A awmzia ka zawh avang hian min chhan kher tum duh suh. Min hrilh avangin ka hrethiam chuang lovang a, min hrilh loh avangin ka hrethiam chuang hek lo vang. A mak tih ngawt mai loh chu ka sawi thiam lo a ni…Chu hmangaihna chu miten chatuan atana an thun thin chu a ni lawm ni?
Kum tluan atana an thlun thin chu. Chuti si engati nge hmangaihna tawp avanga inthenna a awm a, hmangaihna chuan tawp chin a neih leh fo thin si le?
Chu hmangaihna chu mahni tan nge ni ang a, mi dangte tan ni ang aw ka la ti talh a ni. Bible chuan mahni inhmangaih anga vengte pawh hmangaih turin min la ti ta deuh deuh a, kei mahah hian chu hmangaihna chu a awm ve lo a mi? ka ti hial thin. Kei mah ka in hmangaih ang hian tu mah dang reng reng hmangaih ka neih ka hre ngai lo. Ka tlin ve lo nge ka hre thiam lo zawk?
Hmangaihna hi a ni lawm ni miten a Par an tlan a, beiseina ti nungtu ber atana an hman thin? Chu hmangaihna avang chuan an hlim a, an lawm a, an nui thin a ni lawm ni? Engatinge Hmangaihna avanga an tah leh si thin? Hmangaihna avanga nun chan tam tak an awm leh si. Nun ti nuama ti hlimtu nisi kha engvangin nge an tahpui leh si? Ka la hrethiam chuang lo…!!! A mak kal ti ta deuh deuh..
Hmangaihna chuan phuloh a nei lo an ti a mi kha? Hmangaihte nei thei lo, thinlung na em em rum vawng vawngte avang hian a ni lawm Hla tha leh ropui tak tak alo pian chhuah ni? Hmangaihna chu hmangaihna veka chhanlet a ngai an ti. Phutlet ngah tak zawng alo ni awm e, Hmangaihna chu a che mawi lo lo va, a dawhthei a….engkim a tuar chhuak thin tih maw ni kha? Heti khawpa hlu leh ropui nisi phutlet ngah ber a va ni teh lul em!
Hmangaihna chuan a dawhthei a…chu hmangaihna chuan a suih zawm a, dawhtheihna tlachhamin an inthen leh ta a, engkim tuar chhuak thin nisi kha hmangaihte tana tuar peih lovin thenna ni alo her chhuak leh fo bawk nen. Tawp chin nei, awmze awm lo, thleibik nei, hriatthiamna nei lo leh hriatthiam harsa tak zawng alo ni e Hmangaihna hi!
Similar Posts:
- Hmangaihna hi enge a awmzia?
- Mipa hi…
- Hmangaihna chungchang
- The poem which makes me cry
- Tu hmangaihna nge thuk ber ang?
September 5th, 2011 at 10:35 pm
??
Report this comment
September 5th, 2011 at 10:37 pm
Kham kar Sathar note i chhar hunah ila hrethiam ve mai ang. Kei pawh Himalaya tlang kham kara sathar note ka chhar hma chuan ka hrethiam bik hleinem. Engkim hi a hun te ah a rah thin post tupa
Report this comment
September 5th, 2011 at 10:37 pm
Hmangaihna chu a ri zar mai a ni.
Report this comment
September 5th, 2011 at 10:39 pm
aw hmangaihna sawithiam ila., kan hla in a tih kha maw
Report this comment
September 5th, 2011 at 10:40 pm
hmangaihna chu maw, a mit a del!
Report this comment
September 5th, 2011 at 10:42 pm
Hmangaihna thlum tak hi kan tahpui leh thin reng a sin. Min ti nui tu tur hian, min vel tap leh thin. Thenkhat tan phei chuan thihna a ni.
A ngaihnawm e….
Report this comment
September 5th, 2011 at 10:51 pm
Hmangaihna…hmmm!
Report this comment
September 5th, 2011 at 10:55 pm
Aw hmangaihna ava thuk em..!!
Report this comment
September 5th, 2011 at 10:57 pm
” Heti khawpa hlu leh ropui nisi phutlet ngah ber a va ni teh lul em! “_______
Hmangaihna hi P-thian atanga chhuak ania. Chuvangin tihtur tam tak a awm atin ni. P-thian hmangaihna chhanglet ve tur pawhin Thil tam tak kan tih a ngai,…
Nula leh Tlangval in Hmangaihna bik hi chu Mei alh ang choh niin ka hria
A thing kan tuah thrat dan a zirin a kang reia, kan tuah tam deuh leh a alh rei deuha, thingchhe deuh phei chu a alh rei ngai lo, a vung hluaia a reh leh mai thin. I chhawm that reng peih chuan Hmangaihna mei nung i nei reng ang,…. mahni choha chhawm chu chhawm rei peih a har, min chhawm nun pui ve peih loh chuan kalsan daih tur. 
Report this comment
September 5th, 2011 at 11:00 pm
Rinna tello a serhtan chu a b**** thlawn tih ang deuhin, hmangaih nei hawt si lo vin hmangaihna chu an tih chuan…
Report this comment
September 5th, 2011 at 11:08 pm
“Hmangaihna tello chuan khawvel hi engtihna mah a ni lo. Hmakhua inngaih tawn sakna hi hmangaihna tak tak chu a nia, chu chu a tha lam thilah chauh a innghat thin. Thil engpawh mai hian a tak leh suak a neia, Pathian tak tak pawh a awma, chu chu hmangaihna Pathian a ni. A suak a awm leha, chu chu a lem leh a der a nia, Setana kan tih hi a ni. Chu chu hmasialna atanga intanin a tawp chu chhiatna a lo ni ta thin a ni.”
“Hmangaihna dik tak chu thinlungah a rawn tualto thin.”
“Hmangaihna chu tihlan emaw sawi chhuah emaw a nih loh chuan phurrit a nia, thildang aia hlutna a nei chuang lo. Puan chhuaha a lo awm emaw a nihna tur ang taka hman a lo nih hnu erawh chuan mihring nun atan chaw tha leh tui ber a lo ni thung thin. Tin, a kal sual theiha, kawng dik lo a zawh pui thei bawka, hmangaihna kal sual leh kawng dik lo zawh nunah chuan mualphona leh thihna hialin thla a zar thung thin a ni. Chuvangin duat leh chawm thiam a ngai.”
“Hmangaihna diktak zawng a kawng a bumbohvin a chhengchhe lo thei thin lo. Chuti a nih loh chuan mi’n hmangaihna chu a phu vanga hlawh chhuakah a ngai mai dawn sia.”
“Hmangaihna leh indona hmunah zawng ramri a kham theih lohva, kham zo turin chakna leh theihna an nei bawk hek lo.”
“Hmangaihna hi zawng a ruka upbo theih a ni ngai lova, a tawn a nain thununna a lekkawh thiam em ema, a ruk te nia mi’n an ngaih laiin a lo tlangau ring tawh hle thin a ni. Hmangaihna diktak uphlum hlen thei khawvelah hian pakhatmah an awm lova, siamtu ngei pawhin thuhrukna a siam telloh avangin hmangaihna Pathian ngei pawh a hmangaihte tan chuan a puahin a puak darh tawp mai zawk a ni. Hmangaihna tluka zep harsa hi a awm ngai lovang.”
“Hmangaihna hnathawh dan mak tak mai leh dangdai tak maite chu tuma han sawifiah phak chi a ni lo.”
“Hmangaihna dik tak chuan buklung a nei lova, tehkhawng lah a nei bawk hek lo. ‘Hmangaihnaah chuan engkim a awm’ ti ila a dik ber awm e.”
“Hmangaihna chuan a hmangaihte hmangaih pawh a hmangaih tel thin,”
“Hmangaihna chuan a hmangaih atan leh a hmangaihtu atan a thawk ber a ni”.
“Hmangaihna chu Pathian hnen atanga lo piangchhuak ani”.
“Thisen zawmpui kan nihna atanga hmangaihna a awm a, tin, kan hmuh leh kan hriat atanga hmangaina lo piangchhuak a awm thei bawk, tin, kan mi ngaihsan leh an khawsakziate, an hmel te kan duh tlat te chungah hmangaihna a lo piang thei bawk”.
“Hmangaihna chuan hmangaihna a phut let a…. a phut letin a thilphut a tihhlawhtlin chuan mi vannei a ni a, a tih hlawhtlin duhloh erawhchuan Hmangaihna vanduai a ni leh mai a..Hmangaihna hi thinlung lairil atanga rawnchhuak a ni a… Pathian Hmangaihna phei chu a thuk em avangin thisen chhuak hial khawpin Kalvari tlangah keini misual ho hi min tlan a ni.”
“Hmangaihna chuan a nuam emaw a hrehawm emaw pawh ni se, engkim a huam a ni,”
“Hmangaihna dik tak chu thikna tello a ni.”
“Hmangaihna dik tak chu engti kawng zawng pawha lawm zel nun a nia, lungawilohnain hmun a chang lo.”
“Hmangaihna hian amah mai chuan hlutna a ngah lovin awmzia a nei tam lo hle maia, a hlutna leh a ropuina hrefiaha awmze nei tak tak tur chuan hmangaihna leh hmangaihna chu a inhmuhthiam a ngai ani.”
“Hmangaihna dik tak chu a hun a zirin a nuiin a tap thin.”
“Hmangaihna in a dawhthei a, ngil a nei bawk thin; hmangaihnain a itsik lova; hmangaihna in a infak lo va, a uang lo va, a thinur duh lo va, sual lamah a ngaihtuah lo va; fel lohnaah a lawm lo va, thutak erawh hu a lawmpui thin a; engkim a tuar hram hram a, engkim a ring a, engkim a beisei a , engkim a tuar chhuak thin. “(I Korinth 13:4-7)!!
Report this comment
September 5th, 2011 at 11:12 pm
Vaiva #10 sakhaw lama rinna tel lova serhtan maw?
A bawng thlawn vaklo anih hmel:
https://www.circinfo.com/benefits/bmc.html
Report this comment
September 5th, 2011 at 11:13 pm
Heipawh:
https://www.circinfo.net/
Report this comment
September 5th, 2011 at 11:17 pm
Pi HV, ka bang!
Hmangaihna hi a lo mak a ni e 
Report this comment
September 5th, 2011 at 11:17 pm
D’auva p-thian hi ka duh riau, i hman anga hmang an awm ve em?. YEWEH tih te nen hian huang khata khung tur chi a ni em? A ril ru tlat.
Report this comment
September 5th, 2011 at 11:23 pm
#9
Report this comment
September 5th, 2011 at 11:24 pm
Pu HV kei chu silfai that mai ka thlang e
Report this comment
September 5th, 2011 at 11:30 pm
@11____ Thianpa Chhana mai mai chuhhh…hahhahahah ….va nei sei ve…..
Report this comment
September 5th, 2011 at 11:31 pm
@15___
Report this comment
September 5th, 2011 at 11:32 pm
Post-tupa chu Hmangaihna hriatthiam harsat dan i sawi chhuak thiam mang e. # 10 comment atang hian i var deuh sawt ang chu maw!
Report this comment
September 5th, 2011 at 11:35 pm
#11 comment atang hian ka tihna.
Report this comment
September 5th, 2011 at 11:41 pm
Hmangaihna. I rawn sawi dan ah a objection a awm nghal thei mai zel mai a..’tiang ho khi chu hmangaihna ani tak2 lo ani mai law’m ni. ‘Induhna’ aniang
@Pu Hv,,zanin chhung inkhawm bu. 
Report this comment
September 5th, 2011 at 11:47 pm
hmangaihna chuan damchhung a daih chuan hmangaiha dik a ni, te pawh anlo tih kha
Report this comment
September 5th, 2011 at 11:59 pm
Mahni pawh in hmangaih hleithei lo hian sawi ve lo teh ang
Report this comment
September 6th, 2011 at 12:33 am
@11 Hmangaihna chuan hmangaihte hmangaih pawh a hmangaih tel thin i tih hi a felhlel deuh lo maw? Khai mah aw… Pa pakhat chuan heti hian a sawi. Kan hmangaih em em kan fate min hmangaihpuitute hi chu hmangaih an awl khawp mai, mahse kan hmangaih em em kan nupuite min hmangaihpuitute hi chu hmangaih an har khawp mai, zuk ti ve tlat a. Dik hmel khawp mai.
Report this comment
September 6th, 2011 at 1:05 am
Hmangaihna…google mai teh ang:D
Report this comment
September 6th, 2011 at 7:00 am
Hmangaihna chi hrang2 zingah chuan AGAPE te, ……sawi zawm leh lo mai ang.
Report this comment
September 6th, 2011 at 7:46 am
Hmangaihna hi chu e, a ute ang pawh a ni lo, a naute ang pawh a ni bawk lo. Amah hian a pir hrang nalh mai a ni.
– Zephyr
Report this comment
September 6th, 2011 at 9:10 am
Aw hmangaihna…..a sang em a ka phak lo ani…:-)
Report this comment
September 6th, 2011 at 10:02 am
Aw hmangaihna ka sawi thiam lo naa ka ngawi thei lo.
Report this comment
September 6th, 2011 at 11:35 am
A lo mak a ni,sawifiah theih mai chi pawh a ni lo.Rilru lam thil a ni a,a subject azir hian a danglam thei viauin ka ring.Pathian hmangaihna a nasa ber a,Setana hmangaihna a tlem ber ang
Mihring hmangaihna chu a inchen lo hlawm viau ang.
Report this comment
September 6th, 2011 at 2:12 pm
Hmangaihna chu midang tana mahni nun paihna/inhlanna:
Lal Isua’n a Pathian nihna hlanin mihring anga khawvela rawn kalin, a hmangaihte a chhandam.
Juliet-i pawhin a Romeo-a tel lova dam chu thlakhleh tlaka a ngaih bîk loh avangin, tûr a in.
Sawi zawm peih tan sawi zawm theih…
Report this comment
September 6th, 2011 at 4:35 pm
Pathian tel lo bawhchhiat hnu mihring hi carnal man an ti em ni kha? Tichuan Pathian Thlarau chenchilh nun neia Thlarau Thianghlima khatte hi spiritual man an ti bawk em kha? Hetia ka’n sawi kual duah chhan chu hmangaihna kawngah hian heti ang mite hi an danglam tlat. Hun ka neih chuan tlem azawng chu rawn chhut zui ka tum ve ngei ang.
Report this comment
September 6th, 2011 at 5:38 pm
2Kor. 13 thu hi chik leh zuala chhui tur chuan, a hmalam thu kha chik taka chhiar a tul ngawt mai. Paula hian thlarau thilpek a sawi diah diah a, “Thlarau thilpek pawimawh zawkte chu dawn chak hle rawh u. Kawng tha ber ka han entir ang che u” a han ti te te a, hmangaihna thu ropui leh ril lutuk a sawi zui ta chat a ni. Hmangaihna dik tak hriat kan duh a nih phawt chuan spiritual man nih phawt a tul tih hi kei ka ngaihdan nghet tlat a ni. Muanan Hmingi chu hmangaihin a inhria a, nupui atan neih ngei a duh a, Hmingi tel lo chuan he khawvel hi hman a zuam hlawl a, englai pawha a bula awm chawt a duh veng veng laiin, vanduaithlak takin Hmingi chu a che sual palh a, rei tak damdawi ina a awm hnu chuan, a ke te chu a intawi hleihin a kawng kal te chu a dik hleithei ta tlat lo mai a, chuti mai pawh a la ni lo, a beng a chhet a, a tawng fiah thei lo a, a hmeltha em em thin lah chu pitar hmel chiah chiah a ni ta mai bawk si. Muana chuan lainat hle mahse nupui tur chuan a hmangaihnain a tlin ta ngang lo a, nupui dang a neihsan ta nge nge a. Muana hi tu nge dem ang? Chu chu mihring hmangaihnain a tlin tawk chu a ni miau si a lawm. Muana chuan Hmingi nge a hmangaih a, Hmingi-ah chuan amah leh amah Muana chu a va inhmangaih ta vel mai mai zawk ni ang? Hmingi kha hmangaihtu tan chuan hmangaih zual deuh deuh awm a nih laiin midang laka kalsantu Muana kha hmangaihtu dik a ni kan ti talh thei dawn em ni? A sei lutuk dawn duhtawk rih phawt amg.
Report this comment
September 6th, 2011 at 6:47 pm
hmangaihna te hi chu thil rinna mit atanga thlir turah ka ngai hmuh theih boksilo hriatthiam har vet2 em ani
Report this comment
September 7th, 2011 at 2:35 am
Mizo movie ah pawh anu hmangaihna tuar zo lo a thi ta a awm tak kha mawle.
Hmangaihna zawng… 
Report this comment
January 30th, 2012 at 10:08 pm
Ka hmangaih che.
Report this comment
May 12th, 2012 at 12:27 am
tlai khawhnu ah #34
Report this comment