(He post hi zu thatna leh thatlohna; khap leh khap loh chungchang lo tuihnih ve zen na a nilo a, kan chei tam tawh avangin, ninawm zawng pawhin a kal ngei ang, ZU BAWK MAW? kan ti mai thei. Ram dangin engtiang chiah in nge, an lo hlawhchham pui tawh tih entirna mai ani e.)
Zu khapna dan tih hi zep thu cheng lo chuan, kan titi tui ber leh kan helh em em, kan au chhuah pui nasat, hma erawh kan sawn pui theih hauh loh a ni. Mizoram zaa za kristian tia in chhal ngam hi, lemderna (hipocrisy) nuna kan luh thukzia entirna fiah tha ber chu kum 1997 feb atanga zu sak, zawrh leh in khap burhna (Total prohibition) kan puan leh hman tan kha a ni awm e. Kum zabi thar kan kai atanga Total Prohibition puang hnuhnung ber chu, Mizoram Congress sorkar a ni. A fing tlai anih chuan khawvela fing tlai ber, a ai tlai anih pawhin khawvela a tlai ber ani ti ila kan sawisual tampui awm love. Tlai khaw hnua zu khap thu la buai pui chuk chuk sorkar kan ni a, Mi lung fing chin ina tha an tih loh leh a theihloh tur zia hre reng chunga, Kohhran nawr tawtna atanga inthlan leh huna mipuite duhsakna dawn beisei vanga, congress sorkar in hetia ati mai hi thilmak tak niin a lang. Zu khap burh nachang hre khawp sorkar hawihawm reng reng ke vanchhawnin an tla thin, tih hrelawk ngat sela chu, an tilo tawp tur ania, mahse an hre silo. Eng nge a nghawng? A kum leh november 1998 inthlannah chuan congress chu an chief minister hovin ke van chhawnin an tla deuh phiar ani.
He Zu khapna dan an siam hi mipuite pawh min nghawng nangiang reng a, a nghawng leh a thlen chin pawh kan hria, A thatna tam tak pawh lo awm mahse, a khawi zawk hi nge buk rit zawk anga, a eng hian nge ram khalh ngil ang tih erawh chhiartu leh mipui kutah dah mai ang. Ram leh hnam dang pawhin an lo ti ve tawh a, hlawhtling tak tak an awm kan hre lo. Entirna pahnih khat lek lo tarlang teh ang.
Europe, abikin England atanga USA rama pem hmasa, Protestant turu thlahte chu Middle-west leh south lamah lo nei leh ran vulhin an khawsa ber a. Heng pem hmasa, mi hlun (old stock) inti ho, hnam induh tak, fir taka Puritan ho zirtirna kenkawh duh ho hian hnam dang, pem tharho, mi hnuahnunga an ngaih, khawpui leh thilsiamna hmunpuia cheng, abikin Irish, Italian leh German mi, Protestant pawl pawh ni lote chu mi hnawksak, zu in ching leh nawmchenna nuna inhmang mi nia an ngaih avangin, an zalenna khuahkhirhsak dan an zawng a. Protestant pawh chuan 1869 khan, National Prohition Paty an din phawt a; kum 1895 khan Anti-Saloon League of America an din leh a. Kum 25 zet beihpui an thlak hnu chuan 1919 khan US Congress chu an zu sak leh zawrh khapna dan 18th Amendment, a bill pu luttu Volstead hming chawia Volstead Act an tih chu an pass-tir a, a kum leh chuan an hmang tan a. Kum 13 zet an beih hnu chuan an hlawhchham der a, zu khapna dan chu 21st Amendment-ah an hlip ta a ni.
Hemi chhung hian zu a let tamin a pung a, zu rui vanga accident tawk a let 647 (percent) leh zu tha lo ina thi a let 700 (percent) dawn laiin an pung bawk a. ZU atanga chhiah sorkar hmuh tur zawng zawng zu zuarte kutah a luh tak veng atangin nawhchizawrhna, pawisa inkhelhna (gambling and betting), nawmsip bawlna in te leh thilsual tihreng tihna hmun a pung nasa em em a. Politician ho leh Police-te chu zu zuarho kuta awm an nih avangin thu buai hla buaiah misualte chu ngam rual anni tawh lo. Chung lai chu alawm, mafia khawpui Chicago chuan “America khawpui zinga corrupt fai thak”(the only completely corrupt city in America) tih dihhmun a luah hial a ni.
October 24, 1929 a sumdawnng inpui Wall Street-a New York Stock Exchange nghawng chimtu zinga pakhat chu zu khapna vang niin thenkhat chuan an sawi bawk. Hei hian khawvel sumdawnna a nghawng chhe nasa hle a, indopui pahnihna intan thleng khan khawvelin a nghawng a la tuar a ni. Hemi hun chhung hi Chhiatna Rapthlak Hun (The Great Depression) an ti hial reng a ni.
Ram intodelh ber USA mahin zu khap chutiang khawp a chhiatpui dan chanchin Ram pakhat-a ram hruaitu lu ber pawhin kan hrelo nge kan palzam mai mai nge, kohhran hi kan ngam lo zawk? nge politics vang bawk em ni? Hei lo i lo en teh ang “Congress Chief Minister Lalthanhawla leh a hoten an tih ani a, an fakawm hle. Sorkar a Minister leh hruaitu lawk tak tak thlengin, tuman zu khap chu tha an tilova, a hlawhtlin an ring bawk lo. Kohhran hruaituten an nawr nasat em avanga an tih a nih thu an sawi vek. An sawi zel dan chuan, khap tura nawrtu puithiamho pawhin a hlawhtlin an ring lo. Mahse, zu khap tura sawrkar nawr kohhran hmaa an lo intiamna chu hlen ngei an dih si avangin,. puithiamho chuan an hmel hemmna tur veng ranin, hmai phih fai nan, sawrkar an khap luihtir a ni. Puithiamho leh politician hovin zu politics an lo khelh dan hi namai lo tak asin” tiin L.Keivom chuan Zoram Khawvel tih ah a tarlang hial.
Ngaihdan tam tak min neihtir a, a chunga ka tarlan hi ram dangin an lo tih ve tawh dan entirna mai ani a, a that leh that lohna sawi tur tam tak a awm ngei ang. Kan ram neihchhun Mizoram, hnam naupang tak leh ram dang dangte tihdan a tha emaw tha lo emaw, copy zung zung thin hnam hian Zu khap burna dan hi awm talo se, engtiang chiah in nge ngawng a neih ang? Tam tak chuan he Dan hman kher ngai lo hian control tum ta zawk se; mimal tin duhdan nise, a chin tawk leh awm tawk erawh inzirtirna khauh takin awm se ti duh pawl kan tam. Sawi zawh sen anilo, kei ka mimal ngaihdan ve mai ah chuan he Total Prohibition hi awm lo se, zalen takin awm se, a kum hnih khat ah kan buai pawh ani thei, mahse a rei ah zu kan in thiamloh na bik tur awmin ka hre lo.
Similar Posts:
- Zu khap bur na dan hman zawm duh!
- Cong. Minister hluiin MNF a zawm
- Aizawlah zu a zalen
- Zonunmawi virus Zu – MLTP Act-in delete rawh
- PRISM in Sorkar thil hman khap turin ngen
August 1st, 2011 at 11:42 pm
Ram dang pawhin an khap hlawhtling thei lo ania, MIZO te hian ka control theih loh na bik tur awmin ka hre lo, kan Zoram chhungah hian. Zu khap lohna ram ah, mizo te hi a sing chuang kan awm ngei ang, ngawl vei avanga thi ta leh Zu avanga buaina siam mualpho em em kan awm ka hre lo (ka hriattlem vang nge; thil dangah kan hmeichhe thenkhat hminghliau chu lo awm ve mahse- zu vang nilo), Zu in leh ruih vanga mualpho ta em em leh tlachhe rawk khawp Prohibition awmlohna ah kan awm ka hre lo, Mizoram chhungah pawh khap ta lo se, tha takin a chintawk siam se, Rui bung bung leh tlachhe rawk khawp a, in duh kan tam lo khawp ang le,..
Report this comment
August 1st, 2011 at 11:44 pm
“Zu in thiam lo” hi kan inti teh fo va, zuhi han in ve mai chu a harsa lem lo, hmuama lem mai kha a ni deuh mai a. Ruih lah a harsa nahek lo, ruih thiam erawh a harsa viau ni ngei tur a ni.
Ziaktupa hian a chhui ril bawk a, post tha tak a ni e. ngaihdan thui tak min neih tir.
Report this comment
August 2nd, 2011 at 12:07 am
Ziaktupa hian min lo hrethiam hram se. Khawpuia cheng te, milehkhathiam leh vengva chin, Zoram pawn thleng thlenga lehkha zira chhuak pha chin erawh hi chua tumah zu in a tihbuai ka ring lem lo. Thingtlang atanga rawn chawr chhuak ka nia, thingtlang lamah chuan buaina kan neih tam ber (insual buai, intual vuak, tualthah, nupa inhauh buai, nupa tang then) thlentu tam ber hi Zu vang a ni tlat mai.
Report this comment
August 2nd, 2011 at 12:14 am
Zu bawk ….ad nauseam
Report this comment
August 2nd, 2011 at 12:35 am
Kan Mizopui Phaia awm te hi han en ila, Zu khap lohna ram a an rawn luh tirh chuan an in nasa thei khawp, an awm rei tual tual a, sum hlut zia an hria a, an in tlem tual tual– An za vai chuan ka ti lem lo mahse atam zawk!
Law of Diminishing Marginal Utility an ti ami kha ?? ka chiang chiah lo– hhaa
Report this comment
August 2nd, 2011 at 12:41 am
Zu te chu han kha fuk mai se, ruih lai lai hian lu hi na ngut ngut mai se la, zu tha tih na a ni mai lawm mi, tunlai a tan chuan?
Report this comment
August 2nd, 2011 at 12:45 am
comment ve lok…a sen chi ani emaw ani lo emaw.Hmanlaia kan traditional zu ho kher hi chu khap lo se aw.He laia kan vai thianten in teaditional zu ron keng rawh an tih in LOCAL bawk ken sak hi an ngai thin a.Zahthlak thei khop mai.Hei tak hi chu i hlip teh ang u,hmanlai kan mizo zu kher kher hi chu ka chhuang ve teh mai ania.
Report this comment
August 2nd, 2011 at 12:47 am
Misual-a zu khap support rum ruttute hi a tam zawk chu an chhungte zuin thin, buaina thlentua an ngaih, hnawk an tih em em vang tea ZU KHAP duh em em an ang ka ti. Mahse, zu-in thin an mahni Pathianin a hmangaih ang bawka a hmangaihte hmangaih thei hauh lote an nih ka va ring em!
Report this comment
August 2nd, 2011 at 12:52 am
An khap peih chen chen khap rawh se ( Kristian Lemchang) , anla khap seng dawn chuang lo.. Nakin ah chuan kan van lo hlip har em em an la ti ang..
Report this comment
August 2nd, 2011 at 1:04 am
Spain U19, U21 and senior champions. tunah khan U19 ah czech republic an hneh, football ah.
Report this comment
August 2nd, 2011 at 1:11 am
girls U17 Champion pawh an ni
Report this comment
August 2nd, 2011 at 1:13 am
Report this comment
August 2nd, 2011 at 1:17 am
Rambuai lai a MNF in firing order nen a an khap lai khan, khap rem theih chu nise a rem daih tawh ang. Khap chi a nilo a duh tan chuan in mai chi a ni zawk. Khap a nih chhung chuan zu avanga buaina hi kan ngah ting a ni mai.
Report this comment
August 2nd, 2011 at 1:18 am
@Zephyruss, a dikna chen chu a awm mai thei, mahse phai-a thleng thla tir hi ka hre ve nual a, an in nasa em em kher chuang lo, kawng pakhat ah chuan, Mizo te hian thil ‘thar’ hi kan lawm hma riau a, ‘khap’ hi bawhchhiat kan chak tlat a, ti suh tih hi kan tihchak ber ani pakhat bawk a; (mihring mizia a ni ve tlat)
Tam rei rui, duh tawka a awm hi chuan kan chak vak lo pawh ti ila, a dikna chen chu a awm mai thei 
@Caribou, a dik khawp mai, hmanlai (han ti mai ang) Pi leh pu te khan an lo control tha thei khawp mai. Khawlai ah zu rui hmuh tur leh buaina siam an awm ngai lo, In tin-in zu bel an nei a, Lal leh khawnbawl upa te khan an in nasa khawp mai, awmni-kham meuh in. Mahse Lal ban a han nia, hma kan sawn ve zela, kan danglam ve zel a, zu hian min chiah hneh ta em em a, a bikin thingtlang lamah zu rui, buaina siam leh ngawlvei kan tam,a dik; mahse tunlai kan en ila, kan changkan tawh zia hi, kum 5 hnuah ringawt pawh hian engtiang takin changkang ang imaw? Kan culture leh tradition te pawh kan her danglam zela, hmasawnna rahbi thar ah kan chuankai tawh hi, zu in hi kan thiam em em ang ka ring, han Hlip phawt mai sela,.
Report this comment
August 2nd, 2011 at 2:35 am
Zu hi chu sawisel leh fak vak pawh a ngai lemlo, a duh chuan in mai tur a niin ka hria . Khawvel hun reilote ah hian mahni taksa duat thiam a piang kha an damrei ang a, an nun a hlim zawk ngei bawk ang .
A landanin Total Prohibition hlih/hlihloh ah chuan a hlip duh pawlte hian a duh vaklo te aiin an chhui peihin an chik peih zawk viau a, an fakawm zawk mah a ni. He’ng, thil chik peihna/zirchian peihna an neihte hi ‘zu’ ah hian thamral tir mai lose la, nakin lehzela mizo thalaite tana tha leh tangkai turte pawh anla chhui chho/zirchiang leh turah ngai ila, tichuan, hma kan sawn duai duai tawh mai dawn a ni. Amaherawhchu, thildang dik leh tha ngaituah/chik duh miah silo a, ‘zu’ chungchang chauh chik/zirchiang peih mite nih erawh a ropui lemlo viau dawn a, midang zawng zawng aiin kan rilru a hniam hle tih kan tarlang ang a, a zahthlak hle bakah thenrual zingah harhchian deuh kan la ngai hle a ni, tih a langchiang tulh tulh tawh mai dawn a ni……
(noi)
Report this comment
August 2nd, 2011 at 6:39 am
Kan sorkar a ni emo, YMA a ni emo zu leh ruihtheih thil an khap a, chu ti ang ti mi an han vo hlum leh ta lehnghal, eng vang a zu te, ruihtheih thil dang lo zuar ta mai nge an nih chu chiang tak in an hre hle si a. Hleprukna (corruption) poh do ngam lo ho hi…..
Naupang sual in a ngam zawng a ti rethei vak a, a rualpui, a ngamtho, a hneh theih eng tin mah a ti ngam lo ang vel a ni. Hleprukna(corruption) avang a nun chan ta te leh rethei mangang a rum mek te Pathian engkim ti thei an awmpui sela HLEPRUTUTE chu Pathian engkim tithei an ROREL sak rohse. Kan sakhaw hotute poh hian an vei teh chiam lo emo ni ooo… kan KTP/TKP/Tralai hruaitu fel tak tak te, kan UPA fing tak tak te hian an ngaihsak vak lo nge ni ooooooo… LALPA Zoram hi zilh la hrem vak ang che lir nghing tir vak la hleprukna a insak zawng zawng ti chhe vek ang che an in hmuh chhuah na tur a nih phawt chuan.
Report this comment
August 2nd, 2011 at 6:49 am
Mi thil tithei leh a neinung zawk ten an duh zat zat a sen chi an tawlh luh theih lai hia RAKZU nana na hi chu nghei bik kava tum lo e aw…….
Report this comment
August 2nd, 2011 at 7:06 am
@66 sparta, i ti dik ngawt mai, mahni ngam zawng chauh-mahse i thahnem ngaih lutuk avang hian kan khawpui ber hi a chim chhe tam ngawt lovang maw?
Report this comment
August 2nd, 2011 at 7:25 am
E, Lungai ma ta che u, kan hotu ten a ngaihna an hai loh hi. An sah zau tawh viau a nia. Nakin lawkah chuan, Zu brand tin reng in duh duh zalen takin in la lei thei ang. A in chi leh a in lo chi te in ngaih tuah tawn a tha e. Tin, hetia a free vek rih loh hian, misual ah post leh comments a tam ve phah a lawm maw le. (a tangkaina lam inti thlir)
Report this comment
August 2nd, 2011 at 12:42 pm
Tlai tina zu dawr 2/3 tal han kel pelh hi a nuam ve riau
Vai chhia kan tih fo hi, Zu dawr ka hmuh ve thin ah hian an bengchheng le lu ngai miah lo nia!!! (ka hmu tlem pawh a ni mahna)
Zu ka in lo (ti ila.., thla hmasa khan Delhi ah Bacardi(?) far 5 leh Slice pawlh ka in ve ngei
) mahse, Zu khap bur hming pu, khap bur silo; an ngam zawng leh chanchhia chauh vai vai tu sawkar leh a buaipuitu department hi ka hua…
Report this comment
August 2nd, 2011 at 1:14 pm
Thil khap hi a tam leh lutuk a, zu khapna dan pawh hi an la khap ang ti nia!
Report this comment
August 2nd, 2011 at 1:36 pm
Zu zawrh khapna ramah hian zu an zuar khap hlawm tho chu a nih si hi..eg. RV, Phunchawng..
Kan pipute mahin a in dan an thiam chuan thangthar lung fing chinte hian an thiam loh bikna chhan tur ka hre eih lo! Zu tamna hmuna ka awmin in ka tum lova, a khapna hmuna ka awm pawn in ka tum chuang lo; mahse zu khap hi ka thlawp lo chiangkuang..
Report this comment
August 2nd, 2011 at 5:37 pm
sawi sawi mah sela ka nghei dawn chuang lo…..
Report this comment
August 2nd, 2011 at 8:33 pm
zu tha si tlawm si ka la hre ve hauh lo mai. Khuahkhirhna dan a awm a, zawm mai hi khua leh tui tha tih tur a ni. Dan zawm thei lo tu chu mizual a ni. Khuahkhirhna hnuaia tih zalen hun a awm a nih pawh in chu dan chu zawm leh mai tur.
Report this comment
August 2nd, 2011 at 8:36 pm
Hlip se ka va’n ti tak em
Report this comment
August 4th, 2011 at 9:46 am
@mawia pachuau.. ” dan zawm thei lo tu chu misual a ni” th tak hi a tha ka va han ti em. Ka In ngai lo a chu Zu khapna hi cu hlip se that zawk k ring. Sawrkarin zu zuar hnenah Tax han la mai se aw. road tax,eng tax pawh ni se, tax dang zawng2 belhkhwm ai pwn an hlwk mah zawk lawng mw le o.
Report this comment