Spain – Adventure I
(Thukamkeuna sawi duah angai a, Education huang lam zawk te pawh ani awm e, mahni infak thu te pawh sawi lan zeuh a tul mai thei, in lo hrethiam hram dawn nia. A chepakaia sawi loh chuan a kim tlat lo! Part II lamah inkuah chuk chuk thu ka ziak mai thei J )
Doctorate degree 2005 a ka hmuh khan Mizoram lamah ka haw mai lo a, CSIR (India) in min award Senior Research Fellow dinhmun kha Delhi a zuk interview meuh a ka hlawhchhuah ve ani a, chuti maiin ka thlah phal awzawng lo a, Aizawl lamah hna a awm der bawk si lo a. Khawvel ram changkang a mite tih dan copy in ‘postdoc’ an tih ang kha research ti reng chung khan dil kual nan hun ah ka hmang ta a. Ka hnathawh lama ka ngaihsan ve em em te kha Spain mi ve ve an ni a, mahse hetiang lamah hian rawn tur tumah ka hre lo a, ka thesis supervisor hnuai a doctorate zo hmasa ber ka nih mai bakah ka subject lama Mizo senior rawn eih tur an awm lo hrim hrim a, vai ho lah suggestion min pe tha duh der si lo. Mahni mum in ka mum tawp ani ber mai.
Email ka ziak ta tawp mai a, Professor pathum hnenah ka thawn a. Pakhat Japanese, a dang pahnih chu Spanish an ni a. Japanese pain min chhang hmasa ber a, ‘nang aia biodata tha dilna ka hmu a’, ka zak rum rum a. Spanish pahnih chuan an ‘yes’ ve ve a. Pakhat Oviedo, pakhat Zaragoza. Oviedo lam hian min contact hmasa zawk a, mahse mawihnai takin a Zaragoza lam ka thlan thu ka hrilh ta a. Spanish Ministry of Education hian kum tin Foreign doctors ho tana dil theih ‘fellowship’ hi an lo hawng thin a lo nia, kha kha min dilpui an lo tum ani a. International opening anih vangin a ‘competitive’ viau lehnghal a. Min rawn hrilh tum phei chuan ka hlimna a chuai rawih rawih mai, mahse min dilpuitu professor kha a lar ve em a, ka in hnem chawp thin. Research proposal leh thil dang neuh neuh kan thehlut ta a, nghah kha ni tawp mai a ka tihtur chu.
Aizawl lamah ka haw chho ta a, tih tur vak ka nei lo bawk a IIT Madras lamah te min rawn sawm a, research proposal te ziak turin ka chhuk a, IISC Bangalore (Funny a te veng) te ka tlawh kual pah a. Spain a ka thil dil hi ka hmu dawn tih ka chian lo avangin thil dangte ka dap pah ve angai tho a. MZU lamah te July vel atangin ka thawk lawp lawp bawk a, a bul tantu ka ni ve anih chu.
September 2005 ah Spanish Ministry thu chhuah min rawn thawn ta a, ka hming a lo lang ve vang a. IIT Madras a Professor Govindaraja hnenah Department of Science and Technology a proposal kan submit kha cancel turin ka hrilh vat a, a hrethiam khawp mai. (Spain ka awm hnu in a thih thu a PhD student in min rawn hrilh a, ka ui khawp mai!).
Thil a kal fel zung zung dawn emaw tih nak lai chuan a buaichuar tulh tulh mai a. Ka degree neih zawng zawng kha Spanish degree nen a intluk ‘homologation’ a ngai ta pek a. He mi ti tur chuan ‘ram leh ram level’ a indawr angai tawh a. Ka document zawng zawng ah ‘Spanish Embassy Seal’ chhut angai ani. Thil tih tur te,
- Ka PhD certificate leh PhD course work kha kha Official translation angai a. Pu Hlatekhua hi aizawla a awm lai ani a, ka va phone nghe nghe a. Min pui thei lem lo.
- PhD thesis Abstract leh PhD thesis, tawng leh an ngai lo.
Spain lamin min rawn guide zel a, Delhi ka thleng thla ve rawih a. Tawnglehlin lam buaipui angai hmasa ber a. JNU a an professor pakhat hnenah ka pe ta a, hemi chhung hian PhD, MSc certificate kha certified angaih avang in Ministry of Human Resource (MHRD) hnenah seal ka chhut tir a. Mi an tam em em mai a, India ramah hi chuan kan intlar put zel mai a engkimah hian. Postal order a ‘seal fee’ pek te kha a lo ngai lehzel a, buaithlak uchuak khawp mai. Xerox a tul nen, lum bawk si. Certificate lah ka lo laminate khang lang a, a phelh kha fimkhur angai bawk si. Buaina dang awm lo in MHRD Seal chu ka certificate ho hnung lamah an lo chhu ta a. Ministry of External Affairs ah ka kal leh a, seal an lo chhut hnan angai leh a ‘apostille’ an ti a. Mihring an lo tam leh em em mai a, intlar nen, ka thehluh tuk tlaiah ka la chhuak thei hram a.
PhD course work kha kan lo titel lo pek a, a bul atangin kan ti tha leh a, External Affairs ho khan ‘hetiangah seal kan chhu thei lo’ an ti ta tlat mai a. Nithum vel ka beih hnuah Office chhungah ka lut ta pawp a, ‘Mizoram Residence Comissioner seal la la, chuan kan tihsak ang che’ min ti a. Mizoram House a Vai IAS naupang ve deuh kha a va tihtir ta a. Chumi hnuah chuan ka letpui leh a. External Affairs chuan seal an lo chhu ta a. Tawng lehlin lam a lo zo tawh bawk a, Spanish embassy lamah ka va kal thei ta. Mi an lo tam leh em em mai a, Pakistan leh Bangladesh ten an intawm vang ani awm e. Nikhat niah ka lut thei lo a. JNU student pakhatin Spanish thawknu hming ‘Isabel’ hming a lo hre fuh hlauh mai a, A tukah intlar buai ngai loin main entrance-ah ‘Isabel ka hmu duh e’ ka va ti a, ka risk huai ve hle zel a. Ka lut thei ta a. Pitar a lo nia, JNU professor, tawnglet tu kha an list ah a awm leh awm loh a check phawt, tichuan Embassy seal a chhut hnan ta a. Tichuan, ka original certificate ho hnungah hian MHRD, External Affairs leh Spanish Embassy seal an chuang hlawm ta anih ber chu.
Tichuan document zawng zawng leh Thesis chu ‘fedex’ hmangin Spain lamah ka thawn ta a. Thla khat dawn heng thil buaipui hian Delhi ah ka cham ani.
Ka thaw huai na a, ka PhD thesis kha Professor pathumin an check tur ani a, ka hlauthawng rilru viau mai. ‘A rei lo berah thla thum a duh ang’ an rawn ti a. Chutah, ‘tunge tawng hi i leh tir a, awmzia awm lo reng reng’ an rawn ti ta mai! Ka mangang khawp a, mahse ‘helamah kan lo ti mai ang’ an rawn ti ta hlauh a. JNU pa khan scientific term kha a let thiam lo viau ni tur ani. Tichuan thla thum hnuah ‘I thesis chu homologation zawh ani a, engkima tha vek e, I contract tur kan buaipui thei ta e’ an rawn ti ta a, Tichuan document engkim min rawn thawn ta a, heng tel lo chuan visa a dil theih loh ani.
Aizawl ah medical certificate te ka la a, Police atangin police clearance certificate (PCC) ka la, Delhi ka pan ta a, Isabel hming hmang tangkaiin awlsam takin ka theh lut ta a. Thla hnih emaw ka nghah hnuah ‘Visa a fel e’ an rawn ti a. Visa lam a, Delhi atanga thlawkchhuak nghal turin chhungte leh thiantha thenkhat nen ‘farewell’ chaw eikhawm kan nei a. Delhi ka chhuk thla ta a, Visa/passport ka va lam chu ‘passport Office atangin PCC i la lo a, han la leh rawh, Immigration checkah i buai ang’ an ti a, a tuk zing em em ah ka thlawk chho a, Passport office ah ka tlang nghal a, nileng angai a, chu pawh office ah ka va luh chilh a, Regional Passport Officer, Kuki pa hneah, emergency anih thu leh a tuk tuk leh mai a flight ka neih thu te ka sawi a, in nek lui lui in tlaiah ka la chhuak thei hram a. A zan a zan in Delhi lam ka pan leh a. A tukah Spanish Embassyah ka va kal leh a, ti chuan, ka tling tih thu ka hriat atang a kum khat chuang hnuah engkim a fel ta ani. Ka kalpui tur vaipa, IIT Kanpur chhuak mathematics pa nen JNU ah kan in hmu a, a tukah Aiport lam ka pan ta a.
Ni 26 January 2007 ah India ka thlawh chhuah san thei ta hram ani.
Note. Ziah sa a ni lo a ziahchawp, darkar hnih vel chhunga ziah ani a, a dikhlel deuh te in hrethiam dawn nia. Lunch ei thulh thakin hei ka zo chiah ani.
Similar Posts:
- World Cup : Semi Final 2 – Spain Vs Germany (Spanish ral an lian dawn e..)
- Euro 2008 Final | Germany v Spain
- Mizoram University atanga Commerce Ph.D hmu hmasa ber
- Mizo Nula Chhuanawm : Nl.Joy Lalkrospari Pachuau
- Magdalene @ Delhi
December 7th, 2011 at 12:43 am
#50 reilote mawle, khua a nuam lova (sur sing seng) ka awmrei peih talo. Ilo zin hunah kan kap chiam dawn nia…
Report this comment
December 7th, 2011 at 12:44 am
@7, Chhuaklinga, a mak hle mai, i comment hi inbox pangngai ah a lut tlat, junk ni loah..kan inhria emaw ni le..
Report this comment
December 7th, 2011 at 12:51 am
51, Pu HV, rawn zin chu ka chak tek tek khawp mai, gold prospecting pah in
Report this comment
December 7th, 2011 at 12:57 am
mu phawt dawn teh ang..naktuk chawlh ani tlat tawh lo mai..mangthitha ule..
Report this comment
December 7th, 2011 at 1:02 am
lrpa, ka’n inpuang titih ang e…khatia min rawn phone khan a tirah chuan i thusawi ka awihna leh awih lohna a inzat vel hial ang. Sydney-a kan awm lai khan mi pakhat, Mizoram thingtlang khaw pakhata mi hian min rawn phone chamchi thin a, Australia-a lo kal ve a duh thu leh eng hna pawh thawh a inhuam thu te a sawi chiam chiam a. A tawng dan atangin mi pangngai phak zan lo ni awm tak a ni. Vawi tam tak min rawn bia a, engtin nge min rawn biak theih thin pawh ka hrethiam lo – chhungte telephone exchange-a thawk a nei a nih te ka ring rum rum. Mahse nang nena kan inbiak rei deuh hnu kha chuan ka mihring tluk loh tawp i ni tih kha ka hrethiam ta thuai a. ‘marawhchu han tanpui tur chein keimah ngei paw’n Spanish Embassy awmna tak ngial pawh ka lo hre si lo a (Spain-a ka kal ve dawn tum lah khan Ministry atangin note verbale leh kan pasaporte Spanish Embassy-ah an va thawn a, chawhnu lamah visa kan hmu mai kha a nia), i tan tih theih ka nei nep em kha pawi ka ti ngawt mai.
Report this comment
December 7th, 2011 at 2:39 am
I ziak ngaihnawm !! naupang harh thet thet mahse fel deuh i nih ka lo ring deuh a ha ha!!
ka ring dik deuh tho mai… Midang dan fuihna tha tak i nih hi.. So proud of you! 
Report this comment
December 7th, 2011 at 3:16 am
A va han ngaihnawm ve aw.. Chhiar chhunzawm leh vat a chakawm kher mai. Ka chhiar zawng ringawt pawhin ka hah, ka tang bawk si. I hlawhtlinna kawng a thui ve a nih kha!
Report this comment
December 7th, 2011 at 3:25 am
Ziak buai ta rau2 chuan i thesis topic te chu han soi lang ve hram la, theih phei chuan thesis statement poh
aaaa ngai lehlo, kan hre tho e, lui kal leh mi sangha trick dan lampang a ni ngei ang… 
darkar 2 chhungin khiti zat lek khi i type aa? Hah a la inti phian zui..
Report this comment
December 7th, 2011 at 6:29 am
Chhiar a nuam hle mai, i ropui e lrpa.
Report this comment
December 7th, 2011 at 7:08 am
Mut hlan in in lo va ‘hairehai’ nasa ve
Hairehai hi a chhe lam leh tha lamah thil uar or uan deuh tumin hmang ve tawh teh ang..haha
He post hi kan nau te pawh chhiar turin ka ti. Tumruhna leh huaisenna neih a tulzia an hriat nan. Kan destination Spain/USA/UAE/Delhi/Saiha/Aizawl/Tlabung, adt pawh ni rawh se, kan sualchhuah dan kha a pawimawh ber. Misual ah hian nun entawn tlak nei tam tak in awm ka ring. Naupang ho tan rawn ziakchhuak hlawm teh u.
He post hian a tha lamin ‘rah’ a neih ka ring chiang e.
Report this comment
December 7th, 2011 at 7:21 am
Ram danga lehkha zir ve duh tan a tangkai hle dawnin ka hria.
Report this comment
December 7th, 2011 at 7:42 am
a ngaihnawm in i ngaihsanawm hle mai
Report this comment
December 7th, 2011 at 7:47 am
lrpa@54, ka hrethiam bik hauh lo mai a, engpawhnise ka tan chuan ka misual thianpa/hmelhriat chu i ni phawt mai.
tren tren.
Report this comment
December 7th, 2011 at 10:53 am
Ka chhiar chak tak a lo chhuak ta,mahse ka chhiar chak chhan tak a la thleng lo!! Spain thlen hlim vel…
Report this comment
December 7th, 2011 at 10:57 am
Kan mithiam te hi ka chhuangin ka va han ngaisang tak che u em.
Report this comment
December 7th, 2011 at 11:02 am
I article han chhiar chuan “Spain adventure” ni lovin “Bureaucratic adventure’ tih headline hmang ta zawk la, a fuh viau zawk lawng maw?
Report this comment
December 7th, 2011 at 11:04 am
lrpa,i thesis chu dictionary.com i lehlin tir tawp mai lo nia! Delhi ah thlalak dawr pakhat ka tih tir tawh, Nikon company hnena an email tur English a an draft sa kha dictionary.com ah translate from english chu japanese tihah hian ka paste tir pawp,an thawn ve hmiah,,enge an an zui tak zel phei chu ka hre law..chuan lrpa,ka ngaisang riau mai che a
Report this comment
December 7th, 2011 at 11:12 am
pu lrpa: Hei hi kalo dedicate ang che, I hriat awm chi tak ani.
https://www.youtube.com/watch?v=vZnzRZAJBwU
Report this comment
December 7th, 2011 at 11:35 am
Han ziak zel teh. Spain lama i chet nat dan te pawh kha zep awm miah lovin han puang kelh law law teh. A ngaihnawm khawp mai.
Report this comment
December 7th, 2011 at 12:42 pm
@lrpa- Hei Bro James a Physic class ah khan kan thu ho vel mai mai thin emaw tih nak laiin, i lo va thleng thui ve mawle. Inhmuh loh karin thil tam tak tawn hriat i ngah phian dawn hi, han chhunzawm zel teh.
He post chu WOW tih zawh a Hairehai chi nih hi
Report this comment
December 7th, 2011 at 1:10 pm
Hetiang teh hrep a ngaih hi kalo hre ve re re hleinem, midang ka hriat ho tepawh hi hetianga an buaipui vak thawm kalo hre miahlo… A bengvar thlak e.
Report this comment
December 7th, 2011 at 1:17 pm
@lrp, Zaragoza thlen hlima khawvawt lutuk hnuaia tuilum herh chhuahna hre lova tui vawta inbual tak te kha part-2 lamah lo beisei ta ila… Lo haw leh hunah chaw eikhawm lamte pawh…?
Report this comment
December 7th, 2011 at 1:28 pm
Comment zawng zawng
tlem a sawifiah ngai ka rawn deal ange mahse zan lamah..ka buai nileng dawn a, naktuk chawlh ani leh pek a, zan a men rei theih ang
Report this comment
December 7th, 2011 at 2:17 pm
Ram leh hnam tan tluang takin zai zel la, lo lar zual deuh deuh ang che..
Report this comment
December 7th, 2011 at 2:53 pm
Ngaihnawm hle mai… Thuziah pawh i thiam hi…I thesis chu hriat a va chakawm ve…
Engnge an nula lam te…??
Report this comment
December 7th, 2011 at 3:28 pm
Chhiar a kham awm loh hle mai a, part II han chhuah leh vat teh.
Mizoram House-a i room mate, Polite tak kha, RD-ah ka thawk a tia maw ni, kha pa chhiar ve atan ka it hle mai.
Chu Hlatekhua chuan tlangval i la ni em? a ti a, nang chuan Tlangval-II tiin i chhang ta em ni
A ni pawh kha Spain-ah chuan Tv.-II tho a ni awm a sin 
:bo leh nghal:
Report this comment
December 7th, 2011 at 4:55 pm
Tum loh lam daih a ni mai a. I tawnhriat a ngaihnawm in, i entawntlak hle mai. I chhuanawm e…
Keini vairam khawpui pakhat kan thleng ve dek dek a, inla-high ve dawn dawn ai chuan, i changkang bik khawp mai…
Report this comment
December 7th, 2011 at 7:57 pm
A ropui in chhiar a manhla e
Report this comment
December 7th, 2011 at 11:38 pm
Post thar awm nual mahse chhan ngai chi ho,
ka ziak dawn a ka theihnghilh daih a! pipu uai lam pang aniin ka hria 
Ka guiter zut in ngaihthla dauh dauh mai kha chu.. :-D, CZa nen 2008 ah lui ah kan zuk tlahlum tep a.. 
55 @ Pu hlatekhua, ka rawn bia che kha ka lawm hrim hrim a, Pu Muantea te ho nen hian tuikhuahtlang ah kan YMA ho zak zak a, ‘kan nu hi chemistry a hmeichhe graduate hmasa ber’ tih min hrilh a, BSc kan kal lai vel ani. A awm loh hlanin Pu Zawma in, delhi ah pawh ka leng tawh!
58, @ Marempyti, nia a zia lo ngawt mai
60, @MaSheldon, thanks
70 @Funny, Spanish tho, hmun danga kal te pawn an tih vek angai, Sawrkar hnuai a an thawh duh chuan..mahse professor ho project ang chiah chuan angai chuang lo e..thanks for the elsevier link
71 @Maawma, Ad/Hyl in tih lai vel kha
72 @Mama-B, chawei khawm a chakawm leh khawp mai a, CHDa sam tlakkawlh zawh hma a tih vat tur ani
75 @ puii, kan la sawi tawlh tawlh zel ang chu..
77 @ Dr Mahminga Sailo, ekhai, nangni a lawm ropui le..di daih ila kohhran khat kan nih te ka ring deuh..ve ngawt a..
Aduhi ka hriatchhuah phah a, ka ka thil post hi ka inchhir lo khawp mai
Ti hian comment close ila a tha awm e..
Report this comment
December 7th, 2011 at 11:49 pm
A ṭha emai nitin comment pakhat tal update turin run zel zawk rawh se
Report this comment
December 7th, 2011 at 11:56 pm
Asteric, i zawhna ka chhan theihnghilh..
Ka bo !!
ka fellowship kha government hnuai anih vangin a complicate zual ani…I hriat duh duh fb lamah min rawn zawt zel rawh..mahse i research lam ni lo
Report this comment
December 8th, 2011 at 12:02 am
fb lamah hian min lo spy a ni maw. Ka nau hi keimah maw min lo ti reng ange
Part II- rawn chhuah leh vat rawh, i story khi a complicate hrim hrim a chuvangin chhiar a manhla
Report this comment
December 8th, 2011 at 12:21 am
@Kawlhawk…lrpa hi zang-fak-awm i tia, zang a tel hleinem fak-awm ringawt a lawm alo nih
Report this comment
December 8th, 2011 at 12:26 am
#83 Asteric, lolzzzz, thluaka leh! haha… fuh lutuk! mahse, Z-fak-awm ti tal ang
tui emaw tiin min ‘phel’ ang tih ka hlau ber
Report this comment
December 8th, 2011 at 12:53 am
nep thlerh thurh hlaw e awm..zion sitreet a hahchhiau bingbilet tual tual chi in nih duh hmel a
Report this comment
December 8th, 2011 at 1:00 am
@85 chu nep thlerh thlurh hlaw e awm…
Report this comment
December 8th, 2011 at 1:03 am
@86 remputi ka sawina a nih khi..a hmuhmul a met emaw ni a reh riau
Report this comment
December 8th, 2011 at 1:08 am
Rempuii hi maw, ala mu miah lovang….a spy lutuk, tuna kan comment pawh hi a chhiar leh vekin ka ring tlat
Report this comment
December 8th, 2011 at 1:15 am
88..asteric..ngaithiam rawh..fb ah friend ka request char char a….no chance..ni 150 ka nghak a, ka beidawnga..mahse mawng lian over deuh anih ka la ring reng..
Report this comment
December 8th, 2011 at 5:19 am
Irpa chu i ngaihsan awm hle mai! Mizo ti hmingthatuah i lo tang zel dawn nia.
Hmanni lawk (22-26 nov)khan kan rawn Madrid a, khalam daihah i awm tih hria i la (lo phal bawk la) kan han tlawh vang vang tur che
Ni 25 zan khan an xmas decorations an buatsaih sa zawng zawng an rawn ti eng thut a.. Gran via leh Puerto de Sol vel phei kha chu mipui an zi nuaih nuaih a ni ber mai. Keini thingtlang mi tan chuan nuam ve mai mai tak a ni
Report this comment
December 8th, 2011 at 6:08 pm
Pi elcee, anih chu mawle aw..madrid tang chuan hnaite ania sin le, bus pawn darkar 4 tlan chauh ania..in lo kal leh hunah aw..
Report this comment