Thihna kut vawt

September 16th, 2011 4:00 pm by Tluanga Chawngthu

Thihna kut vawt thlur chuan chûl riai riaiin,
Thlànkhur thim lamah a nék salh salh a;
Damlai nun reng thlahlel tawhlo turin,
A pui apangte hnuk a chhah sak ta.

Damlaia thiltih rah a langchhuak e,
Dikna leh thatnaa hun hmangtu chu;
Ropuina ramah chuan a hruai kai e,
Chatuana chawimawina hmu turte chu.

Khawvel sual hliam hnu rauthla lengte chuan,
Chatuana hremna lamtluang chu an chhui;
Mei leh kât alh tawp lohna hmunah chuan,
Tap leh rùma lunglai chhirin an ngui.

Thihna kut vawt chuan tumah min hmaih lovang,
Duhthlang thei kan nih lai hian i muang lovang.

(Dt.25th August,.2003)

11 Responses to “Thihna kut vawt”

1
hnamte_25 Says:
September 16th, 2011 at 4:02 pm
tha ve khop mai hei,,,
2
ReMpY_ScisSoR Says:
September 16th, 2011 at 4:12 pm
post ngai chiah2 hi april, 10 ah a chhuak tawh anih hi. See similar posts
3
rohlupuia chalrang Says:
September 16th, 2011 at 4:37 pm
Dikna leh thatnaa hun hmangtu chu; Ropuina ramah chuan min hruai kai e.. [Fiamthu]
4
lr hlonchhing Says:
September 16th, 2011 at 5:21 pm
” Damlai nun reng thlahlel tawh lo turin” tih lai tak khi ka helh deuh va. La piangthar miah lova boralte, mihring pangngaiah lo tho lehin pianthar te pawh an duh mai thei asin. Lungngaihna leh khawvel hi chu ngai tawh kher lo mah se ka ti mai mai a.
5
lushai_er Says:
September 16th, 2011 at 5:24 pm
#2 : ROFL
6
funny Says:
September 16th, 2011 at 5:28 pm
A hnuaia similar post a comment zawng zawng hi copy patse chhin teh u a. comment a ti tam deuh ang. lolz
7
Fergie Says:
September 16th, 2011 at 6:00 pm
#4 ka rilru a awm chiah a ni. Damlai nun la thlahlel tak chunga thi ta hi an tam zawk mai thei a nia. Post-tu chu kei ai chuan i thiam zawk tho tho e.
8
LR_rengsi Says:
September 16th, 2011 at 6:52 pm
A tha takzet…ngaihtuahna ti thui thei tak ani… GUD POST.
9
lianchhiara Says:
September 16th, 2011 at 7:02 pm
A tha reng mai. Mahse Sapho sitail ngeia phuah hi changkang riauva kan hre tlat reng mai hi a hahthlak. Shakespearean Sonnet sitail la lo ta la, hei aia lungrun hian i chhuah thei ngei ang maw le!
10
Ngente007 Says:
September 16th, 2011 at 8:14 pm
tha khawp alawm le
11
mate ainawn Says:
September 16th, 2011 at 8:24 pm
“THIHNA” hi ka Hua…Tuar leh hi ka zuam thlawtlo..Chuvang chuan, ka hmangaihte hian min SUN ve tawh zawk se ka duh a ni..