Delhi leh India ram khawpui hrang hrangah nun thlahdah tlemte avangin Mizote hnam angin kan hmingchhe fo thin. A bikin ram pawna eizawng tura kal misual thurualpui leh misual bum tawkte avangin harsatna leh hmingchhiatna kan tawk chho zel niin alang.
Tun hnai a Delhi khawpui leh hmun danga khawtlang tanpui ngai khawpa vanduaina leh thihna hial tawk zingah hnam tihmingchhe thei leh khawtlang anga buaipui hrehawm a awm ta zauh zauh mai. Heng laka mitin kan fimkhur theihnan leh Mizo hnam a hmingchhiat zui zel lohnan kan fimkhurna tur leh kan invenpui tawn theihna tur kawng hrang hrang mitinin kan hriattur kan rawn tarlang a ni e.
• Thiam nei lemlova ram pawna hnazawng tur a chhuak misual kuta tallut leh heng mite bumna thanga awk an awm thin. A bikin midum (black) India rama aruk a khawsa, suahsual bawl leh mi bum tur zawng, sum leh pai lam ngah viau mai si ten tlangmi nula leh tlangval bum tur an zawng ruai reng tih hriat a tul.
Tun hnaiah tlangmi midum kawp avang te, hengmite nena ruihtheih thil chen avang leh an kut tuar a boral / jail tang sawi tur an awm ta thlauh mai. Heng mite hnaih loh tawp hi a him ber a ni.
• Thiam nei lemlova hnazawng tura phai lam kal, a bik in hmeichhia te, nawhchizawrhna emaw dan phalloh zawng a sum awlsam hmuh theihna kawng hrang hranga hruai duh Mizo ngei zingah pawh an awm chho mek niin alang. Nu leh paten kan fate thiltih leh an awmna diktak kan hriatpui atul.
Sum leh pai an hmuh theih chhung chuan atha kan tih liam mai mai chhungin ruangah kan inchan leh thin! Hnam anga mualphona anih piah lamah anmahni taksa leh thlarau boralna kawng an zawh reng thei ani tih hriain theihtawp chhuah a kan invenpui tlan angai a ni.
• Phaiah ruihtheihthil a zanlen a awlsam taka hmuh mai tur pawh a awm reng a ni tih hriat atha. Kan fate ruihtheihthil tih ching anni tih kan hriat reng pawh hmuh phak lovah kan dah ngawt mai fo hi sim hlauh tur a ni. Ram pawnah kan hmuhphak lovah zalen takin nawpsipbawlna kawng hrang hrang leh ruihtheihthil tlanin an awm thei tih hriain uluk leh fimkhur takin kan fate / chhungte zirna leh awmna tur kan thlang thin tur a ni.
• Phaiah ruihtheihthil uchuak taka hman vang emaw mahni inthat emaw mi kut tuar emaw a boral an awmin, hnathawh / zir mumal an lo neilo anih phei chuan, dan anga tihfel tur leh chhuichian ngai tam tak a awm thin. Mizo takin theihtawp chhuahin sawrkar hotu remchang apiang punin kan inbuaipui thin a, amaherawhchu ram leh hnam tana mualphothlak leh khawtlang hruaitute tan pawha luhaitlak tak tak a awm thin.
Heng avang hian Mizoram pawn a hnamdangte zingah kan mualpho thin a, thuneituten hnam angin min entleu mai ang tih a hlauhawm a ni. Heng vanduaina tawk thinte hi khawtlang anga kan inbuaipui theihloh hun a thleng ang tih a hlauhawm hle. Fimkhur turin mahni fate, chhungte leh thiante theuh kan inzirtir a hun tak meuh meuh a ni.
• India ram khawpui hmung hrang hrangah mi bumtur zawng leh dan phal baka sum awlsam um an pung zel niin alang. Heng mite hian nula leh tlangval mawlmang tak tak hnamumal thawklo bum tur an hmuhin hmanrua-ah an hmang duh hle. India ram khua leh tui nilote pawhin hetiang a mi bumna hmanrua atan hian India ram khua leh tui ngei an mamawh fo thin. Heng mite hian Mizo thalai tam tak an man fuh fo niin alang.
Sum awlsam um avang leh nawpsip bawl duh avanga heng misualte bumna thang a awk mi thahnem tak an awm ta tlat mai. Heng mite hlauhawmzia hria a, an mahni hlat thei ang bera awm turin mitin kan inchah a ni.
• Mizo hmeichhe zingah phaia hnathawk, an mahni chhawrtuten chhuanlam hrang hrang siama an duh loh ang taka hman kual an tum tak mai sawi tur an awm thin. Hnathawh tur thlan thuah fimkhur a tul hle. Misual kuta luh laklawk tawh chuan chhuah leh har tak a ni thin.
• Phaia hnathawk emaw lehkhazir a awm reng reng Mizoram House-ah emaw Mizo khawtlang hruaitute hnenah emaw mahni chanchin kimchang taka hriattir thin tur a ni. Vanduaina tawk zingah midang hriat manglo a lo khawsa mai mai, harsa taka an thiante leh chhungte zawn chhuah ngai an awm thin hi a pawi hle.
Awmna apiangah Mizo khawtlanga theih ang tawka inhman leh inhriattir thin hi himna kawng tha tak a ni tih hriat ngei tur a ni.
Heng kan thuchahte hi zawm tlat tur leh a zau thei ang bera midang hriat chhawn tir zel turin kan ingen a ni e.
(Joseph Malsawmltuanga) (C.L.Ruala)
President President
Delhi Mizo Zirlai Pawl The Mizo Welfare Association
Similar Posts:
- Tlawmngaihna hi a tlahniam em?
- Kan hnam hming “Mizo” leh kan “Chi” te hi
- Mahni hnam tawng thiamloh a zahthlak
- Mara hnam chungchang
- Delhi Mizo Welfare Association thuchhuah
December 16th, 2011 at 6:41 am
He post h1 ka th1awp e.
Report this comment
December 16th, 2011 at 6:57 am
Tha khawp mai.
Report this comment
December 16th, 2011 at 7:34 am
Chemtatrawta thuchhuah chhawn chu ka like top….
Hmundangah awm pawhin hetiang hi i chhuah ve zel ang u….
Report this comment
December 16th, 2011 at 7:49 am
Like em em
President president thuchhuah chu tha tak a ni. hairehai
Report this comment
December 16th, 2011 at 8:00 am
Post f1mkhur tak a n1 e. Type erawh f1mkhur deuh a nga1. 4 eg. Joseph Malsawmltuanga
Report this comment
December 16th, 2011 at 9:29 am
a va rapthlak em
Report this comment
December 16th, 2011 at 9:32 am
100%
Report this comment
December 16th, 2011 at 9:51 am
Chemtatrawta hi midum(black) ah changve ta thut se alawm awm te kalo tive mai2 a
angaisang angreng sia 
Report this comment
December 16th, 2011 at 9:51 am
Mizoram economy chak si lo, job a vang si, Delhi lamah tualchhung mi thawh duh zen zen loh hna a awm nual si, culture lama in anglo lutuk nen, harsatna tawk an la tam deuh deuh hmel ani. Ailzawl lamah tuten emaw mass media hmanga warning chiang deuh deuh va an tarlan a tha ang.
Report this comment
December 16th, 2011 at 10:22 am
Mahni Mizo pui nih vang a rin ngawt hi thil felhlel tak a ni. Hmanni lawkah pawh Mizo ngei in Mizo hnen a tang hna hmuhnam pawisa a lo lak sak a nih kha. Fimkhur a hun ta e.
Report this comment
December 16th, 2011 at 10:58 am
@ Thuchhuah tha tak a ni e. In hmalakna a chhuanawm tak zet zet.
Report this comment
December 16th, 2011 at 11:10 am
Report this comment
December 16th, 2011 at 11:22 am
A chhiar tur tak ten lo chhiar tak ang maw..
tren tren
Report this comment
December 16th, 2011 at 11:32 am
Tha khawp mai
Thil inhmeh
CHEMTATRAWTA LEH MIDUM
Report this comment
December 16th, 2011 at 11:35 am
Zofate hi khawi hmunah pawh awm ila kan awmna hmunah theuh hian mahni hnam inhumhimna pawl pa 1 hi kan din theuhin a rin awm, chuvangin Delhi-a awmte chauh nilovin ram pawna awm mek leh kan chhungte awm an awm nih chuan he thu chhuah ang hian kan awmna hmun theuha Society-ah inreport-in chan chin inhriat tir thei hlawm ila a va tha dawn em!
100%thlawps
Report this comment
December 16th, 2011 at 12:08 pm
Pu chem, no offense, mahse keimah chauh ka nih hmel, in thuchah a “A bikin midum” tih leh “Heng mite hnaih loh tawp hi a him ber a ni” tih ka chhiar lai khian tlemin ka lo ip zuai deuhva.
In sawi tum chu ka hrethiam vek thova, leh midum vanga hnam kan mualpho thin tih pawh hai rual a nilo, mahse official association in official statement a khitiang tawngkam a hman khi chu tlem chuan a awm lo deuh ka lo ti ve mai mai a. Mahse hei chu keima lo thlir ve dan a nia. Feel free to disagree.
Midum emaw dum lo zingah pawh a sual hi an tam hle a, chutiang “mihring” laka fimkhur tur zawng te hian thuchah ni zawk ta se chu chhiar a nuam deuhvin ka ring. Mi generalize tawp hi chu mihring mizia ve a nia, a mal a khatia in lo sawi pawn tih theih tuman an neilo. Mahse official statement a tan em em chuan a na mah mah in ka hria. Hemi thuchah hi, official statement a nih avangin heti zawng te pawn a lantir palh thei a lawm: “DMWA leh DMZP chuan Delhi a midum zawng zawng chu suahsual bawl, mi bum tur zawng leh damdawi ti mi vek an ni angin an ngai.”
Bakah hei hi tu emawni in saptawnga let in TOI tih velah te lo chhuah ta se, Mizo Association tan chuan PR disaster lian tak chu a thlen mai lo maw?
Phai a rawn awm vawikhatna te chuan in thuchah an lo chhiar chuan an lo in ven him phah thei ngei ang, mahse chutih rual chuan midum zawng zawng an hmuh apiang kha, misual an ni vek angin an lo ngaih phah maithei bawk. “Prevention is better than cure” an tih chu a dik lutuk. Hei tak hi a ni in thuchah pawh hian a rawn tih. Chutih rual chuan “Education is a method of prevention” a ni ve thei tho a sin.
Ka rawn thlirna lam zawk chu, entirnan hnamdang association hran hran te hian thuchah siam ve ta se, Phai a Mizo tlangval thenkhat ruih buai thin (Delhi Munirka, B’lore Ejipura, Mumbai Kalina area etc ah te hian Mizo tlangval zurui leh auto driver insual thin te pawh kan hre nual anga) avangin Phai a Mizo zawng zawng chuan zu an heh veka, chuvangin an lakah fimkhur leh hnaih loh tawp hi a him ber a ni tih zawng ten thuchah lo siam ve ta se, engtin chiah nge kan ngaihdan ni ve ang?
Sawi tawh angin hei hi ka mimal ngaihdan ve mai mai a nia, feel free to disagree. Bricks and bats welcomed.
Report this comment
December 16th, 2011 at 2:12 pm
Pu Sandman, i ngaihdan hi a zahawm khawp mai. Amaherawhchu, midum hi sual lama inkaihhnawih leh fel pangai tak hi buk dawn ta ila, a tam lam tur chu a rin theih mai em aw ka ti deuh?
Report this comment
December 16th, 2011 at 2:23 pm
Thuchhuah pawimawh tak a ni.
Hriat ve atana ṭha chu DMZP hi Mizorama MZP nen an inzawm lo tih hi a ni.
Sandman@16, i ngaihdan i sawi a, ka ngaihdan ka’n sawi ve te’ng. “mahse official association in official statement a khitiang tawngkam a hman khi chu tlem chuan a awm lo deuh ka lo ti” i tiha “official association” tih tak khi engnge a awmzia? DMWA leh DMZP hi “official association” an ni em ni? Mizoram sorkar emaw, Delhi sorkar emaw, India sorkar ta emaw an nih awm ka hre lo. Heng pawl pahnih hian Mizo, Delhi-a kala awm ṭhin te leh an chhungte hriat atan thil pawimawh leh dik nia an hriat an puang chhuak a ni maiin ka ngai. Ngaihmawh tur ka hmu ve lem lo.
Report this comment
December 16th, 2011 at 2:27 pm
Ka rawn sawi duh leh pakhat,.. Heng midumte hian kan hmeichhe awmtha duhlo tlemte avang hian kan hmeichhia zawng zawng hi an generalise vek avang hian keiniin kan lo generalise ve hian kan sual ta bik em aw tih pawh a ngaihtuah theih deuhin ka hria..
Report this comment
December 16th, 2011 at 2:38 pm
@16 Pu Sandman, I thuziak hian ngaihtuahna a tithui khawp mai le. A human rights zawnga kan ngaihtuah chuan a dik hle mai. I lo point out kauh a, kan lawm hle mai. Mahse, ka’n ti teh ang, he release hi draft stage a nih lai khan ka en ve a, a la na lo mah mah ka ti hial zawk a.
A chhan chu:
1. Midum hi a tha chi kan tih ang, fel tak tak a tawng tlemte zinga chhiar tur chuan nang leh kei hi minority kan ni ang. Kei pawh midum thian tha tak tak ka nei. Zirlai chiah ngaihtuah an ni. A tam zawk, Delhi anga kan hmuh hi chu drugs dealer leh thil dik lova inhnamhnawih ho an ni tlat a. A sual hi a tam zawk an nih si avang hian blanket term kan hmang ta mai hi a sual em aw ka ti? miin inven nan an lo hman theih chuan a tha mai lawm ni ka ti.
2. Mihring ve tho an ni a tih argument hi kan nula, midum ngaizawng te pawhin chhuanlamah an hmang fo mai. A dik chiah. Ka sawisel lo. Mahse, kan nula ho hian an dikna (rights) an hmanna kawngah hian midang dikna an rapbet ka ti ve tlat. Midum ho hian kan nula anmahni ngaizawng duh kher lo pawh lo chhaihnawmnah an ching a. Midum ngaizawng tlemte vangin kan Mizo nula midum ten an basa ngam hi kei chu na ka ti. Hnamdang ngaihzawng hi an inhmangaih anih chuan a pawi ka ti hran lo,mahse midang ngaizawng ve duh lovin an lo tuar hi pawi ka ti.
3. Delhi-ah vanduaithlaktakin hian midum kaihhnawih Mizo hmeichhe boral ka buaipui ve fo ta mai a, heng an midum bialpa, hmangaih em em tu ho hi an tlanbo daih zel mai a. Mizo a buaipuitu hovin statement dik lo kan pek a ngai fo mai. Ngaizawng duh chuan an boral pawhin rawn buaipui zel teh se. A nih loh chuan midum ho hi sual ka ti lo thei lo.
A sei ta hle mai. Lo comment chhunzawm ve teh u le
Report this comment
December 16th, 2011 at 2:42 pm
chema, Delhi ka rawn zin dawn a Midum ho hian minlo bum ve a gne. Ka hlau teh a nia.. Min lo pui teh..
Midum tello a thianghlim tak a nula chhe lo deuh deuh tamna minlo hrilh teh.. 
Report this comment
December 16th, 2011 at 2:50 pm
Alejandro..ohh..sangtepa…inter racial hi an tam reuh sia..buaithlak tak ania…midum kawp hriatchian deuh deuhte vaihoin an lo kawp ve leh hmuh phei hi chuan kan nui tut tut ringawt zel tawh mai… I hrethiam mai angem?.
Report this comment
December 16th, 2011 at 2:55 pm
anih dan leh dik chu tlang deuh deuh a sawi pawp pawp mai tur, pehhel zawng a sawi chuan…..sawi leh peih lo e a…
Awm tha duhlo Delhi mizo leh zoram ti hmingchhia chu an chhungte hrilh tawp mai ru, mahse engvak ah an ngaih pawh ka ring chiah lo e a…..mizoramah pawh awm se an sual tho ang
Report this comment
December 16th, 2011 at 2:59 pm
Chema, nula thianghlim awmna chu minlo hrilh teh..
Masi leh kumthar ka rawn hmang dawn a nia. Nih loh pawn kawplai neilo, rawn rin tawp theih minlo kawh hmuh teh.. 
Safdarjung Enclave lamah Pu Chuanga pawh rawn tlawh chhuah ve tur a ni.. 
Report this comment
December 16th, 2011 at 3:24 pm
sangtepa, min biak that angai anih chu.. raldawna nen hian tunlai chu kan birh tluk tluk mai keini chu.. Inhnuaiah pawh hian tleirawl fel deuh pahnih tlahlang chu an awm a..
Report this comment
December 16th, 2011 at 3:41 pm
Midum ber kherr. .. uaaakkk
Report this comment
December 16th, 2011 at 3:48 pm
The Mizo Welfare Association tih tawp te an lo awm a ni mou?
hihih
Report this comment
December 16th, 2011 at 3:55 pm
RemPy, english hovin football intineitu bik taka association ah pawh england football association ti lova, The Football association an in ti kher ang deuhin, Delhi mizo ho chuan mizo association hi an ta bik riau ah ngaiin, The mizo Welfare Assosiation an in ti deuh bik kher pawh ani lo mai thei
Report this comment
December 16th, 2011 at 4:03 pm
Doc_lib, The Delhi Society Registration Act lo zirchiang la i fiah kuar mai ang..
… Hetah chuan assumption pawh hian kawngro a su vak lo, reasoning chak deuh ai chuan lehkhabu bih hmasasain an hrechiang mai.. 
Report this comment
December 16th, 2011 at 4:05 pm
Black is beautiful tih kha kan nula te hian an man fuh ta ni in ka hria.
(fiamthu)
Report this comment
December 16th, 2011 at 4:07 pm
Såñgpüîípã, back to nature an ti pawh ni fahmiang…
Report this comment
December 16th, 2011 at 4:12 pm
Trawtte i la na peih mai mai e. Chutiang bu ka bih hman lo, hnuchhui nan a tangkai hunah ka la bih ang..tunah chuan ka thluak bawma khungturin an la pawimawh tawk tlat lo.
Report this comment
December 16th, 2011 at 4:14 pm
Nia, tak tak ah ka hmuh ve dan mai mai chuan intih changkan ve na ah an ngai ni maiin ka hria, thalo tak ani. Bakah negro lo ngaizawn duh hi chu ka ten tlat.
Report this comment
December 16th, 2011 at 4:20 pm
Thatchhiat leh awmawlin a ken tel ani ve pakhat a. Tunlaiah kawppuite in bualna tur siam sak, tui khai, an inbual zawh hnua an kekawrte suksak leh tih vel ai chuan, siai peka khuih tlet leh hluau mai thin kha kan nula thatchhe deuh leh awm thaduh lo ho hian an thlang ta zawk aniang
Report this comment
December 16th, 2011 at 4:31 pm
Duhtaka an kuah ngawih ngawih leh an hmangaih em em, an hnampuite bula an chhuan em emte hian, chhiat an tawh chiah chuan an tlanbosan diak zel. Anmahni mai pawh a ni nang, an thiante zawng zawng nen hian an bo diak zel. An hmangaih let ve dan hi a dang thin ania.
Report this comment
December 16th, 2011 at 4:37 pm
Facebook vela an thlalak zak hauh lova an post ka hmuh te hian ka sa deuh zak zel. Ka friend pakhat pawh Pathian thu ka hrilh vak mai a, tunah chuan a paihbo vek tawhin ka hria.
Report this comment
December 16th, 2011 at 4:55 pm
Raldawna te, Chemtatrawta te ho in awm chhung chuan, Delhi lam chu in ngaihtuahawm lutuk lovin kan hre ve ringawt a. Ngei fe fe tu chu in la ngah ve ngawt ang le. Han ti fan fan zel teh u. Nangmahni rawn thlaktu tur in thachhang dawl pawh chher chhuak zel u la.
Report this comment
December 16th, 2011 at 5:10 pm
Black ho kawp tifuh tak all over hamara desh ah hian sawitur vang tak an ni
Report this comment
December 16th, 2011 at 5:19 pm
Vawikhat pawh mumbai Andheri ah nula naupangte hian black 3 akawp rawn a,atir chuan nuam ati viau aniang a hlim hmel thei khawp mai a, thla 3 hnuah chuan……..
Report this comment
December 16th, 2011 at 8:16 pm
a tha hle mai…aizawl veng tin YMA newsletter a chhuahtir a tha in ka hria…
Report this comment
December 16th, 2011 at 10:12 pm
Vai ho ka fak ve na em2 chu an ram ah an rawn om chih la an ngaizawng ve ngai miahlo.
keini mizo tlem te vairam ah kan oma,kan ngaizawng sup2 mai.Enge a chhan ni ang le…
A ram nei tu te hian min nuihzat ania…..
Vai ho hi hnam ah an chiang hle in ka hria…keini hi ka chiang ve vaklo nge.
Mizoram ah phei chuan midum hian min rawn om chih chiah se engtinnge ka om ang le???? :?
A re2 thu ah midum ber kher uaaaakk
Report this comment
December 17th, 2011 at 3:12 am
Post- 80% LIKE.
Sandman @16- 100% LIKE
Report this comment
December 22nd, 2011 at 9:43 pm
Lol. Midum min hmusit hle mai a
Report this comment