Lalte Lal, hotute Hotu a lo kal dawn e!
Lal Isua lo kal hun tur i hre duh em? ‘ VAWIIN’-ah a lo kal dawn a sin! Ni dang ang bawka engkim kal tura ngaia muangchanga i zik mar lai tak khan van chung sang atang khian au thawm nen, vantirhkoh chungnung ber aw nen, Pathian tawtawrawt ri nen, a hmel ni anga engin lalte Lal, hotute Hotu LAL ISUA KRISTA ngei mai chu chhumte nen, ropui rapthlak tak maiin a lo lang thut mai dawn si a le! Mi tam ber chu min va barakhaih chiang nasa dawn teh lul em!
Makti lutuk leh phawk fe fe kan va tam dawn em! Sakhaw mi leh Kristian inti fel tak takte pawh an bang chuang lo vang. “Aw, a va mak em! Chuti teh thuta a lo kal ka la ring lo a sin maw le!” tia mengphawk leh chiai tak tak kan tam ngawt ang! “Engatinge kan Pastor leh kan kohhran upate pawh hian Lal Isua lo kal tur thu ‘warning’ min va pe lo ve?” tia kohhran hruaitute mawhchhiat tum tam tak an awm bawk ang! Mi tam tak hlau leh khura mangangin an phili ang a, thlabar tap leh au thawmin khawvel hi a ri chuah chuah ang a, mangang au thawm chu a fawnin a fawn dup dup thei hial ang!
A hma lawka Pathian ngaihsak lova khawvel thila inti fing tak takte leh Pathian sawichhiaa sualna tinreng chentute pawh chawplehchilhin hlauvin an thingthi ang a, thiam leh thiam lovin tawngtai an tum ang a, sim thut an han tum ang a, an sim thut thei ngawt si lo vang! An intihveina te leh an chapona zawng zawngte chu engmah lo mai a lo nihzia an hre nghal vek ang a, an atzia hrechhuakin an inchhir tlawk tlawk ang a, a sawt tawh si lo vang!
Pastor leh kohhran hruaitu engemaw zat thlarau lama muthlu mekte pawh Pathian tawtawrawt ri chuan a kai harh zawk ang a, an hun lo khawhral mai mai te leh Pathian thutak aia anmahni finna mai an lo hmachhuan thinte chu an hrechhuak uai uai ang a, thlarau bo pakhat mah hruai lova Lalpa an tawk tur chu an zak chem chem ang!
A mi thlante chu kawlkil li atangin a lawr khawm ta!
Chutah le, thil ropui leh mak tak a lo thleng ta! Krista ringtu thi tawhte chu thlan ata kaihthawhin an awm ta! Khawvel mihring nungdam zinga Lal Isua ringtu dik takte chu vawilehkhatah tihdanglamin an awm ta bawk a, khawvel hmun tin mai atang chuan boruaka an Lalpa tawk turin, phingphihlip chhuak vanglai ang mai hian van lamah lak chhohvin an awm ta sung sung mai le! Lak chhohvate hlimzia leh hnutchhiah hote lungngaihzia chu mihring tawnga sawi thiam a har mang e! Chumi niah chuan Lal Isua ringtu tak leh ringtu der chu thu mai ni lovin thiltihin fiah a ni ta!!
‘Vawiin’ hi a lo kal ni a ni e!
Lal Isua lo kal leh ni chuan ngai teh, i rilru hisapah chuan ni dang ang bawkin zing i tho ang a, tukthuan i ei ang a, hna thawk turin i chhuak ang a, vawiina i hnathawh tur leh i tih chak zawngte chu i rilruin i ngaihtuah zung zung ang a, ni dang ang bawkin thil engkim chu dan pangngaia kal turin i ngai ngei ang. Nimahsela chu mi ni a lo thlen chuan thawklehkhatah engkim a thleng thut ang a, ‘warning’ hranpa leh lo in ‘warm-up’ lawkna hun pek i ni hauh lo vang.
Mihring nunah hian hma lam thlirin ‘naktuk’, ‘naktip’, chawlhkar, thla leh kum te kan chhiar a, mahse a hun a lo then meuh hi chuan ‘tun’ leh ‘vawiin’ a ni zel thin. Chuvang tak chuan Lal Isua lo kal ni leh a mithianghlimte a lawr ni pawh hi a lo thlen meuh chuan ‘vawiin’ a ni dawn tlat a ni!
I inpeih em?
Lal Isua lo kal hun leh mithianghlim lawr chungchangah hian ngaih dan leh pawm dan a tam hle. Mite sawi dan leh pawm dan chu engpawh ni se thil chiang em em leh pawimawh ber mai chu hengte hi an ni:
1. Lal Isua hi a lo kal leh ngei ngei dawn a, i inpeih tawh em?
2. A mithianghlimte a lawr khawm dawn a, i tel ve ang em?
“Lalpa ngei chu au thawm nen, vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a; tin, Kristaa thi tawhte chu an tho hmasa ang a; chumi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; chutichuan Lalpa hnenah kan awm kumkhua tawh ang”. (I Thes. 4: 16&17)
“Ngai teh u, thuruk ka hrilh dawn che u hi: Kan zain kan muhil kher lo vang a, nimahsela kan zain tawtawrawt hnuhnung ber rik hunah chuan rei lo teah, mit khap kar lovah tihdanglamin kan awm vek tawh ang; tawtawrawt chu a ri dawn si a, chutichuan mitthite chu tawih thei lova kaihthawhin an awm ang a, keini pawh tihdanglamin kan awm tawh ang”.(I Kor. 15:51&52)
“‘Vawiin’ an tih chhung hian ni tinin infuih tawn zawk rawh u, chutilochuan in zinga mi tupawh hi sual bumnaa tihkhauhvin in awm dah ang e”. (Heb. 3:13).
Amen! Lo kal ta che, Lalpa Isu.
Similar Posts:
- Engah nge i innghah?
- Lalpa,eng ti tur in nge min duh?
- Aw kulh kawngkate u, in khai sang rawh u
- Thihna hnehin a tho leh ta!
- Thil tha tih
May 10th, 2011 at 11:32 am
Post tha tak a ni… kan hotute pawh hian he thu hi an kal kan tlat thin …a post tupa kan en a, post namai lo tak a ni tih ka hre nghal phat mai…good post.
Report this comment
May 10th, 2011 at 11:35 am
..
Report this comment
May 10th, 2011 at 11:36 am
A tha hle mai a…Ka chhiar chhuak dap, lo chhuah chhawn ka va chak ve aw..
Report this comment
May 10th, 2011 at 11:37 am
comment nawi dun hle mai a
Report this comment
May 10th, 2011 at 11:38 am
@badbawih…tute maw??..
Report this comment
May 10th, 2011 at 11:43 am
keimah a va’n tha ve , chhiar nawn rengatan ka save keuh e
Report this comment
May 10th, 2011 at 11:43 am
chemtatrawta chu lo edit tawh ni maw, post tha tak a nih khi a
Report this comment
May 10th, 2011 at 11:56 am
Kan Kristian dan hi ka ngaihtuah chet hian a mak ka ti. Upa leh Kohhrana hruaitu lawk ve tak tak te hi hna ka thawhpui ve nual tawh a, kei inkhawm pawh inkhawm ngai lovina ka tih duh loh hi zu ti hreh hauh hlawm lova ! Pathian hian mithianghlim hi han lawr chhin se…
Report this comment
May 10th, 2011 at 12:01 pm
Sermon tha tak anih hi a.
Report this comment
May 10th, 2011 at 12:22 pm
he post hi ka
em em e
Report this comment
May 10th, 2011 at 12:39 pm
Ka chhiar hmanlo, uluk deuhin k la chhiar ang, a ngaihnawm hmel tlat
Report this comment
May 10th, 2011 at 12:43 pm
Kan kohhran upa hmana thi ta min ti ngai hle mai.Ani kha chuan Lal Isua lokal lehna tur bak hi Pathianin sawi tur min pe ve lo a ti tawp mai,a thusawi hun apiangah a lokal lehna lam hawi hlir a sawi thin.Tunah chuan kohhran hi a mutthlu mek tawh a angkhawp mai,khawi biakinah mah hian A lokal lehna lampang sermon ngaihthlak tur a vang tawh em mai.Good one,post tuper
Report this comment
May 10th, 2011 at 12:45 pm
Keimah chu thu I thiam em mai. Eng hawi zawng pawn post la,a chhiar tlak hrim2. A ngaihnawm ka va tiin tha ka va ti tak em!!
Report this comment
May 10th, 2011 at 12:51 pm
A va tha em,thinlung khawipha zar sarmon ropui tak a ni.kei mah mai pawh a chhiar liam mai lo in,ka thiante hriatah ka chhiar chhuak nawn leh ngat.A va ropui em,in ngaihtuah chian ka va ngai em ti chung rengin ka hun ka hmang mek.
Report this comment
May 10th, 2011 at 1:06 pm
Report this comment
May 10th, 2011 at 1:17 pm
Kan kristian nun kawngah hian Isua lo kal lehna hi thil pawimawh tawpkhawk a ni in ka hre thin. I ziak ang khian duh aiin inkhawmna leh felowshipna velah Isua lokal lehna hi an/ka sawi tlem. Setana hlauh ber pawh A lokal lehna sawi hi a ni e an ti thin…..
Thu ziak tha tak a ni.
‘When Christ shall come,
With sound of acclamation,
And take me home,
What shall joy feel my heart,
Then I shall bow with humble adoration,
And then proclaim “My God How great thou art”…..’
Report this comment
May 10th, 2011 at 1:38 pm
A thain a ropui e,nitin hian hun tawp chu kan hnaih deuh deuh a,Pathian hi lo kal dawn kher lo mahse kan thìh hun tur hi englai pawhin kan pan reng a,chuvang chuan mitin hian in peih kan ngai e.
Report this comment
May 10th, 2011 at 1:41 pm
Post tha tak a ni e. Inralrinna dar vuakna tha tak a ni
Report this comment
May 10th, 2011 at 1:49 pm
Ka mi(sual) puite u, in comment lawmawm liam liam mang e! Lal Isua lo kal lehna hi a pawimawh em mai a, keini mi(sual) ho hi inring rengin i awm ang u aw.
Report this comment
May 10th, 2011 at 2:23 pm
A tha hle mai..
Report this comment
May 10th, 2011 at 3:20 pm
Setana’n la piangthar lote tana a hmanraw tha ber chu “Nakinah” tih ani. Nakinah ka piangthar ang, naktukah, karleh ah, BA ka pass hunah, in kan sak hunah, evangelist lo kal leh hunah, camping leh ah. Mithianghlim lawr emaw Isua lo ka leh emaw lam ani lo, kan thi thut thei reng. Thih loh pawn athian thlarau in min kalsan hun a awm.
Thih/Isua Lokal hlauh vnga pianthar a dik ber lo. I hun that lai ngeiin piangthar la a daih reiin a genuine duh zawk.
Report this comment
May 10th, 2011 at 3:26 pm
A aimah chuan tunah, nakin lawkah, naktukah, kar leh a, thi thei reng kan ni. Lal Isua lo kal leh tur thua kan manganna pawh kan khawvel nun tawp tur hi a ni. Thihna pawh he khawvela kan nun tawpna tur a ni. ‘Ka thihhma hian thil tha engzat nge ka tih, kan chhungkaw tan, khawtlang tan, ram tan, heng pawh hi Pathian rawbbawlna vek a ni. Sermon va thlak tur chuan ka beidawng sa. Duah taka tawngtaia Hallelui tur chuan tlinna ka nei lo.
Report this comment
May 10th, 2011 at 4:55 pm
“Vawiin an tih chhung” tih phrase hi dawn chianin VAWIINAH A LO KAL DAWN LO. A lo kal tur Isuan tiam mah se, a hun leh ni A hre bik lo, trinitarian leh oneness lo takin, Pa Pathian Yahweh chauhvin a hun leh ni a hria, Zakaria 14-ah chuan YAHWEH HRIAT NI KHAT tih a ni, kum khata ni 360 awm velah hian LALPA NI HRIAT BIK 7 a awm a, Gregorian Calendar atanga chhut a ni lo. Secret Rapture MI THIANGHLIM LAWR hi kum 1830 hnu lam atanga Theory pakhat ve mai a ni. Wheat leh Tares tehkhin thuah khan TARES zawk lawr hmasak a nih avangin mithianghlim lawr hmasak inzirtirna hian Doctrine of Jesus a kalh hle. Zakaria 14 vekah khan Messia lo kal LEH HUN tur chu ‘chhun ni lo, zan ni lo, tlai lamah chuan,’ tia Pathian thawkkhuma ziak thu ngei kha a rintlak ber, Armageddon Indopui thelh turin a rawn kal ngei dawn a, thlek chìang duhte tan Middle-East kalphung hi melh chian a manhla ang.
Report this comment
May 10th, 2011 at 5:06 pm
Alo kal ni ni kha vawin ani mai. Tomorrow never comes but today is always here!
Ngaihtuah a ti thui hle mai.
Report this comment
May 10th, 2011 at 5:35 pm
Thenkhatin, “Kan thih hun hun hi A lokal hun a ni mai,” an ti samkhai ngawt, dawt chiangbal a ni. “Ringtute kaihthawha kan awm hun tur chu Lalpa Isua lo kal leh hun tur a ni zawk.” Ni tin, zing, chhun zana Isua HMUAK (APANTESIS) tura inpeih rengin kan awm reng tur a ni zawk e. He lei ngeiah hìan hmuh theihin a rawn kal dawn a; hmuh theih lohvin lei leh van inkar kawng chanve chauh rawn kal tur a ni lo, secret rapture theory hi ringtute puala Setana thangkam hnuhnung ber a ni tih hre hlawm teh u.
Report this comment
May 10th, 2011 at 5:52 pm
Chhei le…ka rilru a lo lang hmasa chu…(mahni in dah tha-in) Hnam sakhua-a… alo lang zawr mai, ngaihtuah-awm leh zual dawn ngei e….a harh thar vat loh chuan aw…
Report this comment
May 10th, 2011 at 5:54 pm
Kha daih kha a sin…in peih a tha, a tlai hma-in.
Report this comment
May 10th, 2011 at 6:39 pm
BSI zaipawlin hla pakhat kan sak thin, ka duh em em thin ‘Vawiin’ tih hla kha ka hrechhuak zawk mai. Thangkhat lian zet a ni ve ta a hla thu erawh ka va han chiang ta lo em! Pu Keimah hian a hre mial ang em aw? A thunawnah chuan
‘Vawiin ni lawmawm hi
A her chhuak tawh lo’ng e,
Vawiina kan nun dan zawng hi,
Chatuan atan a lo her liampui ta’
tih ni tain ka hria. A chang ka theihnghilh hlawm ta tlat!
Report this comment
May 10th, 2011 at 6:42 pm
(OT deuh roh…ve lawks)
A then chuan inlo hre leh kur tawh mah na…
“Devarim” [Deuteronomy] 32:13, “VA’YA’NI’KEIHU DEVASH MI’SELA”.)
Deuteronomy 33:24 “And of Asher he said, Let Asher be blessed with children; let him be acceptable to his brethren, and let him dip his foot in oil.”
Heng Bible chang hmang hian Israel-in Oil, 1.7 billion barrels leh 122 trillion cubic feet (of natural gas) heti zozai hi alo thut bet tih an hmu chhuak ta le…(Haifa tuipui kam bawr vel …ah)
chhiar chiang duhte tan,,,,,,,,bonus link)
(www.oilinisrael.net/tag/jim-spillman)
Thenawm ram te nen an buai phah dawn em? Harmagedon Indona a hnukhnai dawn em le ? ilo thlir zrl teh ang aw…
Report this comment
May 10th, 2011 at 6:46 pm
Bible hi chu a lo va nung mai mai em aw….Rorelliana ziah te ve mai mai ai chuan.
Report this comment
May 10th, 2011 at 7:02 pm
Sermon ropui tak a ni, “Inpeih lote in peih a hun, sual tih chah pawh a hun ta e”. Ka tan he sermon hi in enfiahna ropui tak ani.
Report this comment
May 10th, 2011 at 7:22 pm
A tha hle mai
Report this comment
May 10th, 2011 at 7:40 pm
Isua lo kal leh nghaktute in va nghak thlawn zing ta ve, kan naupan lai atang tawhin, kum 2000-ah isua a rawn kal dawn tiin a thenphei chuan an thil tih tur te tih loh phahin an lo nghaka,mahse, hei kan hria e. Engati nge dawihzep taka in awm thin, Thla atanga kaihthawh in nih hunah min kai tho ve dawn nia.
Report this comment
May 11th, 2011 at 3:42 am
@chawnghilh, i comment hun ka lo ngaichang rilru reng a, a ngaihnawm leh pek hle mai. Engpawhnise, a lo kal ni apiang kha kha mi ni atan chuan ‘vawiin’ a ni tlat a ni. Tlai, zing leh chhun emaw pawh ni se. Secret rapture hi kei pawh ka ring lutuk lem lo. Secret lo taka thil thleng tur niah ka ngai.
@muantea #28, “vawiin’ tih hla kha maw? Ka la hre nual a, mahse, ka hre chhuak tawh bik lo!
@Hnam sakhua, thlan ata kaihthawhin i la awm ngei ang, lungngai suh! Amaherawhchu, rorel saka awm tur leh thiam loh chantir tura kaihthawh i ni ang tih erawh a hlauhawm hle mai.
Report this comment