Mizo lalte zinga khawper ngah ber pawla sawi, Tuahzawl lal, Sailianpuia Sailo chuan Lalngura Sailo fanu, nula hmeltha hmingthang Dochhungi chu nupuiah neiin fa tirah kum 1887 khan mipa an hring a, a hmingah Hrangvunga an sa a.
Sailianpuia chu a hriselna a tha lo hle mai a, dam chhuah a inrin tak loh hial avangin a nau Dokhuma hnenah heti ang hian thuro a chhiah ta nghe nghe a ni: “Hei, ka natna hi dam chhuahpui ka inring ta lo, ka lo thi ta a nih pawhin khaw thu ah leh tlang thu-ah Hrangvunga nen hian intibuai reng reng suh ang che u. Nupui in neih ve ve hunah a tu emaw zawkin khaw thar in sat ang a, inrem takin in awm thin dawn nia.
Tunah chuan nang pawh naupang mai i la ni a, Upa-ho thu ngaichang thiam takin lo awm ang che,” tiin. Hrangvunga nau Lalthangpuii chu a nu’n a pawm laiin a pa chuan vanduaithlak takin kum 1883 khan a thih san ta a. A nupui thihsan, Dochhungi chu a hmelthat em vang leh a la nulat deuh si avangin a u, Khamliana Lungleng lal (Mizo zinga ziak leh chhiar thiam hmasa ber) chuan a ngaihtuah hle thin a, fimkhur turin a fuih nghe nghe a. Dochhungi erawh chuan, “Ka u, min ngaihtuah suh, darin ka char tawh e” tiin a chhang a ni.
Chung hun laia lal thite chu lal dangten fuke li neiin an ral thin a, chuti ang inralna chu “ka thisen e” an ti thin; Sailianpuia chu ‘thisentu’ ngah ber pawl a sawi a ni nghe nghe a. A thisentu hnuhnung ber, Lalhrima chuan Dochhungi chu thununin, a pasal thihsan ro thil tam tak leh a fate pahnih nen 1891 khan chhawm hawngin dara a char chu a phelhsak ta mai a, Dochhungi ro chhawmte chu Suakpuilala dar Maihun, Liando dar, thleng, darkhuang, Mizo thi, tangka fai thahnem tham tak leh puan tam takte a ni.
Tuahzawl atanga Lalhrima’n ro thil tam takte nen bungbawr taka Dochhungi te nufa a chhawm chhuak lai hmuh chu hreawm an ti hle a, lalnu a nih avangin engmah sawi ngam si lovin mittui nen an thlir liam a; Upate erawh chuan an zui zel a. Lungleng an thlen chuan a u Khamliana chuan, ” Hrangvunga hi chu i chhawm tur a nilo, a nau erawh hi chu a la tet em avangin hruai rawh,” tiin Hrangvunga chu a pawhthlaksak a.
Chu veleh a Upate chuan hlim takin Hrangvunga chu Tuahzawl lamah an paw hawng a, Suakpuilal dam lai atanga an lo chenpui thin Vungi (Vungtheri) enkawlna hnuaiah a lo puitling ta a ni. Hrangvunga chu nausen piantha takin a lo seilian a,pan erawh a ngah em em a, a lu hi a pan khir liai luai thin a; tin a tapbelhin a huaibak nasa thei hle bawk thin.
Hrangvunga chu nu leh pa nei lo, fahrah a lo ni ta mai a; kum 4 mi chauh a la nih si avangin, Bawrsap thu lo chhuah tawh angin kum 15 a tlin hma chuan a kutah lalna hlan theih a ni lo va. Chu chu remchangah lain, lal dangten Tuahzawl chu neihsak tumin Bawrsap hnenah an dil fo va; Bawrhsap pawh an ti luhai hle thin. Chung hun laia Bawrsap chu J. Shakespeare (Mizoten ‘Tarmita’ an tih kha) a ni a.
Bawrhsap chuan lal Upate chu Aizawlah a ko khawm a, Hrangvunga chu naupang mai a la nih avangin engmah a zawt lo va, a upate erawhchu hetiang hian thu a zawt a, “Sailianpuia tlang chan hi a thihsan tak hnu hian tuin nge chang se in tih?” tiin. Upate chuan, ” A fapa Hrangvunga hian chang ngei se kan duh, lal dang kan duh lo, Hrangvunga hi naupang mai la ni mahse, a puitlin hun kan nghak mai ang” tiin an chhang a. Bawrhsap chuan thil awmzia a hmuh leh hriatin Sailianpuia lalna tlang, Tuahzawl chu a fapa Hrangvunga hnenah pek a remti ta a. CHu veleh Upate chu an lawm em em a, hlim takin Tuahzawlah an kir leh ta a ni.
Hrangvunga chu 1902-ah kum 15 a lo tlin chuan rorelna chu a kuta hlan a ni ta a. Heng hun lai hian lo neih tur ram tha zuanin hmun hrang hrangah an pem thin a; Hrangvunga te pawh chu Tuahzawlah awm reng lovin, kum 1901 khan Chhippuiah (West Phaileng bul) an insawn a. Mahse Chhippuiah hian rei awm lovin, Serhmunah an insawn leh a, a tlangval hun chhung reilote chu heng khaw hnihah te hian a hmang deuh ber a ni.
Tichuan, kum 17 a lo tlin chuan tlangval Hrangvunga Sailo chuan Serhmun nula hmeltha tam tak zuankanin Sesawng lal Tlira fanu, Hmingliani Sailo chu 1904 khan nupuiah a nei ta a. A kum leh 1905 chuan Bunghmunah kaiin, 1906 khan Kristianah a inpe ta a. Hrangvunga Kristian a inpek hun lai hi Mizoram Chanchintha luh atanga a kum 12-na a ni a, harhna thlen tan kum a ni bawk.
A nupui, Hmingliani Sailo chu an thlang fuhin nu fel tak a lo ni a, khua leh tuite pawhin an ngaina em em a; fa pawh sawm lai a hrinsak a ni. Hrangvunga Sailo tupa, Pu J.Lalthangliana (Ex-Minister, Mizoram) chuan, “Miten ka pu ropuina an sawi ka hriat apianga ka rilrua lo lang thin chu, ‘Mi ropuite phenah hmeichhe tha an awm zel’ an lo tih thin angin, ka pi ze-thatna ril tak avang kha a ni” tiin, a pi (Hmingliani Sailo) chu thiam takina chawimawi a ni.
Kum 19 mi chauh, a hun laia la tam berten zu leh sa nen nuam an chen duh hun lai tur leh mipui tam berte hmuhsit, endawn leh nuihzat Kristianah Hrangvunga a inpe ta mai chu a mak hle a, a Upate pawhin an hrethiam thei lo a ni. Hrangvunga’n Lal leh Chhandamtu atana Lal Isua chu pawma Kristiana a inpek hun lai hi Zoram Kristiante an la khawhar leh baihvai em em lai a ni. Hrangvunga Kristiana a inpek hnu hian Mizo pi pute puithuna (atthlak) serh leh sang leh thianglova an ngaih chi reng rengte chu dovin a chhin ngam zel a.
Chuti ang thil a ti lai chu a upate leh miten an hmuhin an lal chu thi ngei turah ngaiin an lo lungngai thin a. A ni lah chuan “heng thil ka tih avang hian ka thi hauh lovang. pathian hun ruatah chauh ka thi zawk ang,” a tihsan mai thin. A sawi ang ngeia thih tak si lohavangin mi tam takin Hrangvunga Pathian chu ring vein Kristianah an in pek phah hlauh zawk thin a ni. Hrangvunga chu Mizo lalte Kristian hmasa ber pawl a nih avangin Zosapte leh Bawrhsap ngeite paw’n an lawmin an duhsak hle a ni.
Kristian a lo nih chinah chuan a rilru putzia leh a nun dan a inthlak nasa hle a, Pathian duh zawng nia a hriatte chu a takin a hlen nghal mai zel thin. Tum khat chu 1908 kum tawp lamah khan thih ngamin a dam lo hlauh mai a; pi puten thianglova an ngaih a tihluih avang ni ngeia ngaiin mi tam takin thi turin an ring a. Aizawlah mi tirin, Medical Missionary, Dr. Peter Fraser-a an han ko va; Dr. Fraser-a chu Bunghmunah kalin a enkawl a, a lo dam tha leh ta a.
Mizorama bawih chhuah tura nasa taka beia, bawrhsap H.W.G. Cole (Kawlsap) meuh pawh khing hiala a tawpa hnehna changtu, Dr. Fraser leh Hrangvunga chu fianrialah khun taka inbiain engemaw an sawi dun a. Chuta chin reilote, 1908 kum tawp lam atang khan Hrangvunga chuan a bawih kawlte chu a chhuah tan ta mai a, 1909-ah chuan a chhuah zo ta vek mai a ni.
(A sei lutuk dawn tlat, duh tawk hrih mai ang)
Source – Rengpui Ramthim Su-engtu Krista Pasalthate
Similar Posts:
- 1912 A MIZO LAL TE LEH HNAMCHAWM ZINGA A BER KAI TE
- Sailo: Lusei nge Paite?
- Bawih chhuah chungchang
- Thian chhan thih ngam, Mizo pasaltha te!
- Tu Ber Nge Lal Isua Hmu Tura Lo Kal?
January 11th, 2012 at 9:43 pm
Tha hle mai..Good post.
Report this comment
January 11th, 2012 at 9:45 pm
1st tum vei nen o mobile tang chuan ran ahar nih hi
Report this comment
January 11th, 2012 at 9:46 pm
A ngaihnawm ngei mai a. Kum 1908 vel a Pi-pu ten thianglo an tih tilui sak sak ngam chu ava han ngaihsanawmin a Rinna a va Ropui em. Tin, a fing hle tih pawh a hriat e. Post tha lutuk a ni e.
Report this comment
January 11th, 2012 at 9:47 pm
Hriatloh kan hriatbelh leh ta. Good post
Report this comment
January 11th, 2012 at 9:52 pm
Bengvar thlak e.
Report this comment
January 11th, 2012 at 9:54 pm
a ngaihnawm hle mai…hun kal tawh hriatbelhna min pe
Report this comment
January 11th, 2012 at 9:59 pm
Mizo te aia hnam lian zawk te pawhin “Kan Ram” tih a sawi tur an neih ve loh laia keinin ‘ka ram, MIZORAM’ tih tur min pek avang hian Sailo Lal te chungah hian ka van lawm thin tak em!!
Report this comment
January 11th, 2012 at 9:59 pm
A bengvar thlak e.
Kan nau Ngurhluna Sailo, Darlawn lal tupa nen pawh an inan veng vung khi mawle
chhangteval #7 Mizoram chhungah Sailo chauh an lallo ania. Ziakmi te’n Sailo lal an chhui fal fo avang hian Mizoram lalte kha Sailo deuh hlir emaw tih pawh a awl ngawt ta ve’ng.
Report this comment
January 11th, 2012 at 10:04 pm
Hrangvunga pian kum leh Hrangvunga pa thih kum khi tih sual nge aw te ka lo ti mai mai a
post tha tak a ni reng reng e(Y)
Report this comment
January 11th, 2012 at 10:04 pm
Pu Hv, U Ngurhluna Sailo i sawi khi ka hreve tlat. A fel roh khawp, rilru zau deuh a nia. A pa te unau hi 23 an ni awm e. Zion-a te tihloh ah chuan unau tam ber pawl an ni lo maw ka ti.
Report this comment
January 11th, 2012 at 10:10 pm
hriat ngai loh kan hriat belh tlat Good Post
Report this comment
January 11th, 2012 at 10:21 pm
sheldon #10 Zemabawk biakin thlangah khan nupui a neih thin kha mawle…la innei turah ka ngai. hairehai
Apa te unau zat ka hrelo tlat. Api te unau zat chu ka hria. 14 annia a hmeltha ber a tet laiin a thi a, 13 an dam thung. An unau chu Kolasib lal, Ratu lal, Darlawn lal, Hmar Chaltlang (N.Chaltlang) lal te anni hlawm.
Report this comment
January 11th, 2012 at 10:25 pm
Ngaihnawm hle mai. I sawrs lehkhabu hi lei ve tur a nih hi
Report this comment
January 11th, 2012 at 10:28 pm
Ngaihnawm ti takin ka chhiar chhuak a, hriatloh ka hriat belh leh ta.. Post hlu tak anih hi. Pathian ring hmasa leh ring tlattu ani hi a ropui e.
Report this comment
January 11th, 2012 at 10:39 pm
Ngaihnawm ltk. Ka khamlo
Report this comment
January 11th, 2012 at 10:48 pm
Ngaihnawm khups mai. Bengvarthlak bawk e.
Report this comment
January 11th, 2012 at 10:52 pm
Chhiar a nuam ve hrim hrim e. Kristianna atana a thawh hlawkna em em erawh ka hmu lo. Nu leh pa neilo ang anih vangin Kristianna pawh hian a hneh hma ani mai thei. A hming hi a pa khawp mai.
Report this comment
January 11th, 2012 at 11:04 pm
Lal chanchin ani tho bawk a, Mizo nilo mahse, OT em em lutuklo turah inngai ila hairehai
En teh ule:
Jowai Prince
https://www.youtube.com/watch?v.....e=youtu.be
Report this comment
January 11th, 2012 at 11:14 pm
sheldon #18 video khi uluk takin han thlir teh khai hairehai
Chunglam a midum mit an la tilang hram khi
Report this comment
January 11th, 2012 at 11:14 pm
Dochhungi erawh chuan, “Ka u, min ngaihtuah suh, darin ka char tawh e” tiin a chhang a ni
Dara char hi eng tihna?
Report this comment
January 11th, 2012 at 11:24 pm
@Pu Hv, an lukhum te chu a va hairehai ve. Video ka en hlei thei lo, net a muang lutuk.
Report this comment
January 11th, 2012 at 11:30 pm
Kum in ziak khi a dik thei lo. 1887 ah Hrangvunga a piang a, Kum 1883 ah Hrangvunga pa a thi a. A thih kum hi a dik lo a ang khawp mai a
1889 emaw 1890 emaw a thi niawm zawk tak ani.
Report this comment
January 11th, 2012 at 11:34 pm
Kawnga #20 “midang tan ka in phal love,” a tihna anih hmel.
Lungphun a “RAJA” khi ka ngaimawh mang e a.
Report this comment
January 11th, 2012 at 11:37 pm
Dara char hi keipoh ka hre tlat lo.. eng tih na nge a?
Report this comment
January 11th, 2012 at 11:40 pm
@HV, chutiang lam chu a nih ka ring tho a, mahse, a tawngkam khi ka vawikhat hriatna a nia.. Nalh reuh tlat!
Report this comment
January 11th, 2012 at 11:41 pm
‘A Char’ tihlai pawh chu inva ngaimawh, in mitthla ani maw..Eeeh..
Ka U Pasal dang ka neilo ang, ka fate midang kuta an awm leh an fahrah tur chu ka phallo.. Ka enkawl seilian ang atihna anih hmel.
Report this comment
January 11th, 2012 at 11:43 pm
Keipawh nalh kati, nula ho kha Pasal neih hma chu Dara char vek tur
Report this comment
January 11th, 2012 at 11:49 pm
Jowai Prince.. haha
What is your favorite book?
Ans : English
Report this comment
January 11th, 2012 at 11:50 pm
#27
Report this comment
January 11th, 2012 at 11:53 pm
A ngaihnawm hle mai…kan History hi kan hre lo tlang hle in a hriat bawk
Report this comment
January 11th, 2012 at 11:54 pm
Banner khii !!
Report this comment
January 12th, 2012 at 12:06 am
Midum chhip them te takte anla tilang hram mawle
Kawnga ilo fav’ book ve ang e aw hairehai
Report this comment
January 12th, 2012 at 12:26 am
Banner ah an ron update zel Admin ho an ti tha e. Khipa khi an va delete hreh em em!!
Report this comment
January 12th, 2012 at 12:32 am
A ngaihnawmna phenah a hlutna ka hmu e. Ka’n save keuh teh ang.
Report this comment
January 12th, 2012 at 12:37 am
Le Derp cartoon ho hi ka hmu Sandman vek tawh…
Report this comment
January 12th, 2012 at 12:46 am
Ngaihnawm hle mai. Mizo lal hmasate chanchin hi han chhiar han chhiar chuan an lo ngaihsanawm thei khawp mai. (A ropui deuh hlek chin te hi an chanchin kan chhiar phâk te an ni bawk a).
Report this comment
January 12th, 2012 at 12:56 am
1911 ah Bunghmun (Mzr)atangin phuldungsei Tripura ah khaw en pah in upa thenkhat nen an chhuk a, a nawlpui a an pem tak cu 1912 ah,Tripura a chhanchin tha meichher chi eng tu pawimawh tak ani, Reng lal nen inkungkaihna tha tak neiin ‘Raja’ title hi a pe ani, chu ta tang chuan Raja Hrangvunga tia hriat lar a nita ani.
Report this comment
January 12th, 2012 at 1:49 am
A ngaihnawm hle mai. Lal Hrangvunga chanchin hi ka hre tam lo angreng. A bengvarthlak. Lal dangte pawh kristian-a an inpek ngam loh lai leh ringtu an la tam loh laia kristian-a a inpe ngam ngat hi a huaisenthlak ka ti thlawt.
Report this comment
January 12th, 2012 at 5:52 am
Mizo lal ho chanchin vel hi a ngaihnawm ka ti khawp mai, lehkhabu hi ka chhiar hranpa peih si lo a, hetiang a in lo post thin hi a manhla e.
Report this comment
January 13th, 2012 at 8:21 pm
a ngaihnawm hle mai
a bengvarthlak thin e .
Report this comment
May 4th, 2014 at 4:04 am
A kum (year) tih loh khi kan chhiar nawn leh sak. A la ngaihnawm reng fo! Hairehai
Report this comment