Favang awllen lai aniin boruak a nuam a, Office lam lah ni 3 lai mai Diwali avanga kan chawlh avangin tihtur a awm lo a, kan awmna Delight apartment 3rd floor house number 3 D ah chuan hahdam takin thuthlengseia mut pah chuan Tv ka en mai mai a, room lehlama mami phone hmang Vai tawng leh saptawng inpawlh hmanga a tawng zat zat ri pawh chu a hriat theih a..
Ka Tv en a hmuhnawm lo bawk nen banga kan chhungkaw thlalak intar en pah chuan ka rilru ka kawm mai mai a..Nizan a kan thenawm ami Pu.Gupta a damloh chungchang te ngaihtuahin zan hmasa lama Mama hnena va ngaihven a damdawiin lama va kal tura ka tih, a rawn haw hma lutuk ka hauh a ‘ Kan chhungte pawh anni lo, bakah kan tan hlawkna awmlo emai’ tia min chhan chungchang te chuan ka rilru a ti kalthui in kan chhungkaw chungchang min ngaihtuah tir a..
Nia, hei phai lamah kum 30 dawn ka lo hmang ve ta reng mai a, Pathian zarah hna zahawm tak thawkin nuamsa ve pangngai a khawsa in kan awm a, nupui ah lah hun rei tak kalo zui ve tawh ka neiin fa pawh 2 kan neiin kan nunah harsatna em em kan nei lemlo..
High school atanga college thleng phai rama khawsa tih takah thian ka kawm nasa in mizo, hnamdang ka kawm nasa a, hnamdang ah pawh heng Black kan tihho te, Vai , Nepali, Sap thlengin ka kawmngeihin thian tha tak tak ka nei a..ngaihzawng kan han neih ve pawh khan mizo 2, 3 ka ngaihzawn hnuah hnam dang te ka nei chho ta zeuh zeuhin, tuna ka nupui nen hian B.A 3rd year kan kallai atang vel a inngaizawng kan niin nupa ah kan insiam ta hial a..
Amah hi Naga aniin Kohima atanga rawn kal ani a, a hmel tha in a nu a,min duat thiam a, bakah kristian tha tak alo ni bawk nen inchhirna em em ka nei hranlo..
Kan tlangval lai te pawh khan ngaihzawng te chu ka nei ve nual hman a, Mizo ka ngaihzawn hnu ah rilru na deuha min siam a min then avangin ngaihzawng pawh ka neilo rengin hmangaihna an tih hi ka ring ta tak tak meuhlo..Mahse hunte a liamin hnam dang ka han ngaizawng a, rin aiin kawp anlo nuam zek mai..Mi an duat thiamin, an hrethiam a, Mizo hmeichhia te angin an thu an duhlo a, an titau bur bur ngai heklo.
Chhuahpui a kan sawmin an induh tlatlo a, kei ka ni an inti ar ngai heklo, ho tete ah an thinrim loin an period lai pawhin kan lakah thinrimna an zawng ngai heklo.. Hnamdang hmeichhia te erawh mipa lakah an inti hniam thiam a, mi an zahthiamin heng vai kan tih ho phei hi chu ngaihzawn nuam tak anni, mipa an hlau thiam em em a, kan nu te pawh hnamdang ni mahse tribal anla ni zawkin mizo nen in anna tamtak an nei a, an ai chuan ngaihzawng atan chuan Vai kan tih ho hi keichuan kawp an nuam ka ti zawk bawk..
Tichuan ka zirna te zo in hna Phai ah hna tha tak hmuin ka thawk a, kan nu nen pawh ka chhungte remti vako chung kan innei a,mahse min hnial heklo..Tih tak em ah chuan mipa ka ni a, ka duh chu ka nei ang, bakah nupui te chu kan rawngbawl tur anni a, hnamdang eng ang pawh nise harsatna ka tawh ka ring lemlo.
Tin, kan nu hi ka hriatchian leh rei tak ka lo kawp tawh ani a, a hmelthat bakah a rilru a chhelo a, min tilawm thiam in kan mizia a in mil a, damchhung atana kawppuiah ka iai lemlo..Hnamdang nimahse, kan mizo nula tam takte hian an tluk ka ring biklo..
Tichuan kan innei in mite pawh ina nupa inkawp fuh tak an tih kan lo ni chho ve a, fate kan neiin kan nun kan hmang chho ve ta bauh bauh a..Mihring nih chuan nupa inkar buai nate, harsatna te alo awm lo thei lo a, chutiang hunah te pawh chuan ka tlin lohna ah min dawh thiamin tlawm zawk nih a hrehlo fo thin..
Hun te a liamin hei khawvel kum lamah pawh upa lam kan lo nita in mami leh mama te pawh nula,tlangval anlo ni chho ve ta a..Phai ramah kum tam kanlo awm ta bawk nen kum upat vang te pawh aniange, tunlai chu tunhma a kalo ngaihtuah ngai reng reng loh ka ngaihtuah chho ta fo mai..
Hnamdang, ka duhtak nupui a nei, eizawnna nghet nei ka ni nachung in, kan inneih hma a thian thate leh chhung ten hnamdang nupui pasal neih buaithlak zia leh hreawmzia anlo sawi fo thin te chu kan kum te alo tam tial tial a, a vaiin diklo mahse a lo buaithlakzia ka hre chho ta telh telh niin a lang..
Ka nupui hi ka dem lo mai ani loin, ka nupui anih na kawngah hian sawisel tur ka hrelo, bakah mipa ve tawk tak ka nih avang hian ka harsatna te hi ka sawi mai mai ngailo bawk a, hemi chungchang phei hi chu ka chhungte leh ka thiante bulah pawh ka la sawi ngai heklo..
`Nia, mihring hi chu khawvel awm chhung hi chuan kan duhthusamin thil a thleng ngai silo..Nupui neih hrim hrim, mizo pawh nise a buaithlak nak alaiin hnamdang neih phei chu harsatna midang ina an tawh loh kan tawh hi a tam em em a, pachan a ngai hle..
Mizo naupang Aizawl khawpui a seilian tih takah, ka mizo puite ang bawka mahni hnam tawng ngaina mi ka niin, engkim maiah, a chhun a zan zawma tawng dang hman reng te hi a buaithlak chang a tamin ngaia neih a har hle a..
Khum laizawla thianghlim taka nupui nun kan hman vawr tawp laia ‘Awi, Nu-i ava nuam em “ kan han tih a, an han hawi ho zel mai te hian a chang chuan boruak a tihchhiat trep chang a tam a, ‘Ka ngum kha han hiat teh ‘han tih mai dawna tawng dang a kikawi tak a sawi a ngai thin te hi nin chang a awm thin..
Tribal ve tho tih takah kan chawhmeh chungchang leh chetphung ah chuan buaina awm lemlo in ka Nu leh Pa te leh ka chhungte pawh a thiam ang tawk chuan a duat thiam hle a..Ka nu leh ka Pa lehkha zir sanglo tena an fapa duhtak nupui an duh anga an duat theilo a, an be thiam thiam thinlo erawh hi chu a chang chuan nuamlo ka ti ve thin..
Ka nu phei hi chuan, Mizo nu mawlmang ve tak tih takah a thiam ang tawk a, a nuih a, eitur tui tha hlui bak hi chu tihngaihna a hre vaklo in a chang phei chuan ka chungah a han ang leh ringawt thin a, mahse ka dem lemlo..
Ka han sawi tak te kha chu a hmeichhe thu in a nawi a, mipa tan han inchhir na ngawih ngawih tur aniin ka hre lemlo, kei Mipa hian..A pawi ka tihber zawk erawh chu kan Mizo na kan hloh nasa lutuk hi ani..Keichu thuhran, Ka fate hian Mizo nun an hrethiam loin, Tlawmngaihna awmzia an hre heklo, Khawvel ngaih ah chuan ka thisen kalzel an niin ka thlah, Mizo an ni a, an nun erawh a Mizo silo..
Vairam a seilian kan thiante Mizo fate pawhin kan Mizo nun an hrelo tihtawh nak alaiin kei ka fate phei chu, an nu hnamdang A,AW,B pawh zirlo in a han kaihruai chho ta ania, a ngaihna a awmlo in ka fate leh ka nupui pawh ka dem lemlo..
Tetlai a Lalruanga, Taitesena, etc chanchin a min awihmut thin laiin ka fate erawh Snow white,Rapunzel tih vela awih mut chhoh anni a, keinin krismass vela changban chhum nena kan inhnawh puar laiin ka fate erawh cake leh choclate vela chawmlen an nisi..Ka theih ang tawk a Mizo tawng zirtir a, hman tum ve mah ila, Nuber in a thiam miau loh chuan inchhungkhur ah pawh kan tawng thiam tlan hman alo ngai a, ka fate tan chuam dithlifarfem, mangkhawng tih vel hriatthiam ngaihna a awm silo..
Hei chu ka ta, hei hi ka tihtur, kei, kei, kei tiho leh tlawmngaihna awmzia hrelo hnamdang thiante kawma seilian chho ta chu, ka fate hian tlawmngaihna awmzia, a hlutzia leh kan Mizo nunphung tamtak an rualpui in a an hriat, annin an hriatloh hi a tam em em a, a pawi ka ti thin..
Thenawm te damlo va menpui pawh ka faten an tana hlawkna a awmloh avanga an peihloh tawh chuan tlawmngaihna hi kan inchhungah a awmlo tih a chiang a, an thisen ah Mizo thisen luang mahse an nunah erawh Mizo nun a lang silo..
Khawvel ngaihah Zirna kawngah puitling mahse ka ngaihdanah erawh chuan an hnam nunphung leh kalphung an hriatloh chuan a kimin ka hre silo..Ka thisen hi kalzel mahse ka thlahte thlahte erawh chuan an hnam nunphung, an thlah tute nundan hi an hloh dawn si a, chu chu ka ngaihtuahin a pawi ka ti si..
Engkim maiah hian, ka nupui hi ka hmangaih a, ka nei ani a, amah demna ka neilo, keimah hi ka indem zawkin, ka nupui ka nei hi a pawi ka tilo in hnamdang nupui a ka nei hi a pawi ka ti ani..Ka sawifiah thiam lo ani e, mahse piangnawn leh ilang chuan kei zawngin ka Mizopui ngei ani nupui ah ka neih ang..
Similar Posts:
- Hnamdang ka neih chuan ka hnam ka phatsan
- Nupui atan chuan virgin ngei
- Zo leh zo ngei runhmunah i leng ang aw
- Dawn chiang rawh se
- Hmangaihna lan chhuah tir
October 26th, 2011 at 12:43 am
alo ni maw? Sawisel lo mai rawh, i duhtho si chuan, pa lo em mai
Report this comment
October 26th, 2011 at 12:50 am
Nia, ka thianpa hi Ao nei a awm a, an hlim viau niah ka ngai. Ka thianpa Ao vethung chuan Mizo a nei ve thung a, hei pawh hi an hlim viau hmel tho mai.
Khawvel hi a mak khawp mai!
Dik leh dik lo te hi thliar thiam a har fu zel mai hi
Report this comment
October 26th, 2011 at 1:12 am
Nupui pasal inneihna hrim hrimah hian inchhir rukna hi mi tam zawk hnenah hun engemaw laia thleng a ni ve hrim hrim. Hei hi chu a turah ngaih mai a tha. A reh ve leh mai a, damchhunga kawppui atana kan tiam aia tha dang hi an awm thei tawh ngai chuang lo. Vawikhat pian ve manah hian thil hrang hrang tawn kan duh vek ang. Mahse, nupa nunah kher hi chuan vawikhat pian manah vawikhat chauh, chu pawh mi pakhat chauh hi thil tha ber a la ni zel e.
I chungchang bikah hian harsatna a tam duh hmel khawp mai. Mahse, Mizo dik tak, Dawrawn leh Nghawngkawl zawng zawng hriatpui vektu che pawh lo nei ta la, engnge maw ti takin kim lo riauva inhriatna thil dangah i nei thei tho. Chuvangin, i dinhmunah hian lawm la, hlim taka damlai ni i hman ral ka duhsak a che.
Hei erawh, han zep tel hram ila, i Post hi hnamdang nupui pasala neih tum, bangbo taka awm mekte tak zilhna hlu tak lo chang se tih hi ka duh dan a ni e.
Report this comment
October 26th, 2011 at 1:34 am
thudang a lai chuan.. Naktuk ka tel ve thei dawn lo… Ka va ui tak em…
Report this comment
October 26th, 2011 at 1:49 am
ngaihtuah ava ti thui vele.. ka pa sawite ka hriatchhuah rum rum chule…
Hnamdang neih hi chu nia.. chhungkua hi a keh duh khawp mai.. eng ang pawn siam tum mahila.. nu leh pa, kan tete atanga hmangaih em em a min enkawltu te leh kan kawpuite an an in biak theih miau loh chuan chumai pawh ni ni lovin.. kan pi leh pute min lo enkawl a min ti tatu ve em em thin te nen a an in biak thiam loh chuan lu chu a ti hai ve duh kawp ang.
I thil rawn post chu hnamdang ngaizawng mekte ho hian inngaihtuah nan hian hmang se a va tha dawn em. Nupui pasal nei hi zawng ngaihzawng neih ang mai mai a ni silova.
Report this comment
October 26th, 2011 at 2:07 am
keipawh hnamdang kawppui nei ka ni e
ka in chhir hauh lo…an sawi ang khan nupui/pasal neih ah hian hnamdang an ni emaw nilo emaw…engkim hi duhthusam ang diak2 in a kal vek lo…kan Kohhran hruaitu Pastor etc te ho pawh hi an nupa chhungkhur dik tak hi hria in hmu thei ila chuan mak tiin ka ring kan fan uak2 in ka ring tlats…
Khawvel mihring nunah hian lungawi kim vek theih loh tih hi pawm hmiah ila …kan hlim ber
Report this comment
October 26th, 2011 at 2:18 am
Ngaihtuah a ti thui hle mai,state dang a kan unau zirlai te hian i pos hi han chhiar ve vek thei se la chuan ava tha dawn tak em..
Report this comment
October 26th, 2011 at 2:49 am
I ngaihtuah kual vel mai mai anih kha. Aizawlah pawh rawn hawin rawn awm ula, chhungkhat/laina bakah thenrual innei khawp ang. Mipa hnamdang nei ka hre nual mai, mahse han chen ho tak2 hi chuan nungchang/rilru lam hian kan in en daih zel hi… tumahin, i nu hi vai/hnamdang chuti khati an tih hauh loh hi maw…chutih ahnekin, Gurkhali/bengali te thlengin mizorama pianga seilian, mizo society a awm te hi chu kan en hran vak hauh lo hi, Kristian an nih phei chuan… kan hmeichhia hnamdang nei, Kristian na lama in hmangte pawh kan en hrang hranin ka hre lem lo… Vantlan gmit tikhamtu erawh chu kan nula hoten Kristian pawh ni hlei lo, belhchian dawl vak pawh ni lo ho, an kawpa an lo nei vel hi ani maiin ka hria ka ti… ‘It’s my life’ te hi an ti ve a, harsatna an tawh veleh Mizo welfare/society ah an zualko leh sia….hairehai
Report this comment
October 26th, 2011 at 5:19 am
E i duh a i nei toh a chu vang chuan, in chhir duh suh..man i inti boka..mah se thil pa 1 nga ti nge Snow white,Rapunzel.thawn thu (in kan ti teng) hrilh lai chuan,chemtatarawta a chan chin i lo hrilh ve mai loh,aw ka ti..Advice pa khat ve mai2..mizo mi zia hria tur a i duh tak2 chuan mizo ram ah kum khat vel awm tir ve la Bording emo i chhung te in lama chuan…tiang chiah hian he ta sap ram a awm ve te hian an fate an ti tlats..a that ka ring tlats..Zotak hian chang kang tak in a awmtheih reng sin..he lai sap ram ah hian kum 40 vel zen zawn chu ka awm ka ring a PATHIAN zar ah armey ah te kan lut ve a..ka mizo mizia hi ka theih nghilh ka ring lo e..Misual.com a awm chung chuan..Ms.com dam reng roh se..
Report this comment
October 26th, 2011 at 5:21 am
Ka ngum kha han hiat teh. Hnamdang nupuia i neih man ah
Bawng chuan Bawng a nei tur a ni a. Ui â pawhin, ui â a nei tur a ni. Chutiang zelin, mihring pawn mihring a nei tur a ni. Ka sawi duhtak chu, inchhir leh tura mahni mihring pui nei erawh; thil rapthlak tak a ni. Khawnge Thenzawl kal tawh ang aw, insiam ang aw.
I tan chauh,
Lr
Report this comment
October 26th, 2011 at 6:05 am
‘An period lai pawhin kan lakah thinrimna an zawng ngai hek lo’ Ka va han la fuh ber kher tak em aw…!
Report this comment
October 26th, 2011 at 6:52 am
Pu Lamea25 chu nupui hmangaih deuh hnamdang nei siin piang nawn leh ila.. ka mizopui ngei i ti hi chu….
tuna kan misualpa ho nupui nei zawng zawng hian piang nawn leh se tuna an kawppui tak te hi neih leh duh lo an tam ve mai thei asin…….hehehehe mahse ka rin dan ve mai a nia..
in nuin mizo tawnga thiam lo chu a poi deuh anih chu….a la tlai hlei nem,zirtir tan la te lo ti ve ngawt ila
Ka hriat chhungkaw pakhat chu mizoram pawna awm hnamdang nei te an ni bawk a, an chhungkaw tawng tualleng pawh, Mizo, English hindi a ni nawk mai.
Report this comment
October 26th, 2011 at 7:05 am
Thalam hian han infuih ila, chutih karah chuan tlinlohna kan nei theuh tih inhriatsak atha hle. Chutiang chuan mihring kan kahwsa ho thei mai thin.
Report this comment
October 26th, 2011 at 7:34 am
kan thenawmah Gurkhali nupui nei a awm a,kan nu ai em chuan pasal te a ngaituah in a tihlim zawkin ka hmu…
Report this comment
October 26th, 2011 at 7:43 am
Post-tupa i thu ziak hian zirtir a nei tha khawp mai. Mahse a inngaihtuah chiang tur a i duhte hi, mi thil chhut uluk leh fing tak an nih loh chuan, an zawmin an awih duh kher lovang tih ka hlau hlel love.
I thuziak phen a i mizopa rilru thahnem ngaihna hi ropui ka ti.
I thlahte pawh i thisen anni miau a, i sawi ang em em khi chuan ka ngaihtuah love.
Report this comment
October 26th, 2011 at 7:49 am
Fiction a lo ni reng a ni maw? Tha ka ti tho tho. Post tha tak a ni.
Report this comment
October 26th, 2011 at 7:55 am
I Mizo-na rilru hi i ngaihsan awm ngawt mai.
Nupaah, chhungkuaah eng harsatna emaw hi chu kan nei theuh mai. Mizo ve ve-ah pawh Chhim lam mi leh hmar lam mi inkarah te, kohhran inanglo vang mai te pawh hian harsatna alo awm zel tho mai.
Hei, i post hi in nu’n a hria ang tih a va hlauhawm ve le!
Nang chu i buaina hnamdang PASAL-ah ni lovin NUPUI-ah a nia, a la ziaawm e.
Report this comment
October 26th, 2011 at 8:59 am
post tha tak a ni, ka chhiar tui khawp mai. Hnamdang neih chu a pawi fo.
Report this comment
October 26th, 2011 at 11:36 am
Arunachal a nupakhat in kan zirpui hmeichhiate a hmuh chiah khan, hnamdang chu pasalah rawn nei ve reng reng suh ang che u, kum 20/30 chu in hlim phian mai thei mahse in upa tawlh tawlh ang a, MIZO nun mawitak kha in ngai bang lo ang, x-mas, kumthar lawm dan mai2 pawhin lung a ti leng a nia, mahse chu aia hreawm chu chhiat tawh te leh chhungkua in eng emaw tihhuk tur kan neih hun ah a hreawm a ti. A dik ka ring, hnamdang pasal a nei te reng hi an pasal te in/khua a awm daih lo in MIZORAM ah an awm talh thrin.
Report this comment
October 26th, 2011 at 12:23 pm
Pa lo ve… Ka thianpa Ao nula nei chuan thla 6 chhungin Mizo tawngin a duhtawkin a tawng tir thei asin,kum 5 an innei ta,a tir atanga hre sa lo chuan Naga anih pawh an awilo zawk,a tawng a pai tawh bawk si lo.. Mizo thawnthu an inhrilh leh hrilh loh phei chu ka hre law
Report this comment
October 26th, 2011 at 12:36 pm
Jack-a pi, Angami nula nei ka hria a, an pa hi ministry lama in hmang deuh mai ania.. mizo tawng a pai miah lo…hairehai
Report this comment
October 26th, 2011 at 12:50 pm
Mihring a zir a ni ang. Upat tak tak hun chuan a dan a dang deuh mahna. Chubakah naga nen hi chuan kan la inmil deuh alawm! Ka thianpa hian Angami chu nupuiah a nei a, an hlim ve viau tho chuan ka hria. Kum 6 vel chu an innei ve ta.
Report this comment
October 26th, 2011 at 5:26 pm
Eu Himalaya kham kar sathar hi duhlian tawng zirtir ve vat tur anih hi…te han ti ve ngawt ila
. Hnamdang chu neih chiah ila, Kristian lo pawh ka Kristian tir anga, mizo tawng ngat phei hi ka va han thiam tir dawn chiang e aw 
Report this comment