Hmanni deuh khan veng pakhatah (a veng hming chu sawi ta lo mai ila) ka kal a, chutah chuan YMA Information Centre atangin thu an rawn puang a. “Kan bazar sa zawrhna hmun ni lo, hmun dangah sa zawrh khap tlat a ni. He khapna dan zawm lova hmun danga sa zuar lui kan awm anih chuan Sa Zuar Association chuan an chungah action a la ang….”
Ka ngaihtuah zui ta neuh neuh a, an thu puan chuan kan Society dinhmun chiang takin a tarlang ni ten ka hre ta hial a. Kha thupek chhuah a, rawn puangchhuaktu kha Local Council emaw Village Council emaw chu ni ta sela vengchhung inrelbawlna lama thuneitu an nih miau avangin sawisel theih a ni kher lo vang Amaherawhchu vengchhunga Association pakhatin an thu zawm duhlote chungah action an lak tur thu an han puang riap mai chu a nia, midangte chunga action la thei tur hian tur hian eng power nge an neih a, tu pek nge ni ang le? Ka ngaihtuah chian poh leh ka buai zual thin kei mimawl hi!
He thu ka sawi chhan hi veng pakhat Sa Zuar Association ka dem bik vang a ni chuang lo, a entirna atan ka hmang mai zawk a ni. Kan ram pum dinhmun thlir pawhin hetiang thil hi kan hre fo va, Association emaw, NGO leh pawl dang thenkhatte hian kan thuneihna leh kan tih theih chin bak power nei ni awm takin vaukhanna thu(?) kan chhakchhuak fo mai hi a fuh lo deuh em aw?
Eng emaw hleka ‘chutiang anih loh chuan an chungah a na thei ang berin action kan la ang…’ ti tea pawl thenkhatin thuchhuah kan siam leh zauh thin hi chu a thuchhuahtu pawl member/hruaitute hi kan inbihchian a ngai deuh em? Association, NGO leh pawl dangte hian midangte chunga hremna lekkawh theihna tur thuneihna kan lo nei reng zawk em ni?
Sawi zui chak tam tak la nei mah ila hemi chinah hian duhtawk ila, a bak chu kan ngaihtuah zui leh sawiho zui atan khek phawt teh ang.
Similar Posts:
- In ral chungchang
- NE Games: Tan hun sawn kan mualpho loh phah ang em?
- An ti!
- C.P. Road
- Zoram ngaih hla – Duhaisam
Gud post
June 11th, 2011 at 8:22 am
Dik khwp mai.
Report this comment
June 11th, 2011 at 8:27 am
I ngaihtuah tlang teh tak ang u.
Report this comment
June 11th, 2011 at 8:34 am
ka ngaituah mek e
Report this comment
June 11th, 2011 at 8:38 am
Ngaihtuah tham tak chu a ni, pawl chi hrang hrang a tam si a, ngenna aiin thupek kan han chhuah thlazen hi chu ngaihtuah chian a ngai khawp mai.
Report this comment
June 11th, 2011 at 9:00 am
YMA ber pawhin mi te kan hnawtchhuak a, kan vua a, mi motor duh duhna ah kan tiding a kan hailet vel a…. Sa Zuar Assn te chuan an tih ve mai loh nakah.
Report this comment
June 11th, 2011 at 9:03 am
pawl leh association lah hi kan ngah lutuk a. thirchhe zawng association te pawh an awm tep tawh ang.
Report this comment
June 11th, 2011 at 9:05 am
Sa Zuar Association ho chuan sa dawr ah nilo kawngsira lo inpho vel hi an tihchhan a nih ka ring.
Report this comment
June 11th, 2011 at 9:42 am
naktuk sunday anih avangin voksa lei tuten antram an lei tel ngei ngei tur ani. Zikhlum emaw Puihnam nena chhum pawlh tura lei phal a nilo. He thu hi an zawmlo anih chuan Sa Zuar association ten sunday tukah an ina kalin an sa kan paihsak ang.
Report this comment
June 11th, 2011 at 10:00 am
Bengvarthlak thin khawp mai. “Thil tisualtu nataka hrem ni rawh se” te kan han tia…”natak a hrem” ngawt te pawh hi a theih ngawt si lo. Dan anga rorelsak bak chu. Inenfiahna tur a tam hle mai.
Report this comment
June 11th, 2011 at 10:16 am
Mob rule hi ‘rule of the jungle’ nen an inang viau. Rule of Law chu an opposite. Investment seminar te an organise ve khanglang a, rule of law awm lohna hmunah tunge rawn invest duh ang.
Report this comment
June 11th, 2011 at 10:26 am
nizanah bawngsa tui ka hawp
Report this comment
June 11th, 2011 at 10:35 am
dik khawp mai, sawi tak teh ang u.
Report this comment
June 11th, 2011 at 11:05 am
Saaa te chu ah khawi ah pon juar se apoina vak ka hrealo e…!mahse thianghlim sela..
Report this comment
June 11th, 2011 at 11:16 am
sa zuar ho action lak dan tur cu k hre cak.an insat siah2 ang nge..an in rawh ang nge..tùlin an in thil tlang ang o…hihi..post tha tak ani,ngaihtuah zui chi tak niang.. Ngaituah top hmak theih ni sela o..
Report this comment
June 11th, 2011 at 11:25 am
Ram leh khawtlang dan chungchangah hian Mizote hian zir tur kan la ngah khawp mai. ‘Mob rule’ thinlung hi kan la bansan hleithei lo a nih hi. A chhan pakhatah chuan kan dan kengkawhtute (Police, sawrkar, etc etc) an chak tawk loh vang a niin ka hria.
Report this comment
June 11th, 2011 at 11:42 am
Tumkhat pawh veng hran a ka pi zawn te vawk kan talh a lawm le, kei lah pek chuan, ‘Bazar-ah kher a ngai lo tah hian sat mai ang u,’ tiin an varandah kawngpui an ah chuan kan sat ta mai a, vawk a lo thau ang reng bawk sia, kan hralh zo vat reng a, mahse an veng sa zuar assosiation ho an rawn lang rang teh a nia, pawisa min rawn chawi tir an tum ngawt mai a, kei lah pek khan (tu te emaw thla zar hnuaiah) pawr tawkin, kan in a nia, kan kawt a nia, duh leh bawng pawh kan talh ang, kan duh duh kan ti ang chu, duh leh inchhungah pawh kan sat ang a,duh leh sitting room ah pawh kan set ang kan ti mai chu(h) min chawi tir lo chiang a sin, eizawn na ni lem lo mahni vawk vulh talh satliah ve ah kha chuan bazar pan kher a tul ka ti hran lo, amaherawh chu ei zawn nan te hmang ni i la chu, khawi lai kawng kam a sah ngawt chu thil tha ber chu a ni chuang lem lo.
Report this comment
June 11th, 2011 at 12:17 pm
He post hi ka like em em e.
Hmanni ah pawh YMA in mistiri ho hlawh an fixed ve ngawt ani lawmi?
Report this comment
June 11th, 2011 at 2:01 pm
keimah mimawl hi a lo mawl hauh lo mai a
Report this comment
June 11th, 2011 at 2:04 pm
Report this comment
June 11th, 2011 at 3:49 pm
I post tha e..
Report this comment
June 11th, 2011 at 7:39 pm
A dik ve pah reng!
Report this comment
June 11th, 2011 at 9:32 pm
Tam tak hi chu sorkar phal loh / khap lai mek te pawh a ni ve bawk a nia. Sorkar hian a vil reng thei si lo va, eng pawl emaw lo inti thu deuh an awm pawhin, khawtlang thatna tur a nih chuan a tha tho lawm ni?
Report this comment