Old Testament ah chuan YHWH chauh hi Pathian a awm a,pakhat a ni a, ani chu thlarau a ni(Gal 3:20). Hming serh a nihna avangin Adonai vowel leh Greek consonant inpawlhin Yehovah emaw Jehovah tiin lam thin a ni.Tunlai English Bible lehlin version hrang hrangah chuan capital letter-in LALPA ti a ziah thin a ni.
“Kei hi LALPA,thil zawng zawng siamtu,mahni chauhva van kaipharhtu,lei tizautu chu ka ni”. Isaiah 44:24
PATHIAN ZAT: Pathian chuan Alpha leh Omega a nih thu a sawi. Alpha chuan Greek numerical value 1(pakhat) a nei a, Omega chuan numerical value 800 a nei thung. Tichuan chiangbalin Pathian chu pakhat,numerical 1 a ni. Mahse person ang a pakhat niloin, ani chu thlarau a ni zawk. Engdangmah pathian in a pawlh ve loh, inbelhbawm chawp Pathian nilo, mahni tawp a Pathianna nei chu a ni. Pathian chu taksa/ruangam neilo, thlarau a nihna avangin khawihmunah pawh a awm a,engkim a hria a, engkim a tithei a. Ani chu chatuan, danglam ngailo chu a ni!
Pathian chu khawihmunah pawh a awm avangin engkim a tithei a, chumi avang chuan hming hrang hrang a nei thin. Bible a Pa,Fapa leh Thlarau Thianghlim te hi Pathian (YHWH) vek an ni. Landan hrang nei mah se anmahni ah Pathian famkimna tinreng chu a awm vek zawk a. Mihrang anni lova,chatuana hrang tur pawh anni heklo. Pathian khawihmuna awm chu a ni zawk!
FAPA(YHWH):Pathian chu thlarau a ni, hnathawh dan hrang hrang a neihna avangin Majestic plural a ni bawk. A siam mihring ten Eden natna an kai tak tlan leh turin thisen a ngai a. Mihringah lo changin a hmingah Isua sak a ni. Amah chu Pathian a ni a, mihring a alo pian avangin a mihring rilru erawh chau thei, riltam thei, na thei,khawhar thei a nih avangin Geshemani huan ah lungngai takin a awm a, a lo pianna a tlawm em avangin Setana hial pawn a thlem reng a! A rilru chuan mihring rilru a put avangin amaha Pathianna chu KA PA tiin a lam fo thin a ni. Fapa chu Thlarau Thianghlim lak a mi a ni a, chuvangin Pathian fapa ti a lam thin a ni bawk. Mahse Pathian fapa mal tak tak erawh a nilo a, taksa/ruangam nei Pathian a nihna ah erawh Fapa hi a hrang thung(John 5:26). Pathian chu a siam mihringte tlan tura mihringa alo chan tak avangin hmundangah a awm ta lo tihna a ni chuanglo a, ani chu khawihmunah pawh a awm a, engkim a hria a, engkim a tithei zawk a ni. Fapa angin a awm a, Thlarau angin a awm bawk a, Universe chhung leh pawn, chatuan ah chuan a awm reng zawk a ni.
THLARAU THIANGHLIM(YHWH): Pathian chu thlarau a ni a, khawihmunah pawh a awm a, engkim a hria a, thianghlim hlang hlak a nih avangin Thlarau Thianghlim chu Pathian a ni(Lev 11:44,1peter 1:16,John 4:24). Jehovah chuan nihnuhnungah chuan a thlarau chu mitin chungah a leih tur thu a sawi a, Penticost ni ah Thlarau Thianghlim chu mitin chungah alo thleng ta reng a ni(Joel 2:27-29,Acts 2:1-4,16-18).
TLIPNA:Pathian chu pakhat, thlarau thianghlim a ni a, chatuan a ni a, a bul leh a tawp chu. Ani chu khawihmunah pawh a awm a, amah ngei chu a siam mihringte tlan turin alo kal a, chuti chung chuan khawihmunah pawh a awm a,danglam ngailo, tawpchin neilo a ni, nun tuihal te tan an thinlungah thlarauin hna a thawk reng thin. A siam mihring te nen a an lendun hun ah chuan pianzia neiin YHWH chu puanvar sinin Lalthutphah ah chuan thuin alo awm leh ang a, chumi chu Mihring fapa Isua ngei kha alo ni ang a, ani chuan “Kei hi Alpha leh Omega ka ni” a ti tawh ang. Chutih hun chuan mihringte tan a thisena alo channa avang chuan “Thisen Thisen” tiin zai a bang tawhlo ang. A va nuam dawn em! Chhiartu te hriatthiamna turin Pathianin finna pe mawlh rawh se. Amen!
Similar Posts:
- Tunlai ka mutmawh hnarmawh.
- The Oneness of God – Part 1 (Fapa)
- Engvang nge Isua KA PA ti a a tawngtai thin?!!
- The original creation of God
- A ram leh a felna zawng hmasa la engkim a pe ang che.
September 22nd, 2011 at 11:24 am
phek virgin kan hawng teh ang..
Report this comment
September 22nd, 2011 at 11:39 am
#101: virgin i hawn theih ve chhunah iva inti thei ve a
Report this comment
September 22nd, 2011 at 7:30 pm
Inlo va sawi zui rei ve le.. In answer in kalh tak tak khi inhmu mailo em ni aw ka tia. Minung YHWH chu a nunga amah ah a hrang a nun nei an awm dawn em ni aw ka ti che u. Person ah person pathun an awm leh a ,avaiin pali(in comment atang). YHWH atanga chhuak hi ngatinge Fa tak tak a rinna inneih tlat le ka tia,KA PA hi mihring te Palai sakna tawngkam,mihringte la tihtur a sawina a ni e. YHWH chu indah hniam zawk fe lo maw.
YHWH lo chu Pathian a awmlo a,chu chu Pa inti a mi kha?Pa,Fapa leh TT an awm a,an Pathianna a pakhat an nih chuan TUNGE pathian,Pathian chu YHWH chuah a ni a.Trinity hi chu OT ah ka hmu zolooooo.! 
Report this comment
September 22nd, 2011 at 11:14 pm
Ka pawm ve dan: Pathianah hian minung pathum an awm – Pa, Fapa, Thlarau Thianghlim. Hei tak hi majestic lai takah ka ngai. Kan pianpui unaute mizia pawh kan hre kim thei lo a ni a, Pathian nihna hrilhfiah tum chu…. a hahthlak. Bible han chiar hian ringtu hmasa, Paula, Petera, Jakoba etc.-te kha hetiang thuah hian an inhnial ngai pawhin ka hre lo.
Report this comment
September 23rd, 2011 at 12:32 am
Oneness-ho hian hrilhfiah theih vek rin an tum vang a ni bawk.
Englekhawle, Oneness hi a dik leh dik loh chu thuhran-Monotheism leh Oneness hi chu ngaihfin chi chu a ni lo phawt. Oneness lama an chhuanvawr Sabelliana(modalism sawichhuaktu)kha kohhran inkhawmpui hmasa khan an lo hnawtchhuak tawh a-an tan khang inkhawmpui kha fak rual a ni lo.Post hmasaah pawh posttupa khan a rawn sawisel chiam tawh kha.
Sabellianism pawmtu erawh an inti duh miah lo
an lawmawm ve-na.
Mizoramah hi chuan UPC hi an ni mai a, ka hmusit hauh lo va, an ropui lem lo. Uar bik nei pawl an ni a, UPC tak phei hi chu kum 1900 hnu lama ding kha an ni mai a; hlimsang kohhran hmu ro-ho din a ni nghe nghe(sap ramah pawh).
Kohhran chu a ziaah kan teh tur a ni pakhat a-doctrine tih vel ai chuan…chanchin tha puandarh an ngaipawimawh em tihte hi a questionable fe zawk. Mizoram UPC kohhran-ah hian ka inkhawm ve zauh zauh tawh a-pawl dang sawichhe reng rengin kan tluan ziah. Ramthar-a an puan chu Kristian bawk an la ni ta dahrual a, sakhaw dang betu an vei hman lo a ni ber. Dik se, Pathianin an buai pawh a phal lo vang.
Kohhran dik chuan Thutak a dah pawimawh tur a ni. Thlarau Thianghlim aia a hnathawh phulpui chiam a-a bak han sawn lehna tur awm chuang si lo; thutak han khelpuia nawi leh riau si-patlingpui si hlup hlup ringawt ‘engtin nge Lal Isua ram a lo zau ang’ tih khun taka ngaihtuah peih si lo-pawthura tal vak vak ringawt zia hi eng doctrine hrin nge a nih?
Kohhran chuan inremna a ngaipawimawh tur a ni…Oneness kan hmuhte hian an ngaipawimawh em? A pawmtu theuh theuh pawh an inrem hleithei lo a ni a,(nupui pasal thlenga kawppui theih loh leh chhungkaw tibuai duh khawpa oneness a awm theih tih a hriat) kohhran dang chu sawi loh.
Rinna hian min tithanglian ang a, hmasawnna min thlen tur a ni a, nitin khawsakah pawh…Oneness ringtute hi mi hmasawnte an ni em?
Kohhran dik chuan vantlang nunah hmasawnna leh kawngdik a kawhhmuh tur a ni-Oneness pawmtu tamna apiang hi an buarchuar nge, an felfai thlap khawvelin a hria.
Kohhran dik chuan a dawm rual tur a ni.. chu chu i neih loh chuan, i dawn loh chuan, i chan loh chuan…thlarau mi i ni lo…Toronto harhna kha hrereng rawh.
A dik chuan Pathianin mal a sawm tur pawh a ni. Khawvel kohhran nung ber ber leh chanchin tha puangtu tam berte hi eng ringtu nge? Thurin chu a takin a lo lang fo tur a ni.
Kohhran leh thurinah hian inhnialna a awm fo tumah kan inhmin lo-mahse thurin lam ni lo-Kohhran thawhrah kha kan en a tul tawh zawk.
Ka comment thui ta, ka rilru sual vanga tih a nih ka ring lo va-‘marawhchu hetiang post hi ka hmu leh thin a, ka comment ngai lem lo va-a zing ta deuh. Trinity pawmtute hian ‘a dik ber’ tiin kan iak kan iak lem lo-a dik kan ti a, kan pawm mai-inhnialna tur nen lama inzirte hian an tum lutuk hi- a dik lo em ni chu aw!!!!!!!
Report this comment
September 23rd, 2011 at 1:16 am
In va sawi nasa tawh ve, kum zabi 2na chho khan he topic hi kohhran hmasa puipate khan an lo chai nasa tawh, thlarau nun lam a chawmlo a niang, an kohhran awp te an ro telh telh a, an ral zo vek tawh.In thu chai hi in hrefiah duh a nih chuan Pathian inpuanna hnam, first information kawltu Juda pachal in an hrefiah, Messia erawh a tihtirtu avangin an hai hrih mai pawh a. Babel virus kai, greek, latin, english leh mizo tawng ah chuan natna hrik an kai tawh nasa, kum 1800 chuang buaina hi keini lo chinfel rual a ni tawh lo.
Report this comment
September 23rd, 2011 at 9:08 am
#104,majestic plural maw?ka nu atanga piang(chhuak nilo) hi nu majestic plural tih nen i rinna a inang vel.YHWH hi Isua ah pure in a awm a,TT ah pawh.Minungah a hranpa a nunhrang nei Pathum awm tir hi a mak deuhlo maw!!Trinity hian YHWH chu finite in a siam chiang khawp mai.Mihring ang a fragment nei turin JEHOVAH chu indah a ni ber e,Pathian hi Trinity hian a tinep vek.A landana theology,bible refer tello philo though chu Trinity zawk hi a ni e.YHWH ril em vang hian oneness inbo zawk a ni.Trinity erawh keu phawkin naupang pawn pathian pathum an ti thei.!!Oneness hian YHWH hi a chawimawi a ni.Amen!
Report this comment
March 18th, 2012 at 12:24 pm
105…khovel mithmuh a miropui te hi Pathian mit ah miropui an ni m le? Khovela mihausa te leh changtlung tak2 te hi Pathian Mit ah an hausa m le? Mizoramah chuan Oneness ai chuan Trinity chu an langsar jawk ngei mai….Kan mihausa te jingah hian an poisa lakluh dan ah Lalpa Pathian lung ti awia
La nge tam anga Setana lung ti awi jawk? Kan Minister te pawh Midik apiag an tlaran mai….
Tin..Bible ah “Nangni thilsual ti tu te u ka hrelo a che u” atih te kha tute nge ni ang le? Ringtu te hian Lalpa hming in thilmak te ti in, tawngtaidam thei in, Mitthi pawh kaitho mah ila…Lalpan Vana alawn dawn a Chhandam kan nih theihnan a kan tih tur min hrilh kha kan tih siloh chuan “Nangni thil sual ti tu te u ka hrelo a che u” Minla ti ve dawn ani….
Marka 16:15-20 thleng khan han en veteh? “Mi tu pawh tuiah leh thlarauva an pian loh chuan Pathian ramah an lut lovang Lalpan ati” tih thu te nen khan…..Oneness Chhandam nih tum dan nge rinawm jawk a Trinity le????
Report this comment