etc. a thlahdah em em a. Ama tawkah “Pa” a inti em em a ni. Chutiang chuan a damlai ni te chuan Krista tan nung lovin chatuan boralna kawng hremhmun chu a pan mek a, a thleng thui tawh viau nghe nghe a ni. Chu boralna kawngah chuan heng te hi a awm a:
1. Inngaihna
2. Bawlhhlawhna
3. Hurna
4. Milem Biakna
5. Dawithiamna
6. Huatna
7. Inhauna
8. Thikna
9. Thunurna
10. Inkhinna
11. Awmhranna
12. Itsikna
13. Zu Ruihna
14. Zu Hmun Hlimna
15. Rin Hranna
leh thihna te. (Galatia 5:22) [Tisa thiltih]
Unau duhtak, hei hi i inzawt ve ang u! Khawi kawng khi nge i zawh mek? Nunna kawng nge Boralna kawng? I ding lamin Nunna kawng i zawh a, i vei lamin boralna kawng i zawh bawk em? karkalak in em ni i kal mek? Kan duhthlanna hi a va han pawimawh teh lul em!
Nunna kawng zawhtute chu mi nihlawh tak an va ni em! Lungngaih, mangan, beidawn, harsatna chi hrang hrang ten tlak buak ve thin mahsela, Lalpaah chuan lawm nun an nei thin a ni. Chumi avang chuan an tan thlemna engang pawh tawk ve thin mahsela, Lalpa hming avangin thlemna te an hneh thin a, an nun in Pathian a chawimawi thin a, Pathian ropuina an puang chhuak thin a ni.
Boralna kawnga kal te erawh an dam lai ngei pawhin hremhmun rapthlak zia leh hlauhawmzia hi kawng chi hrang hrangin an tem fo thin.
Hmanah kha chuan sualah kan lo tluk palh thin pawhin Pathian khawngaihna avangin kir leh na hun tha kan nei thin a, thinlung lungchhia leh inchhirin Pathian hnenah kan tawngtai a, Pathian pawlna leh thlamuanna duhawm tak chu chawpleh chilh in ka dawng thin. Tunah erawh kan Pathian thu in a sawi ang khan “Hun khirh tak” hi a thleng chho mek ta! (II Timothea 3:1) Kan thil sual tih te avangin han inchhir ve thin mah ila, Pathian hi koh eih a har ta riau emaw tih tur khawpin a reh tlat thin!!
Nimahsela, kan sualte avanga kan inchhira, sima Pathian hnenah kan kir leh hian kan tawngtaina te emaw hul huk in hre thin mah ila, chu hun chu hun pawimawh lai ber a ni tih hria in beidawng lovin Pathian hnaih telh telh nan i hmang thiam hram hram ang u. Chutilo zawngin Zawlnei Amosa an alo sawi tawh ang khan nakinah chuan chaw tamna nilovin, tui tamna ni hek lovin Pathian thu a tamna zawk hi alo la thleng ngei dawn a ni. (Amosa 8:11) Chutih hunah chuan Pathian thu hre chak leh pathian zawngin kan vir buai anga, engmah a sawt tawh dawn si lo.
Unau, Boralna kawngah khian thui tak lo kal tawh mah la, Lal Isua chuan a la hmangaih reng che tih hria ang che. Pathianin sual ngaihdam duh loh a nei lo. chuvangin boralna kawng chu picture a mi ang khian 15-na thleng lo dai tawh mah la nunna kawngah a la kir leh theih a ni tih hre tlat ang che.
Chu nunna kawnga kal kir leh tur chuan boralna kawnga ilo dai tawh zawng zawng kha i pal tlang leh vek a ngai a ni. Lalpa chakna ringin i paltlang ang, Anin a lo tanpui dawn che a ni.
Tun hi hun lawmawm chu a ni a, tun hi chhandamna ni chu a ni. ~ II Korinth 6:2
Lalpan malsawm che u rawh se. Amen.
Similar Posts:
- Kawng chu min hrilh rawh..
- I kawngzawh lai kha chhut ngun rawh..
- (Sunday Pual) Lalpa lo kal a hnai ta
- Pathian kan nihna
- Mi Nung Nihna
ava har tak… kei chu ka failed...
May 3rd, 2011 at 5:45 am
Ka chhiar chhuak vek e. Ziak tha hle mai.
Report this comment
May 3rd, 2011 at 6:08 am
paragraph 4na “Pakhat leh zawk khi chu mi piangthar tawh emaw la piangthar ngai miah lo emaw pawh a ni thei” tih thu hian Hremhmun kawng lam thu zawk a kawh tirin ka hria a,a nih chuan kei chuan piangthar tak tak tawh chu hremhmuna kal thei turah ka ngai lo tlat!!! (‘khi’ tih chuan a chung kawk mahse a thu chhiar zel chuan a hnuai lam thu nen inzawm zawk niin a lang a) hriat sual palh chuan ..sorry
Report this comment
May 3rd, 2011 at 7:03 am
Kawng 2 te khi kan zawh kawp nawk nawk hlawmin ka ring..
Report this comment
May 3rd, 2011 at 7:28 am
Ka chhiar chhuak nawn leh ta! He thu atang hian mahni in enfiah ila, setana kawng hi thui tak kan lo zawh reng tawh thei…Lalpan kan inlamlet phawt chuan, kan sualte ngaidam turin min nghak reng tih hria ang u! Pathian min hmangaihna hi a va nasa em!
Report this comment
May 3rd, 2011 at 7:36 am
@maisek hi a vang lutuka kawng hnuai zawkah khian a lo kal kual vel emaw ka ti hman
Report this comment
May 3rd, 2011 at 7:37 am
Ka zawh kawp nuai mai.
https://i53.tinypic.com/w7er2e.jpg
Report this comment
May 3rd, 2011 at 7:40 am
Kawng thim tak ka zawh thin. Tunah chuan muang changin englam ka pan leh ta chhek chhek e.
Report this comment
May 3rd, 2011 at 8:06 am
Vanram kawng zawh ngei ka duh si, “dawhtheihna” pengthuam khi ka paltlang hleitheilo a ni kei ve chu…
Report this comment
May 3rd, 2011 at 8:19 am
“I thu te chu, ka ke atan khawnvar a ni a, ka kawng atan eng a ni” a tih ang in, Pathianthu-in tih tur min kawhmuh hi ti mai thin ila…….vanram kawng a ni mai
Report this comment
May 3rd, 2011 at 8:25 am
“Mahse Kraws thihna a vangin
Ka hluin ka mawi a ni”
Report this comment
May 3rd, 2011 at 8:37 am
post ropui tak a ni
Report this comment
May 3rd, 2011 at 8:42 am
Report this comment
May 3rd, 2011 at 8:50 am
I pic ka en ka en khian, thiltha tih avanga Isua hnena thleng ang deuh te in ka hmu a (sorry). A that em em laiin, kan van ram thlenna tur zawk chu…
Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni;thiltih avang a ni lo ve, chutilochuan miin an chhuang dah ang e.Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni (Eph 2: 8-10)
Report this comment
May 3rd, 2011 at 9:02 am
good post…ka harh sawng sawng mai
Report this comment
May 3rd, 2011 at 9:07 am
Kan van ram thlenna tur chu Isua Krista rin avang a nia, mahse ringtu nih tawh hnu chuan khikhi kan kalkawng tur a ni
Report this comment
May 3rd, 2011 at 9:10 am
NGTV hla min ti hrechhuak zawk mai !
Sermon tha tak ani e.
Report this comment
May 3rd, 2011 at 9:14 am
A kawng chung zawk a kal nan leh a destination a luh nan khian point hmasa ho zawng zawng khi perfect taka zawm kim vanga luh theih chauh a ni kher ang tih ka hlau.
Kei ka vanram luhna kawngka chu Isuan a hawnga ka ticket lah chu a thisenin a ziak hnan hmak mai bawk a, ka va duhtawk tehlul em!
Report this comment
May 3rd, 2011 at 9:17 am
Tin, point chung zawk ho khi neih hmasak tumin ka bei fuat fuat palh ang tih ka hlau bawk. Thlarau malsawmna azara ka neih tur a ni tih ka theihnghilh khut palh riau riau ang e.
Report this comment
May 3rd, 2011 at 10:27 am
ka sawi sual chuan Pathian in min ngaidam sela, keichu Pathian thu hriat tam ltk te hi ka hlau deuh thrin.. Tihtur leh tihlohtur tih vel hi chu.. Mawlmang tak a ka rinna..’kan thil tih a vanga chhandam kan nilo, Pathian khawngaihna a vang zawk a, Lal Isua’n min tlanna a vang a ni’ tihhi ka tan chuan a thra berin ka hria.. Ka sawi fiah thiam bok si lo.. Hui hamss..
Report this comment
May 3rd, 2011 at 10:34 am
#19 chiap chiap ‘kan thil tih a vanga chhandam kan nilo, Pathian khawngaihna a vang zawk a, Lal Isua’n min tlanna a vang a ni’
I sawi dik mahse, kan tih vanga chhandam ni lovin chhandam kan nih avangin i ti zawk ang u…thil tha ti atan Kristaah chuan siama awmin a ma kutchhuak kan ni si.
Report this comment
May 3rd, 2011 at 10:42 am
Van post tha tehreng em
In enlet nan i hmang mawlh2 teh ang u
Report this comment
May 3rd, 2011 at 10:44 am
Report this comment
May 3rd, 2011 at 10:54 am
#22 pibuhdeng Bawhchhiat hnuah mihring khan thatna kawng kawngte chu la nei mahse(mi fel tak takte chu an awm tho turah ngai ila) chhandamna tling khawp rinna(saving faith) a nei thei tawh lo; mahni inchhandam zo kan nih loh avangin Isuan min rawn chhandam ta a ni. Kan tih ve a tel lo. Amah Isua rinawmna khan rinna min siamsak a(Krista kan rinna siamtu leh tifamkimtu tih a nih kha) kan lo ring ngam ta a, chu rinna chu chhandamna a lo ni.
Chhandamte chuan chhandam ni turin an buai tawh lo, an chhandamna kha an thawhchhuahpui a, Lapa duh danin an nung tawh zawk mai a ni. thil tha an tih apiang kha an him theih nan ni lovin, an him tawh zawka avanga Pathian hnena lawmthu sawinan…
Report this comment
May 3rd, 2011 at 10:56 am
post ropui leh tha, misual member tam takin kan mamawh a nih hi.
ringtu nun hi a hahthlak takin a hahdam a nia 
Report this comment
May 3rd, 2011 at 11:00 am
@vakul, lawmthu kha sawi lem lo ta se (thil tha ti lo ta se) lallukhum chu an chang ve tho dawn ami?
Report this comment
May 3rd, 2011 at 11:06 am
#25 “Chutichuan Pathian fate nih theihna tur a pe a hming ringtute chu.”
“Rinna hi thil tih tel lo chuan thi a ni”
Pawm/ti duh lo tan vanramah vacancy a awm loh hmel Bible lam en chuan;
Report this comment
May 3rd, 2011 at 11:10 am
“Rinna hi thil tih tel lo chuan thi a ni” hei hian a sawifiah dik tawk tiu teu hle mai. A lawmawm e
Report this comment
May 3rd, 2011 at 11:40 am
Post ka vil mumal leh hman si lova pawi hle mai. In lo comment liam liam a, a lawmawm hle mai.
Ni e… khing kawng pahnih zawh tur te khi vanram kal nan a ngai tih inzirtir na lam a ni lem lo va. Bracket-a ka ziah ang khan thlarau rah leh tisa thiltih te mai an ni zawk a. ringtu nun leh boralna kawng zawh mek ten kan nun kan inbihchhian nana picture leh a points ho khi hman mai a ni e.
Ka lawm e.
Report this comment
May 3rd, 2011 at 11:50 am
khawi kawng nge ka zawh ka hre miah lo, Ka hlima, ka rinawma, Hmangaih na ka nei a, ka dawh theiha, insum theihna ka nei a, mahse in ngaihna ka nei a, zu a chang chuan ka rui, mahse ka rui buai ngai lo, hur deuh chang ka nei a lol, a chang chuan mi han huat vak na ka nei, ka thin te a ur thin…
Report this comment
May 3rd, 2011 at 12:41 pm
Kawng thim zawk khi ka zawh kawng ni zawkin a lang. Point 13/14 khi ka chaklohna lai tak ani bawk. Mahse, A zarah a chung khi chu rawn thlen ve ka beisei
Report this comment
May 3rd, 2011 at 1:10 pm
Post thra tak a va ni em..ka inhmuchhuak nasa hle mai. hetiang post hi awm reng se ka ti hle mai.
Report this comment
May 3rd, 2011 at 2:20 pm
A va tha em! Nun darthlalang tha tak a ni e! A chunglam zawka mi khi Thlarau Thianghlim rah a ni tih kan hria. Ringtu thenkhat chu heng Thlarau Thianghlim rah hi an sakuh ser nghah ve ngawt ngawt emaw tih turin an awm! An nunah Thlarau Thianghlim a lal loh avangin rah tur a awm lo hrim hrim. Hetiang Kristian hi kan va tam hmel em! Thlarau hruaia awm apiangte hi Pathian fate an ni. Thlarauvin a hruai theih loh Kristian hian Vanram a kai ang em???
Report this comment
May 3rd, 2011 at 5:47 pm
Sermon ropui tak a va ni em!. Ka hlawkpui hle mai, Paws tupa, ka lawm e
Report this comment
May 3rd, 2011 at 6:58 pm
A tha hle mai. Hla siamtu in,’ ka vanram in nuam tak kawng chu kraws a ni,’ a lo tih ang hian, keini Isua thisen zara Pa hnen thleng thei chauhte hian, vanram kawng kan zawh hi ‘kawng awlsam’ a nilo a ni.
” naupangte u, Lalpaah chuan in nu leh in pate thu zawm rawh u,” tih ah pawh hian, LALPA-AH tihlai hi a pawimawh khawp mai.
Report this comment
May 3rd, 2011 at 7:16 pm
Thra hle mai!! Mahse lets be practical here (ti ve ngot i la) Hremhmun kalkawnga in ziak te khi nei miah lo hian mihring hi kan awm thei tak meuh em. Piangthar chu ka ni, mahse , thinkna te hi ka tihlan loh pon kala nei thin, in hauh chang te poh ka la nei thin, tin zu in chang poh kan ei, mahse ka zu in hian ka rinna a tih buailo ka ti ve thin. Chuan awm hranna khi ka hre thiam lo. To be honest, itsikna te poh ka la nei tho. A nih chuan ka pianthar dan hi a dik tok lo am i? Hrem hmun tla tur chiangsa ka ni a mi?
Khing thil si zong zong nei miah lo mihring hi an awm tak meuh em?
Report this comment
May 4th, 2011 at 1:11 am
Post tha hle mai..
Helam a tui mi tan chuan mahni leh mahni inbihchianna tur tha tak ani e.
Report this comment