Ka pindan tukverh bula ni tla tur thlira ka thut reng lai chuan ka rilru-ah naupan lai nun a rawn lang a. Lung a ti leng kher mai. Thil hrang hrang ngaihtuahin vei tawp hleih theih loh ka nei ta tlat mai a. Ka lukham bula ka phone dah lain ka nu number ka dial chhunzawm nghal a. Ka nu nen chuan rei tawk tak kan inbia……. “A bu hming leh ziaktu a phek chung sirah pawh a in ziak lo maw?”.. “Ziak lo bawiha, enga tan nge i tih teh thut a?”,.. “A…engmah ni lem lo e, nih phawt”, tiin ka duh lai tak min hrilh tawh tho avangin call chu ka ti tawp a.
Post hmasa ‘Chu story chu’ tih chhiar tawhte kha chuan he post kalhmang tur hi kan hriat thiam nghal mai ka ring. A la chhiar lote tan hetah hian a chhiar theih e. Ka tet lai, mu tura thawnthu hrilh hmasak phawt ka la ngaih lai hun daih tawha ka nu thawnthu tawi min hrilh a ni a, ka hriat ang ang leh phuah belhin ka rawn thai lang ve leh mai mai dawn e. Pawi ka sawi chuan ngaihdam ka dil nghal bawk!
Ka nu chuan ti hian a sawi tan a. “John-a leh a nupui Cathy chuan fapa duhawm tak, Bena tia an koh hi neiin Africa ram thingtlang khaw pakhatah hian an khawsa a. Johna chu lunghlu leh lungmawi lam chi hmangin a sumdawng a, ram hmun hrang hrang tlawhin a zin kual reng thin. Hausa em em zawng ni lo mah se, an khuaah chuan a awm thei pawl tak, vantlang chunglam an ni thin a. Amaherawhchu, Johna leh Cathy inkarah inhmuh thiam lohna a awm atangin an neihin rawih lam a pan a. Johna rilru a hah theiin, rim tak leh hah takin a sumdawnna kalpui tho mah se; a nupui Cathy a rinna pawh a tlem tawh em em a ni.
Cathy vang alawm. Lawng khalhtu ngaihzawng dang a nei a. A pasal aiin a hmangaih a, an thil tha neihte chenin, Johna zin hlanin lawngpu nen chuan an awm dun fo thin. John-a chuan a nupui chanchin hre mah se, a hmangaih em avangin a then thei lo a, duat takin chungkhua enkawl fan fan a tum tlat a ni.
Bena pawh a lo upa ve tawh hle a. Inchhungkhurah pawh a tangkai hle tawh a ni. Dan pangngaiin Johna pawh sumdawnna avangin ram hla taka a zin chhuah a tul leh a. Tun tum a zin chhuak hi chu thangrei deuh pawh a tum a ni. A chhuah tuk chuan Cathy chuan awm reng thei tawh lova a inhriat avangin a hmangaih zawk lam panin a fapa leh an in chu a chhuahsan ta daih mai a. Bena tan chuan a hrilh haithlak hle mai le.
Bena chuan lungngai leh khawhar takin hun a hmang tan a. Chaw ei a harin mut mu pawh a tuah thei meuh tawh lo. A pa a chhuah ni atanga ni thum ni zing kawngka kik ri chuan a chau tawngkhawng muhil chu a tiharh a. ‘A pa’n a nu chanchin a hria ang a, min ngaihtuahin a lo haw hma a nih hi’ tih rilru pu chungin phur tak chuan kawngka a va hawng a. A hma-a ding chu a pa a ni ta reng reng lo mai. Ngui hmel taka, a pa thianpa ni thum kal ta-a a pa nena zin chhuak dun amah chauha lo ding reng chu a va hmu a.
“Natna tha lo takin a tlak buak a, khaw pakhata kan riahna-ah min boralsan ta…….” Bena’n engmah a hre chhunzawm thei lo. He khawvel amaha hmachhawn tur chuan a la te deuh si. Engtin nge ni ang? Lehkha a thiam lova, school reng reng a kal bawk si lo.
Thla thum a ral hnu chuan Bena pawh a lo pangngai leh tawh a, amaha pachang taka hun hman tumin a insehruh tlat tawh a ni. A pain ro thahnem tak a hnutchhiah bawk a, mahnia indin thei ngei turin ka bei ang tiin a ngaihtuah tlat a. A pa thianpa a lo kal khan Johna’n a fapa tan ro tam tak a hnutchhiah thu hrilhin chahbi a rawn kensak a ni.
Chahbi hmanga a hawn tur robawm ni awm chu an in chhungah chuan a zawng a. Mahse, kil tin a fan hnu paw’n chutiang ang robawm reng reng a hmu zo lo. A beidawng hle mai. A tawpah chuan Johna pual library-a a pa mut hahchawlhna khum bula inhawngsa-a a lo hmuh tawh bawm pakhat a chhunga lehkhabu pakhat bak awm lohna chu a en chiang a, a lo inmil ta thlap mai. A beidawn a va zual em! ‘A nuin chahbi dang a lo nei ve ang a, a ro chan ai zawng zawng chu a laksak vek dawn a nih hi’ tia a ngaihtuahna chuan a mittui a tiluang zawih zawih a. Beisei reng a nei thei ta lo.
Ni thum a ral hnu chuan a pa bawma a hmuh lehkhabu chu enge ni reng reng tih hriat tumin a la chhuak a. Chhiarkawp lam zirna bu hi a lo ni a. A han kiau chuan lehkha leh sava thla pathum hi lehkhabu karah chuan a lo awm reng a. Lehkhaah chuan…..
Bena,
Hei hi ka dam chhung chuan ka theihnghilh ngai tawh lo ang a
I nu a chauh chuan khum nuam takah mutin duat takin enkawl la
Ni sa-ah ka vak chhuak a, thing buk hnuai ka hmu lo a
Hreawm, mangan, lungngaih ram leh tah tawp lohna hmun chu he lei hi
I lai a nih paw’n tumruh leh thahnemngai takin bei zel ang che
I tlukin tho leh rawh, I tan khua a la tlai chhe hleinem
Heng hi vawng reng la, I tan ro hlu tak a ni ang
Lungngaihna, tahna leh mittui nen he hringnun chau tak hi ka hmang a
Phum ni mah se, thu dik chu hai lan a ni dawn si
I pa
Chu thu ziak a chhiar chuan a hrethiam lovin a ngaihna reng a hre lo. Mahse, a pa a ngaih leh a thlakhlelh em emina a thu rochhiah a nih avangin a en ning thei lo. A lehkhabu hmuh thar chu a hriat thiam ngai loh ni mah se, a kiau ning thei lo bawk a. ‘A thil hmuhte chuan zirtir leh kawhhmuh a nei reng ang a’ tia ngaihtuahin zir chian a chak ta tlat a, a zir ta reng a ni. School a kal si lo, zirtirtu pawh nei lem lo-a zir……………..” ka meng thei tawh lo niin ka mit ka chhing riai riai a, ka nu thusawi pawh engmah ka hre tawh lo.
Ka han harh leh meuh chuan, “……….. lunghlu leh lungmawi tam tak a lo awm reng mai a. Tichuan an khuaah Bena aia hausa reng reng tumah an awm lo. Hlim takin a khawsa ta a.”
Hmm….mutthluk han chin tlat mai hi chu a tha lo thei em mai a. Engtiangin nge, khawi atangin nge Bena’n ro chu a hmuhchhuah ang le?
Warning: aduhi tawngkam hmangin he post hi ‘fiction quiz’ a ni leh e..Hairehai 
. He post tana hun hmang tam thei lo tan chhiar a hlawk lem lo ang. Chutih rualin mobile atanga he site lutte tan zawhna chhan a harsat deuh ka ring bawk. Hmm…hint ni pah fawmin ka’n sawi a nih chu.
Thubelh: Comment atanga chhanna a zirin post hranpa siama a solution dah a tha awm e. Hun awl I neih a, I tuina zawng a nih bawk chuan post thu hi ngun takin chhiar la, Bena ro awmna chu I hmu chhuak thei ang! Han tum chhin teh le 
(i ngaihdanin, a dik ber a awm chuang lo!!).. 
Similar Posts:
- Solution to ‘Chu story chu II’
- ‘A changtunu’ a che dawn ta!
- Misual.com a thil mak ka tih chu
- Sorry
- MISUAL dot com a THUZIAK TE HI!
a tha khawp mai
December 2nd, 2011 at 6:13 pm
Report this comment
December 2nd, 2011 at 6:19 pm
In va comment duh lo ve maw le.
Report this comment
December 2nd, 2011 at 6:22 pm
#rd leh law law mai teh ang.
Report this comment
December 2nd, 2011 at 6:23 pm
# 4th. Hei pawh maw le.
Report this comment
December 2nd, 2011 at 6:24 pm
# 5, A va mak fo e.
Report this comment
December 2nd, 2011 at 6:26 pm
# 6th, Ka peih tawh lo mange a.
Report this comment
December 2nd, 2011 at 6:27 pm
# 7th, Ka ning tawh.
Report this comment
December 2nd, 2011 at 6:28 pm
# 8th, Hairehai.
Report this comment
December 2nd, 2011 at 6:29 pm
# 9th, Mizorama ka misualpui ho hian NET an nei ve ta lo a ni’ang a.
Report this comment
December 2nd, 2011 at 6:30 pm
# 9th, Mizorama misual.commers ho hian NET an nei ve ta lo a ni’ang a.
Report this comment
December 2nd, 2011 at 6:31 pm
# 11, Pu kawlhawka te ho pawh thlak ka chak a sin mawle.
Report this comment
December 2nd, 2011 at 6:31 pm
https://www.CFLtibuai.com
Report this comment
December 2nd, 2011 at 6:34 pm
# 12nd, A inthlahrunawm em mai chhuak daih teh ang.
Report this comment
December 2nd, 2011 at 6:37 pm
# 12,K’u Tuaisiala, I lo dam tha zel em? Thianpa VLC-a kha mi lo biak dawn nia. Kumin pawh ka rawn haw thei dawn si lova.
Report this comment
December 2nd, 2011 at 6:39 pm
7,063 people like mi(sual).com.
Report this comment
December 2nd, 2011 at 6:39 pm
CFL a chu i va tam teh tuarh ve!! he he!!
Report this comment
December 2nd, 2011 at 6:40 pm
Chu Story chu hei hi niang
https://www.youtube.com/watch?f.....ughiVegiwI
Report this comment
December 2nd, 2011 at 6:40 pm
A dikna ka hriain ka hria. Mahse a sei dawn em mai a,ka buai rih bawk si a.(Naupang exam lai a nia) Comment 50 a tlin hunah ka sawi ang.(ni a ka hriat dan).
Report this comment
December 2nd, 2011 at 6:42 pm
Law Secretary atanga pension tawh P. Chakraborty rawih nawn lehna order sorkarin a tihchhuah duh loh entir nan tukin khan MZP leh MSU hruaitute leh zirlai 200 chuang ten New Secretariat-ah Chakraborty office kal tur dan an tum a, P. Chakraborty hian
office a kai loh avangin buaina liantham a chhuak lo hlauh.
Report this comment
December 2nd, 2011 at 6:44 pm
MNF President
MNF President Pu Zoramthanga New Delhi a zin chuan, Pathian leh Mizo mipui zara an sorkar leh huna Mau swngbawl dan tur phuisui zawka kalpui dan turte bakah Zoram mipui ten hnathawh kawr an hak tir leh huna Mizo tana hnathawh dan tur buaipuiin, mithiam tak tak te a rawn kual hnuah Dec 3,Inrinni ah Aizawl lo kir leh a tum.
Report this comment
December 2nd, 2011 at 6:45 pm
CFL chu leh! kawmen nasa tuarh tuarh ve. Tha e, an ngawih thup chuan kawmen miah miah mai tur.
Report this comment
December 2nd, 2011 at 6:57 pm
A awmna atangin a hmuchhuak.
Report this comment
December 2nd, 2011 at 7:04 pm
chu chhiar hman rih lohna chu
Report this comment
December 2nd, 2011 at 7:32 pm
ka chhiar duhzawng leh ka komen chakzawng a ni tlat lo..! Min lo hrethiam mai teh u.
Report this comment
December 2nd, 2011 at 8:08 pm
Tun tum chu a har deuh/sei deuh a nih hmel e. Question chhan tum kan awm lem lo a nih hmel.
A chhan tum ber PKfanai lahin a chhanna a lo la dah bawk si lo a. Chhangtu kan nil tlat mai.
Report this comment
December 2nd, 2011 at 9:36 pm
An Compound zau tak Thingbuk hlim pawh awm lohna, thlaler hmun ang maiah chuan Ro chu a phum ngeia ringin a lai ta a. (Thuk laih a ngai lova, Thil phumna hnu a zawng a ni). A hmu ta mai si lo. A bei a dawng lek lek thin a, mahse a Pa thuchah kha a vawng reng a, Tha thlah mai lovin a lai zel a. A hmuh hma chuan chu phaizawlzau tak chu cheh chhuah dap a tum ta a. Hmun thenkat lai lo thawp deuh lai te chu beisei takin a lai ngawrh zual a, Tuihna te a laichhuak ta hial a. Nimahsela, a cheh chhuah dap hnuah pawh chuan ‘Ro’ reng reng chu a hmu ta lo mai a.
A bei a dawng em m mai a, mahse a Pa lehkha khan awmzia a neih ngei a ring tlat bawk si a, a lei cheh phutah chuan Tui a la a, Buh a phun chhuak ta vek mai a, a enkawl zui zel a, Buh a lo ngah ta em em mai a, a eisen lohte a hralh chhuak thei ta hial a ni. Lo nghet a lo nei ta bawk nen, Sum leh Rangkachak chu a lo ngah ta hle mai a ni.
A awm ang viau lo maw?
Report this comment
December 2nd, 2011 at 9:55 pm
PKfanai, i ti lawmawm thin e. Part 2 chu benkhawn a hlawh loh laia nang talin i lo chhang chu..
I chhanna a dik lo ka tihna ni miah lovin heta a chhanna ka hriat nen chuan a inang lo deuh.
Tuna i rawn sawi dan ang lo daih hi a ni ang. A chhanna post ka submit tawh a. Admin. ten min post-sak turah ngai ila. Min lo ensak leh dawn nia.. 
Report this comment
December 2nd, 2011 at 10:02 pm
27. Nia, ka rawn sawi khi chu Thawnthu dang daih anih ka ring. Thawnthu body tak khi i rawn sawi si lova, a lo nih tak hlauhvin kan ti mai mai anih khi.
Report this comment
December 2nd, 2011 at 10:19 pm
Kan ngaih tuah char char a,ka hre chhuak hlei thei lo tlat..
Chet spy ka tum viau nan i chhanna post chu ka lo chang mai e 
Report this comment
December 2nd, 2011 at 10:28 pm
keu tih turah kiau tih i hmang tlat khi
Chhang lo teh ang
Report this comment
December 2nd, 2011 at 10:39 pm
aduhi #30 a ni maw. Tawngkam pai deuh hman hi chu zahthlak thei e.
Ka lawm lutuk e. 
Hei chu a har deuh a ni ang nge, nag meuh pawn chhan i tum loh chuan.
Report this comment
December 2nd, 2011 at 10:43 pm
lol a answer ka en ru tawh a, a lo in schedule sia. Ka chhang ta lo mai.
Report this comment
December 2nd, 2011 at 10:54 pm
aduhi #32
hei chu a har hrim hrim…
Report this comment
December 2nd, 2011 at 11:14 pm
haha… nia kei pawn ka chhiar chhuak thlap a answer kha…
very smart, upilson 
Report this comment
December 2nd, 2011 at 11:16 pm
Dak ve keuh
Report this comment
December 3rd, 2011 at 12:39 pm
[...] II’ December 3rd, 2011 9:00 am by upsilon (‘Chu story chu II’ tih i chhiar hmasak duh takin hetah hian a chhiar theih [...]
Report this comment