Archive for June, 2011

Kristian chi hnih

Saturday, June 25th, 2011

An sawi fo ringtu chi hnih ni lo lam hi kan thlur daih teh ang. Lal Isua khawvel a a lenlai khan a mah ringtu pawl pahnih a rawn din a, pakhat chu a koh, a ruat leh a thlan zirtir 12 te kha. Pakhat leh chu a duh apiang, tupawh tuihal a piang tel theihna mipui sangtam rual kha. A pakhatna hi zuitu(disciples) anni a, a pahnihna hi ringtu(believers) anni.

A thusawinate a zir in Lal Isua khan thuhar leh thuawl em em a sawi kawp ta tlat mai thin. Mipui sangtam hma a thu a sawi chuan “Rilru a retheite chu an eng a thawl e, Vanram an ta a ni si a, Rilru a inngaitlawmte chu an eng a thawl e, Pathian an la hmu dawn si a…….adt tihte (Mat 5-sermon on the mount),  tupawh tuihal apiang lokal rawh se, ka phur pawh a zang a……. tihte, tumah ka hnar ngailo...te a ti bawk.

Hmun dang leh ah chuan ‘Kawngka zim ah chuan lut rawh u, ….a hmute pawh tlemte anni …..tihte, nitin a kros a put loh chuan ka mi nitlak a ni lo…te a ti leh bawk a. Rawn inpe ve nagwt te pawh thiam tak in a hnar fo bawk. An inkalh thei thin mang e aw?

(more…)

Posted in Religion | 82 Comments »

‘Ti hian ka ngaihtuah a

Saturday, June 25th, 2011

Nu pakhat ang thawm , a chhan kan zawha officer pakhat hnenah thil dik vak lova hming sign-tir a tum-a lo hnawlsak avang thinrim ta kha ka la hrereng mai. Dik lovin tihtir a tuma a lo duh lova a thinrim zaw mah a. Tunhnai maiah SP Singh-a chungchang hi ka lo chhiar ve thin a; thil dik lo tih an tum a a lo phal loh avangin kan haw luai luai ni berin ka hria a. An huat chhan a dik lohna han sawi tur thil dang erawh a tam thovin ka ring a, mahse an sawi berah chu Governor leh kan MLA-te a zah tawk lovah kan puh a ni ber mai.

Justice hi khawi atanga teh tur nge tih hi ka rilruah hian a riak reng thin a. SP Singh-a ang hian kan Director, Secretary leh Officer-te hian dik duhna avangin MLA-te thu hnial ta se, kan chhuang viau lawi thei bawk. Nih loh leh dikna duha pute hnial hi a mipui hian OSD-a dah tur hian kan encourage zel dawn em tih hi a ngaihtuah theih khawp mai. HT.Sanglian’n CM hnena pangpar man a dil leh thu chapopui taka kan sawi lai khan hnam dang chunga Justice kan lek dan hi a fair lo thei ve khawp chuan ka hria.

(more…)

Posted in Opinion | 28 Comments »

Photo Exhibition 2011 – Thlalak thenkhat

Saturday, June 25th, 2011

Mizoram Photographic Association buatsaih “Photo Exhibition 2011 @Aijal Club, June 22 – 24″ ah ka va (kawl)hawkdak ve a… :D. Phone thlalakna hmanga ka lakchhawn zinga thenkhat hi lo thlir ve teh u.

He lui mawi tak, thlir thuak pawha lung tileng veng veng thei hi, eng lui nge tih thlalatu hian a sawi tlat lo. Ser lui a ni thei em?

lui

(more…)

Posted in Mizoram, Pictures | 49 Comments »

Kan thawnthu-II

Saturday, June 25th, 2011

Khatianga kan inzui tak rengah kha chuan kan inkarah chuan thian mai nilo, a aia thuk zawk thil a lo awm thuai a. A mitmei pawh vawitam ka hmu a, mahse, ka hai der lui tlat a. Ani ngaizawng tur chuan ka tlinglo a, keimah ka inhmu hniam tlat si a.

Class khatah kan awmlo ka tih tawh kha. Kan class-a hmeichhe pakhat hian min lo ngaizawng chu niin! Engtinnge ka phone number a hriat pawh ka hrelo ka class kal tur ka insiamlaiin min lo bia a, a hnua class kan off chu ka bulah a lo kal a, a thiannu birthday party-a kal puiah min rawn sawm a. Chu min sawm thu chu a rawn hriat hman avangin a awm a nuamlo hle a. “Kal suh” chu min ti dawt ngamlo nain a chezia velah chuan kalpui lo turin min duh tih chu a hriat hle a. Chutianga ka thian ve ber leh keimah avanga amah pawh inti hrehawm hial thin a nih avangin kal luihna chiah ka ngailo a, ka kal ta biklo a. Mahse, ka rilruah zawhna tam tak a lo lang a; zawhna langsar ber chu – Ka thiannu hian min hmangaih em ni? tih hi a ni. Ka han inena, ani ang tan chuan hmangaih tlak niin ka inhre lova, mah se.. midang ngaihzawng atan ka phal bik si lo.. Ka hmangaih ve tho tihna em ni?

(more…)

Posted in Fiction | 24 Comments »

Kan thawnthu-I

Friday, June 24th, 2011

Puk chawp tak meuh meuhin khawpuiah chuan college kal turin ka lut ve ta rawih a. Thiante min puihna zarah mahnia inluahna tur min hmuh sakah chuan ka han invawmlut ve ta rawih a. Ka ei leh in te, ka inluahna man vel engkim chu chhungte hnena chah ngai lo turin leh tlai lama class kal ka nih dawn vangin inhlawhnatur awm ang ang chu dap kualin, a awm ang ang chu ka thawk thin a. Chung ka inhlawhna atanga ka pawisa hmuh chu ka thlantui far zawih zawih atanga ka hmuh a nih avangin a hlu a, ho mai maiah ka hmang ngailo.

Kan college chu zan lam a nih vang nge pawh ka hrelo kan thahnem ang reng phian a. Kan luhpui thenkhat chu mi hausa fa, awmtha duhlo tih hriat tak an awm nual a. Nuam tawl ringawt buaipui an ang hle thin. Ka rilru tete chuan “Keinin kan zirtheihnan hna rim takin kan thawk a, college tha pawh kal thei lovin kan phak tawk ang a nih vanga hetianga kal ka ni si” tia ngaihtuah chang ka ngah thin.

(more…)

Posted in Fiction | 24 Comments »

Chhingmit intawng chu

Friday, June 24th, 2011

Rawllai ka ‘d’

Mihring kum chhiarnaah chuan alo rei ve ta hle mai kan tleirawl lai hun te kha. Belpui vala val ve ta na na na chuan duhte kanlo tawng ve a. Ni e, khatih hun lai khan ‘hmangaih’ ka tawng ve a ni. Ka ngaihzawng ti satliah lovin ka ‘d’ tiin ka ko hnap thin a, ka tan khuavel a ti parmawi thin! Kan ‘nih’ tan dan pawh ho te a ni. Vengkhat kan ni a, kan in pawh inhlat lote a ni. A u te nen phei chuan naupan lai atanga inkawm thin kan ni a.

Amah hi kei aia a naupan deuh avangin nau enin ka en thin. Mahse…zan khat chu tuikhurah tui kan chawi a (khatih hun lai khan kan khua hian PHE tui connection kanla nei ve lo), keini tleirawl kha chuan tin khat hi kan kawt zo chiah lova, a chanve aia sang deuhte kan kawt a. Kan tui chawi hawlam chu kan thian hovin hmun pakhatah kan chawl a, kan chawlh atanga rei vaklo ah chuan ka thiani te pawh an tuichawi hawlam an rawn thleng ve a.

(more…)

Posted in Religion | 28 Comments »

Chawhchawrawi Part-2

Friday, June 24th, 2011

Part-1 nen chhang a khat khop mai. Ka vei ve deuh zawng post ve kan tum pawh hian, post lem lo hian ka pamtul leh thin a, mahse, thu ho tak tak  pawh an post ve thin tho alawm le tiin ka vei zawng leh ka ngaihmawh zawng ka rawn post top mai ang e.

Tukin zing dt.24.6.2011 dar 7 vel khan lammual AR field ah ka fapa kum 2 leh a chanve mi hruaiin ball pet pui ka tum a,gate duty ho chuan min lo dang a, ka thiam ang tawk a vai tawng a ka dil pawh chuan an phal thlawt si lo a,ka fapa lah chu luh chak in a tap pur tawh bawk si a. 2 or 3 mins vel lek pawh luh an phal bawk si loh avang in tap pur chung chuan ka hawpui ta nge nge a.

Ka haw kawng ah chuan ka in ngaihtuah nasa mai a. Hetia keini a neitu dik tak,mizo mipuite ( a hmun hi mizo laih,grass lah Mizoram sawrkar phah) luh an phal loh lai a, an fate ho an infiamtir bok si ka hmuh khan ka thin a rim ta deuh tlat a. Mualpui ah te pawh phah theih tho a nih lai a lammual ah kher kher an phah hi ka hre thiam lo a ni. Lammual a phah a nih hian Mizo infiammite tan a a tangkai vak na tur ka hmu pha ve tlat lo!

(more…)

Posted in Opinion | 38 Comments »

Pawi lalram leh an thlahte

Friday, June 24th, 2011

Pawi kan tih hian chhîpa sam zial Mizo chî tihna a kâwk a. Pawia hi a naupan laiin a tukkhum a pân avângin a nuin a chhîpah a sam a zialsak a, chuta tang chuan a puitlin hnuah pawh a chhîpah a sam a zial ta zêl a ni. Chuvângin Mizote tam tak inthlahpun hnuah a thlahte chuan an chhîpah an sam an zial ta zêl a ni.

Pawia hi an unau zînga upa ber a nih avângin lalram nghet pawh a nei hmasa ber a. Mizote hi an pipute atanga upate zah thiama chawimawi thîn an ni. He a lalram thar an din lai hian tumahin an û ber thlahte chu an ngam lo a ni. Mizote hian thlang vawi hnih an tlâk hnuah tûna an awmna hi an luah nghet chauh va, vawi hnih chhak an nawr bawk.

(more…)

Posted in Mizo Society & Culture | 37 Comments »

Mizo nula bumtu Vairengte nu leh a pasal

Friday, June 24th, 2011


pic- Vanglaini

24th June : Mizo hmeichhe pali, Mumbai-a nawhchizuar tura bum chhuah nia sawi zinga pahnih chhanchhuahte chu Mizoram Police hruaiin nimin khan Aizawl rawn thlenpui an ni. An rual hian a bumtu nia puh, Zodingliani (27), Vairengte leh a pasal nia a sawi Shobit Hasta Thapa (28), Juhu Tara road, Mumbai-te pawh manin Aizawl thlenpui an ni bawk.

Hmeichhiate chhanchhuaktu team leader, CID Crime SP Joseph Lalchhuana sawi danin, Zodingliani hian Mumbai-ah massage parlour leh beauty parlour-a hna thawh tur hmuhsak nia insawiin Mizo nula pali a hruai thla a, mahse heng nula palite hi a ruka inzawrhna hmunah a hralh ta zawk a ni.

Zodingliani erawh chuan heng hmeichhiate hi anmahni duh thu ngeia kal an nih thu sawiin, sum tam zawk beisei vanga intithiam ta lo mai niin a sawi ve thung. Hmeichhe chhanchhuahte hi an hriselna a tha a, kut thlak erawh an tuar thin niin anmahni chhanchhuaktuten an sawi

- Vanglaini

Posted in News | 108 Comments »

Make a break make a move!

Friday, June 24th, 2011

Naupang ang maiin he gorilla hian tuia infiam nuam a ti ani awm e. Engpawh nise, Calgary sahuan, Calgary, Canada a silverback gorilla nge nangman break-dance thiam zawk ang han en teh le.

Rimawi hi chu a hnu lama an dah chawp niin NBCWashington in a puang. :D

Posted in HAHAHA, Information, Movies and Videos | 8 Comments »

« Older Entries
Newer Entries »