Tun tum chu ka Laptop-a mizo hmanrua/thil thenkhat thlalak ka neih, nikuma ka thianpa Computer atanga ka lak ho hi ka’n vawmkai ve mai mai teh ang. Mi pawi ka lo sawi anih chuan ngaihdam ka dil nghal bawk e. Heng thlalak nei tawh hi in lo awm maithei bawk:-
1. Mizo Ar chhiar.
2. Artuibawm.
3. Banglâi.
4. Bem.
5. Chaweithleng.
6. Chepthang.
7. Chhuanchhan
8. Chingalthlawrbur.
9. Fian.
10. Herâwt.
Ka misual.commer puite lung lên ve tak maw???
Chhunzawm leh tur…
Similar Posts:
- Mizo Hmanrua/ thil thenkhat Part-2
- Aizawl ah Paintball khelhna
- Family Album…
- Tawng chungchang
- Sorry!
July 11th, 2011 at 11:36 pm
Thangchep-ah chuan a lo cheptu lai takah hian Thangtung fip relrawl kan hmang a, a hrui-ah erawh hruikhau hrual kan hmang thin thung. Kan kamna hmun a zirin thangtung hmang kher lo a, hruikhau hrual fip tak hman chang pawh kan nei thin tho.
Report this comment
July 11th, 2011 at 11:36 pm
nope
Report this comment
July 11th, 2011 at 11:38 pm
Samoo: Zahmawh sawi suh aw….
Ka lo hriatpawlh zawk a ni. Thangthleng thar kan siamchhuah kha ka lo ngaihtuah daih alawm. Mak thei ngei mai. A in ang lo tak dawn e kan thangthleng sawi pangai nen chuan.
mizo, inti hre reuh mange. Sahdal dai i theu hnuah Beai i kam daih ang maw????
Report this comment
July 11th, 2011 at 11:42 pm
@49 pu Hv, ‘tion’s imposed over the’ tih chiah khi ka chhiar thei,a chhumbung hle mai (fiamthu)
Thang i rawn illustrate tha khop mai
Report this comment
July 11th, 2011 at 11:43 pm
@Ignatia, Kam fo e, a dai kan theuna hmun a zir a ni mai. ramchang hmun thelh sava tamna hmunah phei chuan dai theu ila, kam thlakthleng chuk mai ila a tihchi duh lutuk.
Ram palailenga behaithang va kam ngawt ai chuan, sava tamna hmunah chuan a tih chi teh a nia. Favang lovah chho-ah dai han theu ila, kangvar tantir atangin han kam tan ila, awk tha duh thei mai mai… hnuhma a lo thing vek tawh a, Zuva lamin engmah hre hrang tawh hek suh… A chang phei chuan kan kawh haw teuh loh leh, ippui ang hawk khawpin kan ak haw thin mawle..
Report this comment
July 11th, 2011 at 11:47 pm
@mizo: beai kam dawnin dai i theu ka ring chiah lo. a tawktarh(zehtet?) langchiang thei turin a bul vel kan tifai deuh zawk thin. keini chuan.
Report this comment
July 11th, 2011 at 11:47 pm
@mizo, i kam ve xeuh2 toh a nih ka ring ta riau, Thang rilru i man tlat
Report this comment
July 11th, 2011 at 11:49 pm
E khai mizo, ransa suat dan lamah chuan i lo hratkhawkheng dawn hle mai a. Dai theu chungin Beai i kam a nih chuan Sava fing deuh chu i awk thei miah lovang. Kangvar hunlaiin Beai kan kam ve ngai lo reng reng. Missionary Day thlen hnu chawkar khatah hian kan sut leh vek tlang pui. Tin, kam pawlh hi kan ti ngai lo hrim hrim bawk. Sava riahna zawnte hi inlo ching ve reng ange an rem duh teh mai ania…. A lutuk ang zawnga suat kha ka pu khan a remti ngai lo hrim hrim. Pit fal kan chan paw’n hawn tir zat limit a siam thlap thin. Tam tak hawn chuan KEUH a ni mai…..
Report this comment
July 11th, 2011 at 11:50 pm
@saint sammoo, dai theu thin teh reng mai. zehtet ni lo-in a tawktarhah sentet leh behai hman thin a ni. Varung ho hian sentet hi an lawm riau a, Varihaw, Vahrit tih ho vel hian Behaimu zeh pangai hi an lawm zawk bawk.
Krismas chaw hmeh zawn emaw, thal va ek char laia, chawhmeh zawn chuan rampalaileng-ah kan kam ve tho, mahse, tum sa ranin a kum hma lamin lo vah laiin kan lo ruahman lawk chawk bawk. Chutiang a nih chuan Behai, chepthang leh sahdal kan kam kar thlak chuk zel a lawm.
Off topic:
Mak deuh mai chu Ralleng hnam pakhat Lotha ho hian Vahrit kan tih hi vahret tiin an lam ve tlat,..
Report this comment
July 11th, 2011 at 11:53 pm
@mizo chuh, lung i ti leng hle mai,thang kam i hrat hmel foo roh hi a…Puilo leh Chhawrtui inkar a zan thla eng hnuai a Chemtum nen chauh va Sihal ka veh lai te poh kha min ti ngai e a,,i contribution tha khop mai, mahse #saint sammoo hian i soi ho hi oih har a tih hmel
Report this comment
July 11th, 2011 at 11:58 pm
@Ignatia: Krismas chawhmeh zawn emaw, favang awllen a nih loh leh thalva ek char chho chawhmeh van lai bakin kan kam ngai lo. :).. La rei lo hle mahse, khang hunte kha hmanlai an chang zo tawh…
Report this comment
July 12th, 2011 at 12:01 am
true^mizo^boy: chu kan tuanna lam a van in an hmel ve, tuichang dung, tuvawl, tawihtlang, lungtlanghing leh phaisen dung nen lam khing lai ram chu kal loh a hleih a awm lo.. hahaha… chhawr tui vel phei chu kal tlang ngun lutuk.
Chhawrtui khaw ho hi 90s chho vel thleng khan Ui fing nena sazuk hual an la ching… Tuichang hnar lam sazuk chu an kap rem deuh vekin ka hria…
Report this comment
July 12th, 2011 at 12:05 am
A tha e mizo, i nick hi ethnic issue keng tel ka lo ti reng ah, i rilru a lo zo em a nih dawn hi…
Keipaw’n ka sava veh hunlai leh thangkam lai khawvel kha ka ngai thin lutukkkk. Tum khat kan vau lui chunga thing zawh lai Sazaw ka man a, khang hunte kha a ngaihawm mange. Tunah zawng tar chaklo, mi zinga khawsak pawh inthlahrung dum ka ni ta si ale…
Report this comment
July 12th, 2011 at 12:06 am
true ^mizo^Boy#54
#49 https://i53.tinypic.com/123a98p.jpg ami kha
“The Washington Post” Monday, July 11, 2011
Iranian shipping hit by sanctions tih ami anih kha…” imposed over the past year have slowly underminded Iran’s ability to conduct trade by targeting…” tih vel a ni.
Report this comment
July 12th, 2011 at 12:15 am
Thangchep leh Thangthleng kamah hi chuan ka mikhual bik lo khawp mai. Hrat ve tak thin ka ni.
Tum khat chu Thangthlengah hian Sazu lian zet hi a lo awk teh tlat a, kha Sazu kha chu a ninhleiin a vanduai ve khawp mai.
Report this comment
July 12th, 2011 at 12:19 am
@ignatia, engdang vang mah a la ni lo. i inssawi dan ang a nih chuan, Ka pa rual daih i ni mai thei zawk. Ka zah khawp mai che. Thingtlang atanga seilian leh kum 7 vel nih atanga mahni a rama riak tan tawh ka nia, ka lo tawn tawh thilte a nih avang leh ramhnuaia ka chet tlat tam thin em avangin ka lung a tileng lutuk a, ka rawn sawi ve ta vak a nih hi.
Nghalpui thinga awm chi kan lakte kha aw, a la rei loh nen hmanlai ang mai a ni tawh si a. Kg 25 zet hi a nia. Kan hal hnu-ah ka han lawn chilh a, thingah a pui la thi lo an bet chho fur mai a, silipar-in ka vaw hlum chho zel a, a thlar lian ber mai a hnuai ber a mi ka zai chhum a lo rit lutuk, a tla darh vek mai chu uihawm duh mai mai. Chutah kan halna mau tlawn hmawrah a thlar vit pawpin ka thlak thla zela. A note kha 25 Kg zet a la tling mawle. Thingkunga atanga ka chhuk thla lam, a pui pakhat ka vuak hlum hmaihin min lo zuk, vir ngar ngar khawpin min lo zuk chu, tun thlengin a la ser. Kha mi zan kha ka khua a sik char char a, ka hnamsaia ka taksa a la bawl chhuak vek zui. Mahse, upa-in an lo sawi thin a dik zia ka hriat phah, zing arkhuan vawihnihna zawhah ka khawsik a reh a, ka hnamsai bawl zawng zawng pawh a reh vek bawk. Tun thlengin mak ka la ti.
Lunglen thlak mai mai.
Report this comment
July 12th, 2011 at 12:29 am
Krismas dawn a tlangsam pik bawn hnuai ah buk kan sa a, thang en haw kan inbailem chhuan nghal a. Tlai a lo nih in fenthlir ah chingal tlem nen lamhnai tuikhur lam ah kan chiar thla leh chelchul a, haw pah in zirtirtupa huan ah thei kan lo ru ho lehnghal a. Lungthil in min rawn vawm, bakleng in kan tlanchhe haw leh a, in kan thlen meuh chuan a hma ai a kan fai bikna pawh a awm leh tawh chuang law… A mangan thlak thin khawp mai. Khang hun te kha aw… Hmana lenrual hlui zawng te khan ngai ve che u maw…?
Report this comment
July 12th, 2011 at 4:53 am
Pi Romawii, Serchhip titi ka ngaithla a, ka nui nasa mai a.
Tum khat chu Sailam daia an kal laiin, aifiar hi kawnglaiah a rawn vak tlat mai a. A man ta a, a thlir vat vat a, kawng thlang lawkah chuan thing zara thangthleng inkam hi a zu hmu fuh a. A zuk awhtir ta a.
Pi Romawii chuan, “Thang kamtu khan aifiar a awk kha, mak a ti ve ngawt ang,” a ti.
Report this comment
July 12th, 2011 at 4:54 am
Chhuanchhan khi belval kan ti.
Report this comment
July 12th, 2011 at 5:16 am
Herhawt hi, pinion system ngata kan pi puten an lo rem khawm thiam hi ka fak.
Report this comment
July 12th, 2011 at 5:56 am
Chhuanchhan tih hi keipawh ka vawikhat hriatna, belval tihin ka ka ko va, bel a ung loh nan a a khu daltu barrel cheh phek kual hi “chhuandam”, kan ti.
Report this comment
July 12th, 2011 at 6:01 am
@68…. ka nui nasa lutaaawk!!!
Report this comment
July 12th, 2011 at 5:33 pm
Pic 1 : Ar-chhiar hi hmanlai mizo inah chuan Sumhmun chhungah a awm thin. Bang pawnah an dah ngai lo
Report this comment
July 12th, 2011 at 5:35 pm
Pic 2 : Artuibawmah hian a phah-ah hian katchat emaw phuai emaw a remchang chang kan hmang mai thin, Di hi kan hmang ve ngai miah lo !
Report this comment
July 12th, 2011 at 5:38 pm
Pic 4 : Paihper pangai chu a ni lo, Paihper-te an tih nen a inang khawp mai. BEM chu ka hriat vawikhatna a ni tlat mai!
Report this comment
July 12th, 2011 at 5:38 pm
lushai_er #74 ni e tiraw, remchang2 hman mai anih hmel. Ka pi kha chuan buhpawl a hmang tlangpui awm e.
Report this comment
July 12th, 2011 at 5:45 pm
Pic 5 : Thleng khi chhungrual thleng chu a ni lo tawp mai. Hmanlai kan thleng hman thin kha chuan ke a nei thin
Report this comment
July 12th, 2011 at 7:35 pm
Banglai tih a rua tuk kuak khi em ni i sawi banglai chu.
A nih chuan keini chuan tungchaw kan ti mai.Khum luah te an dah a thil dah khawm nan.
Bem tih ka hrelo thung tin paiper an tih ka hria.
Mizo thang ho hi kam thiam loh ka neih ka hre lo.
Thangthleng
Thangchep
Beai
sahdal
vaithang
fal
mangkhawng
sakhithang
sanghal thang
vawmtlak
kar.
thirthang
zawng khar
aiawt
ngawi
nghakuai
len
ngalhem
tlakhawlh
Report this comment
July 12th, 2011 at 9:30 pm
Artuibawm chu tunlaia tah that vak loh Paikawng ang chi an hmang daih ani maw.
Report this comment
July 12th, 2011 at 9:50 pm
Artuibawm hi kei ni chuan a hran in kan tah thin a, paikawng chhia ni lovin. Ne.. Khiang hnah hi kan hmang tlangpui, a hmul thiap a alum khawp a nia.
Report this comment