Tunlai chu post a tlem deuh bawk a, submit ve leh thuai mai teh ang. Krismas a hnai tawh a, mi(sual) member te pawh kan buai tlang aniang e. Vei zawng zawng kan thai rang ve leh mai mai ang e.
Red Ribbon Drama Competition an ti mek a, TV ah live in HIV-Aids chungchang Drama thlir tur a awm thin a. Zanin pawh Top 5 intihsiak zan a ni a, a hmasa 3 ka en a, ka rilru ah a awm zui ta riau a, a dang 2 pawh en ta lo chuan he thu hi ka ziah san ta a. Aids kai theihna leh theihlohna, fimkhur a tul dan tih ang vel sawi ka tumlo. Kan hrevek. A statistic zawng a sawi pawh ka tumlo. A vei tawh te hi engtinnge kan dawnsawn ang tih lam in ka rilru a luahkhat.
Mi in engvang pawhin HIV hrik a lo kai a, damna tur damdawi a awmloh chu thuhran, Aids vei te khawtlangin kan thlir dan en chuan thih tluk in a hrehawm dawn a lo ni. Pathianah chauh lo chuan inhnemna tur a awmlo. Inthlahrung leh rilru na reng reng in hun an hmang a, khawtlangin kan en hrek hrek a, chhungkua ah hriatthiamna an dawng lova, Kohhranah lehzel pawh an tuitla lo anih chuan an natna tihnat belhchhahtu kan va ni mai awm em.
Aids vei te pan ngam nih i tum ang u. A nawmsip bawl vang emaw, ruihtheih thil a tih vang emaw a kai pawh ni rawhse, kan mihring pui, kan unau, kan thian a nihna kha lal ber se ka duh mang e.
Aids vei te hi inthlahrung reng reng in kan bul velah hian an awm em? I hmelhriat Aids vei kha ngampa takin I inchhungah a rawn leng lut ngam em? I bulah zalen takin a titi in a ei in ngam em? I biak hmasak loh pawhin a be hmasa ngam che em? A harsatna a hrilh ngam che em? Hengte hi inenfiahna’n hmang chhin ang u hmiang.
Natna ah hian duhthlan tur hi a lo awm hleklo mai a. Cancer te phei chu kan thihchhan tam ber a ni tawh a, zu leh drug vang pawhin kan taksa kan tichhia in a hun hma in thalai tamtak in nun an chan mek bawk a.
Mihring kan changkang tawh a, Mental illness pawh a mikhual ta lo khawp mai. A bikin thalai zingah. Mi tamtak chuan harsatna nei tih inhre siin Professional kan pan hreh a, Psychiatrist te chu ‘Mi a Doctor’ anga ngai te kan la awm tlat a. Doctor pakhat thusawi ka hrereng thin ‘Psychiatry world hi a zau lutuk a, circle lianpui, a lai takah chhun han dum te takte awm se, chu dum te takte chauh chu rilru buai, ‘mi a’ kan tih te hi an ni, a bak zawng chu midang chan. Mihring tupawh hi Psychiatry world ah hian kan leng vek a ni’ a ti.
Chuvangin Psychiatrist pan hi mi rilru buai ‘a’ te tan chauh dahlo ang u. Natna chronic nei te tan phei chuan pan ngei ngei chi. Kan pan hreh thin avangin a hunlo a ‘thihna’ a thleng fo hi a pawi takzet zet. Mental Problem ho hi chu a veilo tan chuan hriatthiam phak loh, a vei te tan hrehawm tawpkhawk a ni si.
Kan ‘natna’ te hi kan duhthlan a kan neih an ni lova, inkhawngaih a inhriatthiam a va tul em.
December 6th, 2011 at 10:07 am
Post tha tak ani, chhiar a man hla e..
Report this comment
December 6th, 2011 at 10:09 am
Natna in kai chhawn theih vei tu te hi en hrek hrek hi a awl duh viau in ka ring..
Report this comment
December 6th, 2011 at 10:16 am
A ni ngawt mai tak e.
Report this comment
December 6th, 2011 at 10:22 am
Post a tha in dawn a tisei vawng vawng mai…
AIDS, natna tihbaiawm tak veitu te hi an lainatawm thin.
Thla thum kal ta khan Chanhaite Run (Morning Star) ka tlawh a. Mipa naupang kum 3 vel mi, a nu leh pa, AIDS vei in an kalsan ka hmu a. Ani lah chuan a natna chanchin engmah a la hrethiam silo. A va lainatawm reuh tak em!
Report this comment
December 6th, 2011 at 10:25 am
A dik khawp mai tih bak han sawi belh tur avang hle mai. A tawi fun kim tha kher mai.
tren tren.
Report this comment
December 6th, 2011 at 10:27 am
A dik khawp mai. Heng ho hian chhantu, puitu, hrethiamtu, hnemtu,tanpuitu hi taksa rilru leh thlarauvah an mamawh takzet zet a ni.
Post tha hle mai.
Report this comment
December 6th, 2011 at 10:30 am
Nia, kei aids vei hi chiang takin hei hian a vei tih tumah hriat ka la nei lova, ka thian tu emaw hian a vei tih hre ta ila eng tinnge ka ngaih ang ak hre hauh lo mai…..
Report this comment
December 6th, 2011 at 10:43 am
Post
Report this comment
December 6th, 2011 at 10:43 am
Tunlaiah chuan Hiv/Aids hi ‘chronic manageable disease’ an ti tawh zawk a. A enkawlna damdawi ART hi tha taka an ei chuan rei tak an dam thei ani. Thih leh dam erawh Pathian thu2 ani e. Post KZP
Report this comment
December 6th, 2011 at 10:49 am
Va sawi thra pap2 ve..
Report this comment
December 6th, 2011 at 10:54 am
a nia sin
Report this comment
December 6th, 2011 at 10:55 am
@sheldon: kei chu ka en zo vek..ka rilru a thil lo lang ve thung chu..script ziaktute khan min hmusit ka ti. Thingtlang kilkhawr tak te chu ka hre lova, in atanga in hnawhchhuah, an bula awm duh loh, hmaichhana in endawng/hmusitna tawng khum,..a awm ka hre tawh ngai lo. Kan chhungrilah kan pawm thlap thei lo anih pawhin hmaichhana tilang leh sawichhuak duh kan awm ta lovin ka hria. Hetianga ti zel anga ka thalaipuite an lantir kha ka ei thlawt lo…te ka lo ti ve mai2 a..
Report this comment
December 6th, 2011 at 10:58 am
OT lawks.. Admin te u, comment han like na tur hi a siam theih em? Report this comment tih bul vel ah hian comment han like keuhna tur awm se ka ti e………
Report this comment
December 6th, 2011 at 11:04 am
Good post. AIDS hi natna chikhat ve mai a ni. AIDS vei lo mah ila, kan thi vek dawn tho tho. AIDS vei kan hreh chhan hi ‘thih’ a nih chuan, mi zawng zawng hian engtik lai pawhin AIDS natna aia hlauhawm kan vei reng tih hriat tur. AIDS veite pawh i phili buai lovang. I inngaihtuah hah lovang u. AIDS natna kher lo pawh thihna tur a tam lutuk.
Report this comment
December 6th, 2011 at 11:23 am
A van tha kher em ve le
#13
Report this comment
December 6th, 2011 at 11:23 am
Kei mihring emotional tih takah drama ka en khan ka rilru a khawih ta riau a. Kan hriatphak baka aids vei ten harsatna an tawh nasat dan a tak in min hmuhtir a.
Ka hmelhriat 1 HIV+ a awm a, a inthlahrung ngawih ngawih a, sorkar hna erawh a thawk a, a rem phawt chuan ka be sawt sawt thin a. Mi pawh a ngaina der ve in ka hria. Hengte hi kan rawngbawlna tur te an ni ve tho ka ti ta.
Report this comment
December 6th, 2011 at 11:24 am
# 13…
Report this comment
December 6th, 2011 at 11:56 am
OT
Don Bosco sikul naupang kum 5 mi pawngsual leh Baktawng(?) khaw pitar kum 66(?) mi pawngsual chungchang kha hrechiang kan awm em?
Report this comment
December 6th, 2011 at 12:03 pm
Post tha, ngaihtuah tithui tak a ni. Isuan heng mite hi engtinnge a en ve ang le? tih hi kan inenna ni fo se. Power chak tawk chu nei ila ”Ka duh e, lo thianghlim tawh rawh u” han tih ve mai pawh a chakawm hle mai!
Report this comment
December 6th, 2011 at 12:25 pm
saint sammoo@12, i thlir dan zawng a thlir chuan a dik khawp mai. Kan changkang tawh a, inkai mai mai theih ani lo tih kan hretlang vek a, langsar tak a endawng/hmuhsit hi chu a awm tawh lovang. Mahse, natna dang vei te ang chuan kan rilru tak hian kan la accept theilo chuan ka hria. Script Writer te pawh ‘drama’ tih takah an ti lutuk deuh mai thei. I thlir zau thiam e.
Nia, power chak tak neih a han tihdam vek theih an chakawm mange
Report this comment
December 6th, 2011 at 12:26 pm
Post tha khawp mai inzirtirna tha tak a ni. Tripuraah kum2 ka awm ka haw chho chu kan thian nu naupan tet atanga lo inkawm thin kha AIDS ve ngei a, a taksa pawh a lang mawi tawh lo khawp mai. Min rawn chibai tur kha bul hnaia thiante’n min lo hrilh ru sap hlawm a mahse ka rilru a pawt peng lo ka lai nat zual sauh. Thian dangte chuan abul hnaia awm pawh kha an hreha kut vuana inchibai phei chu an lo ten nasa.. rilru a na duh kher mai!!
Report this comment
December 6th, 2011 at 12:54 pm
A va han tha em, ka
mawlh2 e…
MAHSE kan ti daih teng, mahni pawh in a hre reng chung a ruihtheihthil / nulat tlangval nun lepchiah kalsan duh lo a, he tiang natna hi a vei theih tih hre reng chung a fimkhur loh vang a kai, in thlahrun lam ai a poi ti lo va kaidarh lam te rilruk zawk hial te an om ve thin tih hi hria ila, a pawng a pui a an inthlahrung, kan en dan a fel lo tih leh ringot thin hi chu ka ngaihdan a ni lo ve tlat…Drugs ngawlvei in thlahrung miah lo a awm phar2 hi ka hmu hnem em, a tam zawk an nih ngei pawh ka ring..chu vang in kan infuih dan te poh hi en let ila, a awm tha duh a te thiam lohna nei ang a bur bun top lo in, that duh ngawih2 a nun siam tum te tanpui hreh lo a theihtawp chhuah pui zel tur a infuih hi ching ila a that ka ring..dik tak chuan tumah hian mahni chenpui chhungkhat te emaw ni lo, misual awm tha duhlo pangngai bul a nun hman ve reng chu kan peih ka ring miahlo, that duh a tum te pui tur in infuih that erawh chu kan tih ngei2 tur a ni thung.
In ngaih dan a ni ve em, ka rawn ti e…khurumm….
Report this comment
December 6th, 2011 at 1:22 pm
@true ^mizo^Boy, ngaihdan ni ve tehreng mai. Nun khawloh vangin Aids an vei a, inpuang duhlo in a theih anga tam lakah an chesual a, an natna midang kaichhawn hlauhna nei miahlo in an nung zui a, hengho hi chu khawngaih tlakah keipawh ka dahlo. An lakah fimkhur em em a tul a ni ringawt mai.
Kan sawi erawh chu – vanduai vang liau liau a kai te, naupang pawisawilo, nu leh pa te awmkhawloh tuar tute, hurherh em em vang pawh nilo a vawikhat chetsual vang emaw, nupui pasal te lak atanga kai te hi an khawngaihthlak ka ti a, an tan tihngaihna a awm tawh silova. Hengho te hi chu mental support kan pek a tul takmeuh in ka hria.
Report this comment
December 6th, 2011 at 1:23 pm
Kan ‘natna’ te hi kan duhthlan a kan neih an ni lova
nundan uluk chuan kan inveng ve thei tho bawk.
Report this comment
December 6th, 2011 at 1:25 pm
Aids vei te hi inthlahrung reng
reng in kan bul velah hian an
awm em? I hmelhriat Aids vei
kha ngampa takin I inchhungah
a rawn leng lut ngam em? I
bulah zalen takin a titi in a ei in
ngam em? I biak hmasak loh
pawhin a be hmasa ngam che
em? A harsatna a hrilh ngam
che em? Hengte hi inenfiahna’n
hmang chhin ang u hmiang.
DIK VE.. ku sheldon nge nge
Report this comment
December 6th, 2011 at 1:32 pm
@lrpa, aids veite lainatna lamah ka luangliam lutuk a, a in ven dan or nun uluk tur lam ka lo ngaihtuah tel lo. A dik khawp mai. Nun uluk ila he natna lakah kan fihlim thei tih khi a dik lutuk.
@La-me-a 25, kha, nang paw’n i khawngaih kha….
Report this comment
December 6th, 2011 at 1:48 pm
A sei deuh nachungin chhiar a nuamin ngaihtuah a tithui hle mai.
Report this comment
December 6th, 2011 at 1:53 pm
26, sheldon..i article hi a dik reng, a vei tawh te tan a i ziah ania..
Aids hi ram changkanglo apiangah a darh nasa/awlsam mai a. Sap hote hi lepchiah zawk leh hurherh nasa zawkah kan ngai ngawt a, safe-sex ah hian an fing zawk hle tihna ani mai.
Mi tenchhe ve tak ka nia, ka thian hluite kut vung thin ho kuhva vel ka pek pawh hian a bawm in ka pe ngai lo, an kutah ka thlak nalh nalh zel..hehe
Report this comment
December 6th, 2011 at 3:17 pm
Africa te pawh an tia lawm, ram a rethei si, a lum si, ram lumah hian ‘sexual urge’ hi a sang an tia, an retheih vangin ‘entertainment’ dang nei tam hek lo, sex hi a ni mai a, a hluar ta em em a, ‘safe sex’ lam an ngaihtuah ve tawh silo a, aids hi a darh chak em em mai ani.
Mizo te pawh kan fimkhur a tul ta takzet. Minute tlemte nawmna um vangin damchhung nun a khawihchhe thei si a.
Report this comment
December 6th, 2011 at 3:55 pm
Post tha lutuk e. Ka rilrem e. Ka like mawlh mawlh e. Comment turin hun ka nei lo bawk nen, comment a tha hlawm bawk si. Sidndney nge nge ka’n ti teh ang. KZP ka chhawng tak meuh e.
Report this comment
December 6th, 2011 at 4:15 pm
Ziak ṭha khawp mai. AIDS chungchang sawi apianga ka rilrua lo lang chu nula pakhat a nia
Naupang te kan nih lai hian kan veng ah kha chuan hmelṭha lar in a lar ve hman a ni, kan inkhawm bang te pawh hi an in lam aṭang hian kan kual deuh kher zel a. Chu nu chu ka notice char char a, a nun kha kan veng tlangval te khan an tih chhiatsak ni ta ber in ka hria. Kum 10 dawn lai ka hmuhloh hnu ah Burma restaurant pakhat ah hian a ṭhiannu nen mithmul dum tak tawk, ruih hmel zeta an awm hi ka hmu a, a hmel pawh a zur tawhin KS a ni tih a chiang hle tawh a ni.
Kum 10 bawr liamtaa a vul lai leh keini inkhawm bang pawhina kan hmuh chak em em nula no tak kha mi en hrek hrek thin hrik a lo ni ta a, HIV+ a ni tih ka han hre leh zel phei chu ka lainat ve kher mai.
Report this comment
December 6th, 2011 at 4:28 pm
Ka thilhriat kan share ve leh lawk ang a. Tlangval pakhat ka lainat em em mai a awm a. Hna a dil a, a tling vek a, appointment letter pawh a chhuak tawh. Mahse, a hna zawm turin a inlan ta tlat lo. A chhan chu Medical Report ah khan HIV+ anih thu kha a chuang kuau a, a rilru hrehawm lutuk kha a tlanbo a lo nia.
Mahse a hnu ah a hna chu a zawm ve leh ta tho an ti. Ka lawmpui hle. Tlangval ze zawi tak a ni a, ruihtheih thil pawh ti ngailo a ni, a kaina chhan chu ‘sex’ anih hmel a. Aids patient te hi Sorkar hian a humhalh tha khawp mai, a lawmawm ka ti. HIV+ ni mahse hnathawk turin a fit tawk, an hnawl thianglo tih Official letter a awm thlap mai.
Report this comment
December 6th, 2011 at 5:01 pm
AIDS chung chang in lo sawi ani maw. Ka zin bo hlanin post han hot deuh leh thluak sawizawi ngaihna chi post te a lo awm em aw.
Report this comment
December 6th, 2011 at 5:37 pm
Good post..
Report this comment
December 6th, 2011 at 5:45 pm
@doc_lib, i zin hlanin krismas bazar ka lo nei a, Aids te ka lo vei bawk a…haha
@lr, ekhai! I dam maw? A vawt em?
Report this comment
December 6th, 2011 at 8:04 pm
Good Post..
Natna hrang hrang leh harsatna chi hrang hrang nei te hi keimahni chan ah han indah hian deal dan tur thiam a awl deuhin ka hria…. (Hman vak lo chungin Sheldie post anih vang hrim2 in ka ron comment)!!
Report this comment
December 6th, 2011 at 8:14 pm
Hehe..mamboihi, thumps-up
Keipawh ka tlai buai deuh a, Pu PK-a post ka chhiar tan mek a…
Aduhi style kan hmang lawk – vawiin chu UAE lamah Advance Christmas kan hmang a, chutah hriselna lam, kan natna chungchang kan buaipui leh a, chuan ‘mifel’ dawtsawi thin chungchang kan chai leh a, Zuapa boral tawh ngaiin kan han kur leh phawt a, chuan Khawvela Kristmas Present thaber min hlui leh mek
Report this comment
December 6th, 2011 at 9:00 pm
Post tha tak a ni. Hetiang lam inzirtirna hi kan mamawh khawp mai.
Report this comment
December 6th, 2011 at 10:55 pm
Dik khawp mai…
Mi in i chunga an tih a i duh tur ang bawkin mi chungah pawh ti rawh tih a nih kha..
HIV+/AIDS chungchanga mamawh nei in awm chuan heta hi ka awm e…
Report this comment
December 6th, 2011 at 11:02 pm
Eng vang pawn kai ila…ka kai a ni tih in pawm phawt ila..a enkawlna tur ART a awm tih hre leh ila..chuan NUNNA chungthu ah chuan Pathian a awm tih hre leh ila…
Thinhrikloh tur a inzirtirna khawvel pumin a kalpui laia thinhriktu an awm a nih chuan chu mi chu a vengva lo lutuka zirtir a ngai tihna a ni mai…
Report this comment
December 6th, 2011 at 11:10 pm
#22 & 23…in ngaihtuahna chu ni ve thei tho..mahse mi hi zah taka i biak chuan duhah takin rei tak a be top lo ang che.
Nula hum sual daite avang hian a darh ngawt lo..a dawrtu MIPA an awm loh chuan…
An inpuan duh loh chhan maw…i en dan hi a la dik lo em a nih hi #22
Report this comment
December 6th, 2011 at 11:14 pm
HIV i luh chilh dawn emaw ka tih lai in mental health i buaipui leh daih lawi si…………..Tha khop mai, mahse mi a kan tih hi eng chin ah nge hrui kan hlin tih erawh hriat a chakawm thin.
Report this comment
December 6th, 2011 at 11:19 pm
AIDS hi mi awm khawlo ho vei tur chauh a maw kan tia, awlsam taka mitin vei theih a ni reng sia.
Shledon #23 khi a pawimawh, khitiang mihring khi awm ani, kan en dan dik lo ai mahin misual, rilru chhia an ni ngei e.
Report this comment
December 7th, 2011 at 4:42 am
sheldon, ka OT mai dawn e aw
Vawiin helam chanchin hian rualawh (Mizoram tan) a ti na em mai a kan tar chhuak lawk mai ang e:
Maryland a county lian tak, Prince Georges county a, an council executive tum hnih lai lo ni tawh chu thamna (bribery) a lak avangin kum 7 chuang lungin tang turin a chungthu an rel ta. A nupui pawh dan in a phal chin a rei thei ang ber thla 18 vel tang ngei tur a a ngaih niin, an sentence hun nghah mek a ni. A nupui hian a pasalin phone atanga a hrilh angin ekinah $100,000 check a paih a, a kekawrteah $80,000 a thuhruk chu an man a ni.
American ho tawngkam, “If you don’t wanna do the time, don’t do the crime,” (Hrem (punish) i duh loh chuan, sawrkar dan zawm mai rawh)an tih chu dan bawhchhia an hriatchhuah chungah a tak a chang tlangpui awm e.
Mizoram a thleng ve thin atan ka van awt tak em!
Chhiar zawm duh tan:
https://wtop.com/?nid=58&sid=2658670
Report this comment
December 7th, 2011 at 5:08 am
#44 chhunzawmna:
Aviation hotupa pawh phal aia tam zu-in hnuah motor a khalh avangin police in an man a, banna a thehluh phah. A tawrh tur chu a tuar dawn tho tho. Driving while intoxicated ah hian, Alcohol abuse class, probation (supervised/unsupervised), Drivers license suspend sak (drive theih loh tluka hre awm hi mi pangai tan chuana vang khawp ang!), probation chhung thlatin DDMP leh adt. fees, in report char2 leh a dang tam tak tih ngei ngei ngai a awm thin. Blood alcohol level phalloh chian hi .08+ a ni.
FAA (Federal Aviation Administration (US government)administrator Randy Babbitt resigned Tuesday as head of the Federal Aviation Administration following his arrest over the weekend on charges of drunken driving.
https://wtop.com/?nid=41&sid=2657974
Report this comment