Pawi kan tih hian chhîpa sam zial Mizo chî tihna a kâwk a. Pawia hi a naupan laiin a tukkhum a pân avângin a nuin a chhîpah a sam a zialsak a, chuta tang chuan a puitlin hnuah pawh a chhîpah a sam a zial ta zêl a ni. Chuvângin Mizote tam tak inthlahpun hnuah a thlahte chuan an chhîpah an sam an zial ta zêl a ni.
Pawia hi an unau zînga upa ber a nih avângin lalram nghet pawh a nei hmasa ber a. Mizote hi an pipute atanga upate zah thiama chawimawi thîn an ni. He a lalram thar an din lai hian tumahin an û ber thlahte chu an ngam lo a ni. Mizote hian thlang vawi hnih an tlâk hnuah tûna an awmna hi an luah nghet chauh va, vawi hnih chhak an nawr bawk.
AD 900-na hma lamah khan lalram tënauvin Mizote an awm hran lo va, hmun khatah an awm vek a ni. Mahse, AD 970 lai velah Lersia a lo thih tâk hnu khan Khampat Reng Luahpuia chuan Lenbuang (Bung) a phun a, an lalpa a lo thih hnuah an darh ta a. Lalram pathumte – Lersia, Luahpuia leh Zingthlova te chu an lo tlahniam ta a, an lo thih hnu chuan Zingthlova hian Pawi lalram a din ta a. Lersia leh Luahpuia an awm tawh loh avângin Zingthlova chuan Mizote zîngah Rengpui (lalber) nihna a lo chang ta a. Chu chu a unaute’n an duh vak loh avângin Chawnhmanga chuan khawthlang lamah Rengpui inchhâlin Hmarh lalram a din a, khawchhak lamah Pawi lalram chu a ding nghet ta bawk a ni. (Hmar tih hi Hmarh tihna a ni a. Hmánlai pipute chuan Zofate zînga tukkhuma sam zialhote chu Hmarh tiin an ko thîn)
Tichuan, Pawi lalram chu Zingthlova atangin a ding nghet ta reng a. AD 1700 thleng khan Tiau râlah chuan an unau dangte lakah chhiah an la vek a ni. Chutianga an unau dangte’n an ngam loh avâng leh lalram hran hran a lo dinchhuah tâk avângin lalber nih inchuha buaina chu Mizote’n an lo nei chho tan ta a. AD 1333 kumah Shan ram chu China General Yang Chhang Suh leh a hote’n an rawn rûn a. Chuvângin a tam berte chuan Lentlang leh Thantlang pang an zuan leh ta a ni.
He’ng Thantlang pang leh tûna Chin Hills bial-a an awm lai (thlangtlâk vawi hnihna hma) hian an û ber Pawi lalte chuan Sating an ei vek a. AD 1700 hnu lamah khawthlang biala Hmarh lalte chu Sailo lalte’n an hneh tâk hnuah chuan Tiau râlah anmahni chhûngkua deuh bîk chunga lal angin an lo awm ta a ni.
Pawi lalram hian 900-1947 AD chhûng a awh a ni. An lal ropui deuhte chu Zingthlova, Mangchhuma, Kipkuala, Thanchhuma leh Nikuala te an ni.
Chhîpa sam zialte hi chi hrang tam takin an inthen a. Chu’ngte chu Zahau, Laizo, Zangiat, Kulngen, Fanai, Matu adt. te an ni a. Chu’ng chi tin atang chuan chhûngkuaa inthenin Bawitlung, Hlawncheu, Chinzah adt. an ni leh a. Chi tinte hi lal an nei theuh a ni.
Pawi tam tak hian Kawl sa an phun a, an pipute tawng aiin an saphunnate tawng an hmang ta a. Anmahni tawng paiha Kawl tawng hmang an lo tam ta a ni. Khumi, Mirung, Miria adt. te hi Pawi thlah atanga chhuak an ni a. Nekhawhote leh Matu Pualnam leh Matupui te, Arakan vela khawsa tam berte chu Pawi thlah an ni bawk. Tin, Lakher leh Vuangtuho pawh Thantlang Pawi atanga pêngchhuak an ni bawk a. An awm hran tâk avângin an tawng a lo dang a, a lo rei deuh hnuin Lakher (Mara) hote chuan Pawi thlah atanga kal chhuak an nih an theihnghilh ta hial a ni.
Thulâkna: Mizo Chanchin by V. Lunghnema.
Similar Posts:
- Lersia Chanchin – II
- Chhungkaw khat a tawng chi hnih hmang!!
- Ram leh hnam tâna lungin tâng hmasate
- Duhlian tobul – Duhliana (1600 – 1700 AD)
- Buh thar leh khuai-no
June 24th, 2011 at 4:03 pm
Bengvarthlak hle mai.
Report this comment
June 24th, 2011 at 4:15 pm
Ni e
Report this comment
June 24th, 2011 at 4:24 pm
Report this comment
June 24th, 2011 at 4:25 pm
A ngaihnawmin a bengvarthlak hle mai
Report this comment
June 24th, 2011 at 4:28 pm
Mi phuah chawp i rawn tarlang ve mai mai a ni lo maw. Mizo tih a nihna hi a la rei lo em mai. Khitiang ang a thui chhui thei chuan khatih lai huna an nihna hming leh miten an hriat dan chiang tak a ziah lan awm tak.
Mizo/zo hnanthlak history hi Kum 1700 AD hma lam thil kha chu kan zeldin thu dawn mai mai em aw ka ti.
Report this comment
June 24th, 2011 at 4:29 pm
Fanai ho inthlah chhawn dan ka han sawi(ziak) mai mai ang e. Ka line chauh. Thatinkuala’n Khenzahnawka a hring a, Khenzahnawka’n Zachhuma. Zachhuma’n Fanaia. Fanaia’n Pakhupa. Pakhupa’n Rorehlova. Rorehlova’n Khawtindala. Khawtindala’n Patlaia. Patlaia’n Lalchhuma. Lalchhuma’n Rokhuma leh Liannawla. Rokhuma leh Liannawlate khi ka pu te an ni a, a bak ka sawi zel chuan tunge ka nih a chiang lutuk palh ang e. Misuala Fanai dangte khan in duh leh in line sawi ve mai rawh u.
Report this comment
June 24th, 2011 at 4:30 pm
Keichu mo, TS, a thlahtu bul character hi author hian a rin phuah nasat hmel thin ka ti ve mai2, ka lo chhiar ve thin a, a baseless trep2 thin lom.
A hnawk vag mai anih ka ring zok, soi mai2 hehe, rinthu tho.
Lu pan khuh tura sam zial sak atanga sam zial hi lo chhuak a ni dawn mi le o ka ti, sikh mipa ho pawn an sam an zial a,
Bengvarthlak e
Report this comment
June 24th, 2011 at 4:40 pm
Ava tha ve…ka hriat ngailoh thil a ni tlat mai
Report this comment
June 24th, 2011 at 4:40 pm
#5, i va han thlir zim tehlul em! Mizo thlahtu, min thlahtute hi an chanchin ziahnaah eng vangin nge Mizo tih kan hman loh tehlul ang ni? Mizo tih a nihna hun a inziak em ni aw..
Report this comment
June 24th, 2011 at 4:46 pm
ta..i chiang maw….??
Report this comment
June 24th, 2011 at 5:22 pm
1300 – 1700 inkar khi chuan pung hman fe tur ang chu an ni.. A vai lo deuh hian Ka awih falua lo..!! #5 tawmpui deuh tlat..
Report this comment
June 24th, 2011 at 5:29 pm
a va bengvarthlak thin tak em!
Report this comment
June 24th, 2011 at 5:39 pm
Tak tak ami?
Report this comment
June 24th, 2011 at 5:56 pm
A bengvarthlak thin khawp mai..
Min thlahtute hi kei chu ka hre tawi ve khawp mai, ka pu (ka pa pa) chin chiah ka hria..
Report this comment
June 24th, 2011 at 6:08 pm
Bengvarthlak fu, tukhum pan vanga chhipa sam zial khi ka awi falua lo, a zeldin thu mah mah ka ti. Pawi hovin chhipah sam an zial a, lusei hovin an tukhumah an zial, luchhip pan vangin tukhumah an zial tihna a ni vethung angem
Mizorama vai sipai(sikh) an lo chhuah pawh khan mizo ho chuan ‘vai pawi’ an lo ti, an chhipa pawi ho anga an sam an zial vangin.
Report this comment
June 24th, 2011 at 6:30 pm
kei chu tianglam pang post hi hneawm kati, a post tupa pawh hian a hne ve ngat ang. Mi chuan hria se ka duh a, mase kei chuan eng ah vak ka ngai derlo. Awle ka miamal ngaihdan ani e. Tuma rilru tihnat ka tumlo e aw.
Report this comment
June 24th, 2011 at 6:34 pm
Keini Kawlni hnam ( Colney hi chu mizo hnam ah a awm ka hre lo tlat) hi chu ka hriat ve dan mai2 chuan’ Kan thlahtu bul ber kha( a hming ka hre lo) a rai a, pa a han puh bik tur kha a hre lo a, Kâwl a ni in min rai a ti ta mai a, tichuan a thlahte kal zel pawh in KAWLNI tih kan lo pu ta mai a ni. A dik chiah em phei chu ka hre lo thung.
Report this comment
June 24th, 2011 at 6:54 pm
ChhanaPa #17, in thlahtu nu chu a lo thilphal ve viau a nih dawn chu a
Report this comment
June 24th, 2011 at 6:55 pm
17. Chhana pa, I thil sawi chu, a pawm a nuam viau mai a,
Report this comment
June 24th, 2011 at 7:39 pm
#9, ka thilr zim deuh a ni mai thei, mahse mizo tih tawngkam kan hmanna hi kum 1900 hnu lamah a ni mai lo maw?. tin e, Pawi tih hrim hrim a hi Pawi tih aiin Lai tih anni hmasa zawka, hnamdang ho nen intihthiamloh changa ‘kei mizo tlangval’ tia kan in sawi phur thin ang hian, Lai ho hian ral do nikhuah ‘pote’(lai tawngah chuan ‘keite’ tihna)an in sawi phurna chu a lo hretu ten, pawite an nih nih pawite an ti a, a lo kal zel a ‘Pawi’ ti a hriat an ni ta niawm a ni. Anmahni chuan ‘Lai’ an inti a, midangin ‘Pawi’ tiin ka hre ta mai ni awm tak a ni.(Tunhma deuh a ‘Mizo Nun Hlui’ tih, high sikul zirlaiah khan a inziak)
Ka sawi tum zawk tak chu, Mizote hian kan history hi kan hre tlem em em, a han chhui chiam dawn pawh ni ila, upa ho ti ti tih mai loh chu, 1700AD hmalam ngat phei hi chu behchhan tur kan nei meuh lo ti i la a sual tam pui lo ang.
Kan rin dan leh kan ngaihdanin 1700AD hmalam hi chu ka kan sawi vel mai mai em aw ka ti.
Paite pain Mizo history a chui chuan Mizo zawng zawng paite thlahah a chhui a, Ralte pain a chhui ve thung chuan Ralte thlahah, Lai pain a chhui chuan Lai thlahah. Heng atang ngawt pawh hian kan history belhchian dawl loh zia a lang em aw ka ti.
Report this comment
June 24th, 2011 at 8:04 pm
Hmanlai Pawi ral pasalthaho khan -zangtahmu leh khanghu tam tawk eiin, ni 3 vel è lovin an pum chhungah an up thin a; chu2 ral an manho kha an vawih khum/ khilai/ threh thin an ti.
chuvangin, vai vawih a rang ang bawkin, vawiin thleng hian Pawi vawi chu a uih bik. Sawrs : zbz
Report this comment
June 24th, 2011 at 8:11 pm
Kawlhawk #21, a va han trul kher lo ha ha ha
Report this comment
June 24th, 2011 at 8:16 pm
@ 21 hawk..hairehai hairehoi
Report this comment
June 24th, 2011 at 8:19 pm
Kei hi Ralte Kawlni bengchheng an tih hnam ka nia,mahse ka bengchheng lem lo! Misual member ho ah hian Poonte, Colney, Colbert tih vel,mizo hnahthlak hnam pawh ni lem lo te kha kan awm loh hram ka beisei.
Report this comment
June 24th, 2011 at 8:24 pm
22. Triplestar, Pawih Pasaltha, Lusei hovin Sakei aia an hlauh zawk Thanghlianga khan, a Pute ho alo vawih khum ani ngei ngei ang, a hriat chian em em danah tiraw?
Report this comment
June 24th, 2011 at 9:45 pm
@ PKfanai: hi hi
Report this comment
June 24th, 2011 at 9:57 pm
A va tha leh pek em! Amaherawhchu, Pu V. Lunghnema thil chhui dan hi a kal hrang deuhin a fictitious deuh chang a awm em aw ka ti thin. History chhui lamah hi chuan kan la pachhe tlang hlawm bawk si.
Report this comment
June 24th, 2011 at 9:58 pm
Lo save leh ta keuh mai. A authentic leh tic loh chu tuman kan prove thei lo. Mahse, kan historian neih chhun ten an ziah hi chu rin thu mai mai, hnial thlakna behchhan nei lem lova ka awih lo lo tih ngawt pawh hi a ni bik lo. A dang a awm hma chuan knowledge a kan neih a ngai si. Chubakah hming leh hnam hming lo pian dan te hi han chhut teh un, a ho ve thei teh mai a nia.
Report this comment
June 24th, 2011 at 10:24 pm
hnam hming ang hi chuan fiamthu i thawh lo teh ang u. hetiang hunah chuan “speak is silver, silence is gold” tih hi hre reng ang u. khawvel ah tumah mahni hnam tan lo kan awm lo.
Report this comment
June 24th, 2011 at 10:34 pm
Lai (Pawi) ho history nen a inanglo mai mai ngei mai a.
Lai hoin an record dan chuan hmanlai (1800-1900) bawr vel a, Chhim leh Hmar indo lai khan, Lai pasaltha pakhat chu a nihna an zawt a. Ani chuan, “Pawite” a nih thu a chhakchhuak a ni awm e. Tichuan, Lusei ho chuan Chhipa sam zial te apiang chu “Pawi” emaw an ti ta a ni. Kha pasaltha khan pawite a intih chhan kha Keite anga pasaltha intihna “Keite ka ni e,” a tihna a ni. Lai tawngin pawite hi Keite tihna a ni e. Tun hma deuh khan Punjabi, Mizorama awm te pawh kha Vai Pawi tih an lo ni thin tawh bawk.
An history ah chuan Mara (Lakher) lal Mr. Kilkhara (Saiha) te, Tawngliana, Serkawr te kha Lianchi leh Alkheng, Hlawnchhing hnam, Halkha area ami te thlah an ni. Lai tawng hmang renge tilo chuan Mizoram an lo luh hnuah Mara tawngin Kikhaw leh Thylai tiin an inphuah ta anih hmel. A thu hrimah Lai leh Mara ho hi hnam hming inzul/intawm an ngah bakah, an puantial dan leh an hnam inchei hi a inang reng a nih hi! Tun thleng hian Lai lama awm thenkhat an inti Lai (Pawi) a Mara lama awm ho inti Mara pawh an awm bawk. Ka hriat ngeiah pawh Vuangtu (Lai) chhungkhat ngei pawh unau pakhat zawk Lawngtlaiah Lai angin a awm a, pakhat zawk Saiha lamah a Mara mai a ni.
He’ng thu te hi Pu Vumson ngei pawhin a thlawp tlat ani bawk.
Report this comment
June 24th, 2011 at 10:42 pm
#30 kawreksawn:
Lai tawngin pawite hi Keite tihna tho a ni e.
Report this comment
June 27th, 2011 at 5:59 am
Pawhte = Keite (lai tawng or pawi tawng)
Report this comment
June 27th, 2011 at 6:05 am
Khawpui #30 ah khian a chiang lawm ni?
Lusei hoin Pawi an tih hi “Lai” anni e. Lai lam pawhin Lusei ho hi “Mar” an ti ve tho bawk a hairehai 
Chian loh theihna awm chu tunlai Lai/Pawi tawngah hian Keite (leopard) hi Keite tih hman anih tlangpui avangin an tawnga Keite tihna tho anih lamah a chian loh theih mai awm tak e.
Duhlian tawnga Kawngkhar, Khartung ani tho ang vel hi ani mahna.
Report this comment
June 27th, 2011 at 6:20 am
31 na ah hian, “Lai tawngin pawite hi Keite tihna tho a ni e”
i lo ti sia, pawite tih nilo in “pawhte” tih tur a ni zawk a ni e, “pawhte tih kha an hresual palh a “pawihte” tih hi a lo chhuak ta zawk a lawm..
Report this comment
June 27th, 2011 at 6:33 am
Khawpui #34 ka enchian loh vang ani e, typo anih kha. I rawn ti dik a lawmawm lutuk.
Pawi tih tih takah chuan ka lo type pawite ngawt anih roh tak kha… tisual chiang hle mai.
Report this comment
June 27th, 2011 at 6:39 am
i tisual palh a nih kha chu ka ring tho a, a lo chhiar tuten an hresual palh thei sia. haigoo..
Report this comment
June 27th, 2011 at 6:57 am
#36, a dik chiah…
Report this comment