Chanchin Tha-in kan ram a rawn luh hnu-a kan changkan tak dan te, zirna lama hma kan sawn chakzia leh India ram pum-a ziak leh chhiar thiam lama pahnihna hial kan lo ni te hi Pathian malsawmna a ni tih hai rual a ni lo. Thiamna sang zawk beiseiin kan thalai tam takte`n mahni in chhung lum pawh thlahlel zo lovin, hnam dang karah, thin phu dep depin an awm a. An thawhrimna leh an tumruhna rah thlum tak chu seng ngei tura tan nasa tak an la hmuh hi chuan a thlamuanthlak em em thin a, a lawmawm bawk a ni.
Bazarah han chhuak ila, thalai rual inpel suau suau han hmuhte, an thuam mawi tak tak han hmuhte keini ang chuan “Kan ram chu kan lo va changkang tawh tak em!”, kan ti mai ang. Mahse, kan incheinate chu mawiin a mante chu to hle mah se kan mawina chuan en chet a dawl lova, hnam dangte hnuihsawh kan hlawh leh mai thin. Hei hi zawng a pawi a ni e.
Inneihni-a mawi taka Biakin pan thinte chu Mitthi lumen zan chuan simeikhu ang maiin an lang tlem a. Chhungte leh thian hnaivai chhungte in tih lovah chuan an lang ta zen zen lo. Rimawi ri dup dup kara thlit kerh kerh chu an nuam tihzawng a lo ni ta. Khawhar hla saka lusunte hnem ai chuan khawi emaw laia thian za hova lo intihkhawm tel tel chu nuam an ti a. Lirthei hmanga khawi emaw lai vela chak tak taka tlan chu an nuam tih zawng a lo ni ta. Hei hi kan Zoram dinhmun a ni a, tu thiam loh nge? In dem kual ngawt lovin nu leh pa te leh thalai te hian kan inen a tul ta. Zoram kan tih hian Aizawl chauh a huap lova, Mizoram chhung khawi lai pawh a huam vek tih kan hre theuh awm e. He hi khawpui dang, Lunglei, Champhai, Serchhip, Kolasib, etc.., te dinhmun pawh a ni vek a. Tlawmngaihna a boral ta em ni!!? Nge, kan zirna lamah kan inzir bo zawk??
Khawnge kan Zonunmawi, phutlet nei lo, Tlawmngaihna leh Huaisenna-te`n an thuam a, Rinawmna, Dikna leh Felna te`n a sir atanga an phungbawm thin kha a awm tak??
Mitthi in riak han hmuhte hian lungawi a va har thin tak em! Khawhar in-a riak thinte hian thian thar an mamawh a. An inkhawm ngai loh avang leh an damdawi tihna puam el ul avanga in kawm duh lohva, in biak serh ho chuan Zonunmawi tundin leh nan an au lawm lawm che u asin. Thlan laih ni leh hnatlan nikhuate chuan eitur tui hnaia taka chawm len avanga hmai fai vuahte ai chuan veng thlang hmeithai fa chuan a thawh hlawk chawk a. Tih theih dang nei lo nia a inhriat vang pawha ni mahna.
A let beisei vang ni miah lova miin thahnem ngai taka hna a thawk lai hmuh hi a va nuam tak em aw!! Chuvangin i thiante tan hmuhnawm vawi khat tal nih han tum teh.
Tukverh atanga thli thawin a chhem, ka bati alh phe hlep hlep chu ka thlir reng a. Tan ka lak lohva, ka enliam mai mai chuan hun rei lote-ah a thi mai dawn tih pawh ka hria. Mahse, tukverh darthlalang keh nuaih leh bang pawp awm teuh chung chuan ka ti thei si lo. Puitu ka ngai a, ka mamawh ngawih ngawih asin. Hawh u, kan huaisenna, kan taihmakna, kan rinawmna te leh kan tlawmngaihna te nen kan Zonunmawi, tlu chhe tep tawh hi i tung ding leh i la, kan ram hi i din thar leh ang u.
Source : 
Similar Posts:
- Zonun mawi
- Hmangai CFL min dawn pui ve la…
- Tlawmngaihna
- Zonunmawi virus Zu – MLTP Act-in delete rawh
- Rinawmna leh Tlawmngaihna a thi lo!
September 29th, 2011 at 6:03 am
Chiba1 n1 hman nuam vek ule
Report this comment
September 29th, 2011 at 6:52 am
Kan mizo tlawmngaihna dal ta lutuk hi chu a ngaimawh awm reng a ni.
Kan khaw lamah chuan tlangval lam hi chuan mawhphurhna an la hlen tha viau rih a, nula lam hian tan lak kan ngai tlang pui. A bikin mitthi lu men zanah, zan tirah awm ve nual mahse tlaivar ziktluak peih chu an tlem thin khawp mai.
post tha e.
Report this comment
September 29th, 2011 at 7:04 am
On line 42, comment kan en a, ka muthilh hlanin in lova tawng tlem ve le.
Lo sawi ho teh u, kan vak chhuak lawk ang nge.
1@, nang pawh le.
Report this comment
September 29th, 2011 at 7:29 am
Tlawmngaihna in tih hi mitthi buaipui lamah bak hian a lang meuh lo ani e. Mitthi vuina lama kan thut hmur laiin sorkar contract leh sorkar hna vawk rual ang maiin kan inchuh leh si a. Mahni hmasial tak kan lo ni ve si a. Tlawmngai anga in sawi talh hi tum lo law law ang u. Thisen pek te kan han sawi luai ang a, Vai ho pawn an pe ve tho va, enge kan special vakna ka hmu bik lo.
Report this comment
September 29th, 2011 at 9:30 am
Chhiat that nikhua a mi tlawmngai thei tak te hi mi pamham leh duhamna kawng a hmingchhe tak ka hre tlem khawp mai kei chu.
Tin, sorkar hna nen a tlawmngaihna hi khaikhin chi pawh niin ka hre love.
Report this comment
September 29th, 2011 at 10:16 am
He thil hi sumkar nei hauhlo a sawi phawng phawng ahun tawh. Zan rei tak hnu a Facebook chat han en hian Phailama awmte hian mut nachang an hre lo a, antho tlai. Khawhar inlenpui ilo vel ramdangah anti ngailo emawni tehreng… Chutiang kan ZOZIA nilo lutuk chu an rawn chhawm hawng
CHUTAH, KAN RAM TANA CHHENFAKAWM HAUH LO TURIN, FOREIGN-AH HNA ATHAWK TIIN ANLA CHHUANG EM EM ZUI A… KAN RAMAH HIAN ZIRNA THA TAMSE, SENSO NGAI TAM LO IN, MAHNI INLUM ATANGA TLAWMNGAIHNA ZIRTEL IN….. pil hman…
Report this comment
September 29th, 2011 at 11:07 am
Phai ramah pawh khawhar an tlaivarpui ve tho. Chhung khat leh laina hnai awm miah lo pawh an tlaivar pui chang a awm. Zoram lama tih ngai lo formalities a awm teuh mai bawk a. Thlan laih erawh chua ngai lo. Ruang hi NE lama thawn chhoh emaw, funeral home laih sa local cemetry ah an phum mai. Formaldehyde hmanga ruang buatsaih hna hi a pawimawh hle bawk ani.
Report this comment
September 29th, 2011 at 11:28 am
Post tu zahtak chungin – Phailama awmte hi FAINA chungchangah hian anfakawm khawpmai.. Khawlaia chilchhak mai mai an ching ve lo.. Bawlhhlawh abawmah anpaih thlap zel. KAN RAM HI VAWNG THIANGHLIM ANG U.
Report this comment
September 29th, 2011 at 11:35 am
Aizawl lamah hian an kalpui dan hi an thlak tawh in ka hria a ziaawm viau zawk in alang mai mai a ni. Mitthi lumen naah zankhua a lengkhawm hla han sak tluk tluk chuan nula tlangval tan a ninawm duh lutuk ve bawk a ni. Zankhua mai a, han zai takah chuan ninawm duh fu a ni. Thalai te hun leh nu leh pa hun siam a ni thin a, zan dar 12 a pelh tawh hi chuan nu leh pa te hi inthiar fihlim thin se a tha in ka ring mai mai a ni, thalai ten he hun hi lo hmang tangkai ta ila a fuh viau in ka ring. Tin thalai tlawmngai tamtak chu tlaivar lovin thlan an lai thin a, hemi tur hian kan rilru ah te pawh hre ta ila tha awm e.
Report this comment
September 29th, 2011 at 1:55 pm
Khawhar ina thalai duh zawng hla sak chu tih makmawh ani. Hemi chungchang hi Vanglaini ah an ziak nual tawh. A tam ber duh ang hla sak chu tuma sawi buai theih ani lo vang. Nu leh pate dar 12 thleng thlenga an awm pawh a ngai lo.
Ka sawi duh zawk chu, Aizawl velah hian factory lian pahnih, mi 5000 vel ruai ve ve awm ta se, a rang a ranga mithhi luman leh thlan laih kan bansan a ngaih hmel Factory ah thalai an thawh hnem chuan a thawk lo ho tana rit siam ngawt thu a awm si lo va.
Report this comment
September 30th, 2011 at 5:21 am
ka vei zawng tak thuziak, mizo nun mawi pi pu chen atanga nun zahawm, aia upa zah thiam, mite er leh phut nei miah lo, miin an tih avanga ti ve mai ni lo, fakselna pawh pawisa lo, midangte thahtna tur anih phawt chuan nun hlan pawh huam, rulh let leh phutna awm miah lo, mizo anih avanga a tihtur dik tak ti mai nun hi thangtharte hian a awmna kan hre lo tial tial zawng anih hi…a tha khawp mai.
Report this comment