(Khuarei chang tawh mahse…thinlai mu hnu a tho leh thin)
……Tichuan ruahpui-van-awn hnuaiah chuan chak takin, Khlehriat lam kan pan ta vang vang a, zanlai pelh tawh hnu a nih avangin, han thlamuanpui eihtur motor veivak an vang kher tawh mai.
Khlehriat thlen hlan nghahhelh nak a laiin, Khlehriat kan han thleng chu, thingpui ina kan chawlhna dawr kawtah kan han ding, thingpui semtu naupang in minlo hmu chu, minlo nuih ta kiah kiah mai….a hmel ka han hmu chu, ngaihthatlohna in ka khat leh ta, “..hetah pawh hian, hetiang zan reh tawhah, kan him meuh a ngem..? tih chu ka ngaihdan a ni ta…..Police pan ta ila… “Police te nen pawh anlo inthurual thei…lo inthurual ta se…?”
Hun reilo te chhung a ngaihdan siam zung zung a ngai bawk si…motor ka start leh a, “Shillong lam pan mai ang, a him ber ang…” tiin Shillong lam pan chuan kan tlan leh ta a, ruah sur nasa bawk, chhum a lo zing chuai bawk nen, ramhuai speed a tlan a ngai bawk si…….hmalam hmuh thui a har bawk si.
Thuife kan tlan hnu chuan, hmalam ka han hmu fiah thut chu le, kawngkawiah ka tlan ngil hman teuh kher mai. Kawng alo kawi a ni tih ka han hmu thut chu…a break ka rap tlum pawlh a, motor pawh a vir chawi chawi mai a, kawnglaiah chuan kan thal dawn tawh emaw ka ti tawh a, (kan thal loh pawh ka ring hauh tawh lo)…vawi hnih a free-turn hman a. Vantirhkohten minlo dawm nge? Mak tak maiin, motor chu tlu lovin, Khlehriat lam hawi bawk chuan a ding ta chut a, a engine pawh a thi ta hmuk mai a.
Ralkhat hla deuh a, kan lam pan a motor lo tlan eng ve ve chu ka han hmu a. Engine tihnun tumin a chahbi chu ka han herh a, shelve chuan a han thuai a, chi..vi..vi vi..vi..chur…, a nung zo ta lo, rilru tawngtaina nen ka han bei leh a, chi..vi..vi vi..vi..vurm.. vurm ..vurm…a nung ta hlauh a. Tichuan, Shillong lam hawi tur chuan kan han insiamrem leh te te a, kan tlan leh ta a.
Kan tlan rei deuh a a engine a sa ta deuh nge, a pawt zuk zuk a, a engine chu a thi ta mai a. Petrol a awm tawh lo emaw tiin a petrol metre ka han en a a lo la awm si. Ruah chu a hma ai chuan a tla tlem ta deuh na a, a tla cherh cherh reng a. Motor veivak thawm a awm lo bawk a, a engine sa lutuk tlem a kan han nghah daih deuh hnu, ka han start leh thei ta, kan tlan ta vat a, km 10 pawh kan tlan thleng hman lovang tihah chuan, a hma ang bawk chuan a thi leh ta.
Vanneih thlaktakin, kan dinna bualah chuan, tui a lo tling hlauh a, kan pawnchhe neih te chu kan chhiah huh a, dynamo vel chu kan han dep a, a lo daih tak hnu chuan, a nung leh thei ta….kan tlan leh ta a. Mahse a engine a thih zin tak avang chuan, kan ding zing ta tial tial, kan dep dai zel a, kan tlan zel a…khawvar tur kawl pawh alo eng tan ta.
Motor lo tlan pawh a awm tan ta zauh zauh a, khua pawh alo var chiang tial tial a. Sipai motor lo tlan chu kan lo phar ding a, min hnuk ta a, Nongthumai atanga Umpling panna peng workshop pakhatah kan lut ta a. Chuta chuan Car sen pakhat alo awm ve a, kan chanchin te min han zawh a, ngaihnawm ti tak a kan thusawi an ngaihthlak hnu chuan – chu Car sen neitu pawh chu… “ Jowai mi hausa a ni a, an kidnapped a, Rs 300,000/- an intlan chhuah tir” tiin min hrilh ta a ni. Keini erawh chu kan tlan chhuak hman hram a, kan vannei hle. Pathian min humhim tu chungah lawmthu awm zel rawh se.
Darthlalang sir (Kawngkhar frame) an rawn sahna pawh a kak hawk mai a, a darthlalang keh them nawi pawh phiah fe a ngai bawk.
Motor siam nan karkhat vel hun a duh dawn a vangin, Motor chu workshop ah kan hnut chhiah a, Pa Saitawna (Happy Valley) te in lam kan pan chho leh ta. Kan han thlen a, report kimchang an ngaihthlak hnu chuan kan makpa Major Hruaia chuan, Khlehriat Army a han phone a….BRTF lamte nen an inbiak kual hnu-ah…BRTF lam ka atangin, “Jaintia helho an nia, ULFA helho te nen pawh an inzawm ni a hriat a ni. An thawm hi chu kan hre thin a, keimahni tak min la khawih loh avangin action kan la la thei chiahlo a ni”…an ti tih thu kan hre ta.
Motor siam chhung nghah a ngaih tak avangin kan cham lo thei ta lo. Mahse, engmah nilo mahila, Happy Valley nu leh pa ten, rawngbawltu kan nihte anlo hre zau ve zel a.
Zantin Pathianthu a inpawlhona te an buatsaih a, damlo tawngtaisakna te kan nei bawk a, kan cham chhung zawng hlim takin hun kan hmang ta a ni……kan rin aiin motor pawh an siam tha hma a…zanriah ei lo bawkin, mahse tukthuan ei thungin, zan tlan tawh lovin chhun eng ah ngei Shillong atangin kan chhuak ta a, tluangtakin kan Zotlang ramnuam kan thleng leh ta a ni.
——————————————————————————————————————————————
Bonus: Silchar dai ah khuan, Shillong lam atanga Silchar lam pan a zanlai a kan tlan tum bawkin, kawr kan nan a thing leihlawn Motor lian leng chiah chiah a an siam ve thluah ah khuan, leihlawn luhna dal chiah turin TMB ke hi alo let reng mai a. Mahse, ka motor chu Maruti (Suzuki) old model te reuh te (a chhuak hmasa ber chi) kha a nia.
Ka motor a tet avang chuan, TMB ke dahsawn ngai lovin a sir-ah ka hel thei chiah a, leilawn a kual luh dawn pah chuan, TMB ke zawn ah, first gear a dah tho siin, a clutch rapin, motor ka ti zawi a, “ Hei chu a ti tla tu chuan a va ui dawn e..ala thar hle leh nghal a..” ka ti zo chiah chu, thla eng ruai hnuaia thil che ka va hmu a, ka va hawi phei chu a piah hnimbuk phen atang chuan chemsei keng mi pali hmaituam anlo lang ta thawt mai a, a clutch chu thlahin a gear chu ka phih tir a, a dawk zawk mai a. A hnung bang chu vawikhat a ri dawt a, mahse min rawn nangching hman ta lo. An rawn vawmna motor hnung bang chu a khuar ve deuh a.
Ka motor khan hel thei lovin, TMB ke dahsawn ngai ta se, dahsawn tura kan chhuk veleh a min rawn nang ching an tum ni ngei in a lang, mahse motor atanga chhuk ngai lovin kan hel thei ta hlauh si a, an thangkam a tlawlh ta a ni.
A piah deuhah chuan Police petrol lo ding te pawh kan va hmu chawpchilh a, mahse engmah report lovin kan tlan tlang ta zel a ni.
Mizo ten zin kawnga tawhsual tawk lo tura kan fimkhur lehzual theihnan ka experience ka han tlaikhaw um pawng par ve a ni e….a dang te pawh a la awm, in ngaithla peih vak tawh lovang maw !!!
Similar Posts:
- Suam Hmang kan tawk ve tawh a sin
- Thlahrang
- Chief Secy. Car leh Bike insu
- Motor workshop kal
- Taxi / City bus in HORN min pe ve khanglang a…
September 5th, 2011 at 12:02 pm
Chhiar phawt ang.
Report this comment
September 5th, 2011 at 12:12 pm
A ngaihnawm hle mai, thil tak tak hi chuan rilru a hneh bik tlat a lawm.
heng mi neih ringa khawsak tum ho hi chu sorkar zem zen tur a jail a dah vek mai theih nise aw..
Report this comment
September 5th, 2011 at 12:16 pm
i vannei hle tak mai a
,pathian zarah hetiang ka la tawk lo hlauh.
Report this comment
September 5th, 2011 at 12:25 pm
Hmanhmawh nak laia In motor thi sek mai chu ava manganthlak dawn ve. Vairamah chuan zinkawngah hian ka fimkhur thei khawp mai. Mobile handset, sana, rangkachak thi, tìh vel hi fimkhur a ngai zualin ka hria. Tin, purse ah pawisa ka ak tam duh ngai lo. Ka la vannei zel rìh. Shillong leh Silchar inkar hi zanah mahni chauh a kal chiah ka ngai lo hrim hrim bawk. Mipa rual the thaw, hmanraw nei the thaw nih loh chuan. Kal a ngaìh tlat tum chuan,”Ka ralthuamna ka dah ngam lo” tìh ang maiin, Nyishi chem sei ka inchhawp run thin.
Report this comment
September 5th, 2011 at 12:52 pm
A ngaihnawm khawp mai…
“…thla eng ruai hnuaia thil che ka va hmu a, ka va hawi phei chu a piah hnimbuk phen atang chuan chemsei keng mi pali hmaituam anlo lang ta thawt mai a..”
Chhiar ngawt paw’n hmulthi a ding sung sung thei nia…
Report this comment
September 5th, 2011 at 1:19 pm
A ngaihnawm hle mai
Report this comment
September 5th, 2011 at 1:38 pm
A va han ngaihnawm tehreng em..!!! Post tupa Pa Hausak hmel tak nih loh pawh in Pa Hmeltha veng vawng tak i ni dawn nih hi…!! Suam hmang hovin an lawm riau mai che,…!!
Report this comment
September 5th, 2011 at 1:39 pm
Thil tawn dang i la nei khiah lo maw ? van ngaihnawm ve…
Report this comment
September 5th, 2011 at 1:51 pm
Hun i neìh hmasa bera rawn post le rawh aw.. A ngaihnawm lutuk ringawt.K chiar duh zawng tak ani.
Report this comment
September 5th, 2011 at 2:12 pm
Mumang a ang duh rum rum i ti ve em?!! A ngaihnawm hle nangin tawn chiah chuan a dan a dang duh viau a ni.
Ka blog update nan ka ngaihtuah mek ang ilo ziak,
Report this comment
September 5th, 2011 at 2:13 pm
Post tupa rual chuan Shlng kawngah chuan zin duh miah loh tur a nih hi, thil a tawk thei em mai!!! Mahse, a ngaih nawm khawp mai…Chhiar laiin ka lo tan teh mai che a nia.
Report this comment
September 5th, 2011 at 2:13 pm
Mr.Duhlova = MISUAL misual tawng teuh theih a.
Report this comment
September 5th, 2011 at 2:44 pm
Ni e, mumang a ang duh khawp mai….tun hnu thleng pawh hian..
Report this comment
September 5th, 2011 at 2:44 pm
Zanlai ah an tlan thin bok hi ani.. Den em mai..
Report this comment
September 5th, 2011 at 2:56 pm
Zan tlan than chuan, chhunlam aiin a nuam a, boruak a dai a, chhunlam aiin motor tlan a tlem tlangpui a, light eng avang in motor lokal hmuh lawk a awlsam….misualho vangin a ralmuang talo deuh mai pawh a..hriselthat chuan zan tlan hi a nuam khawp a sin…
Report this comment
September 5th, 2011 at 2:57 pm
Kei pistol ka pai ziah thin….! Eng thlamuanna emaw chu min pe ve!
Report this comment
September 5th, 2011 at 3:23 pm
16
lushai_er # Pitol pai theihnghilh phung a tlanchhiat chang i nei lo maw?
Report this comment
September 5th, 2011 at 3:46 pm
Khulai Zoram pel tawh him lo lutuk hi thuneitu chu ni ila tih zia awm ka tum ve hrim hrim ang a hrehawm thei em mai rilru ahah duh em mai. Good Post
Report this comment
September 5th, 2011 at 3:49 pm
Sky Marshal an dah ang deuh hian IR/MAP ho hi AK nen Guard atan dah thei se. Tin, a ruala kal ho/inzui theih ni bawk se a zia deuh chuan ka ring.
Report this comment
September 5th, 2011 at 3:59 pm
Zofa khualzinte kan him zawknan eng emaw rel chhuah chu a tul khawp…
Silver Oak hi thuneihna pek mai chi niin ka hria…
Report this comment
September 5th, 2011 at 4:12 pm
A ngaihnawm hle mai, i ripawt thiam dap dap e.
Report this comment
September 5th, 2011 at 4:58 pm
Bang rawh se.
Report this comment
September 5th, 2011 at 5:03 pm
Sumo ho kha chu an innghahkhawm thin kha.
Report this comment
September 5th, 2011 at 5:04 pm
Part- 3 kan lo nghak reng e…
Report this comment
September 5th, 2011 at 5:18 pm
Pathian thuhriltute danglamna pakhat niin ka hria, thil thalo lam tawn hi an ngah a. Chutianga experience a tam na na na chuan thu tha tak tak sawi tur pawh an neih phah zawk bawk a. A tak(real) ngeia an tawn, an sawichhuah leh hi ngaithlatute tan a ngaihnawm satliah lova, thinlungah a lut tlat bik…..
Report this comment
September 5th, 2011 at 5:19 pm
Hetiang thil ka chhiar hian kei chu ka thin a rim tlat thin. hawh u mizoram a vai motor lo kal hi i lo khawi ve ang u hmiang. Mihring tina lo vin, sum laksak lovin. An motor ke tih thep sak vek ila, khaw karkawngah i i tangkhang reng teh ang tih te ka nap thin.
Sum leh nun kan lak sak lo anih te chuan a pawi vak dawn em ni.
Report this comment
September 5th, 2011 at 5:22 pm
An va tenawm ve..theih chuan flight hmak kha a him ber dawn nih chu
Report this comment
September 5th, 2011 at 5:28 pm
@rempy_ Flight hmak hi a harsaaa niii! .. chak ve hlee mah ila.. .
Report this comment
September 5th, 2011 at 6:16 pm
ngsihnawm hle mai
Report this comment
September 5th, 2011 at 6:31 pm
ngaihnawm ve aw!
Report this comment
September 5th, 2011 at 7:19 pm
i lo va in zep thei ve, post tupa
Report this comment
September 5th, 2011 at 7:22 pm
31
Pakak # Naupang hriat a sawi sawi chi a ni lova lawm …
Report this comment
September 5th, 2011 at 7:42 pm
A va ngaihnawm ve o…Han chhunzawm zel teh…:)
Report this comment
September 5th, 2011 at 7:56 pm
A ngaihnawm hle mai part 3 a awm thei mai lo maw? Lol….a tak tak a tawn chu rin aiin chutin khatin i ti lo nia tih vel hi chu ho tak ani…zurui pakhatin pistol in min tin tawh a, tak tak ah chuan a dan a dang zar mai. Pa vak a har phian…ha..ha
Report this comment
September 5th, 2011 at 8:08 pm
34
Unsung # Keini pawh ASI zurui pakhatin pistol in min tin tawh a, kan phar sang teh mai a sin….
Sawwww lamah a nia…hmannnnn ah, kan nula rim fiam mai mai thin kha, neih alo tum tih kan lo hre silo…nula lah kha kan lo chhai lungleng deuh nge…a pistol nen minlo zawng thiak thiak mai chu niin, kan thianpa phei chu, a nghawngah pistol hmawr ib alo hawlh pilh leh nghal…
Report this comment
September 5th, 2011 at 9:57 pm
Ngaihnawm hle mai
Report this comment