Hman ah khan ‘Thlarau thitheilo kan nei em?’ tih ka rawn post tawh a, ka sawi chiang tawklo nen, ka sawi pawlh nen, kan la chianglo tlat in kan hre deuh ngawt a. Hremhmun chungchang ka ziak mek a, chumi hrethiam tur chuan soul hi enge a nih tih hriatfiah hmasak a ngai si a, ka rawn post tur hma lo sial tur in topic ngai, hrilhfiah dan dang leh tawi zawk, ti duah lo in ka rawn vawrh chhuak leh phawt e. A thupui pawh khi mizo tawng in ka dah ngam tawh lo, chuti khawp a ngaihpawlh nasat tawh chu a ni e.
Adama hnen ah chuan Pathian chuan an ei chuan an THIH tur thu in a vaukhan a, an ei a, an thi ta a. Thih hnu a nungzel, thi ve theilo, thihna hmang a hrem ve theihloh, immortal soul(thlarau thitheilo ti a diklo tak a kan lehlin) a neih thu hi a inziak reng reng lo. A neih a nei zawng nilovin, a mah ngei kha living soul(immortal soul nilovin), thi thei, dead soul ni thei a lo ni ta tih erawh a inziak. Chuti lova soul hi thlarau ang a kan ngai dawn a nih chuan ‘Adama chu thlarau nung a lo ni ta a…’ ti a lehlin awm tak. A va han dik dawnlo nasa tak em, thlarau nung, thei ei tur a siam, thel ei loh tur lo ei , a diklo vel vek a nih chu. Adama kha siam a nih khan minung(living soul) a lo ni ta a, a bawh chhia a, a thi ta a, dead soul a ni leh ta a ni zawk. Greek ho rindan diklo ang a soul hi mihring component pawh a ni lo va, mihring hi soul kan ni zawk a ni. Mihring chauh pawh kan ni lo va, nunna nei tawh phawt, oxygen ring tawh zawng zawng hi chu living soul kan ni vek zawk a ni.
Pathian chuan ‘soul chu a thi ang’ a ti a, Rul erawh chuan ‘soul chu a thi lovang’ a ti thung a. Immortality of Soul hi rul dawt a ni. Soul chuan thihtheiloh dan (immortality) erawh a nei , chu chu NUNNA thei ei kha a ni. Mahse an bawhchhiat tak avang khan Pathian chuan NUNNA thing chu an ei a, chatuan a an nun(immortality of Soul) a remti lo va, nunna thing chu Cherub Vantirhkoh leh khandaih vir tawn zawk zawk in a veng ta zawk a ni. Chu Pathian remtihloh chu Setana chuan ‘in ni e’ tiin khawvel hi a bum ta char char zawk a ni.
Soul hi engtin nge kan Bible ah hian lehlin an nih chiah? Mizo Bible ah hian a lehlin pawlh vek mai a- minung, mihring, mi, nunna, thlarau ti te in. A buaithlak zo ta vek a ni, sap tawng han rawn dawn ila, soul leh spirit hi an lehlin pawlh em lo na a, an ngaihpawlh ve tho bawk si a, luhai thlak tak a ni. Inthlahrung tak in a Hebrai leh Greek tawng en a lo ngaih phah ta a ni, Hebrai chuan soul hi ‘nephesh’ a ni a, Greek chuan ‘psykhe’ a ni, thi thei a nih zia hi Bible pumpui zirtirna him em em mai chu a ni e. Tui a cheng chi sangha leh khawmual leh boruak a cheng chi ransa leh sava te zawng zawng sawi nan pawh khan he nephesh(soul) tho hi hman a ni, thlarau tih nen chuan inhlat tak anni.
Samson’an sabengtung khaberuh a Philistia sipai a vuakhlum pawh kha nephesh(soul) tho hi a ni, an thi thei chiang khawp mai. Lal Davida’n a sing a sing a ral a thah pawh kha he nephesh(soul) tho hi ani, thlarau a ni lul lo mai. Chutichuan nephesh(soul) chu ei thei, riltam thei, chau thei, thinrim thei, bawhchhe thei, bawhchhe ta ngei chu a ni, a hremna pawh thihna a ni. A thi ta ngei reng a. Hei chin ah ringawt pawh hian immortality of soul in Bible a kalh zia hi a chiang tawk e.
Chutichuan mihring hi soul kan ni a, thithei kanni a, keimahni ah hian thih hnu a thi ve lo, keimahni la ni cheu, Chatuan meidil a hrem pawh a thithei silo a natuar tlawk tlawk tur engmah a awm lo. Kan spirit hi a ni ang han ti dawn ila, kan spirit hi chu Pathian thaw, min hman hawh tir lailawk, kan thih veleh a keimahni ni zui tawhlo a ni bawk si. Pathian chuan ‘Thaw(spirit) zawng zawng, keima ta vek anni, ka hnen ah an lo let leh vek ang” a ti tawl mai bawk si a, hrem chi rual ani si lo.
A then tan chuan Bible knowledge ang in a lang mai thei a, a then tan chuan zirtirna diklo luklak ang in a lang maithei mahse a ni lo, lo dawh hram hram teh u. He topic hi BUMNA tobul chu a ni avangin a pawimawh lutuk tlat. WHAT AM I? tih hi kan man fiah hma loh chu bumtu tan bum kan awlsam reng mai ang. Khiti khawp a bracket a a sap tawng a ka dah nawn tlut tlut nachhan khi kan sub-conscious mind ah rindan diklo hi a nghet tawh lutuk a, ka rawn refresh tlut tlut a nih khi. 
Similar Posts:
- Thlarau thi theilo kan nei em?
- Battle Ground (Mihring)
- Resurrection
- Babel/Babylon I
- Thihna thupekah “Thlarau” a tel ve em?
July 2nd, 2011 at 9:10 pm
Yess.. new page ah ka first e
Debate turu tak a nih hi. Tiang lama debate hmasa ber a ni hial lo maw Mizormah chuan. Save that khiau chi nih hi. Kum 50 vel hnuah tiang lam debate hi an rawn uar hunah han phawrh ila, tah hian ka participate ve a sin tih atan tha dawn e.. ka lo sawi ve lo ni
Kan sawi veleh dawn mi le !! Inhnial pui tur awm ngem aw ?
Tak taka, a ngaihnawm khawp mai. Chak lam zawk pawh tiangah chuan awm theih a ni lo. Mahni theuh hi kan pawimawh in ka hria. Zirna zel a ni a, mahni in review nan te pawh a tangkai khawp ang. Midang lo ngaithla tun lah hlawkna ni bawk si.
Posttupa kan congrats hmasa ber anga, chuan participants zawng zawng pawh
.. especially me 
Report this comment
July 2nd, 2011 at 9:14 pm
Ka va tel ve chak e, in la awm em? Mahse in hriat hmel hlawm ee
Report this comment
July 2nd, 2011 at 9:20 pm
Risk ve vak mai tur lawm rawihteamizo.
Elija 6:7 ah khan en la “hre fiah anga lang thiam apiang hriatfiahna pek a ni ang” tih a nih kha
Report this comment
July 2nd, 2011 at 9:23 pm
#veepee, kan belh ve leh sak nge
Report this comment
July 2nd, 2011 at 9:45 pm
Bible hmun thenkhatah hian ruach leh pneuma hi nephesh leh psukhe tluk puiin an hmang ve tho ania aw ka unaute u… thiam hmel ve viau lo maw?
Report this comment
July 2nd, 2011 at 9:46 pm
@rawihteamizo, kan la om vek maw le, a duh2 tel theih, mahse fim tak, nu deuh but lo in, i chiang a nih chuan soi pop tur, chian loh pon mahni ngaih dan, chuan rilru fim nen ngaihtuah tur, tel phal vek
he post chu ka in ti ta tu sot riau mai a, #zoho hian min hau em long chu mw
Report this comment
July 2nd, 2011 at 9:48 pm
Report this comment
July 2nd, 2011 at 9:57 pm
hahahah zoho, i rawn sawi chang khi lawm ka duh theih em em mahse ka chiang tawh lo a. Esauva 33:33 niin ka hriaa… nilo khan ka hre bawk sia
Report this comment
July 2nd, 2011 at 9:59 pm
‘tum boh boh’ tih kha eng bung leh chang nge kha aw ?? zoho hria em ??
Report this comment
July 2nd, 2011 at 10:02 pm
He post chu ka hlawk pui ngei mai.
1. Bible bung leh chang sawi nghal zung zung tur in ka memory a lo sharp tawh lo hle mai.
2. Ka lo thatchhe ta hle mai, Bible han keu nghal zung zungte hi ka lo peih tawh manglo. Tan lak deuh chu a ngai, thenkhat han taimak leh tihtak zia hi entawn tur a ni.
3. Sola scriptura tih pawh hi Setana hian a lo pawngsual thei reng tho mai. Pathian mize sawichhiatna em em pawh ni se, doctrine sound lo em em,Bible main stream zirtirna nen a inkalh deuh,kan sound mind in pawm theih zan loh pawh ni se,ngaihbel theih a Scripture a chang tlemte a lo inziah ve miau si chuan, kan reasoning hmang ngam miah lo in bumna ah kan lo awk thei …tih te hi.
Report this comment
July 2nd, 2011 at 10:06 pm
hets….alby.. uang tawh teh suh, ka hozo dawn.
hei bak ka ti tawh lo ang. 
“uan lutuk hi sual a ni” Zakaia 13:7.
Report this comment
July 2nd, 2011 at 10:23 pm
khai aaa, kan hozo takngial dawn taa
a tak lam deuh,#zoho post dang i submit toh m, ka lo soi thuak toh ang khan hremhmun/vanram lam post hma hian post tur dang a la om tlat in ka hria,chiang kek kok zel in o niang,voin chu phone number te ka dilkual phah ta,Pathian thu han ralkhat zawh mai te poh a ngai ee,ngaihtuah nghek teh ang o…midang hi an reh ta duuk a,weekend enjoy nan chuan helam hi that hmel ber sin lee
Report this comment
July 2nd, 2011 at 10:25 pm
in duh duh zawt rawh u, ka lo chhang ang che u
Report this comment
July 2nd, 2011 at 10:35 pm
@rawihteamizo: zawhna a tam mai, kan chhang luai2 a, han chhang ve phot la mo le, post i chhiar chuan zawhna i ngah anga, comment i chhiar chuan chhantur i nei nual ang,i ngaihdan te han soi ve phot la maw le,zawhna/chhanna lam te poh khi chhiar ta bok la….
Report this comment
July 2nd, 2011 at 10:52 pm
true MB – hremhmun chu ka submit tawh a, nizan zanlai pelh ah, a lo chhuak tep tawh ang chu maw… i interest na hian min motivate takzet a ni. Mahse, min sawiselna point thenkhat hi chu an dik takzet, ka thatchhia, ka inchhiar/inhai peihlo, ka hriatreng chin bak hi chu ka inhai belh peih hrihlo a nih ni maw, tui tak tak hunlai kha a lo rei ve ta deuh a, kan memory hian min phatsan then ve reng bawk nen, a scholastic quality ang zawng chuan ka chhuang fahran lo,thutak erawh an pai tih hi ka chiang pek, flowless erawh anni lullo. Nau awm pah a ziah te an nia.
Draft a ka dah ho saw em ni i sawi hlawm? Ka la ziak zo hlawm lo, ka theihnghilh loh nan draft ah ka dah mai mai an nih saw. A la rawn chhuak pawp pawp tur ah lo beisei rawh, tu fiamthu ang deuh vin, chhum lo chat lova thlakhat daih tur hi chu kan pai ve tawh alawm.
(:misual chapo:) LOL
Report this comment
July 2nd, 2011 at 11:02 pm
#210, reasoning dah hmasak hi a dik bik chuang lo tih hi ka pawm a nia. Reason-a kan test hnua kan pawm dawn a nih chuan kan level bak kan dap chhuak lovang.
Sola Scriptura hian chhan a nei. ‘Scriptura interpret scriptura’ tih a ni a, a parallel thin.
Reason nemnghet turin Bible kan hmang tur a ni lo zawk.
Ka’n ti ve a nih chu.
Report this comment
July 2nd, 2011 at 11:04 pm
Ngaihnawm ka ti khawp mai. Ka lo chhiar char char. Mit kham chhung chungin.
Report this comment
July 2nd, 2011 at 11:06 pm
Misual.com ho puitlingzia a lang chiang hle mai.
Report this comment
July 2nd, 2011 at 11:16 pm
@zoho, nia,a interesting ka ti takxet, understanding in a faith a hrin a,salvation a a luh theih chuan,a ai tha a om chuang a mi???
mahse ngaihdan a thuhmun vek lo tih chu kan vaiin kan hre chiang vek, chu vang tak poh chuan a vai a a lan chian vek na hmun a tang a fiah tha kek kok leh chiang tak hliah khuh theihlohna hmun a trang a thlir thiam ka tum a ni,ka thlirna hmun atang hian a lang chiang tur a ni a,ka FIAH angai ani,engkim ka tehna erawh chu Bibble nen ni se,kan vai hian Pathian tanpuina kan mamawh vek e…
Post dang poh kan nghak chhuak leh xel tur ah ngai ang,a nghahhlelhom hle xel ania…
Report this comment
July 2nd, 2011 at 11:24 pm
vakul@216 – I dik reng, tuna post ka ziah mek ah hian reasoning hi ka endorse ngawt loh zia i lo hmu mai ang, chutiangin knowledge pawh,logic pawh, science pawh.
Ka rawn uar tur chu reasoning leh rationalism in superstition a rawn thiat nasa lutuk thatlohzia leh pawizia lam a ni ber ang.
Report this comment
July 3rd, 2011 at 1:10 am
Pu Zoho-a post-ah chuan Pu Chawnghilha te pawh an tawngvai nawk nawk mai a lawm le ! Fiamthur !
Report this comment
July 3rd, 2011 at 5:57 pm
a tawp khartu nih tum ve char2 e
Report this comment
October 30th, 2012 at 1:15 pm
Kum 1 leh thla 4 kal ta a paws mah ni se ka kawmen chak ve hrim hrim; kawment lam te pawh a ngaihnawm e
comment atang te khian thil hriat chian chakawm deuh deuh te pawh ka hmu nual, paws thar zawkah zawhna zawt kher lova hriat theih dan ala awm em ang chu maw!
Report this comment