mi(sual).com

Tharau Thianghlim

Pentecost hi Krista ringtute kum chhiar ah a pawimawh em em a. Thlarau Thianghlim lo thlenna hun chhinchhiahna leh kan nuna Thlarau Thianghlim leih buaka a awmna tur hun atan hmang thin ang u. Thlarau hian thawhdan chi hrang hrang a nei thei a. Thlarau dik kan hriat theihna turin Thlarau Thianghlim nihphung leh chet zia zirna i nei teh ang:

Trinity ah hian : Lal Isuan Pa leh Thlarau Thianghlim thu a hriattir a, Thlarau Thianghlim in Isua thu a hriattir ve. “Lei leh vana thuneihna zawng zawng ka hnenah pek ani tawh. Chutichuan kal ula, hnam tina mi ziritirah te siam ula, PA leh FAPA leh THLARAU THIANGHLIM hmingah chuan baptis ula…’ Matt 28:18-19.

Nunna pe tu ani : Nausen Isua, Mari pai kha Thlarau thianghlim laka mi ani.  “Thlarau Thianghlim I chungah a lo thleng  anga, chungnungbera thiltih theihna in a hliahkhuh ang che; chuvangin mi thianghlim lo piang tur a pawh chu Pathian Fa an ti ang.” Luka 1: 35.

Baptist tu ani:  Lal Isuan rawng a bawl hma a Johana Baptisma chang tura a va kal khan, a chungah Thlarau Thianghlim a fu a, Thlarau Thianghlim in a lo khat ta a, thlem a awm tur leh rawng bawl turin a kal ta  ani.

Isua tirh ani: Thuthlung Thar hunah chuan Thlarau Thianghlim hi Isua’n a tir a, amah ringtute pek a tiam ani. “Amah chu Thlarau Thianghllim a Baptist tu tur chu ani ang” Johana 1:33,   “Kei zawngin tuiin ka Baptist thin che u a; nimahsela keimah aia mi ropui a lo kal dawn e…..ani chuan Thlarau Thianghlim leh mei in a Baptist ang che u.” Luka 3:16. “..Pathian kut dinglamah chawimawiin a awm a, Thlarau Thianghlim tiam chu Pa hnen ata a hmu a, in hmuh leh in hriat hi a han leih anih hi” Tirh 2:33

Isuan, “..ka kal loh chuan Thlamuantu chu in hnenah a lo kal dawn si lo; ka kal erawh chuan in hnenah ka rawn tir ang,” a ti. John 16:7

Ringtute Thlarau tiam kanni: “Tin, ngaiteh u, ka pa thiltiam chu in chungah ka rawn tir dawn e;” Luka 24: 49,  “Jerusalem kalsan suh u, Pa thiltiam ka sawi in hriat kha lo nghak rawh u,” a ti tlat a’ Tirh 1:4.

Isua chanchin a hriattir: Thlarau Thianghlim chu Isua atanga chhuak leh a tirh a nih avangin Isua chanchin leh a thu a hriattir thin. Isua chanchin hriattir lo leh Isua chawmawi lo Thlarau chu a Thianghlim lova, Pa leh Fapa hnen atanga chhuak ani lo.  “Amaherawh chu tupawh Krista Thlarau nei lo chu amaha mi ani lo..” Rom 8:9, ‘Chuvangin  tuman Pathian Thlarauva thu sawiin “Isua chu anchhe dawng ani” an ti ngai lo; tin tumahin, Thlarau Thianghlim ah chauh lo chuan, “Isua chu Lalpa ani” an ti thei ngai lo tih ka hriattir a che u.’ I Korinth 12: 3.

THLARAU  THIANGHLIM  HNATHAWH:

1. Mite an sual a hriattir thin. “..Ani a lo thlen chuan sual thu ah te, fel thu ah te, rorel thu ah te khawvel an thiam loh a hriattir ang” John 16: 8.
2. Thutak ah mi a hruailut. (John 16: 13)
3. Sual sim te tan pek tur ani. (Tirh 2:38)
4. Thlarau chu tawng hriatloh hmang in a thleng ve thin. (Tirh 2:4)
5. Thil lo thleng tur te pawh a hriattir thin. (John 16: 13)
6. Pathian thu hril turin huaisenna a pe. (Tirh 4:31)

“…Thlarau Thianghlim chu in chunga a lo thlen hunah thiltihtheihna in la nei ang; tichuan Jerusalem khua ah te, Judai leh Samari ram khaw tin ah te, kawlkil thleng pawhin ka thuhretute in ni ang” a ti a.

(Tirh 1:8) Aw, Thlarau Thianghlim, lo thleng ta che, AMEN.

Similar Posts:

• Tunlai ka mutmawh hnarmawh.
• Thlarau Thianghlim Baptisma (Pentecostal Sermon)
• Mathaia 28:19 thu hi?
• Thlarau Thianghlim (Pentecost Pual)
• Ringtu Nun-a Thlarau Thianghlim Hnathawh {Pentecost Sunday Pual}

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Sunday, June 12th, 2011 at 2:00 pm and is filed under Religion. You can follow any responses to this entry through the RSS 2.0 feed. You can leave a response, or trackback from your own site.