Zoram chhung kawng mumal awm hlei lovah khan Pathian thu hrilin rei tak tak a zin chhuak a, a dung a vang hian a lo fang chhuak a. Pastor Challiana khan “Zawlbuk chhunga Zosaptharan Beram bo thu a sawi atangin Chanchin Tha ka dawng ve tan” a ti thin. Kum 1900 khan Aizawl Jail-a hren, Khaihlum tura tih Chala leh Lamsuaka chu tawngtaisak leh Pathian thu sawipuiin a tlawh thin. Kum 1901-ah Lunglei lamah a zin phei a, mi ten Pathian thu an lo ngaihven tha hle a, Bangla saka awmchilh hial a duh a, a va kilkawi fo thin a ni.
Mi rethei leh bawi atanga a tlan chhuah mi thenkhat a chawm teuh bawk a. A Sikul naupang chawmte zinga pakhat Thangkungi chu nau lawm taka lawmin a pawm vel thin a ni awm e. Chutia a chhawn-chhaih vel chu a thawhpuiten an hrethiam ta lo va, hei vang hian Mizorama a rawngbawlna hun pawh tihtawi a lo ni ta a ni. Kum 1907 ah Liverpool Mission Board Director-ten an rawn k ova, Sap ramah chhukin thla thum lai an thu a zu nghak a. Kum 1908-a a lo chhuah hnu lawkin a rawngbawlna tihtawp a nih hrilhna lehkha a dawng ta a ni.
Chutia Mizoram Welsh Mission Field-a alo leihnawn takah chuan, chhim lama a thiante pahnih Sap Upa leh Pu Buanga te a pan phei a. Thawhho a lo remchan loh avangin Tlabungah a chhuk a, Rangamati-ah kal zelin Silchar-ah, chuta tangin Lakhipur-ah muang changin a lo kual chhuak a, Saptlangvala nen an inhmu a. Ani chuan ram chin hria tiin Mission Field zawnsakah a lo ngen a, “Ni ang hmiang” tiin Patlaia leh Kuaichika nen Silchar atangin Rengpui tlang dungah, Zoram sir hnam chekhnawkho an hrut phei a. Khawthlang ramri hrut phei zelin Arrakan-ah Akyap thlengin an kal a. Chuta tangin Pawi ram an rawn pal phei leh a, Ngawpui zau tak takah lutin Sai tluang te an zawh a.
Lakher khaw hnai ber luh tuma ni hnih zet an lo phei hnuin an inhloh buai ta a ni. A tirhkoh hruaite chu eng emaw tiin klhuaah an lut hram a, ani Sapthara erawhchu rampalailengah a bo chiang hle. Tlai lamah chuan Pathian tlangho thlawhhma eng a hmu a, a pan nghal a, an thlamah chuan a riak ta a. Zanriah atan maite pum khat a ring. Hemi tum hian ‘Thlalera vak ka lo ni’ tih hla tha tak hi a siam a. Heta tang hi chuan a bo champhaphak apiangin maite pum khat chauh chawah a ring thin ta a ni.
Engemaw ti tiin Thangkungi kha zawng chhuak lehin Lakhipur-ah Sawrkar danin an innei ta a. Chung lai chuan North Arrakan lam Paletwa bial bawrhsap Mr.Thomas chu Zosapthara thianpa a ni a, Pu Sapthara chu a bial lama kal turin a lo sawm a ni awm e. Tichuan, kum 1915 ah chguan Rawngbawlna tur ram tha tak nei tain, “Mission Hill” a vuah a, Patlaia leh Kuaichika te ho nen tirhkoh sawmhnih dawn a ruai thei a ni.
Chutia thawktu a dah fel hnu chuan ani chu Rangoon-ah a chho va, Chinese High School lian tak, Kemmendine Chinese High School zirtirtuah a tang a, a hlawh atang chuan thawktute hlawh pein, “Mission to Khumi (Matu)” chu a enkawl ta a. Nimahse kum 1928 ah Anglican Mission pakhat, Bible Churchmen’s Missionary Society (BCMS) an lo lut ta a, an kutah a hlan fel ta a ni.
A Mission chu Daletme bial Deulavum-ah a sawn a, chu chu Rangoon atangin a enkawl zui leh a. Upa tawh tak ni mah se Sikul chawlh apiangin a Mission chu a tlawh a, nipui sensa hnuaiah thlaler vaivuta putar thawmhnaw chhe tak inbelin Chanchin Tha chute taka a tulpui chu miin mak an ti a ni. Khaw tinah thu a sawi a, a zai a, a tawngtai a, damdawi a sem a, tanpui ngai apiang a tanpui a. Nikhat a bial fang chu British Officer pakhat hian a lo hmu a, “Vawiin chu Missionary tak tak ka tawk,” a ti an ti. Khumi tawng hian Thuthlung thar a letling zo hman a, Hla pawh 50 vel a siam hman bawk a ni.
A vahvaihna thlalera a hla duh em em, a nun tichaktu chu, “Vana Jerusalem atangin An khawvel hrehawm lai an hmu” tih hi a ni. A thih thlengin Mizo tawng, ‘Lal Tawngtaina’ hi a hmang a. Tichuan, Zosapthara (Rev.Edwin Rowlands), Pa inkhaithli thlerh thlawrh, hmel fel vah mai, aw thum tha tak nei leh zai thiam zet, zirlai bu siamtu, chanchin Tha meichher chawia Mizo nun thimna su engtu anih avanga Zofaten kan theihnghilh ngai tawh loh tur, Mizo hnam tana Zirtirtu Lian, Missionary tuarchhel, hla phuah thiam, Mizote retheihna chanpuitu leh hmeichhe dinhmun chawisang tu chu, Kum 1939 August ni 6 ah khan a Lei hrehawmna leh vahvaihna chawlh sanin a Pa inah a lo chawl hahdam ta a ni.
Similar Posts:
- Zosapthara (Rev.Edwin Rowlands)
- Varanasi ah mi 54 in baptisma chang
- Zoram politics ah I ram lo thleng rawh se!
- Kristian Martar te chanching ngaihnawm – Operation Auca
- Missionary hmuhchhuah zu!
September 22nd, 2011 at 5:40 pm
Comment ila.
Report this comment
September 22nd, 2011 at 5:44 pm
Ngaihnawm e. Chhiar a khamawm loh khawp mai.
Report this comment
September 22nd, 2011 at 5:52 pm
Thangkungi chanchin kal zel hi ka va hre thui chak tak!I la hre mial lo maw?Thangkungi chu a lo hmangaih ve reng2 a nih khi,Love has no boundary
Report this comment
September 22nd, 2011 at 5:55 pm
a va ropui ve…
Report this comment
September 22nd, 2011 at 5:58 pm
A ngaihnawm hle mai.(Y)
Maite pumkhat zanriaha rin chu peihawm loh ve thawkhat.
Report this comment
September 22nd, 2011 at 5:58 pm
Thangkungi nen hian fa an nei lo niin ka hria….Zosapthara pic tarlang tel la ka van ti em.
Report this comment
September 22nd, 2011 at 5:59 pm
#5, Purunsen pum 1 zanriaha ring pawh ka hria….maite pum 1 te chu puar awlhna tham asin.
Report this comment
September 22nd, 2011 at 6:00 pm
@ Pkfanai..i Post tha thei tawp..
Report this comment
September 22nd, 2011 at 6:00 pm
‘Zosapthara’ hi ka lo tiliam mai thin a, khitiang a chanchin ngaihnawm khi a lo nei ani maw. Thil hi in lo chik bik mange. A hringnun chu a complicate ve hle mai a..
Report this comment
September 22nd, 2011 at 6:02 pm
A va ngaihnawm ve, a chanchin Lal hnena a sawi hun chuan lawmnain a khat ngei ang le.
Thingtlang pa@3, keipawh a nupui chanchin zel chu ka hre chak kher mai, fate an nei nge nei lo tih te thlengin mawle.
Report this comment
September 22nd, 2011 at 6:08 pm
A ngaihnawm tham hle mai
Ti daih ila, Lamsuaka ang khan tunlai hian misual zual thenkhat hi khaihlum zeuh2 sela, tualthah hi a tlem sawtin ka ring.
Report this comment
September 22nd, 2011 at 7:03 pm
Kum 2008 bawr vel khan he thlam a bo na hmun ah hian amah hriatrengna lung an phun tlat in ka hria, dik em aw?
Report this comment
September 22nd, 2011 at 7:25 pm
A ngaihnawm khawp mai. Mahse ka duh aiin a chipchiar lo deuh. A ziaktu tarmit hi kohhran mi diktak tihdan tur niin ka hria.
Ven thawn thu hlaah thawhna hmuna nupui pasal neih hi tuna kan missionaryte (ka lawina kohhran)tan pawh hian a rem chiah lo…. Mahse kei chuan ka ngai hlu daih zawk!
Nangmah ngeiin i lo post a tha ka ti riau, midangin lo post sela chuan commenttu lam atang hian chhuah chhe duh fe fe kan awm leh mai thei a ni.
Ka duh e!
Report this comment
September 22nd, 2011 at 7:57 pm
Post tupa ber OT daih teh ang:-
Karleh lamah khian ka zin bo daih dawn a, Post a siam theih dawn si lohva. Draft ah Post tur dahkhawl ka duh a ni. Ka buaina chu; Manage leh New Post atanga ka luh reng reng hian Automatic in Draft ah a lut nghal zel ta a, Submit for Review tih kha a lang ve thin ta lova, chuvangin loh theih lohvin, Dashboard atanga lutin ka direct pawp ta zel mai a, Categoryu te pawh a siam ve theih loh a ni. “Engtinnge Draft atang hian an submit thin? Submit na tur hi engtia tih lan tur nge? tih hi a ni. Post 10 vel draft a dahkhawm a, zinaah Mobile handset atangin a khat mawi tawk a, Submit zeuh zeuh ka duh dawn si a. Please help me.
Report this comment
September 22nd, 2011 at 8:04 pm
3.@Thingtlangpa, Ka hrechiang bik vak lo. Fa an neilo niin ka hria a, Tin, Rangoon ah Thangkungi thlan hi a awmin ka hria.(chiang lo). @6.Lushai-er, a pic ka nei remchang mai lo. Raja Ram Mohun Roy emaw Doc holiday nen emaw khan an inang khawp mai. Hmuihmul nei, Cowboy hmel tak a ni.A Pa chhar mai. @8.Mate Ainawn, ka va Lawm em, min tiphur sawt e. 13.Ignatia,Internet-ah hi chuan, a tawifel thei ang ber hi a zawn loh theih loh a ni. A hun laia Sapho tan kha chuan a ngeiawm ngawtin ka ring a, Mizote tan erawh chuan, Sawi bawrhban phal chi a ni lul love. “Mizo naah a inchiah zawp ral” ani berin ka hria.
Report this comment
September 22nd, 2011 at 8:39 pm
#7 a hel ni ta sela,khi chhumhmin tih pawh a inziak si lo a ( hnial hrat tek tek
)
Report this comment
September 22nd, 2011 at 9:05 pm
missionary zing ah Zosapyhara tluka mizo te hmangaih tu an awm lo ang a.?.. mizo tapchhak ah mei lum a ai thei a mizo te ei ang apiang kha a ei ve zel mai an ti,a thawh pui te ho khan an hek a a hmangaih mizoram chu a chhuahsan a tul ta si ka ngaihtuah vang vang hian ka lainat ani.
Report this comment
September 22nd, 2011 at 10:01 pm
Tap zawih2 in a chhuahsan a ni lawm ni?College kan kal lai khan Sir Paula@PUC hian a dahsang thin khawp a,JF Laldailova a sawi chhiat phah hrep tawh vawikhat chu!Kha tang khan ka ngaisang zual sawt,Kaphleia,Biakliana leh midang te Mizo hnam tan a Pioneer ho chanchin hi a tam thei ang post teh u.
Report this comment
September 22nd, 2011 at 10:03 pm
@15 PKfanai says ….Mizote tan erawh chuan, Sawi bawrhban phal chi a ni lul love. “Mizo naah a inchiah zawp ral” ani berin ka hria. Hei hi ka va like tehlul em.
Report this comment
September 22nd, 2011 at 10:50 pm
Mizoram a chhuahsan hnu ah hian Arunachal lamah pawh thawkin, eng hnam emaw ber chu hawrawp a siamsak a, chumi hnu ah Maharastra Bhil ho zingah thawk lehin an hawrawp a siamsak leh bawk a ni awm e.
Rangoon-a a awm lai hian nikhatah chaw vawi khat chauh a ei thin an ti.
Report this comment
September 22nd, 2011 at 11:06 pm
@20 chu thu chu khawi atang nge i hrit aw ka lo ti deuh a, record awm zawng zawng kan hmuhtheih ah hian Arunachal leh Bhil tih vel hi an lang hauh lo mai. Hepa hi Mizo literature Pa tih hia; phu a ni.
Report this comment
September 22nd, 2011 at 11:17 pm
20@ bk, Nia, bombay bul a Bhil hnam zingah a zu thawk zawk a, tin, China ramri dep a Mishmi hnam zingah a thawk zawk bawk. Senvon biala Thado-kuki ho zingah pawh a thawk zawk bawk a ni. Lakhipur ah Field Superintendant hna a thawk zawk bawk. A talent tha lutuk (thla 2/3 chhung lek a tawng thiam hman) avang hian, Pathian hian a hmangaih zofate tan chauhva a inpumpek hi a phal lova, hnam hrang hrang zinga a vahvaih hi a phal niin a lang.
Report this comment
September 22nd, 2011 at 11:36 pm
#21 Covananter, ka hriatna chu a secondary ve tho mai. Zosapthara puala Souvenir buatsaih ah, Darchuailova Renthlei leh PC Sangthuama ten a hranin an ziak ve ve. A chanchin larlo lam ni a ka hriat ka rawn tarlang a ni.
A chanchin ziak chipchiar deuh, L. Keivom Zoram Khawvel-5 a Zosapthara Tour Dairy ami kha June 1923 a intan a ni a, khatah khan a lang phalo.
Manipur lamah Thado-Kuki Pioneer Mission lamah Saptlangvala tanpuiin a thawk bawk.
Report this comment
September 22nd, 2011 at 11:48 pm
He pa hi ka ngaisang hle. Tunlai hian thenkhat saptawng (inti)thiam leh zotawng (inti) thiam zosapte hla sawisel vak vak an awm thin a, anmahni ka ngaihsan phah lem hlei lo va; zosap missionary-te hlutna kha chhutsen rual a ni lo-famkim lo ve bawk mahse.
Pk, i post tha khawp mai.
Report this comment
September 23rd, 2011 at 12:07 am
Nia Pu B Lalthangliana leh Dr Laltluangliana khiangte chhuina atang pawhin an ziak lang lo a..i rawn sawi ho source hi hriat theih se tha fu in ka ring
Report this comment
September 23rd, 2011 at 11:58 am
Thangkungi nen hian fa an nei anga sawi a awm tlatin ka hria,mahse ka chiang miahlo.He post chuan engtin emaw tak lung zuk ti leng riau a,a chhan han sawi tur erawh ka hre der silo
Report this comment
September 23rd, 2011 at 4:06 pm
Vaipa nita se kan fak tho angem?Vaipa nise a nupui khi kan dem deuh angem?
Report this comment
September 23rd, 2011 at 7:32 pm
@27.Kawlnicolney, I zawhna hi mi tam tak thilunga riak a nih ka ring. Khatihlai dinhmuna Sapho ropui leh changkan tawh dan leh, kan pi leh pu te la changkanloh em em zia ngaihtuahna atang chuan, Zosaptharan Mizo nula nupuia anei duh tlat kha, “A va mak em!, Mizote kha eng hmuhin nge min lo hmuh bik le?” kan ti a ni. Vai rau rauah pawh Rahul Gandhi hian Mizo nula hmangaihin nei ta tlat sela, a tu amah kan dem luai luai hran lemin ka ring lo.PWD Labour Santal ho emaw midum ho laka lo inphalrai ve ringawt ai chuan.
Report this comment
September 23rd, 2011 at 7:33 pm
* oh, ‘thinlung’ ka tihna.
Report this comment