Khami kum July thlaa ka zin chhuak zet kha chu —keimahah thawnthu danglam tak a awm tan ta tlat mai!
Thingtlâng nulaah chuan titi leh rual pâwl thiam chungchuang chu a tling thlàwt e. Ka vawikhat hmuhnaah vawm bei ang thlawp a ni ta mai si. Lêngkhàwm Zai lah a hneh, a àw a mawi hrim hrim a, a kamchhuak a hawihhâwm bawk si. A hmêl pawh a tha tàwkfang.
A pumrua a bùm deuh va, a mal erawh a vàwng tha, a khàl chi kim reuh a ni ber e. Khawpui inchei ang a inbel ve tho va. Pheikhawk nalh a hre kher mai. Hla lênglàwng leh Western –helama kan ngaihthlàk phàk ang chin chin hi chu mawi tàwk taka thlawh ve thei zèl mi a ni.
A chezia hrim hrim a zei reuh a, a phei-chheh leh kal paha a bân vai a mawi hle a, lêngkhàwm zaia a han lâm zet chu–mi dangte ke-chheh leh chàwnbân vai nèn chuan inthlau lulai tak a ni. Mit a va han la bìk tak èm! A zàm lah a tha.
Nui seih pah hian thil engkim hi a ti thei nì hian a lang a, a kianga awm lah tuma’n an kham lo. A chawk hlim thiam vèl vek. Tar leh la valai a chhawnchhaih thiam zèk a: naupang chùmchiapte thlengin! A titi kaltluang ko-tlângah tute mai pawh hi, ngaichâng beng-dawh tak hian a awmtîr thiam a ni ber mai.
A mitmeng leh hmui-hmai che vèl a hmuhnawm hrim hrim a. Mi khap phal a har. Thu tharlâm èm èm zawng a sawi tam teh duah lo. A kum lah ? pèl àwrh chauh a la ni si a —khati taka ngaihnawm khân, Mizo thu thûlkhung hi a pai kim hle. Thàwka phìtin hla lungkuai tak tak hi a phuah nghàl zung zung thei a—a kianga awm a khamàwm mawlh lo. A kianga tawlh hun chhûng kha duh aiin a va rei lo thei thìn tak èm!
A làm thiam zia : Waltz, Twist, Hula, Morris, Barn, Conga, Foxtrot etc., etc., … Sa ngèn làm, Pâwl thiat làm, Tai nei làm, Ram zawng làm, Dawr dap làm, Insùkthlèk làm, Chheih zai leh làm, Zu-hmun làm —demonstration pe nghàlin a lâm phar thei haih haih zèl a. Nuih lah a heh! A nui lah a mawi chiang!
A che simple thiam reuh si. A hlim thei ve hrim hrim a ni ber e. A kianga awm kha a va han hahdamthlàk tak èm! Fiamthu thianghlim tlachàwp lah a hmai eih lo! A va’n zei tak! A tân an vàngkhua kha a chèp lu’ deuh a ni. Hindi hawrawp a chhiar thiam a, English engemaw chen pawh a thiam bawk. Chher belh a phùrawm ta riau mai le —rilru a vàk tan, suangtuahnain vànrâng chhùm a ùm.
A thu chhehchhuah rèng rèngah mi lunglêng thei tak a ni tih a hriat ngawih ngawih a, a cellphone rawn ri karh thìn lah, a zungtang chàwm mawi tak khân hla thu mawi tak tak zèp telin, amâ ìr-âwm chhuak ngei kha, a hmet zeuh zeuh va–bahlahna awm eih lo hian–a dawngtute thinlung damna tùr, thu inchàwm nung hi a hmai ngai lo! A contact number kha dîl lo thei ka ni ta bìk lo! Thìk rùkna rilru ka pu tan ta tlat mai! Ani lahin hrethiam pha hek suh!
Alarm clock : Thian tha angin, zàn mut dâwn, zîng thawh—hun dang dangah te pawh thu thlum pângngai kan inthawn tan ta chu a ang hle. Hmangaihna rawng kai han lantîr lah a remchâng èm èm rih si lo. Chhiar thlum dàn riau zawng a awm ta tlat! Lung tikuai zual tùra insiam dàn ngaihtuah a ngai ta.
A rin loh hlàna hàwnsan thut ber mai kha—khaw kârkawngah lah network awm tawh hek lo! Kan in-message nawn leh khân an vàngkhuaah ka awm tawh dèr si lo. Eng tak dâwn ve ang maw?
Zîng inkaihthawh leh zàn mut dâwna in-mangtha chhunzawmin, a kârlaka fiamthu inthawn chu thu dang ni se … kei lah ka liam lehzèlna tùr ram a la hla si … khawmualpui lehlam atanga chhùn leh zàn hunbi inhriatsak tawna kan han in-mangtha leh zînga kan han inkaitho ta thìn kha … kan alarm clock hùnna a hnai ta zàwkmahin a ngaih theih asin le!
Measured in miles —you are far away
Measured in thoughts … you are ...
te ka’n ti ta ve rawih a. Ani pawhin a lo hrethiam chêk a niang chu — “I mi ngaih dànah hian, “Zâwng” a tel tlat!!!???? Dî-loh Di,” a rawn ti lèt ve ta khauh va. “Makna leh zawhna chhinchhiahna” uar tàwkin, mite tih dàn thin chu a hai bìk lo. Mizo style laklawh ni ve miau hèk! Tuifinriat zau tak leh khawmualpui kâr dàn mah ni se, a zah ve theih rum rum zu nia!
TIIN, thawnthu PLOT pâwnlâng rih mai mai hi han phuah ve dâwn ta ila —Part 2 & ETC a nghàhhlèlhawm zui lo viau ta ve ang. PUNCTUATION zir nâna ka rawn tih a ni ber e.
Similar Posts:
- Zantin Mangtha
- Saihnùna (Mualchêng)-in KEI-MI a kah thelh ve tho
- Ka thiam ve ta!
- “Mangtha aw..”
- SMS hmangin tawng kan suasam
August 6th, 2011 at 6:43 am
comment ta che u…. ka’n chhiar phawt ang nge!
Report this comment
August 6th, 2011 at 6:50 am
Khitiang khawpa engkim tithei hmeichhia chu “Nuthlawi” a ni hrim hrim. A tawp i kharna khi chu, ka awih lo tawp mai, i intlawhkhalhna mai mai a nih ka ring.
Report this comment
August 6th, 2011 at 6:55 am
A ngaihnawm lo tak tak nia!…. lolz
Report this comment
August 6th, 2011 at 7:00 am
A ngaihnawm dawn khawp mai. Pu Chawnghilha chu tleitir Lungmawl lam aia experienced deuh duh chi inih hmel. Han ti ila, thil hriatchhuah ka nei. 1986 khan Prof.Thantluanga hian NEHU a thawk pahin Mizo hostel-2 a enkawl a. Ka thiante ho Aizawl mihausa fapa thalh 4 ten min lenpui a. Chutah chuan Aizawla Contractor lar tak fanu tleirawl chhuak chauh chauh hmeltha zet hi alo awm a, a zei zaih mai a, min chhaih deuh zarh zarh lehnghal a. Hawn kawngah chuan, ka thiante ho chuan, “Aizawla mi pangai tak fate hi chu naupangte pawh hi an zei thlarh mai a” tiin an sawi a. He tleirawl hi 1988 khan Aizawlah kan intawng leh a, kan in chu kha viau nain drugs alo khawih tlat mai a, ka in withdraw san ta deuh a ni. Ka chhiar laiin ka hrechhuak mai mai.
Report this comment
August 6th, 2011 at 7:02 am
Haha keipoh nuthlawi anih ka ring tlatt… A tha ltk
Part 2 ah ‘engtin zel nge?’ tih hriat a chakawm. Nula hnahkhat nge nuthlawi tih pawh kan la hre turah ngai ang aw…. 
Report this comment
August 6th, 2011 at 7:13 am
Ngaihnawm loh leh pek ang chu!
Report this comment
August 6th, 2011 at 7:33 am
A ngaihnawm khawp a lawm ,
Part 2 chu han chhunzawm la mawle
Report this comment
August 6th, 2011 at 7:41 am
I van hre all round reuh ve, a bula awm a nuam huat huat khawp tak ang a.. lol. thlawi hnihna vel anih tawh ka ring deuh tlat..
Report this comment
August 6th, 2011 at 8:08 am
Punctuation chu a ṭha khawpin ka hria, ka confi vak lo, ngaihnawm tho si
Report this comment
August 6th, 2011 at 8:15 am
Keipawh network awm lo thin hi ka ning.I fak lutuk a,a ho zo vek…a ngaihnawm tho ve
Report this comment
August 6th, 2011 at 8:31 am
Hehehe…ngaihnawm ve tho lom..
Report this comment
August 6th, 2011 at 8:42 am
ngaihnawmvethoekaspacebara
chhiaa
Report this comment
August 6th, 2011 at 8:47 am
A thu inlalawn tha ni si lovin a ni thla deuh nghal zung zung ni maiin ka hria…thu tha tak zawng a ni e..
Report this comment
August 6th, 2011 at 8:49 am
Nangmah ang tho a ‘all-round’ a nih hmel e….
“I mi ngaih dànah hian, “Zâwng” a tel tlat!!!
“Zâwng” tello kha chu…a tha chiah bawk silo.
Part 2………vat
Report this comment
August 6th, 2011 at 9:26 am
Ngaihnawm lehpek ang chu!
Report this comment
August 6th, 2011 at 9:35 am
Kalvary dance a thiam tho em aw ?
Report this comment
August 6th, 2011 at 9:58 am
That ve tho hi. Ziah tam deuh erawh a la ngai.
Report this comment
August 6th, 2011 at 10:02 am
I vocabulary hi mizotawng leh saptawng ang paw’n a turu ka ti thin hle!
Ka tlangval lai paw’n NULA lam hi sawi tur ka nei ve ngai lo; ka RILRU pekna lam a ni hek lo. A ngaihnawm hrim hrim e!
Facebook-a profile Picture atana i hman kha i lo phawrhchhuak ta a nih hi!
Report this comment
August 6th, 2011 at 10:03 am
Ngaihnawm viau e
Report this comment
August 6th, 2011 at 10:15 am
Avan zei awm em em!…
ka rap zawk!..haha
Report this comment
August 6th, 2011 at 10:18 am
Thawnthu mai lo deuh, behchhan tha deuh nei a va nih hmel ve aw….
Report this comment
August 6th, 2011 at 10:21 am
Van zei hmel zah zah vele hairehai
Report this comment
August 6th, 2011 at 10:26 am
eu, dawt a nih tunge ring?
Report this comment
August 6th, 2011 at 11:13 am
Hula dance mawlh mai khi ka hmu chak a ni, keizawng!
Report this comment
August 6th, 2011 at 12:57 pm
chawnghilh postah hian inthlahrung lo takin kan OT teh ang
PC a hman tur web browser tha deuh(m firefox?) download link min lo pe teh u a! ka google ngial a, ka hmuh ho chu a lem/unknown publisher hlir a ni.
Report this comment
August 6th, 2011 at 1:24 pm
a zei em mai,inneih hun ah thlakhat i zin bosan ngam a ngem ngaihtha takin ???
Report this comment
August 6th, 2011 at 1:34 pm
Anmahni site ami ngei kha dl la…a awm em em ang
Report this comment
August 6th, 2011 at 3:11 pm
Ngaihnawm e.
Report this comment
August 6th, 2011 at 3:38 pm
Lam khi a thiam hnem mah mah! A dang zawngah chuan duhthu sam…lol
Report this comment
August 6th, 2011 at 4:43 pm
Heidentiali a ni thei em?
Ka ex kha ka hrechhuak zawk mai a….
Report this comment
August 6th, 2011 at 4:50 pm
Punctuation zir nana ti i ni bawk a zir nasat i la ngai anih khi…ti kan awm ka ring lo.
Ngaihnawm hle mai.:-)
Report this comment
August 6th, 2011 at 7:26 pm
A lo nih khi mawle….
Report this comment
August 6th, 2011 at 8:33 pm
Ku Chawnghilh leh! a lunglenthlak vak lo nain i va rawn chhep chhuak leh si ve! I thu hman ho lah a tha hlawmin ‘rapchung’ hnuai leh ‘mantelpiece’ hnuai atanga ngaihtuah chhuah kawp tih a chiang e. I inzirna mai pawh hi keini tan chuan zir tham a ni alawm.
Lengkhawm zai nge Lenkhawm zai?
Report this comment
August 6th, 2011 at 8:59 pm
PUNCTUATION zir nân.. i tih kher vangin kan chhiarchhuah nawn leh kher chu!
Part-2 chu chhuah leh thuai la, mahse PUNCTUATION zir chu i mamawh em em tawh pawn ka hrelo he Post atang hi chuan.
Report this comment
August 6th, 2011 at 10:03 pm
Misual miril ziah a ni bawk a, kan chhiar zawr zawr mai alawm!
Punctuation zirna i ti bawk a, ‘Chhum a um’ tih laia thlûkna i dah khi a inang ve ve a, mahse a lam (thlûk) dan a inang si lo! [‘Chhûm a úm’?]
Ambiguous taka ziah a nih leh nih loh a hriat miah loh mai! Phuahchawp aiin phuah chhan awm a tam zawk ring tlat ta ila, a ngeiawm duh awm!
Report this comment
August 7th, 2011 at 9:45 am
A van ruai e Chhingkhual Lanu tawnah,
Lunglam vaiin thian Chawnghilha…
Tawnmang chang se Lenthiam Mi U..tiin,
Mahse a cham si dawn Lungrukah.
Dar-ang tawn lehni her thei se..
Hlan ma nang e…ka dawn lungruk…ti zelin zam mu a chhing thin.
Huiiii-Ha..Heiiii-ha
Report this comment
August 7th, 2011 at 12:10 pm
Ta mai mai chuan…
Report this comment